الحاجة مبروكة وخالد شقوري

[اسيرغربتى]

الروعة حبوبة ما اروعك وما اجملك وانتى تسطرى لنا
هذه الدرر التى تزكرنا بماضى جميل هذا تراثنا
كان رائعاً الشاب خالد شقورى فى تصوره وهو من الشعراء الشباب التركو بصمة
واضحة فى خارطة الشعر الشايقى له التحية اينما وجد
نعم لانك تمتعة فى قولك بالبلاغة وقوة الاحساس00000والاصالة

[اسيرغربتى]

الرائعة حبوبة والرائعين اعضاء منتدى انا سودانى

لكم منى حديث من احاديث الشاعر البليغ خالد شقورى

لااااااااااااااا تنجع

يالشايل شمسك فى جواك خليها تبين للناس تطلع
يالنازع فرحة والدة هناك غير حس آهاتك ما بتسمع
****************************************
يالناسى اللبق المفتوحة دى بلا طوريتك مابتقرع
المنجل فى راس التمرة ناسيهو وامك مابتطلع
الكتفة وقعت والحملان فى اللوبى بقت تجرى وترتع
والزير الفى بيت الضيفان حرمان لا نزة ولا نقع
******************************************
يالسبت عقابك وروحت وحيات عز بلدك لا تنجع
الشتلة تقولك لاتنجع ** الواطة تقولك لا تنجع
الحوض المارفعت سرابو ينادى يقولك لا تنجع
الحبل الما تميت وسيرو يهاتى يقولك لاتنجع
والنيل الفى واطاتنا ترع بيقولك ازرع ولا تنجع
**************************************
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ***ويقوم فد مرة ومية يقع
ويقولك يالمبروك ارجع
ولاااااااااااااااااااااتنجع
********************************************
ارجع ارجع يازول ارجع غير ارضك عاد ما بتلقى بطاح
شن داير فى بلدو والناس ما فيهن حاس وما فيها صباح
الليل الويل مليان اتراح ***الويل الليل مليان اتراح
بياع بيقول افراح افراح***ذى البقول تفاح تفاح
*********************************************
مجلوبة الفرحة ومفروشة من ضحك الناس دايرين ارباح
لو كان فى ايدن ملك الكون كان لمو عبير الزهر الفاح
كان حجزو الغيم فى وطاتو وكان آمسكين باعو الارواح
***********************************************
وين تلقى الفرحة وتتهنى فى دار ضيق وما فيهو براح
هم ناس من عين العطشان تخطف ومضات البرق اللاح
سايب اهلك ونخلك راحل قول وين ماشى وين آصاح
الشمس النايرى ابت تطلع النيل يازول اصبح رحراح
الضل قصر ما غتى***** ولداً ساكب عرق الكتاح
الواطة ابت تديك الخير ولا انت عليك ما هابى رياح
**********************************************
قولى وين ماشى ووين قاشى ولى شنو سايب بلد الصلاح
النسمة ان جاتك بتجيك مليانة عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
*********************************************
ارجع ارجع يازول ارجع
لااااااااااااااااااااااا تنجع
الضحكة هناك من جوة الجوف الفرحة هناك ما فيها الخوف
الشقى ارحم فى ضل النيم وبعيد من ناساً واقفه صفوف
جم ناس حبان تلقى المكسور مشيول فى كتاف وااااحد
مكفوووووووف
الجن الاحمر فاقد الحيل فى خلوة حاج الخير مكتوف
دكان الشيخ فوق الواطة كيمان كيمان ما فيهو رفوف

ارجع ارجع يازول ارجع
لااااااااااااااااااااااا تنجع[/size]

[مهاجر في البلد]

كلام جميل جدا