Tawfik omdur كتب:تصدق الذيك ده فعلا راجل وما بخاف
خاصة ان الرجالة بتاعت كي بورد وارسال
الهلال وصيف المريخ كان قبلت كان ابيت
الهلال وصيف المريخ في الممتاز حتى الان
الهلال وصيف المريخ في كاس السودان حتى الان
والهلال وصيف المريخ في كاس السد وكان ابلغ رد
والهلال تحت المريخ لانه فريق محلي لا يتمتع باي بطولة خارجية حتى لو كان كاس صفيح
انا بكتب الحقائق وبس وانت اشتم ذي ما داير وما برد عليك لان شتائمك في الهواء الطائر
وتدل على نفسيتك التعبانه وانت تعرف ان هلالك ده حده ومافي امل يمشي لي قدام
الكلام ده برضو كلام والدك القطب المريخي ،،،،،،،،،،،،،،،،،،
عليك الله امشي شوف ليك ،،،،،،،،،،،،،، بكتب حقائق قال
النقطة والفضيحه
لا اريد ان اعلق عن قضية وارغو ...فهذا شأن شخصي له ..قد تكون تقاليدهم ومجتمعاتهم لا تري في ذلك حرجا.
* لكن علي اي حال من الاحوال فان هذه الواقعة تثبت عدم (التأقلم) الذي يعاني منه وارغو ..فهو مع عدم قدرته علي التعود علي العادات السودانية نجده كذلك لم يحترم تقاليد المجتمع السوداني.
* الواقعة في مجملها تعكس الكثير ..اذ نجد ان اللاعب النيجيري في السودان اصبح يأتي بتصرفات مرفوضة تماما من قبل المجتمع السوداني.
* في الهلال بحمد الله وفضله دخل امبيلي الاسلام واعلن اسلامه ليكون فضل ذلك علي الهلال كثيرا.
* اظن ان فضل الله سوف يشمل الهلال هذا الموسم جزاء علي ان احد لاعبي الهلال الاجانب دخل للاسلام من الهلال.
* هذه نعمة كبيرة.
* نريد ان تبلغ غاية الرياضة ذلك الهدف النبيل..
* في الوقت الذي دخل امبيلي فيه الاسلام ..يأتي وارغو بفعلته تلك ...والفرق واضح وكبير بين ما يحصل في الهلال وما يحصل في المريخ.
* الهلال استغني من كلتشي في فترة مضت للعلة نفسها ليأتي وارغو وكتلشي ويجتمعان في المريخ.
* مع ذلك هناك من يتحدث عن اسباب تدهور مستوي المريخ.
* وهناك من ينتظر شكوي كانو بعد ان رفضت شكوتهم شكلا.
* شكلا دي في رمضان تجيب العطش.
* انتوا شكوتكم عملتوا فيها شنو؟..عشان تنتظروا شكوي كانو.
* المهم ان المريخاب انشغلوا بي لاعبين الهلال ..وفكوا المراقبة للاعبينهم.
* قعدوا يهتموا بالفارغة ..كرت سادومبا وصل..ودي سوزا زعلان..وامولادي اعارته وهمية.
* مرة يقولوا كبير.
* الهلال يعير امولادي ..يقعدوا يكوركوا ويقولوا (الاعارة) وهمية.
* كابوندي دا من الكلام الكتير لما اصابوه (عين).
* لكن بعد هذا الانصراف الكبير نحو لاعبي الهلال المعار منهم الي نيجيريا والقادم للهلال نجد ان بلاوي المريخاب كلها انعكست علي لاعبيهم.
* بقوا كل مباراة يطردوا ليهم (لاعب)...تقول بلعبوا في (بوابة) المستشفي.
* اكرم الهادي سليم الاتحاد الافريقي اوقفوا باقي مباريات المريخ في البطولة الافريقية.
* وقبل ذلك قلق كان واقف 6 مباريات في بطولة الممتاز ..اتفك منها بي استرحام.
* قلق استرحموا ليه.
* ريتشارد استرحموا ليه.
* اكرم اوقفوه...وامير دامر طردوه ..وموسي الزومة شغال بي البونية..وطمبل زعلان...وبلة مصاب...وايداهور اتصاب.
* انا اول مرة اشوف لي (زعل) يعوق ليه لاعب..الكلام دا بالنسبة لي طمبل.
* يا طمبل كنت معزز ومكرم في الهلال هسع بقيت لي مع ناس وارغو وكلتشي ديل ما فاهم اي حاجة.
* بقينا لو عاوزين نشوفك ساكت ..إلا نلقاك في الكنبة.
* عشان تاني تشتغلوا لي بي لاعبي الهلال.
* قلنا ليكم الهلال دا مليان بركة ..ما في عوجة بتجيه قعدتوا تغالطوا.
* الهلال السنة دي غير الجهاز الفني ..ما جاتو عوجة.
* غير خط الدفاع بي اطرافو ..ما جاتو عوجة.
* غير الهجوم كلو ..ما جاتو عوجة.
* غير النجيلة ...ما جاتو عوجة.
* في بركة اكتر من كدا.
* يا ناس الهلال احمدوا الله ساكت ..فريقكم دا الحبة ما بتجيه.
* في واحد قال لي وارغو بكرة ح يكون في (النقطة).
* قلت ليه : هو المريخ كلو في (النقطة)..وارغو يعمل شنو في الحالة دي ...اذا كان فريق لعب 3 مباريات وشال من التسع نقاط (نقطة) واحدة.
* وارغو يعمل ليكم شنو؟.
* المشكلة انو جماعتكم ديل بي (نقطتهم) الوحيدة دي بتفاصحوا.
* يمين بالله (النقطة) دي ما تزيدوها ..نوم ما نخليكم تنومه.
* نقطة....نقطة يا عالم.
* الحالة التي تثبت فوضي لاعبي المريخ في ظل اهتمامات اعلام الهلال بلاعبي الهلال هي ما تعرض له لاعب المريخ العجب يوم مباراة المريخ وزيسكو حيث تعرض العجب لهجوم من جماهير المريخ حتي ان دموع احد افضل لاعبي المريخ علي مدي التاريخ تساقطت.
* والحالة الثانية التي تثبت هوان لاعبي المريخ هي الصور التي اصبحت تأخذ للاعبي المريخ في كنبة الاحتياطي ..واحد زعلان وواحد متمحن وواحد ما عاوز يظهر وواحد واضع ايدو علي خدو.
* النقطة تخجل.
* يا ناس المريخ لو قعدتوا تتابعوا لاعبي الهلال كدا ..ما بتحصدوا إلا الهشيم لأن المكر السيء يحيق بأهله.
* لو اشتغلتوا لي بالمواضيع الميتة دي (النقطة) ذاتها بشيلوها منكم.
* ناس زيسكو ديل عندهم مهاجم المباراة الفاتت كان ما لاعب..المهاجم دا قالوا ليك لو شاف (نقطة) المريخ دا بشيلها منهم.
* ابقوا عشرة علي (نقطتكم) دي ..ما اظن تقدروا تزيدوها في رمضان دا.
* انتوا في الفطر ما عملتوا حاجة ....عاوزين تعملوا في الصيام.
* نقطتي المست غرورك وفرقتنا.
* نقطة ..نقطة الليل نعدو.
* ما في حتي (نقطة) واحدة بيها اتصبر شوية.
* نقطة والسفر.
* النقطة الواحدة ما بتصفق.
* النقطة ما بتعلي علي الشولة.
* نقطة وصيفنا ولا نقاط الهلال.
* العين بصيرة ..والنقطة قصيرة.
* النقطة ما بتشكر في بطولة الاندية الافريقية للابطال.
* نقطة ما عندك ليها رفيقة..شوف ليها طريقة.
* النقطة ما بتأبي الزيادة.
* النقطة كان بقت فأس ما بتكسر الرأس.
* حبيبك لو بقي عسل ..ما (تنقطو) كلو.
* نقطة علي نقطة تجدع بعيد.
* ملحوظة: خلاص يا الهلالاب عاوزين تخلوا (نقاطكم) السبعة وتقبلوا علي (نقطة) المريخ.
هوامش
* قالوا المريخاب عاوزين يدخلوا ليهم صندوق ...الختة (نقطة)...الصرفة ثلاث نقاط.
* مريخابي تاني خالص ..مشي لي دكتور عشان يشوف ليه رخصة يفطر بيها ..الدكتور قال ليه انت بتشكي من شنو؟..المريخابي قال ليه: بشكي من (النقطة) الواحدة دي...واشار للضرس.
* مريخابي غير المريخابي الفوق داك..ود خالتو ضرب ليه من روسيا قال ليه : اجيب ليك شنو معاي من روسيا؟.
* المريخابي ما كذب قال ليه : جيب لي (نقطة).
* انت قالوا ليك روسيا فيها (نقاط).
* هلالابي لاقي ليه مريخابي الصباح ..قال ليه : معقولة رمضان ظهر فيك من اول نص ساعة.
* المريخابي قال ليه : دا ما رمضان ...دا كلو من (النقطة).
* واحد زعلان قال محتار ...(الهلال) دا ما فيه ولا نقطة ..عندو سبع نقاط...المريخ فيه ثلاث نقاط ..عندو نقطة واحدة.
* مفروض المريخاب يشتكوا.
* لكن المشكلة بتوع النقطة الواحدة ديل ما بعرفوا يكتبوا الشكوي.
* قلنا ليكم سا شنو؟.
* سا سادومبا.
* طيب كا شنو؟.
* كا كابوندي.
* مية مرة يقولوا ليكم الكلام دا وما تفهموا.
* وارغو في صحيفة (الاسطورة)...قال انه كان منتشيا وبروح معنوية عالية بعد فوزنا الكبير امسية الاربعاء علي الموردة.
* انتوا يا مريخاب جايبين ليكم لاعب ينتشي عشان فريقه انتصر علي الموردة.
* يعني لو انتصرت علي الهلال كنت ح تعمل شنو؟.
* المسكين كان مات فيها.
* الظاهر ان وارغو فعلا الي الان ما اتأقلم علي الاجواء في السودان.
* محترف بي خمسة مليون دولار ينتشي عشان فريقه انتصر في الدوري المحلي.
* غايتو وارغو دا بعمل حاجات غريبة شديد.
* عدم التأقلم كعب.
* انتوا ريتشارد وين؟.
* يكون برضو زي ما قلنا ما قادر يتأقلم.
* طيب طمبل مالو؟.
* طمبل عندو اصابة في (الكرت).
* ومجاهد.
* انا عارف ..ما تكتر الاسئلة.
* الهلالاب ديل فكوا اي حاجة وقبلوا علي مجاهد.
* الهلالاب ديل بعملوا في حاجات بعرفوها براهم.
* المهم عندنا ان يعود الهلال من كانو بالنقاط الثلاث..عشان نتفرغ لبتوع النقطة ديل.
* في مباراة الهلال القادمة يعود كابوندي واحمد الفاضل وسيف مساوي..ويغيب هيثم مصطفي.
* البرنس عاوزنو يأخذ راحتو ..عشان تفجيرات 11 سبتمبر.
* نجيلة الهلال تاني قفلوها لليوم دا.
* نظام النجيلة بتستعد للتفجيرات.
* مفروض المريخاب يعملوا نفرة للنقاط.
* عملوها لينا كلها طوب.
* اها ان شاءالله (الطوب) يبقي ليكم نقاط.
* في هذه الايام الجميلة عاد الزميل الاستاذ خلف الله ابومنذر للكتابة ..ونتمني ان يعود كذلك معتصم محمود.
* يا معتصم السوق دا ما يفوتك.
* ورمضان كريم ..نسأل الله ان يجعله خيرا علينا وعليكم وان يحظي فيه الهلال بالانتصارات والتوفيق..وتصوموا وتفطروا علي خير.
* خبر عاجل: الليلة اليوم دا مالو طويل كدا. تسلم ايدك يا استاذ / محمد عبد الماجد
ahmede كتب:الكلام ده برضو كلام والدك القطب المريخي ،،،،،،،،،،،،،،،،،،
عليك الله امشي شوف ليك ،،،،،،،،،،،،،، بكتب حقائق قال
ده كلام رجال حقي انا ود المريخ الاحمر الوهاج للذيك من اهل هليل بن زرقان - ومعذرة لباقي الاهلة فقد صبرت عليه كثيرا
واتحداك جيب عكس الكتبته انا من حقائق
والله ما حا اخلي شي كل قديم من فضائح صغير العرضة شمال ستجده هنا
وريني بتعمل شنو
خلينا احسن ناس محترمين ورد على ما اكتب بوقائع وحجج مقبولة تفند بها ما اكتب ويبدو لانك فاضى وهلالك قليل الدسم لا بطولات لا كاسات تذكر لذلك تلجأ للاساءة
واتحداك
اكتب لي انجازات الهلال غير الخمسة سنيين كاس الممتاز في غفلة من الزمان
وبالمناسبة اول مرة في تاريخ الرياضة في السودان نادي يشحد من نادي استاد
عشان يلعب فيه مباراة مع فريق اجنبي -
وعشان ما تزعل ده سؤال ليك من الشحاد ومن صاحب الاستاد :D
وفي حالة ان اجابتك صحيحة
الهدية نسرين من نسور امدرمان
ahmede كتب:الظاهر الوثائق دي زي حقت امولادي وكواريزما
احسن ليكم تفتشوا في الدفاتر القديمة وتغشوا روحكم كده على الحاصل عليكم
حالتكم تحنن
بس والدك ده ما يكون ود الياس
ههههههههههههههههههه
ود الياس ود حجوج عم شاخور عم حاج حسن عثمان راجل من رجال المريخ -------- .......
افنى حياته حتى الرمق الاخير في خدمة البلد والزعيم المريخ
والزيك ده بموت من الحقد والكراهية فطيس
وانتظر تاني 80 سنه لو عمرته انت في الدنيا وما حتشوف كاس خارجي يفوز به الهلال
يسمك سم هاري ويدخل عليكم بالساحق والماحق والبلاء المتلاحق
كان تشوف كاس ولو صفيح من فاضي فسيخ
السؤال كلامك ده عندك غيره ولا انت مفلس راي وفهم
walead gamal كتب:كل سنة وانت صفوة وسيد بلد وزعيم
تمام يا توفيق
بس الناس ديل ما بحبو الحقايق ولا بردو عليها
كلامهم كلو الدخلكم شنو وانت مالك ومال الهلال وخليك في فريقك
لمن الكلام يحرقهم
وهم عمرهم ما بجيبو سيرة فريقهم كلام كلو في المريخ الحارق دمهم
كل عام وانت بالف خير اخي وليد ورمضان كريم تصوم وتفطر على خير
عندما دخلت المنتدى جديد تفاديت ان اكتب عن الهلال وكنت اريد ان اكتب فقط عن النادي الذي اشجعه
ولكن فوجئت بكمية البوستات التي تقدح وتذم وتهاجم في المريخ بل ان بعضهم كان عامل بوست لهزيمة المريخ من فريق اجنبي
وقلته اكتب فقط عن المريخ وحقائق التاريخ لكنهم لم يتركوني
فكان من واجبي كمريخابي ان اكتب عن الهلال مثل ما يكتب الهلالاب عن المريخ
وما في حد احسن من حد
وذي ما قدموا لينا هدية منهم كمان لازم نرد لهم الهدايا مضاعفه فلسنا اقل كرم وجود منهم
تحياتي يا صفوة والله ينصر المريخ ويفضح اهل الرشاوي والتزوير والتلفيق
وابشرك هناك خبر جميل قادم في الطريق بس اصبر علي اسبوع واحد فقط
وااااااااااااااي واااااااااااي ما دايريييييييييييييييين
طيب سلم لي على ود شاااااااخور
ههههههههههههههههه هااااااااااااااااااي
خليك مرووووووووق للآخر ما دايرين كاس خارجي
كده نحن مرتااااااااااااااحين
بس بنحشكم انتوا وسلم لي على ،،،،،،،،،،،،،،،،،،،،،،
هههههههههههههههههههه 100 مباراة بدون هزيمة الكلام ده قبل وفاق سطيف ولا بعده
ثم انت عارف ان الزريبة ما قاعدين يلعبوا فيها كورة لانها كانت خرابه ومكسره كلها
واول مباراة كانت اتلعبت فيها مباراة كانوا
ولعبتوا مباراة اول اغسطس بعد شحدة استاد المريخ المفخرة
دايرين ولا ما دايرين انت ذي ده بتلقوا وين
وصيف محلي وفريق محلي ومتهم بالتزوير والتلفيق ورشوة الحكام
واسال شداد عن ما فعلته ادارة الهلال من فضائح يندي لها الجبين واسال ما معني 2/12
واسلوبك الوايييييييييييييييييييييييي ده انا ما بعرفه انا بعرف اسلوب الرجال وبس و بعرف حاجة واحدة بس
ان الزعيم المريخ هو زعيم البلد وراجل البلد وسيد البلد
حامل كاس الدوري اكثر من الهلال
وكاس السودان اكثر من الهلال
وصاحب الكئوس المحمولة جوا التي لم يشمها شم الهلال
ولن يشمها لا قدحه ولا نكهه
انت والزيك موهومين بان الهلال هو وهو وهو
ولكن الحقيقة المرة بان الهلال فريق سوداني نعم ولكنه مثل اي فريق
عادي في السودان والدليل كل الفرق التي صعدت للدوري السوداني قديما وحديثا هزمت
او تعادلت مع الهلال الكحلي الكحيان
وهذه امثلة تدل على محلية الهلال وانه فريق عادي حتى تموت بغيظك كمد
......................................
الهلال ينجو من الهبوط للثانية في موسم 67-1968
جاء ترتيب الهلال خامسا في الدوري و هبط فريق توتي للدرجة الثانية في دوري الخرطوم من مجموع 8 اندية و كان الفارق فقط 3 نقاط و كان الهلال مهددا بالهبوط حتى الاسابيع الاخيرة من الدوري و كان يدرب الفريق اليوغسلافي الشهير استاروستا ...في ما كان يعرف بالعصر الذهبي للهلال !!!!!!!
الفرق الصاعدة حديثا و التي فازت او تعادلت مع الهلال في الدوري :
موسم 59-1960
الزهور الامدرماني و الذي هبط في ذلك الموسم
فاز على الهلال قبل هبوطه دوريا 3/1
بالله يا ناس في مذلة اكثر من كده
61-1962
بري الخرطومي
في نفس موسم صعوده للاولى تعادل مع الهلال 2/2
62-1963
فريق توتي الخرطومي العريق
صعد للاولى في هذا الموسم و في نفس العام سحق الهلال 3/1
توتي اهل الفنان المبدع حمد الريح والقمري قوقن قوقن في نخيلته
سوووه في الهليل الفعايل وخلوا ريحته طير طير وقمري وسمك نيل
63-1964
فريق التحرير البحراوي الهابط للدرجة الثانية في موسم 61-1962
صعد للأولى العام الذي يليه و فاز على الهلال دوريا 2/1
في نفس موسم صعوده للاولى ( متعوووووده دائما )
65-1966
الامير البحراوي
صعد للاولى و تعادل مع الهلال صفر/ صفر
وفي نفس العام فاز عليه المريخ 14/1 دوريا !!!
72-1973
القوز الخرطومي
صعد للاولى وفي نفس موسم صعوده فاز على الهلال 3/2
عارف القوز ده منو الجاء منه لعب للمريخ ومسمر الهلال عدة مرات
ده المدفعجي عاطف القوز اسال عنه الهلالاب واسال عنه التاريخ
79-1980
الزهرة الامدرماني
في الموسم التالي لصعودها فازت على الهلال 2/1
82-1983
العباسية الامدرماني
في موسم صعودها للاولى تعادلت مع الهلال 1/1
83-1984
الاملاك البحراوي
في نفس موسم صعوده سحق الهلال 3/صفر مع الرأفة في
الدورة الثانية لدوري الاولى العاصمي c::h
84-1985
الاتحاد البحراوي
صعد للاولى و فاز في موسم صعوده على الهلال 1/صفر
في الدورة الاولى !
12 يونيو 2007
كأس السودان
امبدة 3 الهلال 3
هههههههههههههههههههههههههههههه
ردك حلوه اداني فرصة استعرض تاريخ فضائح الهلال مع الفرق الصاعدة حديثا مع فرق الصدارة
واعتقد انك قد استفدت كثيرا من حقائق التاريخ
عكسي انا فلم استفد منك شي غير الاساءة والشتائم وهي لا تهمني كثيرا فهي تدل على ما تعانيه
من افلاس في الرد باسلوب الند للند والكلمة بالكلمة مع التمسك بان اختلاف الراي لا يفسد للود قضية
ولكن يا خسارة
نطالب بسجل كامل لمشاركات المريخ في بطولات الكبار ... اذا عندكم !!
إذا ما عندكم ادوني بس إشارة صغيرة منكم ، واجيبوا ليكم هنا ....
عندنا واتمنى ان تجيب نتائج فريقك الهلال اول واذا ما جبتها انا من بكره ولا من اليوم بنزلها لك
تمام بحب اكل الحمام
بنزل ليك بتاعت المريخ والهلال وانت احكم براك
المريخ في فترة الستينات
تسلم جيل الستينات قيادة المريخ وهو محمل بإنجازات أجيال سبقت قدمت للمريخ ما جعله محط أنظار الجميع.
فجاء جيل الستينات حاملاً هموم رفعة أعظم نادي في السودان والعمل علي الحفاظ علي تلك المنجزات وتحقيق المزيد. لم ينسي أبطال جيل الستينات تاريخ من سبقوهم في إرتداء النجمة .. ولم ينسوا ان يدونوا أسمائهم بأحرف من نور في تاريخ المريخ. جاء أبطال الستينات محققين المتولية الثالثة في تاريخ لقاءات القمة .
وكانت حصيلة اللقاءات ( 11 ) مباراة بين المريخ والهلال فاز المريخ في (8 ) مباراة متوالية و تعادل في ( 2 ) خسر ( 1 ) .
الجمعة 19 يناير 1962
المريخ صفر الهلال صفر
الجمعة 26 مارس 1962
المريخ 1 الهلال صفر
احرزه ابراهيم جلك
الاحد 8 ابريل 1962
افتتاح اضاءة استاد الخرطوم
المريخ 3 الهلال 1
اهداف المريخ 1 برعي و 2 ماجد و هدف الهلال حبشي
السبت 19 مايو 1962
المريخ 1 الهلال صفر
افتتاح استاد الموردة
هدف المريخ احرزه خوجلي الصغير (خوجلي مصطفى)
الخميس 31 مايو 1962
كأس الدوق هرر
المريخ 2 الهلال صفر
احرزهم ماجد
الخميس 21 يونيو 1962
الدوري العاصمي
المريخ 1 الهلال صفر
احرزه ماجد
الاحد 9 سبتمبر 1962
المريخ 2 الهلال 1
احرزهم برعي و ماجد و هدف الهلال حمد النيل
و يفوز المريخ بالدوري العاصمي
الجمعة 28 سبتمبر 1962
المريخ 3 الهلال صفر
اهداف المريخ زيدان هدف و هدفين لماجد
و يفوز المريخ بكأس البلدية
الخميس 12 فبراير 1963
كأس رمضان الذي فاز به المريخ
المريخ 2 الهلال صفر
اهداف المريخ احرزهم ماجد
الاحد 7 ابريل 1963
الدوري العاصمي
المريخ صفر الهلال صفر
الاربعاء 31 يوليو 1963
الدوري العاصمي
المريخ صفر الهلال 1
احرزه جكسا
الحادي والأربعون : 2/1 - المريخ - بشارة - إسماعيل بخيت / عبد المحمود - دوري 1 .
الثانية والأربعون : 2/1 - الهلال - قاقرين - عبد المحود / إسماعيل بخيت - دوري 2 .
الثالث والأربعون : المريخ إنسحب الهلال - دوري السودان.
الرابع والأربعون : 2/0 المريخ - جاد الله 2 - كاس ديوري هاماني .
الخامس والأربعون : 1/0 الهلال - جكسا - كاس البلدية .
السادس والأربعون : تعادل 2/2 - بشارة - إسماعيل / جكسا - قاقرين - كاس رئيس بلغاريا (كسبه الهلال بالقرعة )
السابع والأربعون : 4/2 : المريخ - جاد الله 3 هاتريك للمرة الثانية - كاوندا / الدحيش 2 - دوري 1 .
الثامن والأربعون : 1/1 - بني - قاقرين - دوري 2 .
التاسع والأربعون : 0/0 - نهائي كاس الإتحاد (للهلال بالفرصتين ) .
الخمسون : 1/1 : بشارة / عبده مصطفي .
الحادي والخمسون : 2/0 : المريخ - صلاح عباس - محسن عطا - كاس الصداقة .
**********
في موسم 65/1966 حقق المريخ بطولة الدوري بإنجاز غير مسبوق ..الدوري بدون هزيمة وبتعادلين فقط.
وكما عودنا الزعيم بأن له بصمة البداية في كل إنجاز فبمثلما شهد التاريخ بأولويته في كل إعجاز
كانت فترة الستينات ملئية بكل ما هو (( مميز)) وتاريخي ..
فتواصلت (( بصمات )) الزعيم فوضع بصمته الأولي في (( إستاد الموردة )) وترك أثره الرهيب في (( إستاد الخرطوم )) كأول فريق يحقق إنتصارات في تلك الإستادات وجميعها كانت أمام الهلال وكأن بالتاريخ يريد أن يرتبط بالمريخ
* استاد الموردة افتتح في عام 1962 بلقاء جمع المريخ والهلال ، حقق المريخ الفوز فيه 1/صفر احرزه لاعبه خوجلي الصغير
* استاد الخرطوم تم افتتاحه في عام 1965 بلقاء جمع بين المريخ
والهلال - حقق المريخ الفوز فيه 1/ صفر سجله طلب مدني ·
وده التاريخ وده المريخ ونواصل بعد فاصل
