الفهم الخاطئ

[نهر المحبه]

اي بت في ايميلها عندها اولاد واي ولد في ايميلو عندو بنات وما تقنعونا بالكلام الما يدخل الراس
لو اختك ادت ايميلها لواحد انت بترضى ............ بنسمع الكلام ده كتير جدا وفي نفس الوقت ما ينفذ من كلا الجنسين ، طيب لو اخوك عرف انك عضوه في منتدى ما هل سوف يرضى بس ما تقولي المنتدى عام
مهما كان برضو تعارف وصداقات

تخريمه
لو اختك ادت ايميلها او رقمها لواحد انت بترضى
بصراحه الاغنية دي بسمعها كتير

الاخ احمد
من الطبيعي انو كل زول عنده في اميلو اولاد وبنات انا اميلي فيه كده
بس بصراحه
في اولاد كتير تلقاهم سايطين وجايطين الدنيا مع البنات بره
لكن لو جا ولقى اخته بتتكم مع واحد يبدا يحقق معاها
اديتهو رقمك ليه اديتهو ايميلك ليه عرفو من وين
طيب اذا انت ما راضي انها تعمل كده بتمشي تتطلب من بنات الناس كده ليه
طيب لو قلنا انو انسان ناضج وعاقل وما ماشي يعمل ليها حاجه وهي بالطبع لا شافته ولا عرفته
هو البيقنعو شنو
انت الغنيه دي حتفضل تسمعها كتير مادام في نا بيفكرو بالطريقه دي
وتقبل مروري

[bet-handasa]

وهمه
رايكم شنو فى البديك ايميله ويعمل التقل
لى شنو
وعشان شنو

وهمه حلوه بس عادي تعمل اتقل منو لو هو تقيل في الاتقل منو شكرا على المرور والرد

[bet-handasa]

حقيقه ما خاب ظني في الناس الكنته متوقعه ردودهم
وحقيقه مدام في ناس زيهم الدنيا لسه حلوه وفيها ناس حلوين زيهم
ميره حقيقه كل بنت بتحتاج انو يكون عندها صديق وربنا يخليهم لينا
مومو وبس شكرا على المرور يا رائعه
نسمه الروح شكرا على الرد الذي انار البوست وحقيقه في الصالح وفي الطالح ربنا يبعدنا عن كل سوء
نهر المحبه انا كمان اتربيت في السعوديه بس بعرف حلاوه الصداقه الصادقه بين اتنين وكمان نقول ما كل الناس كعبين
ahmede اكيد لز الحاجه غلط بعملها بس لو صاح الدنيا كلها بتعرفها واقول ليك حاجه انا امي وابوي عارفين اصحابي في المنتدى منو واخوي معاي في المنتدى
الشماسي كفيت ووفيت وجبته كل الكلام في جملتين تسلم ومشكور
ادهم الصداقه الحلوه ماممكن تكون بدايه لي اي غلط واي زول بيخت انو صحبتو دي ممكن تكون اختو حيعامله كويس شديدوشكرا على المرور

[ودعازة]

عوافى بت هندسة والجميع..
بت هندسة سؤالك كان عندو اجابة عندك وحبيتى تشوفى اراء الاخرين ودا شى جيد لانو الماعندو رد للسؤال ممكن يتوصل لرد خلال الردود المختلفة..لهنا جميل..
بس انك تطرحى السؤال وتؤيدى الناس الجارو رأيك شوية مالذيذة..
من جميع الردود وجدت الاخ ادهم الاكثر منطقية والاكثر اقناعا لاستدلاله بعلماء وفقهاء..
واحب اضيف شى وشى مهم جدا..ان المشرع دائما بيحرم الشى خوفا من وقوع ذوى الشهوات فيه..
مثلا الخمر هى حرام ولو كان حجمها قليل (مااسكر كثيره فقليله حرام) قاعدة اسلامية واضحة ..
التحريم مابيجى عشان الناس المابسكروا حتى لو شربوا براميل وانما بيجى للناس اللى لو شموا الخمر بيسكروا..
لا انكر ان هناك بعض الناس من الجنسين له قيم ونوايا حميدة ولكن هذا لا يمنع من حرمة الصداقة مابين الرجل والمرأة..
الآن كلنا ندخل المنتدى ويمكننا طرح اى موضوع ونتناقش فيه بكل توجهاتنا المختلفة وهذا مايدور بين الاصدقاء..
لم نصغر هذه الدائرة باتخاذ صديق محدد او صديقة طالما يمكننا ان نناقش اى موضوع بصفة عامة ولعمرى اجد النقاش الجماعى اكثر فائدة من الفردى لتعدد وجهات النظر فيه بالنسبة للمتشابهات التى لا توجد فيها فتاوى واضحة..
بالنسبة للمواضيع الخاصة والخاصة جدا هناك اهل الثقة من المحارم يمكننا مناقشتهم بمثل هذه الامور..او اتخاذ اصدقاء من الجنس المثيل ..
ارجو من الجميع عدم الافتاء بالاستناد على الفهم الشخصى فى امور تحتاج لعلماء او فقهاء..وارى الطرح قد حسم من قبل العلماء والفقهاء برد الاخ ادهم..
وارجو اختلاف الرأى ألا يكون فى أمور الفتوة فيها واضحة..
تقبلوا اختلافى والله من وراء القصد..وسلمتوا جميعا ويهدنا الله جميعا لما يحب ويرضى،،

[شمعة امل]

[size=-1]

يسلمو,,

بس السذاجه والسطحيه فى التعامل مع الغير هو الجالب الاول للمشاكل ,,

ليس جيدا ابدا انو الواحده تعطى ايميلها اورقم تلفونها لحد لم تعرفه قبلا,,

وبعدين موضوع الصداقه بين بت وولد لاتوجد اصلا ,, العلاقه الوحيده الطبيعيه

علاقة الحب المؤديه لزواج بما يرضئ الله ورسوله ,,

شكرا على الطرح ,,

[/size]

[غريبه]

والله الموضوع ممكن نقول انو حساس شويه لكن الناس مازي بعض في الكويس وفي الكعب
واظن انو الي بقولو الصداقة غلط عشان الكلام الفيها وامكن عشن ما جرب الصداقة البي جد ولا شنو