منتدى أنا سوداني

في رأيي الشخصي أن الأعلام هو السبب الرئيسي وراء جري البنات وراء كريمات التفتيح ، لأن الاعلام لا يعطي أهمية للبنت داكنة البشرة ، فقط منبهر بالبنت فاتحة البشرة ، ومن ثم يأتي الرجل السوداني الذي يفضل أن يرتبط بالبنت الفاتحة ، علشان يحسن النسل وهذا طبعا خطأ ،" لكن تقول لمنو" ،

لذى أتمنى من القنوات السودانية توظيف البنات ذوات البشرة الداكنة للحد من ظاهرة الكريمات التي لن تأتي للبنات سوى بالأمراض الجلدية ،،علينا أن نجعل البنت الداكنة تفخر بلونها الذي لم تختاره هي ,,
شكرا على الموضوع الرائع وآسفة لأني خرجت عن الموضوع الأساسي وهو الحجاب ولي عودة...

شكرا جزيلا لكل المشاركين وارائكم اكتر من رائعة

اولا لم يكن الحجاب يوماً سائد الشارع السوداني ولكن رغم
ذلك كان الشااارع اخر انضبااط وبصراحة شديدة جدا هذا
الانفلات الاخلاقي حدث خلال الثمانية اعوام السابقة نتيجة لمتغيرات
الحرااااك السياسي والاجتماعي والاقتصاااادي التي حدثت
في السودان خاصة بعد اتفاقيات السلام والتي تطلبت الكثير
من التنازلات السياسية والاجتماعية للوصول الي بر السلام
من هنا بداء الانفلات الاخلاقي رغم وجود الكثير من القابضين
علي الاخلاق والدين , التحية لرفعتي في ديني الموضوع
جميل .

شباب سلام عليكم ..
صراحة الاعلام الانترنتي تحديدآ .. عامل هجوم شديد علي بنات الخرطوم
لية فترة طويلة من الزمنـ ..
ودة ما اول بوست يتكلم عن بنات الخرطوم حتي فى كتب طلعت بالاسم دة ....!!
وكانت بتحكي عن ذكريات وسلوك عام وخاصـ ..وحياة كاملة ..

العايز اقولو ..

العايز يشوف الحاجة الشينة
حياتو كلها حشوف الشين وبس .. وبنات الخرطوم بريئات من الاتهامات الغريبة دى ...!!

مساحيق التجميل عمومآ حتي المحجبات بيتعاملن بيها
ودة شي اصبح عالم مراة وخاص بيها .. ما بنتناقش فية ولا موضعنا نحن الرجالـ
بما يختص بموضوع الحجاب والسترة والفضيحة والخ

ما افتكر ان الخرطوم كانت تاريخيآ منطقة اسلامية او منغقة انغلاق تام
كل الحضور يتابع صور عرس زمااااااااانـ .. شوفو الاسكرت لحدي وين .. معليش يعني
لكن طالما فى هجوم الناس تراجع نفسها وتشوف التاريخ للظاهرة دى ..
وديك كانو بنات ( ناااااااااااس عدييييييييل ) ومحترمات عديييييييل ..
لكن فى حاجة اسمها ( موضة ) وفى حاجة اسمها ( عادة ) العادة بتتغير من زمن لى زمن
ومن شخص لى اخر .. اما التقليد فهو شي تراثي وشي ثابت زى التوب السوداني ..
ويتبع طوالي سؤال ... هل التوب السوداني ..... ساتر لعورة المرأة .. او غير جازب او ما مثير مثلآ ... !!؟

عشان الناس ما تتكلم عن الحجاب او ظواهر البنات فى الشاعر
دي نسب محدودة جدا فى كل العالم فى السعودية موجودة فى كل الدول .. ولكل قاعدة شواذ
لكن العايز يشوف الشين بالتأكيد حيعمم الظاهرة علي الكلـ ..

هسه البت المسكينة الحافظة نفسها ومحجبة وساكنة الخرطوم
ذنبها شنو .. بى اسم البوست بتاعك دة .. !! ؟
لي تقولي بنات الخرطوم .. لي التعميم ؟؟
هي ذنبها شنو .. مع العلم انهم كتااااااااار حايماتـ ..

لكن زى ما قلت ليك العايز يشوف الشين .. بشوف كل شي شين ..
ودى مشكلتنا فى التنظير .......!!


عموما

لكل مجتمع سلبيات بالتالي
عملية التغير ما بتكون بالنقد الهدام او الهجوم المباغت
بإمكانك تقترحي حل لعلاج الازمة.. لكن ما بتقترحي الازمة عشان نتفرج فيها
ولا بتعمميها ..... عشان الناس تحصر نفسها ...



موضوع صراحة اخد وقت طويل فى اروقة المنتدياتـ
وماخد طابع سلبي جدا .. ما اتمنى ان البوست يضيع ساي فى نقاش ازمة وازمة وكل واحد يقول
انا شفت ومتذكر وكانت لابسة .. وحاجات غريبة .. لانو لو بدينا فى سرد القصص
كل واحد عندو عشرة قصص العشرة قصص فى 20 عضو بس .. ما حنخلص


ختامآ تحياتي لكل الحضور
واتمني ان ما نصيب اخرين بى ذنب فئة معينة من مجمتعنا ..
فلكل قاعدة شواذ .......!!



تحياتي

الله يعين بس

ناروز كتب:الحبيب بلبل :
الموضوع جميل
وانا بشوف غياب الاهل موجود
والتشبع بالدين الاسلامي اتلاشي
وبعدين في بنات بلبسو من البيت بلبسولبس محتشم بث يصلو
الجامعه يغيرو لبسهم وتكون شايله غياره معاها في شنطتتها المشؤومه
وربنا يصلح الحال وخليك في نفسك وبيتك احسن ليك
زمان اي واحد بتكلم وممكن تصل مرحله الضرب
لكن الان ما تقدر تقول اي شئ تسكت وتعاين بث

الحلم المستحيل كتب:

السؤال المهم فعلا ويــن الأهل

نحنا بنتعلم الصح والخطاء من وين؟؟

اذا كان الواحد زوجتو او بنتو او أختو بتطلع معاه من البيت وهي لابسة ضيق وقصير وهوا راضي !!!

اذا كان الام او الأب بيمشو مع البنت السوق وهي بتشتري الملابس دي ....!!
.
.
.
.
.
.
تبقى الاسرة المربية هي المسؤل الأول