ايها الغائبون .. اين انتم ؟؟

[هامس]

الاخ هامس والله فيك الخير

الاخ استارو موجود وبخير

بس تقريبا انتقل لي شغل جديد

شان كده ح يغيب اليومين دي




الأخ الكريم
أبن بطوطه

الخير فى أمة محمد صلى الله عليه وسلم
طالما دام هذا التواصل و التراحم رغم البعد بالأجساد
وفيك الخير إنت أبن بطوطه للأجابه السريعه والمطمنه

(همسه) لك العتبى حتى ترضى فى تأخير الرد

[هامس]

لك الشكر الجزيل على السؤال عمن غاب أو تغيب
أخونا الجميل ستارو يبلغك والجميع التحايا كلها


الأخ الكريم
ود الدرديرى

الشكر ليك إنت ود الدرديرى و إن شاء الله
دائما حامل بشارة الخير وربنا يرجع جميع الغائبين
وكل التحايا والتوفيق للأخ إستارو

(همسه) دمت بالف عافيه

[sunni]

يديك العافية يا هامس،، وربنا ما يفقدنا واحد من الأعضاء عندنا،، حقيقة في الفترة دي نفتقد عضوين جميلين نشطين وأصحاب مساهمات ولمسات واضحة وبناءة في منتدانا،، والإتنين غايبين لنفس السبب،، (عدم توفر النت بسبب الإنتقال)، وهم المشرف ستارو زي ما ذكرت، والعضوة سودانية نار،، وعلى حسب علمي انهم مع بعدهم من ناحية المشاركات،، ولكنهم قريبين وما إنقطعو عن المنتدى أبدا عن طريق المقربين ليهم

جميل منك أن تفتقد أخ ليك،، ربنا يديك العافية، ويجمعنا كلنا في الخير وعلى الخير

[هامس]

جميل منك أن تفتقد أخ ليك،، ربنا يديك العافية، ويجمعنا كلنا في الخير وعلى الخير

الأخ الكريم
السنــــــى
جميل منك إنت أخى السنى هذا التواصل الذى يعكس مدى الترابط بين جميع
الأعضاء وهذا ما دفع بهذا المنتدى الى الأمام وربنا يجمعنا جميعا دائما على الخير
ويشملنا بلطفه ورحمته .
فى الحقيقه هم فعلا من الناشطين جدا فى المنتدى ولهم بصمات واضحه فى إثراء
المنتدى وربنا ما يحرمنا منهم ومن أمثالهم ويوفقهم فى مقرهم الجديد ويجعله خير و
بركه عليهم . كما أرجو أن تبلغهم تحياتى وسلامى .

(همسه) يديك ألف عافيه
.

[المياسة]

تحياتي لك يا اخي هامس
لم يترك اخوتي مساحة فارغة لاكتب شكري لك - هم سبقوني -
لكني وجدت الهامش فكتبت لك اشكرك يا اخي
ارجو المعذرة على الوصول المتأخر
الميــــــــــــاسة

[هامس]

تحياتي لك يا اخي هامس
لم يترك اخوتي مساحة فارغة لاكتب شكري لك - هم سبقوني -
لكني وجدت الهامش فكتبت لك اشكرك يا اخي
ارجو المعذرة على الوصول المتأخر
الميــــــــــــاسة


العزيزه
المياســـــه
ولو يا مياسه يا بنت أخى الشكر ليك أنتى يا عزيزه على المرور الجميل ده
وتانى بشكرك كتير على سوحك بين ردهات المنتدى وتواصلك الروحى مع
إخوة لك شاءت الأقدار أن تنأى الأجساد وتتصل الأرواح بينكم رغم بعادك
عن الوطن الذى يجرى حبه فى دمك وربنا يعدل الحال فى الوطن حتى تعود
أسراب الطيور المهاجره مع صغارها لتتلاقى الأشواق و تتشابك الأيدى و
الأعناق بى حب قتلته الغربه .

(همسه) يديك ألف عافيه يا مياسه

[استارو]

أحباي عشاق هذا الصرح همسة يتدفق وبريق يجهر الاعين
اشكرك اخى هامس على سوالك عنى واتمنا بأن اكون دائماً متواجد معكم ، لهم كل التحايا والتقدير على ردهم عليك اخونى السنى وودالدرديرى وبن بطوطا ..زى ماقالوا الاخوان نقلت الى مكان جديد ويتطلب بعض الوقت ولكنى متواصل معكم بكل مااملك من حبكم وصداقتكم فلكم خالص الود على هذه اللفت الجميلة ولك خالص التقدير اخى هامس
وشوي شوي

[fot1]وقريباً جداً سوف نعود[/fot1]

الاخت الكريمة المياسة تسلمى ياغالية
(ولكى العتبة حتى ترضى) وأن شاءالله سوف نعمل على انجاح برنامج المسابقة واسف لتاخري
وتقبلى خالص تحياتى
واتمنا من الجميع

[grade="00008B FF6347 008000 4B0082"]تقبلي تحياتى القلبية من الرياض مقرونة بالمحبة والاخاء والسلام.[/grade]

[ابراهيم الجيو]

happy valentine day


تعال بيجاي ياود أمي،،،


هناية تعيش وتأخد غيرها،،،،

النصحية ليك ياوفي،،،
أولاد أهلها حايمين بعصيانهم ف الشهداء
تعال بيجاي بنخبيبك،،
وكان البورد ما شالك،،،،
صندوق الرسائل بتاع شمس الغربة بيشيلك،،





غايتو،،،،
تطير إنت ويبقى الحسس

[waya]

شنو يا الجيو ,,

الضرب تحت الحزام ,, ممنوع ..!

صهيب التعرفوا ولا الحسس المابتعرفوا

[sarona]

صهيب .......

...


..

..

..


..

..

..


حضرنا ولم نجدكم .............

.

[M.Hadad]

ثهيب
..........

[اصيله]

ثهيب
..........

تبكى بس


لانك عامل عاجبنى وغالبنى
بركة (مابسكويت )

[الدكتوره]

صهيب

الشوق بحر ماليه حد

[كاتم الاحزان]

الاخوة و الاخوات في منتدي انا سوداني

مساء الخير عليكم جميعاً

انا اسف علي الاختفاء المفاجئي و لكن نسبة لظروف العمل كان هذا الاختفاء و لكن انا اعود اليكم
من جديد .....
سجلت دخول علي المنتدي و كان اول مروري علي المنتدي العام اكتشفت اختفاء عضو فعال جداً
في المنتدي العام و هو عمنا العزيز احمد يسن اتمني ان يكون المانع خير امتمني من اي عضو يعرف
او معلومة عنه يمطمنا عليه ....

لكم مني ارق التحايا و الامنيات ....

[موكب فرح]

سلام ياناس المنتدي
هناك اناس غائبين تماما من ساحة المنتدي ومن الواجب نفقد الناس ديل
ونشوف الحاصل عليهم شنو؟
العرس نبارك ليه
المشوكش نكفر ليه
المهم هم طيبين؟
عايشين؟

بالجد الواحد فاقدهم في المنتدي بمواضيعهم الجزابة وشماراتم المركزة.العارف عنهم خبر يطمنا عليهم.

خالص الود
موكب,

[waya]

الأخ ,, كاتم الاحزان ,,

لا أحزنك الله .. لا في الدنيا ولا في الآخرة ,, مرحبا بعودتك واطلالتك الحلوة ,,
وسألت عن عزيز وركيزة مهمة نستند عليها دوما ,,

ونحن معك في هذا السؤال
ويارب يكون بخير

[اسامه خضر محمد على]

الاخوة و الاخوات في منتدي انا سوداني

مساء الخير عليكم جميعاً

انا اسف علي الاختفاء المفاجئي و لكن نسبة لظروف العمل كان هذا الاختفاء و لكن انا اعود اليكم
من جديد .....
سجلت دخول علي المنتدي و كان اول مروري علي المنتدي العام اكتشفت اختفاء عضو فعال جداً
في المنتدي العام و هو عمنا العزيز احمد يسن اتمني ان يكون المانع خير امتمني من اي عضو يعرف
او معلومة عنه يمطمنا عليه ....

لكم مني ارق التحايا و الامنيات ....

كاتم الاحزان عودا حميدا اخى الكريم ومكانك شاغر وفى انتظار ابداعك وربنا يطمنا على العم احمد يس وان يعود جميع الاخوه المتغيبون ولك كل الود

[دلع]

كاتــم الاحـزان


~

اهــلا بيــك اخــوي ونورت المنــتدى
وان شــأء اللــه يكــون العــم احمــد يس بخيــر وســلامة
ويرجــع لينــا بطــلتو الرائـــعة



~







دلــع

[احمد يس]

العزيز كاتم الاحزان
الاعزاء وايا .... اسامة خضر ....دلع

فوجئت بهذا البوست من كاتم الاحزان ...... وكذلك تداخلكم الكريم ...... فشكرا جزيلا لسؤالكم عنى واطمئنكم انا بخير ولكنى كنت مشغول بالتحضير لقضاء اجازة قصيرة قد تطول الى 3 اسابيع بين القاهرة والخرطوم ودبى ........والتحضير هنا قد يعتقد البعض بأنه التجهيز بالذهاب الى السوق وطلبات الاهل ولكنى كما تعلمون تجهيز شنطتى دائما قبل السفر بساعات ......... فقط المشغوليه فى انهاء الناحية العملية المطلوبة منى فى مكان عملى ........... شكرا جزيلا مرة اخرى لكم جميعا والشكر الخاص لكاتم الاحزان .......................... تحياتى

[ابراهيم الجيو]

العم القدير جداً ،، أحمد يس،،، ربنا يعينك ويسهل عليك مشغولياتك وانتداباتك،، وتكون رحلة علمية ترفيهية مفيدة بالنسبة لكـ،،،،،

وما تطول الغيبة،،