طيب الكلمه دي معناها شنو ؟؟؟؟؟

[عمار جبارة]

ازيكم معليش غبت عنكم شويه
لكن جيت لقيت ليك الجماعة مسطحين كلهم
الحاصل شنو يا السوداني الاصيل
طيب يا جماعة حا اشرح شوية
اولا : كسير الثلج او التلج
في المناسبات دايما ما يكون هناك علية القوم
او الحي ويكون هنا بعض الاشخاص المتملقين
حايمين حولهم وغالبا ما تكون الاجواء ساخنة
في السودان واصحابنا المتملقين ديل يجرو يجبو الموية الباردة
للجماعة علية القوم وبمشو يكسرو الثلج ويزدو الموية برودة
طبعا للتقرب فيقوم الجماعة الاخرون بالتهامز عاين زولك
كسر ليه التلج .
وقعت
ثانيا البوش : البوش يا جماعة للناس البلعبو كتشينة
وبالمناسبة كلمة بوش اطلقها العزابة وكلمة عزابة نطلقها علي العزاب
الساكنين في منزل واحد في الحي ويقال له بيت العزابة ولانهم لديهم فراغ
كبير فمعظم الوقت يكون في لعب الكتشينة فاذا الورق اي ورق الكتشينة لم يكن ورق كارب
يقول ليك بوش اللعبة اي دكها اي اعد الاوراق كلها مع بعض
وقم بشكها ومن هنا اتت تسمية البوش فعندما يكونوا ملمومين حول صحن الفول
والفول قرب يخلص يقولو ليك نبوشا اي يقوموا بتقطيع العيش الباقي وزيادته ماء
وملح وشطه وزيت والذي منه وتصبح بوش
وقعت
بالمناسبة انا عمري ما سكنت مع عزابه بس كانوا جيرانا
وبنلعب معاهم الكتشينة
ونضرب معاهم البوش

[عمار جبارة]

يا حلوين ازيكم
الفرق بين السكين والكزلك والفرامة شنو
والفرق بين الفندك والمدق شنو
والفرق بين يد الفنك والزند شنو
ومع الفندك بنستخدم يد الفندك ولا الزند

بتعرفو البرتال
بالمناسبة البنات حقو يعرفوا اول ناس
لانو الحاجات دي بتخصهم اكتر مننا

[السودانى الاصيل]

يا حلوين ازيكم
الفرق بين السكين والكزلك والفرامة شنو
والفرق بين الفندك والمدق شنو
والفرق بين يد الفنك والزند شنو
ومع الفندك بنستخدم يد الفندك ولا الزند

بتعرفو البرتال
بالمناسبة البنات حقو يعرفوا اول ناس
لانو الحاجات دي بتخصهم اكتر مننا

ههههههههههههههههههههههههه
ياخ دا حرررم زول غيرى ما اعرفو ليك

الا استعينوا بصديق





اقوووووووووول يا عمار:D :

[عمار جبارة]

ههههههههههههههههههههههههه
ياخ دا حرررم زول غيرى ما اعرفو ليك

الا استعينوا بصديق





اقوووووووووول يا عمار:D :

لالالالالالا اوعك
خلي الجماعة كدي
النشوف اخرتم شنو

[ملاك الورد]

يا حلوين ازيكم
الفرق بين السكين والكزلك والفرامة شنو
والفرق بين الفندك والمدق شنو
والفرق بين يد الفنك والزند شنو
ومع الفندك بنستخدم يد الفندك ولا الزند

بتعرفو البرتال
بالمناسبة البنات حقو يعرفوا اول ناس
لانو الحاجات دي بتخصهم اكتر مننا

طيب انا بحاول
السكين سكين للتقطيع و الذبح :D
ما بعرف الكزلك اما الفرامه هي المفرمه البفرموا بيها الحمص عشان يعملوا الطعميه
الفندك و المدق هم عشان يطحنوا الثوم
الفندق زي الكورة و عميق شويه و المدق هو عصا قصيره و ثقيله شويه من الخشب او المعدن و هي تتمسك باليد عشان تهرس الثوم و مرات حن البهارات
اما الزند دا بتاع الرجال و هو يد السكين الخاصه بيه وهي لاظهار القوة والعزة و للتخويف كمان
و مع الفندق بنستعمل يد المدق "يد الفندك"
ها رأيكم شنو

[ملاك الورد]

شكرا ياملاك على لبوست الرائع

تسلمي و شكورة على مرورك الرائع

[مها]

ههههههههههههههههههههههههه
ياخ دا حرررم زول غيرى ما اعرفو ليك

الا استعينوا بصديق





اقوووووووووول يا عمار:D :

تحياتى
شمبات دى لساتا قريه ما اتمدنت نحن حريم التربال والمشلعيب والهبابه والسحاره والشعبه و السعف والحنقوق والطايوق و القرقريبه والسعن والغباشه

[fizzo]

البرلوم يا عزيزى الفاضل

هو مصطلح يطلق على الطالب الجديد فى الجامعه
وبكون ما عارف وين القاعات ولا وين الحمامات ولا المواد
يعنى دايش وما ناقش الراء :D :D ههههههههه

البرلمه : المقلب فى الطالب الجديد
يعنى مثلا انا ومعاى صاحبى

ختينا كراسى فى باب القاعه ودفتر البجى داخل كللومن اخوانا البرالمه ندفعو خمسمية جنيه
ههههههههههههههههههه

لممن جاء المحاضر وكشف الدور وفضل اضحك على المقلب
انا طبعا كنت متخصص برلمه سناير ببرلمن
بس ما لاقى لى محل احكى فيهو

شكراً شكراً..


على التوضيح..

[نهر المحبه]

يا بت بوش دا كان حاكم سنة كم ؟؟؟؟

يا بت دا فى التسعينات
السودان فيهو مجاعه فى التسعينات(1987 _1993 ؟؟؟؟))

بالغتى عدييييييييييييييل كدا:D :D
قصدك الاغاثه الجات للسودان جات من الرئيس الامريكى رونالد ريقان
((من 1981 حتى 1989))

المعلومه رووونق
سووووووووورى

اما المجاعه الكانت فى السودان
كانت عام 1306 هجريه الموافقه 1888 ميلاديه فى ايام حكم المهدى((من1881 حتى 1898))

شكرا ليك يالسوداني الاصيل على المعلومات دي
مانا اصلا سالت السؤال ده وقالو لي المعلومه دي وانا بصراحه ماقتنعت بيها

[المشير عمر البشير]

السلام عليكم
أنا عندي استفسار بسيط عاوز أعرف ليه السودانيين العايشين في السودان بيقلبوا حرف القاف لي غين فــبتبقى غاف دي بتأسر كتير على الغة فمسلا لكلمة القدر بيقولوا الغدر بفتح الغين و الدال و الراء كده معناها بتحول من كلمة قدر لي غدر ودي كلمة تانية خالص عكس الأمانة شفتوا كيف في بعض اللخبطة في اللهجة السودانية و اعزروني ازا غلطت في الاملاء بحاول أتكلم باللهجة السودانية !

[ملاك الورد]

السلام عليكم
أنا عندي استفسار بسيط ....... !

طيب اسمحلي احييك اما سؤالك بتوصلك اجابته قريبا

::

و شكرا :D

[نهر المحبه]

طيب انا اتذكرت حاجه اذا ممكن
الجبنه حقت القهوه ليه سموها كده
ياللا عمو السوداني الاصيل ورينا

[فراوله88]

ههههههههههههههههههههههههههههههه

جد بوست رهيب

ياسوداني يا اصيل بجد مباااااااااااااااااااالغه

قلت لي البوش عشان بقول بووووووووووووش


والله بالغته


تقبلو مروري

[fizzo]

ياجماعة..

شنو يعني ( كتووش) و (الجقر)

[عمار جبارة]

طيب انا بحاول
السكين سكين للتقطيع و الذبح :D
ما بعرف الكزلك اما الفرامه هي المفرمه البفرموا بيها الحمص عشان يعملوا الطعميه
الفندك و المدق هم عشان يطحنوا الثوم
الفندق زي الكورة و عميق شويه و المدق هو عصا قصيره و ثقيله شويه من الخشب او المعدن و هي تتمسك باليد عشان تهرس الثوم و مرات حن البهارات
اما الزند دا بتاع الرجال و هو يد السكين الخاصه بيه وهي لاظهار القوة والعزة و للتخويف كمان
و مع الفندق بنستعمل يد المدق "يد الفندك"
ها رأيكم شنو

يا ملاك محاولة جميلة
السكين فعلا للذبح والسكين للتقطيع وغالبا تكون
مصنوعة من مواد محلية وذات يد خشبيه
اما الفرامة هي قطعة من الصاج او الصفيح تدبب طرف ويسن
الطرف الاخر وهي دائما تستخدم في تقطيع الخضار والملوخية بالزات
الفندك والمدق واحد بس الاختلاف انو الفندك اقل حجما من المدق والفندق يستخدم
لطحن البن والثوم ويكون مصنوعا من الخشب او الرصاص ويستخدم معه الزند اما المدق فحجمه كبير ويصنع من الخشب ويد الفندق ضخمه ويستخدم في طحن البهارات وبالزات في المناسبات
مثلا رمضان والاعياد والاعراس ويستخدمنه النساء وهن واقفات لان حجمه كبير وله يدان من
الخشب مدببة من الطرفين اي انها تستخدم من اي الجانبين
ويستخدمانها اثنين من النسوة فتدق هذه مره وهذه مره تبادليا
وقعت
تسلمى ملاكي

[عمار جبارة]

تحياتى
شمبات دى لساتا قريه ما اتمدنت نحن حريم التربال والمشلعيب والهبابه والسحاره والشعبه و السعف والحنقوق والطايوق و القرقريبه والسعن والغباشه

مها
عفارم عليك

[ملاك الورد]

تسلم يا عمار جباره
طيب بقولوا حاجه جديده لنج
"لنج " يعني شنو ؟

و fizzo قال ليكم "شنو يعني ( كتووش) و (الجقر)"
سلاااام

[ملاك الورد]

ههههههههههههههههههههههههههههههه
جد بوست رهيب
ياسوداني يا اصيل بجد مباااااااااااااااااااالغه

قلت لي البوش عشان بقول بووووووووووووش

والله بالغته

تقبلو مروري

هي هي هي هي هي هي
و الله بجد مبالغه يا سوداني يا اصيل
بوستك رهييييب خاااالص ......

انا كمان بحب الفراوله و مشكورة على المرور

[ملاك الورد]

طيب انا اتذكرت حاجه اذا ممكن
الجبنه حقت القهوه ليه سموها كده
ياللا عمو السوداني الاصيل ورينا

طيب اناعندي الاجابه ممكن اجاوب و لا لأ

[محمد نعيم]

تسلم يا عمار جباره
طيب بقولوا حاجه جديده لنج
"لنج " يعني شنو ؟

و fizzo قال ليكم "شنو يعني ( كتووش) و (الجقر)"
سلاااام

الكتوش يا ستي متل الصاج البعوسوا فيهو العصيده او حلة العصيده الكبيره

اما الجقر دا الفار الكبير

والله اعلم