معاملة السودانيين فى بلاد الغربة

[mayheema]

أخى العزيز مشكور جداً على الموضوع.........
بالنسبه لى فأنا ماشى تحت الحيطه....وأى إنسان بحترم نفسو بيلقى إحترام من الأخرين
والبلخبط.....حا يشوف الويل....وعامل الناس كما تحب أن تعامل...........
وتقبل ظهورى بخطى إنسان محترم

[سندس]

انا بشوف انو فعلا في دول معاملتها للاجانب عندهم بتكون سيئة

لكن السودانيين لانهم ناس تمام وماعندهم لف ودروان تلاقي

برة السودان يحترموهم جدا وبيحبو عشرتهم كمان.

تحياتي ليك أخي ومشكور على الموضوع

[معتز]

myheema
سندس
لكم الشكر علي مروركم الكريم الذي اسعدني كثيرا

[فراشة ليبيا]

مشكور اخي معتزعلى الموضوع بنسبة لتعليم في ليبيا ما مجاني

[معتز]

مشكور اخي معتزعلى الموضوع بنسبة لتعليم في ليبيا ما مجاني

فراشة نورتي البوست والله ش
بس لو قريتي تاريخ الموضوع كان عرفتي انه فى وقتها مانت الدراسة مجانية
بس هسع صاح بقت بقروش
بس السنة الجاية ان شاء الله حترجع زي ماكانت مجانية
ويسلمو علي مرورك يا فراشة

[ودعازة]

كيف الحال اخى معتز...
بالنسبة لى اعيش بالمملكة وبالرياض تحديدا..حتى داخل البلد الواحدة تجد تباين بمعاملة اهل البلد للغريب(السودانى) فااهل جدة مثلا منفتحين ومتفتحين لذا تجدهم قمة فى التعامل مع العرب تحديدا..
بالرياض السودانى مهاب ولكن هذا لا يمنع من بعض التصرفات الطائشة فى التعامل مع السودانيين ولكن عندما يتأكد الاخر بعدو عن دائرة الخطر..لست بمتحيز ولكن السودانى وان اختلفت مرجعيته يصنع لنفسه هالة من الاحترام حوله تجعل الاخر يفكر الف مرة قبل التعامل معه بطريقة بها احتمالية الاساءة ولو بالقليل..
عجبنى وصف احد السعوديين للسودانى قائلا: ترى السودانى متل علبة البيبسى ..ما احلاها واطيبا وهى باردة..بس اياك ترجها..
ولك التحية،،،

[زوزو الجامعي]

تسلم ع الموضوع والله مع انهم بعاملونا معاامله طيبه بس بتلاقي بعض منهم مابحب الاجانب وكمان بيحقد عليهم سوا كانو سودانين او غيرهم

[معتز]

كيف الحال اخى معتز...
بالنسبة لى اعيش بالمملكة وبالرياض تحديدا..حتى داخل البلد الواحدة تجد تباين بمعاملة اهل البلد للغريب(السودانى) فااهل جدة مثلا منفتحين ومتفتحين لذا تجدهم قمة فى التعامل مع العرب تحديدا..
بالرياض السودانى مهاب ولكن هذا لا يمنع من بعض التصرفات الطائشة فى التعامل مع السودانيين ولكن عندما يتأكد الاخر بعدو عن دائرة الخطر..لست بمتحيز ولكن السودانى وان اختلفت مرجعيته يصنع لنفسه هالة من الاحترام حوله تجعل الاخر يفكر الف مرة قبل التعامل معه بطريقة بها احتمالية الاساءة ولو بالقليل..
عجبنى وصف احد السعوديين للسودانى قائلا: ترى السودانى متل علبة البيبسى ..ما احلاها واطيبا وهى باردة..بس اياك ترجها..
ولك التحية،،،

اخي العزيز ود عازة
السوداني فى بعض البلدان مهاب لشخصيته ولعدم رضائه بالذل
ولكن فى نماذج وللاسف اسائت للسودان كله
والمشكلة انه العرب بصفة عامة يقولون انهم يحبون السودانيين ولكن الله اعلم ما بالنفوس

[معتز]

تسلم ع الموضوع والله مع انهم بعاملونا معاامله طيبه بس بتلاقي بعض منهم مابحب الاجانب وكمان بيحقد عليهم سوا كانو سودانين او غيرهم

شكرا لمرورك اختي العزيزة زوزو
المشكلة انهم الاغلبية معقدين ويعتقدو انه الاجانب هم سبب نقص رزقهم
مع انه الاجانب ما قاعدين ياخذو فى حسنة بيشتغلو بايديهم

[حنين وغربه]

صراحه موضوعك حلو ومسك الوتر الحساس فينا نحنا مجربين والله هم فيهم البيكون في قمه الاخلاق معاك وفيهم البيكون نوع الله بس اعلم بي لكن الواحد بمشي معاهم بس لسبب رزقو والله يعين الجمييييع مشكور اخي

[معتز]

صراحه موضوعك حلو ومسك الوتر الحساس فينا نحنا مجربين والله هم فيهم البيكون في قمه الاخلاق معاك وفيهم البيكون نوع الله بس اعلم بي لكن الواحد بمشي معاهم بس لسبب رزقو والله يعين الجمييييع مشكور اخي

اختي لك التحية والشكر علي مرورك الكريم
هوا فهلا الانسان بيتمني انه ما يقيف فى طريق رزقه
بس مرات الامر يخرج عن حده ويمس الكرامة

[زوزو الجامعي]

شكرا لمرورك اختي العزيزة زوزو
المشكلة انهم الاغلبية معقدين ويعتقدو انه الاجانب هم سبب نقص رزقهم
مع انه الاجانب ما قاعدين ياخذو فى حسنة بيشتغلو بايديهم

اه والله والبغيييييييييييط لمن يقولو انتو كملتو خيرات ابلادنا التقول الزول بيشحدهم

[معتز]

اه والله والبغيييييييييييط لمن يقولو انتو كملتو خيرات ابلادنا التقول الزول بيشحدهم

فعلا التقول بنشحد فيهم الناس ديل عايزين ليهم وقت عشان يصلو للتطور والثقافة

[وليد دفي]

اولا السلام عليكم ياشباب
المصرين قالوا لو كان لك عند ال..... قول ليه يا سيدي
ونحن السودانين عكس المصرين الا في البلد دي تعرف علاش...
لان قوانين البلد دي مقلوبة ......
ونتمني من العزيز الرحيم ان يمن علينا بالعوده الي الوطن
وكرامتك فـــــــــــــــــــــــوق كل شي
صح ولا