ابي اعتذر عن وقاحتي في موضوغي السابق

[kholoud]

مسامحنك يا سعوديه خلاص
يلا ارح على الراكوبه نضحك شويه بعد حرقة الدم دي

[عجوز حلوة]

استغفر الله...
المسامح كريم..
اخوانا ف المنتدي هدو نفسكم بالاخص لادهم لازم البنت نوريها انها غلطانه بتجاوبنا الطيب معاها مش بطردها من المنتدي..
استغفر الله.
اللهم اهدي الجميع بس

[الشماسي]

دى بتتحمليها انتى

انا زعلان لانى سودانى
لا بقبل قلت ادب من طفله ولا غير طفله

وهى ليه ماتعرف تحترم الغير

طفله تقول لى شعب كامل انتو سودانين خايسين

وتجى تقولى نسامح

سامحى انتى لو بتقبلى الاهانه

احـــــــــــــــــــــي انا الموضوع فاتني ووالله مافي زول مليان منهم زيي لكن مادام كلكم سامحتوها واحرجتوني اخير الواحد مايشيل وش القباحه براهو وانت ياادهم الله ينصر دينك ويعلي مراتبك كمان وكمان مع انك مافشيتني شديد لكن نوعا ما الله يديك العافيه

[Mr.POGIz]

(وَالْكَاظِمِينَ الْغَيْظَ وَالْعَافِينَ عَنِ النَّاسِ )


البنت جات تعتذر وتقول انا كنت وقحة معاكم
معناها انو كل الكلام القالتو عرفت انو خطا ويمكن ما كانت قاصده

بعدين يا ريت تكونو راقين في التعامل وتكون في رحابة صدر

وعشان نوري انو احنا سودانيين وراسنا مرفوع ما بنوقل ليها ما مسامحنك ولازم تطلعي

ياخي سبحان الله يمكن البنت دي لمن تقعد وسطنا وتتعلم مننا تبقا عضوة رائعة

عموما انا ما شفت الكلام اللي قالتو لكن مهما كان فهي اعتذرت اعتذار قوي .

[بنت الجود]

استهدو بالله وخزو الشيطــان...

كلها بنت صغيره وخلتكم تتهاوشو مع بعضكم هي كذا بتستانس اكــثر..

لألــه الا الله محمد رســول الله ..

[عجوز حلوة]

استغفر الله...
ربي يهدي الجميع بس

[ادهم]

ويهديكم انتو اول ناس

[TETO]

[align=center]حتفضـلو كدـآ لحـدي متيييين بالضبـط ,, ؟؟!

موضوع البوست كـآن ,,

ابى اعتذر عن وقـآحتي ,, الخ ,,

يـآ ـآمـآ نقبل الاعتذـآر او نرفض دهـ شي راجع لكل وـآحد فينـآ ,,

لحـدي هنـآ مـآشيين تمـآم ,,

ماافي اي دـآعـي حد يغلـط ع التـآني الكلاام دهـ عيب عليـكم وربي ,,

ما تزودو الاموور وتدوهـآ اكتر من حقهـآ بدون سبب,,

ـآبقوو الكبـآر ولو مـرهـ ياخ ,,

انتو حتتشاكلو عشـآن بت لو شـآفتكم ع الطبيعهـ حتنـآديكم يـآ عمو !!

يـآريت تستوعبو الأنـآ بقولو دهـ كوويس ,,

وبرجـع اقول ما دام البت اعتذرت حتى لو كان عملت ما عملت واسـآءت ما اسـآءت ,,

بـ مسـآمحتنـآ ليهـآ وبـآسلوب راقي ,,

حتتغيـر نظـرتـآ للسودـآن والسودـآنيين ,,

لانهـم ماخدين عننا فكـرهـ غلط وانتو بتـسـآعدو في ـآنـهـآ تتمسك بيهـآ ,,

وهي لسـآ صغيرهـ شدييد ,,

ياريت يكوون كلاامي وصلكم وقدرتو تفهمـو انا بسعـى اقول شنو ,,


ـآقول قولي هـذـآ وـآستغفـر اللهـ لي ولكم ولسـآئر المسلمـين ,, [/align][/size]

[اسامه خضر محمد على]

والله انتى مهما قلتى نحن مسامحنك يا اختى الصغيره

وتانى مرحب بيك اخت عزيــــــــــــــزه بيناتنا

والعفو والعافيه

والمنتدى منتداك

خلاص مافى داعى انتى مره ثانيه تقللى من مقام الناس

وانتى لاحظى انك سعوديه والسعوديين محترمين وطيبين

يعنى لو بدر منك شئ بطال اكيـد بتسيئى لسمعة بلد

انت متأكد انك سودانى اصيل الله اعلم

[احسان]

شباب يا حلوووووين بالجد انا حاسة ان البت خلتنا نقلب علي بعض

زي ما قالت بت الجود هي كدا فرانة عشان كدا هدواء اللعب وخليكم منها

هي اصلا خلاص مشت بس خلت وراها ناس بتتناقش كل واحد عندو دررجة سماح

السامحها سامحها والماقدر الله غالب عليهو بس خلاص بلاش نزيد الموضوع اكبر من كدا وبالجد

خلينا نرجع زي ما كنا كانو ما حصل اي شي كان عشان ما يحصل خلاف في بيتن بسبب دخيل ولا رايكم شنو

[ام صبا]

كده تمام وياريت تكون صافيه لبن
والاصابه رشاش بنقول ليه حقك علينا
وانتو اهل السماح

[فارماس]

انا كثيير اسفه عن موضعي الي هو كان سؤال للسودانيات ... وانا اعتذر على وقاحتي وقلة ادبي وارجو ان تقبلو اعتذااري ولن اعيد الكره ابداا واسوف اكون عضوه مماتزه يعني ارجوا ارجوا ان تقبلو اسفي وان جرحتكم فاقول لقد كنت غبيه جداا حينما كتبت الموضوع اسفه اسفه

مين يسامحك امشي اول حاجة اغتسلي واعملي عمرة وابكي في الحجر الاسود

وبعد كدا تعالي اطلبي السماح غير ذالك لن نسامح مهما كانت الظروف وستظل

العداوة مستمرة الي ان تدخلي هذا المنتدي وانتي طاهره وداخله الاسلام من جديد

[TETO]

شباب يا حلوووووين بالجد انا حاسة ان البت خلتنا نقلب علي بعض

زي ما قالت بت الجود هي كدا فرانة عشان كدا هدواء اللعب وخليكم منها

هي اصلا خلاص مشت بس خلت وراها ناس بتتناقش كل واحد عندو دررجة سماح

السامحها سامحها والماقدر الله غالب عليهو بس خلاص بلاش نزيد الموضوع اكبر من كدا وبالجد

خلينا نرجع زي ما كنا كانو ما حصل اي شي كان عشان ما يحصل خلاف في بيتن بسبب دخيل ولا رايكم شنو

[align=center]دهـ المفرووض ,,


ـآتمنـى من الجميـع يسوي فورمـآت ـآلى ما قبل البوست وينسـى [/align][/size]

[فارماس]

دهـ المفرووض ,,

ـآتمنـى من الجميـع يسوي فورمـآت ـآلى ما قبل البوست وينسـى

تيتو انت حضرت الكلام ولا بتسامح كدا بس وخلاص

والله العظيم لو قريت الكلام حقها الصباح والله يجيك سكري عديل

والاخ الاشيتر وادهم وفو وكفو

والله البت دي تاني اشوفا هنا الا ادخل عليها وبعدين كلكم بشوفوا البحصل

[القمر بوبا]

الموضوع تم حذفه قبل مانعرف بتتكلم عن ايه

وانا بصراحه الاخت السعوديه دي لم اقرا لها اي موضوع من قبل

يعني مفروض انتي لسه جديده في المنتدي تبتديها بااهانات ومشاكل غريبه دي

تعــــــــودي اختي الصغيره انه اي منتدي بيقوم علي الاخوه والكلمه الطيبه والروح الحلوه

وبما اني لم اشاهد الموضوع

يبقي مش من حقي اني اسامح او لا

معلش المره الجايه :D :D

[السودانى الاصيل]

انت متأكد انك سودانى اصيل الله اعلم

انا سودانــــــــــــــــــــــــــــــــــــــــى / جعلى مسيكتابى حر


سمعت بالجعليين المسيكتاب ؟؟؟؟؟

اسامه البت عمرا 12 سنه قدر الويه بتك ولمو فيها نبذ ناس عجااااااااز ومكركعين
وياخ 200 واحد عليها وهى صغنووونه حننتنى لمن نبذت نفسا

طيب بحكم انى سودانى معقول نبقا 201 على بنيه صغنونه ولاا اتنين على ال200 عضو ؟؟؟
ياخ البت متعصره علينا ومن غباها قالت كلاما الفى راسا
تفتكر يا اسامه لو البت دى كبيره وعاقله بتقول كلام زى دا فى منتدى سودانى ؟؟؟

لكن من جهلا
طيب تانى شئ
لو كل المتداخلين جاوبوا ليها بانو الخلقه دى ربانيه ونحن حلوين بى قيمنا واخلاقنا
كان عملت كدا احتمال كانت تحب السودان وتغيير فكرتا عنو

ولا هسى يعنى الشاكلوها ديل والنبذوها اسوا الالفاظ خلاص كدا نعطيهم الجنسيه وهم السودانيين

نحن يا حبيبنا سودانيتنا ما بنقيسا بالاساءه لى طفله قاصره حتى ربنا ما بحاسبا على الغلط
لانها ما كتب عليها القلم

انت امس ما نصحتنى الليله تانى قمت تهابش مالك
بس انا داير اعقل شويه احسان قالت لى ما تزعل من اى زول

وود الدرديرى قال لى لمن تكون زعلان اكتب ردك فى ورقه
واقراهو بعد تروق شويه

عشان كدا لو وريتك الورقه كنت انطقيت بالزعل

[فارماس]

السوداني الاصيل انت لو قريت الكلام بتعرف البت اذا كانت صغيرة ولا كبيرة

وانحنا افتكر بنعرف لغة الصغير من الكبير والبزائات اللي نطقت بها حقت مرا

اكبر من حبوبتي تقول صغيرة وهي لمن صغيرة ليه بتطاول علي ناس اكبر منها

ما هنا في نسوان قدر امها بعد ما تحترم نفسها مين يحترما وانت بتقول قدر بنتك

اذا بنتك غلطت زي دي بتسامحا ولا اول شي بتأدبا وبعد ما تستقيم بتسامحا

والله بالنسبة للكلام القراتة لو اتلموا فيها اهل السودان كلهم ضرب لم يشفي قليلي

خلي 200 واحد دي من المفترض تصلب ودخلت في شرك وبعتبارها مرتدة عن الاسلام

وايش الضمانات انها صغيرة ممكن داخلة بي عمر صغير واي واحد يمكن يسويها

اما بالنسبة للردود من سزاجة الاسلوب انت خلاص ما بتفكر انك ترد عليها الابما كتبتة هي

وانا من اوائل الذين ردو عليها بصلح في غلطاتها الاملائية وشوف ردها لي خلاص ياعبقري

في رايك انت دا اسلوب اقل حاجة كان ممكن تقولا لي مشكور لاكن هي من بدت بدت بي شتم

بالمعني الواضح هي عاوزة تخربا ولفظت بكلمات ماتقولا بت حتي ولا اي حد في الشارع

ممكن يلفظ بها .ولا نقول الا وهي مصدر للفتنة فقط

وعشان كدة يالسوداني اخوي خلينا واقعيين ولا نسمح لأحد ان يمس كرامتنا مهما كانت الظروف

وبالأخص حواء السودانية .وفي النهاية انحنا رجال وما بتفرقنا مرا

[Hoomy]

اسامه البت عمرا 12 سنه قدر الويه بتك ولمو فيها نبذ ناس عجااااااااز ومكركعين
وياخ 200 واحد عليها وهى صغنووونه حننتنى لمن نبذت نفسا

وبما انه الكلام دا بمسني في المقام الاول لاني تاني زول رديت ليها وأول زول رديت ليها بصورة محتج على تصرفها
فبقول ليك ياسوداني يا أصيل (ياحنين زي عش العصفور)
انه كلامنا ليها في البداية انها تراجع نفسها وتحترم الغير ودا كلام بتاع اولى ابتدائي بفهموا وعلمتنا ليه الحياه من ما طلعنا من بطن امنا ولهسي احترام الغير
تانيا ياسوداني يا أصيل : ياخي هي غلطت وعمرها 12 (وان كنت اشك في حكاية عمرها دي ) طيب الداعي شنو تغلط وانت عمرك ثلاثين سنة (عجاااااااز ومكعكعين) .
ثالثا ورابعا وعاشرا : انا معاتبك بقصد دوام المحبة
شكرا يارائع

[TETO]

تيتو انت حضرت الكلام ولا بتسامح كدا بس وخلاص

والله العظيم لو قريت الكلام حقها الصباح والله يجيك سكري عديل

والاخ الاشيتر وادهم وفو وكفو

والله البت دي تاني اشوفا هنا الا ادخل عليها وبعدين كلكم بشوفوا البحصل

[align=center]فارمـآس ,,


ـآنـآ طبعـآ قريت الكلام وما رديت لاني جيت متـآخر لقيتـكم رديتو وعمـلتو كل شي ,, :D

بس الموضوع زـآد عن حدوو ,,

وزي ما انت شـآيف الاعضـآء قلبو ع بعض ,,

وطلعـو من موضوع البت دييك وشاافو عشرريين موضوع تـآني ,, :D

انا قصـدي خلااص يعـني انسوو الموضوع والادـآرهـ بتتصرف مع العضوهـ دي زي ما بتشوفو منـآسب

ـآتمنـى تكون الفكـرهـ وصلتـك يا رـآقي [/align][/size]

[اسامه خضر محمد على]

اولا ومع احترامى للجميع ( ماعدا كاتبة الموضوع ) انتوا بتتناقشوا فى حاجه ماعندكم فيها يد وعندما يتعلق الموضوع بأهانة وطن وبناته يسقط حق السماح من الجميع وعندما يعتدى كائن من كان على بناتنا ونعتهن باوسخ الالفاظ ايضا يسقط حق السماح عن الجميع فاذ ا كانت الاساة للمنتدى او اعضاء المنتدى كنا نقول دى وجهة نظر لكن هذه النكره اعتدت على كل السودانيات والسودانيين بدون فرز ومن ثم اعتدت على المنتدى واستغرب من الاخوه فى الاداره هذا الصمت المريب وكأنالموضوع لايمسهم من غريب ولا من بعيد واذا مس احد الاعضاء الاخوه المشرفين بكلمه قامت الدنيا ولم تقعد حتى يتم ايقاف العضو وهذه النكره مازالت عضوه بهذا المنتدى مع انها خالفت قوانين ولوائح المنتدى بالصوت العالى وفى اعتقادى اى واحد يسمح او يسامح فى مثل هذه التصرفات يراجع نفسه ويشوف انوا هل هو فعلا سودانى اصلا ولذا لا سماح مع من يسى الى بلدنا او بناته ولاتى نعتز بهن جميعا لاسماح لا سماح لا سماح