دعواتنا لكم بالشفاء العاجل

[batota]

ايميلي وصلك يا فرح ولا لسه ..

[حازم جمال]

اختى العزيزة فرح العسولا
والله العظيم ثلاثة انا الان افتح هذا البوست لمدة ساعة ونصف وكلها وانا افكر ماذا اقول وماذا اكتب
ساعة ونصف وانا احاول ان الملم شجاعتى واجمع كلمات واترجاها لتكون حتى ولو جملة واحدة تعبر لكى ما يجيش بخاطرى الان
اختى الغالية هاجر
هذه اول مرة نتداخل عبر موضوع خارج منتدى الرياضة
وهذه اول مرة اعرف مدى قوتك وانتى تصرين على التداخل والنقاش ومرات عدة بحدة معى دفاعاً عن ارائك ومعتقداتك رغم ما تعانيه من الآلام والسقام .
الغالية العسولا
انك يجب ان تحمدى الله على ان فضلك واختارك للدخول فى هذا الامتحان وانتى وبعون الله وبدعوات كل من يعرفك ستجتازينه وبتفوق إنشاء الله
والله اكرر اننى لم افكر مرة فى الكتابة عن اى موضوع الا وانسابت الكلمات وخرجت الافكار إلا هذه المرة اكتب وامسح اكتب وامسح
اختى فرح العسولا
بصراحة وبدون تزويق للكلام تمنيت لو اننى لم ادخل هذا البوست الذى اشعرنى اننى عاجز عن الوقوف معكى حتى ولو بالكلمات فى هذه المرحلة العصيبة والتى بعون الله ستجتازينها بقوتك وصبرك التى اعرفها
اختى العزيزة فرح العسولا
مع احترامى لجميع رواد منتدى الرياضة ولكنى بصراحة لن اجد له طعماً بدونك فانا وبصراحة اعترف لكى باننى اكتب لاراء بماذا سترد فرح العسولا ولحين عودتك باذن واحداً أحد سليمةً وبكامل صحتك وعافيتك فاننى سانزوى عن هذا المنتدى العزيز الى قلبى وستكون هذه المشاركة اخر مشاركة لحين عودتك انشاء الله لننثر الورود ونوزع الحلويات فرحاً وساكتفى فقط عبره بمتابعة اخبارك
اخيراً
بعدك الفريق حيصبح خلا
فلا تتاخرى عنا كثيراً وطمنينا عليكى
اخوك
حازم

[sunni]

ومرة تانية بكتب عشان أقول


قالو متألم شوية، ياخي بعد الشر عليك
النضارة الفي شبابك، والطفولة الفي عينيك
والقلوب الحايمة حولك، ياحلو بتتمنى ليك
بكرة تشفى وبكرة نفرح ياحبيب العمر ليك

لكل أعضاء، وزوار المنتدى،،،،،، ماعدا فرح العسولة

ياجماعة ملاحظين شيء،،،،
والله ما عندي غير أقول،، ماشاء الله عليها البنت دي،،،، مش في ظهور حب الناس وتقديرهم ليها وبس،،،لكن أقصد فيها هي،، مش فيكم إنتو،، لاحظتو ردودها للكل؟؟؟ بتتكلم مع كل واحد فيكم،، وترد على كل واحد فيكم بشكل مختلف،، فخاطبت من خاطبته بوظيفته، وآخر بمكان إقامته، وثالث بوظيفته ، ورابع بهواياته،،، فهي تعرف الكل عن طريق ما يكتب،، ولا تنسى،،،، الله يديك ألف عافية
كنا عارفين إنه لقبك جميل (فرح العسولا)، وأسه لقينا إسمك جميل، وروحك جميلة، ونفسك كبيرة، وقلبك ملان حب لكل الناس.... وما عندي أكتر من أقول ليك،، يديك العافية،، أما ما حابي أن أقوله، ولا أجد له الكلمات،، فسيصلك بإحساسك الراقي الأظهرتيه من يوم دقيتي باب المنتدى،، وحتى ردودك هنا.
ح أقولها بمنتهى الأنانية،، يارب ما تطولي عننا كتير،، لأننا كلنا ح نكون مشتاقين ليك، ويقصر فترة النقاهة عشان تصحصحي كدة،، وتجينا راجعة بسرعة.

بنتنا بطوطة،،، تم تعيينك وزيرة للإتصالات، تطمينا عليها، وتخليها متواصلة مع المنتدى وتعرف كل أخباره،، يعني عليك تشوفي كل المنتديات عشان توصلي ليها ما تحب، إلى أن تقوم هي بالسلامة، وترى ما تحب، وتتفاعل مع من تحب من أخوانها وأخواتها.

ح نفضل ندعي ليك إنه يخفف عنك بسرعة، ويديم عليك الصحة والعافية، وحب أخوانك ليك،، وما تقولي تاني إنك وحيدة ماما وبابا،، عندك هنا من الأخوان والأخوات،، والأعمام والعمات بمد البصر

السني ( مش سوني)

[شاربة توت ولابسة بوت]

عسولتنا العزيزه على قلوبنا ..
انعمك الله وامدك والبسك ثوب الصحة والعافية حبيبتى ..
وربنا ينصرك على علتك وترجعى لينا بالسلامة ..
فرحانة ..
عسولة ..
اموره ..
منورانا ..

[Suhaib]

اللهم اشفها واكتب لها الصحة انت الشافئ لا شفاء الا شفائك ،،،،







،،،،

[لحــ غروب ـظة]

[grade="FF1493 FF6347 800080 4B0082 8B0000"]فرح العسولا

يا عسولا
ربنا يردك بالسلامة

وأجر وعافية إن شاء الله وزي ما بقولو المؤمن مصاب وبختك لأنو ربنا بيريدك عشان كدا ابتلاك بالمرض دا ومتأكدين إنك حتصبري وتنجحي في الإمتحان الما زي أي إمتحان يا رب يكون في ميزان حسناتك

يلا أمشي وتعالي لينا عشان كلنا حنكون بإنتظارك

وسلامتك والألم بيزول.............

اختك دائما وأبدا .........
وحتغيبي عشان تجينا أجمل وأروع وروح جديدة
وكلنا نحبك[/grade]

[asool22]

أختي العزيزه فرح
لاأستطيع وصف مشاعري لكني متأكد أنك فتاة مؤمنه والمؤمن مبتلى
دعوت لك اليوم أمام القبة الخضراء ليمدك الله بالصحة ويكتب لك الشفاء
العاجل وترجعي للمنتدى بالسلامه كل يوم انشاء الله أفتكرك وأدعيلك بس جهزي بياضك
أهديك صوره خاصه للحرم النبوي الشريف من تصويري .

[حزن السنين]

[grade="00008B FF6347 008000 4B0082"]العزيزه العسوله
تمنياتي لك بالشفاء العاجل إن شاء الله[/grade]

[مجاديف الامل]

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

[MiSs PlAnEt]

عزيزتي فرح

بقدر ما احزنني الخبر ..افرحني ايمانك وقوتك

اتمنى لك الشفاء العاجل بإذن الله..ورجعتي لنا سالمة غانمة ان شاء الله
"قل لن يصيبنا الا ما كتب الله لنا"

تحياتي القلبية لكي يا غالية

[nunoosa]

اختي الغالية هالة

السلام عليكم

والف لابأس عليكي ياعسل

عزيزتي ان الله اذا احب عبدا ابتلاه والابتلاء على قدر المحبة


وانت والحمد لله انسانة مؤمنة وقوية وربنا يعينك ويصبرك

خلي بالك من نفسك وانتبهي لي صحتك

وتأكدي ان الله مع الصابرين

غاليتي عايزين نتطمئن عليكي في رحلة علاجك ويارب نسمع كل خير

وترجع لينا بالسلامة ياجميل

وخالص الدعوات الصادقات بالشفاء العاجل


مع محبتي

[فرحة العسولا]

معليش يابطوطه من الصباح مشغوله جيت حسى
لو فى طريق كمان رسلى لى على الخاص
تسلمى

[جذاب وما كذاب]

عزيزتنا والغاليه علي قلوبنا فرح

اتمني ليك كل السمح وربنا يوفقك في رحله علاجك

لما قريت كلامك بالجد اتاثرت وحسيت بيك
قلوبنا معك يا فرح وان شا الله تمشي وترجعي لينا بالسلامه

شدي حيلك وانا راجي الحلاوه (فيريرو روشيه)

[فرحة العسولا]

الهلالابى والهلالابى الى الهلالابى حتى الهلالابى
اخوى الغالى حازم جمـــــــــــال
وانا والله بعد قريت ردك بقيت ماعارفة اقول ليك شنو ؟
وبكتب سطر واقيف شويه ، لكن اقول ليك حاجه شارك وماتنزوى عن المنتدى
وكل ماتكتب اتخيل ردى ممكن يكون شنو
وياسيدى اديك تصريح مطلق انك تعبر عن راى
واكتب بين قوسين الرد الممكن انا كنت اردوعلى لمشاركة
عشان لما ارجع بأذن الله احس انو مشاركاتى زادت وانا
ماغبت كنت موجوده بينكم ،(دة لوبقيت فاضى زى كدة )
ثم تعال هنا منو القال ليك انك ما قادر تقيف معاى كفايه انك
تكتب وتدعمنى بالصبر ووتدينى احساس الاهتمام الحسيتو من ردك ،
كفايه عندى بس انك اديتنى شرف عظيم وقلتلى اختى ودى عندى بالدنيا .
من دون تنميق زى ما انت بتقول ، كتر دعواتك ، وطول سبحتك ، واشترى
مصلايه جديدة عشان العندك اكيد حتتقطع من القعاد عليها ، ادعى لى
وقول يا الله سهل عليها وصبرا واجعل الم السنين العاشتو فى ميزان حسناتا
وامكن ما احضر انتصار الهلالال الجاى عشان كدة من بدرى مبروك للعمالقه
وسلام خاص للبرنس وكل ماتتزكر الهلال وتدعى ليه ادينى انا كمان دعوة .
(عايزه لما ارجع اسجل فى الرابطه شوف لى واسطة )
اخى الغالى شكرا كتتتير لما تتعب من الشكر
الله يديك العافيه وعمرك ماتشوف الشر
اختك دائماً وابداً
هالـــــــــــــــه

[فرحة العسولا]

اقول عمو بكبرك والراجل جنو وجن يكبرو ويقولو
ليه يا عمو انا عااااااااااااااااااااااارفه
وكمان ماعرفاك متزوج عندك اولاد الحاصل شنو ؟
اقوم كمان اقول ليك بابا تحرد وما تتكلم تانى معاى
والصوره بتقول انك شاب صغيروووووووووووونى
خلاص اقول ليك
خالــــــــــــــــــو السنـــــــــــــــــــــــــــى
شكرا لى كلامك الجميل زيك ، برغم انك قلت للكل عدا فرح العسولا
لكن ياخالو حق الشمار بس ،شكرا شدييييد لى اهتمامك ، ومرورك كم مره
واوعك ياخالو تخت السبحه ، ولاتنسانى من دعواتك , خاصه يوم العمليه
اكيد حتعرفو قبلها بى يوم ، وبينى وبينك انا خايفه لمن ماعايزه اعرفا زاتو متين
بينى وبينك بخاف من الحقن شوييييه ماكتير، لكن اتعودت اسوى شنو حال الدنيا
شى فى الوريد وشى فى الكتف اسكت ساى بقيت غربال عديييييييييييل
خالــــــــــــــــــــــــــــــــــــــــــــــــو
ادعى لى ادعى لى ادعى لى ادعى لى .....
لوعايز تقيف معاى فعلا ادعى لى
وكلكم ادعو لى
ومتخاف والله صاااااااابره فضل القليل
يديك العافيه ويديك الصحه ويديك كل الانت عايزو
وعمرك ماتشوف الشر ولا يجى هو عليك
بت اختك البتحبك
هالـــــــــــــه

[فرحة العسولا]

شاربه توت
اول اسم لفت نظرى فى المنتدى
الله يديك العافيه ويحفظك ويحفظ البراعم الحلويييييين
ويخليهم ليكى
وعمرك ماتتالمى ولا تحسى انتى وغيرك بلالم
وانا لسه مصره وعايزه اخطب ولدك( ابو تى شيرت احمر )
لما ارجع عايزاكى تكونى اقنعتيه لى
الله يديك العافيه
وتسلمى ودعواتك ثم دعواتك
وعمرماتشوفى شر

[فرحة العسولا]

شكرا صهيب والله يعافيك
وبرضو مابعفيك من الدعوات والدعوات
وانت مشرف اغسطس عايزه اقول ليك
عيد ميلادى 22/8/
كان نفسى اكون معاكم ،( ماتنسو الهدايا )
عمرك ماتشوف الشر
شكرا صهيب

[فرحة العسولا]

لحظة غروب كنت قايلاك ولد
شكرا ليك وفعلا المؤمن مصاب وانا
الحمد الله مؤمنه ومصابه والله نعمه لانها
من رب العباد وكل حاجه من الله رحمه مهما كانت
شكرا ويديك العافيه
مع خالص حبى

[فرحة العسولا]

عسوووووووووووووووول
شكرا شديد وهاك البياض من هسى
انا حفظت الصوره ونزلتها خلفيه موبايل
الله يديك العافيه وايوة كده من البدايه صورة الحرم
ومصورا انت , والله رضا الحمد لله
شكرا يابش مهندس ، وابقى 10على العقاب
اختك هالـــــــــــة

[فرحة العسولا]

حزن السنيييييييييييييييييييييين
خير الكلام ماقل ودل متبع القاعده دى شكلك
مالا سطر واحد بس
الناس كتبت ماخلت شئ لكن والله عازراك زى ماقريت ليك فى وحده
من ردودك وانت مستأ من ضغط العمل والبسببو الواحد بيغلك كتيير
حتى فى الطباعه ،
شكرا على مرورك حتى لو ماشاركت وقريت بس
مرورك نور الصفحه
الله يديك العافيه
وعمرك ماتشوف الشر
تقبل فائق احترامى وودى
اختك هالـــــــة