تجنس السودانيين في بلاد الغربة والمهجر

[ابراهيم عبدالله]

بسم]الله الرحمن الرحيم
اخوة الاعزاء السلام عليكم -اولا اعتقد ان الموضوع مهمة والطرح مفترض يكون بطريقة علمية والاهم
مناقشة الموضوع بنوع من الموضوعية ولكن واضح من طريقة الطرح بان الامر لايخلو من الغرض ان لم اقول نوع من الحقد لا اكثر وهو من الامراض التى اصابة الكثير من قطاعات الشعب
انا سودانى واحمل الجنسية الاسترالية وابنائى يحملون جنسيات استراليةا وسويدية للذين ولدو فى السويد
ولكن لازلنا نحمل الجنسية السودانية وقبل ان نحمل الجنسية السودانية كورقة نحمله انتماء واعزاز داخل فلوبنا وكما ذكرة من قبل ان الوطن ليس ورقة تستخرج من وزارة الداخلية بل انتماء وعشق واخلاص والدليل على ذلك فان الكثيرين الذين خانو الوطن ودمروه يحملون جتسية سودانية من وزارة الدخلية ولكن لا وجود للوطن فى دواخلهم فارجو ان لا تشوهو سمعت الناس بدون مبرر واذا اردتم ان تناقشو اى موضوع ارجو ان يكون بطريقة علمية وحوار هادف وبناء ولكم الشكر والتقدير
المستشار\ ابراهيم عبدالله -سدنى -استراليا

[sunni]

العزيز إبراهيم عبدالله،،،
مرحب بيك (كعضو قديم قرر تفعيل عضويته)،، بس عاوز أقول ليك إنه أساسا موضوع النقاش لا يشمل حالتك،، ولكن طرحي كان عن من يتنازل عن جنسيته السودانية لينال جنسية أخرى،،، أرجو مراجعة أساس الموضوع وستجد أن هذا هو موضوعي الأساسي، وإن كان بعض من الإخوة أشاروا إلى ما تشتكي منه. ولكن بحكمي صاحب الموضوع، حبيت التأكيد على الموضوع الأساسي،، وبالتالي فإن شكواك لا تنطيق على هذا البوست، ولم أستهدف أي من نال جنسية أخرى بجانب جنسيته السودانية. بل شددت على إجراءات التنازل وكيفية تسليم الجواز السوداني لسفارة السودان بطرق مهينة جدا.
أرجو أن تكون قد فهمت قصدي

[أبو أحمد]

الأخ السنى
دة موضوع خطير جداً والله
الوطنية بقت معدومة والله
مفروض تدرس فى المدارس
زيها وزى أى مادة تانية بل
بتشدد أكتر

[sunni]

نبهنب أحد الإخوة، وهو حامل لدرجة الدكتوراه في التاريخ ودكتوراه في القانون، أن هناك بند في ميثاق الجامعة العربية، يمنع حصول أي شخص على جنسيتين عربيتين،، ولهذا السبب يتم سحب الجواز والجنسية في حال ان يقدم حامل جواز وجنسية عربية للحصول على أخرى،،،،

شي عجيب،، طبعاً السبب إنه الأمة العربية موحدة،، ولا يصح لشخص أن ينتمي لجزئين،،،، في نفس الجسد !!!!!!!!

مرحب بالأمة العربية الواحدة،،، والرأي الواحد،، والقرار الواحد،،،،
مرحب بخوفهم على بعض،، ووقوفهم بجانب بعض،،، وطبعاً مافي لاجئ سياسي عربي في دولة عربية أخرى،،، والمواطنين العرب بيدخلوا من دولة لدولة بالبطاقات الشخصية بس،،، وفي الحقيقة،، أصلاً مامفروض يكون هناك جنسية سودانية أو مغربية أو تونسية أو جزائرية أو ليبية أو مصرية أوعراقية أو أ أو أو،،،، مفروض تكون في جنسية عربية وبس،،، نحن ما جسم واحد،، ومتفقيييييييييين

أنا بعرف حاجة واحدة،،، إنه إنت لما تكون عربي،، بتحتاج لتأشيرة مسبقة للدخول للخليج مثلاً،، ولكنك تحصل على التأشيرة في المطار لو كنت حامل الجواز الأسود زي نية أهله (الأمريكي) ،، وكمان من غير (كفيل).
خلاصة الموضوع يا جماعة،، العربي يسحب منه جوازه وجنسيته لو نال جنسية عربية تانية،، وفي الخليج يحتاج لكفيل وهو ما أدى لإتهام بعض الدول الخليجية بممارسة الرق الأبيض أخيراً،، أما من لا يطالبوك بتسليم جنسيتك،، فبتدخل بجوازهم بلا قيود،، طيب،، هل هان الأصل على من يتنازلون لهذه الدرجة؟؟؟؟
هم يضحك،، وهم يبكي

[حبوبة]

شي عجيب،، طبعاً السبب إنه الأمة العربية موحدة،، ولا يصح لشخص أن ينتمي لجزئين،،،، في نفس الجسد !!!!!!!!

المشكلة انهم بياخدو الجواز الأسود ويجو يقيمو في البلدان العربية للتمتعبميزات الرجل الأبيض such an irony ,,, wont u say
مرحب بالأمة العربية الواحدة،،، والرأي الواحد،، والقرار الواحد،،،،
،، وفي الحقيقة،، أصلاً مامفروض يكون هناك جنسية سودانية أو مغربية أو تونسية أو جزائرية أو ليبية أو مصرية أوعراقية أو أ أو أو،،،، مفروض تكون في جنسية عربية وبس،،، نحن ما جسم واحد،، ومتفقيييييييييين

احم احم انت اُصبت بالعدوى من رمز السيادة الليبي والا شنو
تخريمة .... نحن ما عرب نحن سودانيين

خلاصة الموضوع يا جماعة،، العربي يسحب منه جوازه وجنسيته لو نال جنسية عربية تانية،،

ما قلنا نحن مع الغزافي والاتحاد الأفريقي ... صاح والا ماغلط :D

وفي الخليج يحتاج لكفيل وهو ما أدى لإتهام بعض الدول الخليجية بممارسة الرق الأبيض أخيراً،، أما من لا يطالبوك بتسليم جنسيتك،، فبتدخل بجوازهم بلا قيود،، طيب،، هل هان الأصل على من يتنازلون لهذه الدرجة؟؟؟؟

بصراحة الجزء دة ما فهمتو!!! ولو انة انا لسة بقول أحيانا ما بالساهل الإفتاء في هذه الأمور
it is never black n white

و..اقعدو عافية

[السودانى الاصيل]

أعزائي

ترددت كتير قبل ما أكتب الموضوع ده، لحاسايته وبالنسبة لي أنا شخصياً، حيث اني أكتب في محفل عام متوفر للكل. وقد يقرأ الموضوع أحد الذين أعنيهم بالموضوع، لكن ضيقي كان أكبر من ان الجم كبح لساني.
فمعروف عن السودانيين (والحمد لله) عزتهم بنفسهم، سمن جيبهم أو خوى، ومعروف تعففهم وترفعهم عن كل ما يقلل من قيمتهم أو يكون فيه أدنى درجات الإذلال والخضوع.
موضوعي هنا هو تجنس السوداني بالجنسيات الأخرى، ولا أقصد في كلامي الجنسيات اللي يسمح قانون بلدها بالتعدد في الجنسية،، ولكن هناك دول لا يسمح قانونها بأن تحمل جنسيتين، فإذا (إستوفيت الشروط) وتقدمت لنيل جنسيتهم، فعليك (بعد أن يوافقوا) أن توافق بدورك عن التخلي عن جنسيتك طائعا غير مكره. والغريب في الأمر ان هنالك قوانين في بلاد لا تسمح لحامل الجنسية بالتجنس أن يترشح، أو يرشح. ولا نعيب عليهم ذلك، بل الكل حر في بلده،،، ولكن،،، ومع كل هذا، في الفترة الأخيرة، ظهرت صفوف من السودانيين ينتظرون المن عليهم بالجنسية البديلة، ويوقعون طائعين أن يتخلوا عن جذورهم.


هل هانت الجنسية السودانية لهاذا الحد؟؟؟؟؟
هل يستحق بلدنا ما آل إليه من هوان؟؟؟؟

وا سوداناااااااااااااه

العزيز السنى

اطلعت على الموضوع الاساسى وودت الادلاء براى

اعتقد ان اى انسان يستطيع ان يعيش بالسودان ويتمتع
بالذى يتمتعون به السودانيون دون فرز بغض النظر عن جنسيته
من خدمات والذى منه وقد يكون اوفر استفادة من السودانيين
الاصلييين

لذلك اعتقد انه اراد ان يكتسب ايضا مميزات الدوله التى هو فيها
وبذلك يكون قد اكتسب خدمات دولتين وخاصه انه يضطر الى
اخذ الجنسيه للدوله التى يعيش فيها

وما يجعله يتوقف فى الصف لا اعتقد بيعه لجنسيته بقدر ما هو
حاجه الى الجنسيه التى هو بصدد الحصول عليها


اديك العافيه وتقبل مرورى

[العيلفونى]

اولا اشكركم ياشباب لان الموضوع مهم جدا وانتشعر بصورة كبيرة وسط اخواننا السودانيين فى بلاد الغربه ايا كانت غربتهم واصبح امر مستفز جدا وكان الجنسية السودانيه اصبحت وباء لابد من التخلص منه
وبجد وبصدق انا اشك فى سودانية هولاء الذى لا يتشرف السودان بان يكونوا من ابنائه ومهما كانت المغريات وكلها طبعا مادية لن ولم اتخلى عن سودانيتى حتى يرث الله الارض وماعليها

وياحسرتى لو ماكنت سودانى واهل الحارة ديل ما اهلى

[أبعاج]

[frame="7 80"]بلادي وإن جارت على عزيزة وأهلي وإن ضنوا على كرام
وللأوطان في دمي كل حر يداً سلفت ودين ومستحق [/frame]

[ودعازة]

اخى السنى لك التحية..
للعديد منا اسبابه للايمان بالوطن او الكفر به، فالنفس البشرية اضعف مما قد يتصور الكثير منا ، ليست هناك ثوابت بفكر الفرد الا ما يتعلق بالله (حسب رأيى الشخصى) ، كذلك درجة تحمل البشر تختلف من شخص لاخر، منا من هو متحدى وتصادمى ومجاهد لتغيير ملامح القبح بالوطن، ومنا من هو اجبن من ان يساهم ولو بالقليل من اجل التغيير او محاولة تغيير.
تجدنى لاأأسف على من اختار طائعا التنازل عن مواطنته لاجل الحصول على جنسية اخرى، بل بالعكس اسعد لذلك لاننا لم نفقد فرد ذو مبادئ ثابتة او ذو مراس شديد، اعتبر مثل هؤلاء المغيرين لجلدتهم مكسب كبير لنا بانسلاخهم عنا مبكرا ، وتصور معى وجود هؤلاء بالوطن ووصولهم لمناصب سيادية او قيادية كيف كان مآل البلاد؟ بالتأكيد هم طابور خامس ساكن حتى ينفجر فى لحظة ما عندما تواتيه الفرصة السهلة التى تطمن له الحياة الهانئة الرغيدة.
بيع الهوية وحتى ازدواجيتها هو تجارة بخسة ايا كانت مسبباتها، فالوطنية كالدين لا ينفع بيعه او ازدواجيته ياخى بس لو اقيمت مبارة قدم بين الدولتين اللى انا عندى جنساتم حأشجع منو؟ سيبك من لو قامت حربوكاذب من له اجابة مقنعة على هذا السؤال..

.

[الفرح المهاجر]

انا عن نفس عندى الجنسيتين
وحامل جوازين وعندى ازدواجية
اتعامل فى السودان كسودانى
ادخل السودان بدون تاشيرة
معفى من القيود الهجرية
واحمل الجوازين دون التنازل عن الاخر
ولى حقوق السودانين
ابدا ماهنت ياسوداننا يوما علينا

[درة الوطن]

شكراً على الموضوع الجميل

[ربوه]

العم الفاضل السنى يا حليلك دائما كنت تتحفنا بمواضيعك الرائعه