كلمات الأغاني السودانية

[waya]

اسمعنا مرة

فرفور

اسمعنا مره اسمعنا مره وحاتنا عندك اسمعنا مره
الدنيا تبقى مافيها مره
والكون يلالي بهجه ومسره
حن في عمرنا كايسنو مره
وان قلت لا لا هم واستمره
ـــــــــــــــــــــــــــــــــــــــــــــ
ان درنا نشكي وين نشكي ليكا
وين نلقى دنيا تجمعنا بيكا
كنت بتجينا ياحليل مجيكا
وان ضاع عمرنا محسوب عليكا
ـــــــــــــــــــــــــــــــــــــــــــــ
انت البتنهي وانت البتأمر
ان قلت نشقى نشقى وان قلت نصبر
زي الفراشه في سمانا تخطر
نادر وجودك في الدنيا يندر
ـــــــــــــــــــــــــــــــــــــــــــــ
نحن المشاعر جنات حبيبه
بسمتنا راحه وعالمنا طيبه
دايرين عيونك تصبح قريبه
شان كل حلوه في الكون نجيبا

[spanisheyes]

waya
فعلا فكرة جميلة في كتير من الاغاني السودانية
بعض كلماتها ما واضحة بالزات بالنسبة لينا نحنا الما
عشنا في السودان بلقي صعوبة في فهم بعض الكلمات او معرفتها
والبوست دا بصراحة حيساعد كتير في معرفة كلمات الاغاني الما
واضحة شكرا يا مبدع علي الفكرة الرائعة

[spanisheyes]

طه سليمان ,,

قلبي البحب

قلبي البحب ياريتو ما
عرف الدرب ياريتو لا
جرب هواك لا اتشابا
ليك ولا تعب

~* ~*

كان فاكر انك مختلف
عمر الشقا وعندك وقف
ما قايلو نبع الريد بجف
وتتناسي للريد والولف


~* ~*

قلبي اللي قال داير يتوب
اغريتو بالوعد الكذوب
خليتو في ريدك يدوب
وتشبعت بيهو الدروب

~* ~*

قلبي اللي قال خلا الغرام
عيشني في راحة وسلام
ليه بي دروبك تاني هام
ورجعني للهم والوئام

~* ~*

قلبي اللي كان خلا الهوي
اضعفتو تاني بعد قوي
قربتو واخترته النوي
وكيف تمسك الدربين سوي

[spanisheyes]

انا ضايع

لابعدك بفرحني لا قربك بيريحني
في الحالتين انا ضايع وما لاقي
البينصفني

~* ~*
اقول انساك افوت لي دنيا ما
دنياي يسرح قلبي في ذكراك
تاني الشوق يرجعني اتعب
واشقي برضي معاك في
الحالتين انا ضايع وما لاقي
البينصفني
~* ~*
سنين والحزن ماليني لمن قلتا
انسي هواك اشوف غيرك ينسيني
لقيتك انت زاد دربي لقيتك انت في
قلبي بعدك ما بفرحني قربك ما
بريحني في الحالتين انا ضايع وما
لاقي البينصفني

~* ~*
اتخاصمنا كم مرة اتراجعنا كم مرة
اتعاهدنا ننسي الفات نطوي الماضي
في صفحات صفحة جديدة ما تخلص
ترجع تاني تجهلني لابعدك بفرحني
لا قربك بريحني في الحالتين انا ضايع
مالاقي البينصفي

[فتى السقاي]

والله مشاركة زكية يا واياوالله يديك العافية. اتقبل مروري.
ندى عزاز علينا:


عُزاز علينا شالوا نوم عينينا
فراقه جبرى ولا لا ما بى إيدينا

دوام بطراه وهم بلسم جراحى
متين يا الله يجيب دمعى و نواحى

دوام بطراه وهم بلسم جراحى
متين يا الله يجيب دمعى و نواحى

يعود حبيبى تعود معاه أفراحى
يتلاشى ريدى يهل يشرق صباحى

عُزاز علينا شالوا نوم عينينا
فراقه جبرى حاشا ما بى إيدينا

وهو منانا كان للعهود صاين
اسيبه لا لا أبداً على ما هاين

ترك ديارنا رحل سافر مداين
يا الله كيف حاله أنا حالى ظاهر و باين

عُزاز علينا شالوا نوم عينينا
فراقه جبرى لا لا ما بى إيدينا

وهو منانا كان للعهود صاين
اسيبه لا لا أبداً على ما هاين

وهو منانا كان للعهود صاين
اسيبه لا لا أبداً على ما هاين

ترك ديارنا رحل سافر مداين
يا الله كيف حاله أنا حالى ظاهر و باين

عُزاز علينا شالوا نوم عينينا
فراقه جبرى لا لا ما بى إيدينا

ودادنا ليه وهو للوداد نافى
يتابع ظنه يجيب زعله من مافى

ودادنا ليه وهو للوداد نافى
يتابع ظنه يجيب زعله من مافى

متين يازهرى تلين ولى تصافى
يعود حبيبى اللك حير أوصافى

عُزاز علينا شالوا نوم عينينا
فراقه جبرى لا لا ما بى إيدينا

[أبو أحمد]

والله يا وايا يا رائع دى فكرة مجنونة
عديل كدة ..

[spanisheyes]

بفرح بيها

بفرح بيها ..بفرح بيها
البنيه الهاجده في احضان خواطري ..البشتهيها
بفرح بيها .. بفرح بيها
البنيه اللامست ايد السعاده..وضجت الاشواق عليها


~* ~*

الحبيبه .. الايقظت
نبض الحروف .. في قلوب صدر الكلام
القريبه .. الزي لي
في عيونها برتاح الهيام
دي الشوقها نص الليل بصحي
غامض الغمضه وجليها
وبفرح بيها

~* ~*

ليها بتحن القوافي ... فيها تندس المرافي
الجمال الشايفو فيها
في رحاب دنيتنا مافي
جايه من فووووووق البنيه
ولامست إيد السعاده .. وضجت الأشواق عليها
بفرح بيها .. بفرح بيها

[waya]

حاجه امنه

غناء عقد الجلاد

حاجه امنه اتصبرى عارف الوجع في الجوف شديد

عارفك كمان ما بتقدرى

جاهلك شكى وجاهلك بكي

في بيتك المرق اتكي
والشي البحيِّــر وما بحيِّــر

مابيه ياحاجه الزكاة

طلع الصباح لو ليك مراد
ياحاجه ما تطلع شمس
والليله عندك زى امس

لسه الرويدى مع الصباح
يا حاجه ماجاب ليك خبر
كان جوفو زى جوف العيال

من مده داير ليه حجر
والله على الزمن الحجر
المابي بالصبر اتكرى

ومشيتي لي برج الحمام
برجك صفيحتين ما بزيد
ومشيتي لي برج الحمام
كان تلقي ليك جوزاً جديد
يمكن بعد طلع الصباح
يغشاكي زولاً يشترى

هبشتي جاى فتشتي جاى
كان تلقي سكر بس محال
باقى الرطيل الفي الكرت

ياحاجه سفوه العيال
ياحليل زمان وسنين زمان
ياحاجه لو تتذكرى

وسمعتي صوت جاك من بعيد وبعد قليل بابك ضرب
وسمعتي صوت جاك من بعيد شالك تعب ختاك تعب

ياحاجه ناس المويه جوك.. اصلو الشهر روح جرى

بعد صراع وصراع طويل
ياحاجه بينك والمحال
مالقيتي في داك النهار
شيتا يجو و ياكلو العيال
حبة عدس مابسوى شي
وينو البصل وينو اللحم
حبة عجين مابسوى شي
وينو الدقيق وينو الفحم
من جاى لجاى فتشتي جاى هبشتي جاى
لازمك كتير تتقدرى
ويا حاجه امنه اتصبري

[waya]

عيناك

غناء عقد الجلاد

عيناك لى سقيا وحلاوة اللقيا
ان غابت الاصحاب وتركت مقهورا
عارٍ بلا انخاب
اتلصص السقيا من فارغ الاكواب
عيناك
قلبي عليك يمور يا قارب البلور
من لحنك المكسور
الكف صار عليل
لا يرسم اللوحات ولا يحمل الازميل
ان غابت الاصحاب
وتركت مقهورا عارا بلا انخاب
اتلصص السقيا من فارغ الاكواب
عيناك ......
عيناك ........

[waya]

الأهليـــــــــــــة

غناء عقد الجلاد

الأهلية كملت يا حبيب راحت
يا حليل شمس المحنة الغرَّبت طاحت

بسم الله إبتديت متل البرق لاحت
في الشين والفسل بقينا نتباحت
طال الكان قصيِّر والعالي إتاحت
والصولات حليلِن مَلَكَتِنْ راحت

مالك يا زمان شبَّعتنا هوله
لبَّست الناس تياباً حاشا مِي هولا
يات من كان يجي دمَّاعو مبهوله
والــ لله راحت لقت البواجهوله

مالك يا زمان شبَّعتنا وِح ووحيح
صِح الدون كِضِب .. كِضْب العوالي صحيح
يات من كان أنا جعلتو ليَّ صليح
عقرب حزَّ ليَّ يا نفسي زين ومليح

في حِوال الزمن صار الفِكِر حاير
والياباك خلُّو عندو شِن داير
فوق أهل الفِكِر كاس الوحيح داير
لفت سوق النفاق سوق السمِح باير

تُب الشباب إن بقى كوَّاس
تُب الصبي إن قطع المروة خلاص
تُب الشايب إن بقى وسواس
تُب الأقربين الإتفاتتو الأنفاس

[waya]

يا مشاوير المحبة
غناء عقد الجلاد

الكلمة تقلت
والخطيوات الندية
الغيمة الشالت
شالت دمعة مرة
غرَّقت أناتها أرواحنا الوفية
الصدق أصبح في عيون الناس مظنة
الصدق أصبح فينا كلمات هامشية
والحقيقة بقت مَـخافة
وانزوت في عمق أعماقنا الخفية
ويا مشاوير ضيعيني
وشتتي الزاد يا المشاوير الشقية
توهي النور بدديهو
خلى إظلامِـك يغيِّب كل لحظة فرحة فيَّ
بكي إحساسي الحنيِّن
دردريني وودريني وأصلي ليكِ أنا ماني هيِّن
وكل نهاية تكون بداية
وكل وجعة تفرهد الإحساس جوايا
وأبقى عايش للعوينات الوفية
وأبقى عايش كل لحظة نور هنية

[waya]

أفكر فيهو وأتامل

أفكر فيه وأتأمل
أراه إتجلى وإتجمل
هلالى الهل واتكمل
تفاصيل قولى والمجمل
سأصبر ياخى إيه أعمل
إذا قلب الفتى إتحمل
مصايب الدهر وآلامه
أرى الصبر الجميل أجمل
حديثى ودمعى إتسلسل
فصول فى رواية تتمثل
أبين فى مواقف أستبسل
وعند رؤيا الحبيب حالاً
أبين فى مواقف أتوسل
هواه بجسمى إتخلل
مجارى الدم إذا إتحلل
وقيع لى رضاه إتذلل
وما هماه يا سيدى
دا واحد أصلو بتدلل
ترك أفكارى تتضلل
وعذرو البيهو يتعلل
فما شرع الهوى حلل
لقانا نهار
ولا فى الليل اذا أليل
صريح قانون هواك خول
هلاكى وقلبى ما تحول
حقيقة وليس تتأول
صريع لحظات سيوف لحظك
وحالى ان شفتو تتهول
تذكر عهدنا الأول
صحى الأيام بتتدول
قريب يوم داك ما طول
مضت لحظات ويا حليلها
بقت أحلام وتتأول

[waya]

اقيس محاسنك بمن


اقيس محاسنك بمن
يالدر الماليك تمن
نور عينى نور الزمن
ماشفنا فى طول الزمن
سواك بدر فى داخل كمن
الانوار يتزاحمن
فى خدودك اخد امن
ومن فاهك يتبسمن
بروق فى بروق يتقسمن
دى الدنيا ام جنة عدن
شفنا ملاك لابس بدن
انسان لكن مفردا
حاز النور حاز اللدن
غصنة مهفهف املدا
وهيبة اسد فى عيون شدن
يالجبره الماكله العجن
جبينك زي فلخ الدجن
وجسمك بالطيب انعجن
اذا النسمااات بيك عرجن
طبقات الجو يتارجحن
والانفس يتهيجن
انتى نرجس من الوسن
لعيونها الاعين جسن
وان اية الحسن الاسن
وغصون الروض يتمايسن

[waya]

مع السلامة ..وما تنسي لي ترسلي..
يسعدني إنك تذكريني وعني دايماً تسألي..

إتزكري الريدة الكتبنا حروفا بي أجمل وفا..
وأطري الحنان المني ليك ساعة جفا وساعة صفا ..
وإتزكري الريدة الزماااااااااااان بيناتنا أطري المعرفة ..

بوصيك انا لو أنتبهتي في يوم لي ذاتك ..
وسألتي عن الما أنقضي ..
ولقيتي في جواي أوصافي وصفاتك ..
أنا لسة ما سكت النغم في قلبي من فيض أغنياتك ..

علي أي حال إنشاء الله ما أخر وداع ..
عشم اللقاء بيك ما أنقضي لو مستطاع ..
أصلو الحياة بين الأمل والشوق صراع ..
لكني زورق حبي ليك يا غالية ما داير شراع

[waya]

حبيبة عمرى


رائعة الحسين الحسن

حبيبة عمرى تفشى الخبر وذاع وعم القرى والحضر
وكنت اقمت عليه الحصون وخباته من فضول البشر
صنعت له من فؤادى المهاد ووسدته كبدى المنفطر
ومن نور عينى نسجت الدثار ووشيته بنفيس الدرر
ومن حوله كم شبكت الضلوع فنام غريرا شديد الحفر
وقدكنت اعلم ان العيون تقول الكثير المثير الخطرفعلمتها كيف تخفى الحنين توارية خلف ستار الحذر
فما همسته لاذن النسيم ولا وشوشته لضوء القمر
ولكن برغمى تفشى الخبر
ففى ذات يوم عليل النسيم كثير االغيوم قصير العمر
ذكرت مكانا عزيزا علىء وانت به وانا و الاخر
ذكرت حديسك ذاك الخجول وصوتك ينساب منه الخطر
تقولين ماذا؟ تقولي،!! ويحى وهل كنت افهم حرفا يمر
فصوتك كان يهدهد روحى ويحملنى بجناح اغر
يحلق بى حيث لا امنيات تخيب ولا كائنات تمر
وهومت حتى تبدى امامى ظلام رهيب كفيف البصر
وقفت عليه ادق الجدار فما لانا هونا ولم ينشطر
وعدت تذكرت ان هواكى حرام على قلبى المنكسر

[waya]

ده ما سلامك

مجذوب أونسه

ده مـا سـلامك ولا الكـلام الكان زمان هسع كلامك
ولا يـعـنى نويت تسيبنا وفى الخريف تحرم غمامك

جيــنا بـعـــد الـفـرقـة نـســأل قـلنا نلقى محنه عندك
نحكى ليك عـن ليل شقانا وعن متاهات نجمو بعدك
نـحـن سـالــمــنــاك بـطـيـبـة وياما بكت عيونا ردك
ولـيــه زمـان أديـتـنا ريده وجيت حرمتنا تانى ودك
وقـلـبـنـا الـجـرحـتــا خاطرو برضو ما قادر ملامك

كـنـا قـايــلــيــن بــى ورانــا إنـت زيــنا طارى ديمه
وكـنـا قـايـلـيــن نـحـن عـنـدك زى عـيونك لينا قيمه
قـلــنـا تـتـلــقـــانــا إنـت والــزهــور تـحـضن نسيمه
إلا ريــدك تــاري روّح وعــدي فـات زي كل غيمه
جـيـــنا لـيــك بـالإبـتـســامـة إلا مـا لـقـيــنـا ابتسامك

جـيـــنا شـايــلـيـن لـيك فرحنا كان عشمنا تزيدو حبه
تطرى ناس فاقدين عيونك وبي وراك ما خلوا غربه
قـلـنــا نـنـسـى تـعـب سـفــرنـا بـى لـيالى معاك أحبه
جـيـــنا مـا لـقـيــنـا فـى عــونك ذكرى ساكت للمحبه
شـلـنــا شـوقـنــا رجـعــنا بيهـو ما ندمنا على سلامك

[spanisheyes]

حـــلـــو الــعــيـون

كـلـمني يــا حـلو الـعيون
حـيـرني صـمتك يـا حـنون
ارقـنـي سـهـرني الـلـيالي
غـرقـني فـي بـحر الـظنون

~* ~*

ويــن الـعـبارات الـجـميلة
ورنــة الـحـب والـجمال
ويـنـن مـشـاوير الـعصاري
والـخـطى الـفوق الـرمال
ومـنظر الـنيل فـي الـغروب
يـنـادي لـيـكا يـقول تـعال
~* ~*

صـدقـني مـا بـحمل بـراك
مـا عـندي قـدرة علي الظنون
كـلـمني خــت الـلوم عـلي
بـرضى بـالكائن يـكون

~* ~*
انا بفرق كتير وبتحسب كل يوم يمر
بفرق كتير طعم الحلو لو يبقى مر
وتـفـوت ومـا تـرد الـسلام‏
وتـسيبني فـي وسـط الـزحام
لـو بـس تـخت الـلوم عـلي
أنـا بـرضى بـالكائن يـكون
كـلـمني يــا حـلو الـعيون

[spanisheyes]

حبيبي انا عيان

مالو لو في بعض الاحيان
تسمح لي صحوا اراك عيان
زورني يا حبيبي انا عيان
تاخد يا حبيب عن حالي بيان
عسي تبقي قلوبنا في الغرام سيان
زورني يا حبيبي انا عيان
في الطيف او في الصحيان
زورني يا حبيبي انا عيان

~* ~*

يالفريد في حسنك وبهجة ام درمان
لي من شوفتك يا حبيبي زمان
زورني يا حبيبي انا عيان
ديمة اساهر ونوم عيني حرمان
وانت بينك دابت في نعيم وامان
زورني يا حبيبي انا عيان

~* ~*

ديمة اساهر لي صيحة الاذان
اناجي خيال اشعاري والنجم والاوزان
زورني يا حبيبي انا عيان
انت وين بحسنك وطنا مزان
امتي تظهر تكشف عني الاحزان
يا حبيبي انا عيان

[spanisheyes]

يا رائـــع

يارائع جفيتني
وانا ضايع تعال لي

~* ~*
الخدو لال تعال لي
دقايق قلال تعال
معنى الدلال تعال لي
والحب حلال تعال لي

~* ~*
ناير الخدود تعال لي
سيب الصدود تعال لي
خلّيك ودود تعال لي
بجيك في الحدود تعال لي

~* ~*
الما شاف صروح تعال لي
أشفي الجروح تعال لي
أنا لي روح تعال لي
قبّـــال تروح تعال لي

~* ~*
منعني الجوى تعال لي
وشوفتك دوا تعال لي
عارف الهوى تعال لي
الأرواح سوا تعال لي
~* ~*

الفي الشروق تعال لي
أنا ما بروق تعال لي
أنا ما بروق تعال لي
وبس من بروق تعال لي

~* ~*
يا مزدهر تعال لي
زينة الدهر تعال لي
في شاطي النهر تعال لي
نعدّي البحر تعال لي

~* ~*
ظبي الحقول تعال لي
وسوّي الأصول تعال لي
زين الفصول تعال لي
يا الزرتا الرسول تعال لي

[spanisheyes]

اسرني يا مياس

اسرني يا مياس احساس جميل زيك
مالقيت في دنيا الناس ساكت شبه زيك

~* ~*

ما تشوفي يا نظرات كيف القوام مياس
جمعت بناتنا صلات زاد الشعور ابعاد
اسرني يا مياس احساس جميل زيك
مالقيت في دنيا الناس ساكت شبه زيك

~* ~*

لما الكلام اتقال في غناوي زي موال
ياشوق سنيني الطال شايلك بشارة فال
خايف السنين ترحل ما اصلو العمر رحال
اسرني يا مياس احساس جميل زيك