كيف تصبح سودانياً حقيقياً ..(( .منقول ))

[النيل الازرق]

من وجهة نظري الموضوع ده احتمال يكون صحيح
لانو اغلب السودانيين الواحد تلقاو شغال داعك4 و20 ساعة وماعامل حاجة
عشان كده اخير ليهو يقعد يرعى مملكته واحتمال يلقه حسنة لو جاب واحد مريض يشتغل محله

[هتان]

السلام عليكم ,,,
في رائي المتواضع
بشوف انو الواحد فينا يعمل العليهو و يكون مبسوط من نفسو و ينسي الناس
لانو العرب قديما قالت من اشتغل بالناس مات هما والكلام ده ما اتقال ساي
اتقال عن تجارب ,,,,



لو عملنا مقرانه بسيطه بيننا و بين دول الخليج
بنجد ان
الشعب السوداني شعب مسكين شديد و حق اليوم باليوم ,,,
يعني عند 80 % من الشعب تشتغل تاكل ما تشتغل ما تاكل عديل ناس غلابا
و 10% ارزقيه مع الاعتذار للحراميه
و 10 % ناس مقرشه

اها ناسنا الفوق ديل لو تكلو في البيت و اتكاسلو زي ما بيزعم صاحب البوست باعتبارهم اغلبيه الشعب السوداني ,,, هل بيعيشو ؟؟؟



نسمك ناس الخليج
اول شي ناس سمان ,,, ضاربين الجكن و البكن و التكن
و وشوشم منديه ,, من الكندشه
كان الواحد فيهم اشتغل ولا ما اشتغل امورو مقضيه ,,,
اها الكسلان منو


يا عزيزي يا كاتب هذا البوست
في ناس بتمسح قعر الجزمه
و ناس تتمرمط وسط النعمه

و تقول كسالي ,,,
في ناس شغالا ليل نهار ما بتنوم عشان ما توفر لقمه هنيه حلال
و تقول لي كسالي

احمد ربك انو اداك ,,,,
في غيرك ما لاقي


و تقول لي كسالي ,,,,


اها السؤال التاني ,,,
هل هم علي حق فنحن أمة تعاني من الجوع ونمتلك مليون ميل مربع أغلبها صالح للزراعة؟؟


طيب فرضا عندنا مليون ميل مربع ,,, وينها اليه التشغيل المفروض توفرها الحكومه
في كم خريج زراعه سايق امجاد وركشه وووو ,,, ليه ؟؟؟

ده سؤال يا صاحبي اجابتو عند الناس العندها كروش و قروش

السؤال البعدو ,,,
هل نحن كسالي لأن العالم ينتظرنا لكي نكون سلة غذائه ونحن نستجدي المأكل والمشرب والأمن؟؟
هل نحن كسالي لأن أراضينا مليئة بالثروات المعدنية والبترولية وتحتاج لمن يحفرها؟؟؟


اجابات السؤال ده سبق وان تمت في سؤال سابق


البعدو

هل نحن كسالي لأننا لم نحل قضايا الوطن العالقة؟؟
طيب يا سيدي ,, نحن حقتك دي قاصد بيها الشعب صح

بافترض انك قلت صح
و كان قلت لا كلمني



البعدو

هل فعلا نحن كسالي لأن شورعنا متسخة ومدارسنا مهدمة ومستشفياتنا تسكنها القطط والفئران؟؟

الشوراع متسخه ,,

انا زول يادوب حق اليوم باليوم
امشي الحق رزقي ولا اقعد انضف ليك الشوارع
عشان سيادتك تقول اني ما كسلان
ملاحظه
انا ضمير يعود لاغلبيه الشعب السوداني


مدارسنا مهدمه
الحته دي تبع وزارة التربيه و التعليم
امشي اسالهم
قروش المدارس الخاصه حقت اولاد العز والراحات
ما بتصلحو بيها العامه ليه ؟؟؟


ومستشفياتنا تسكنها القطط والفئران؟؟

سمعت بي وزارة اسمها وزاره الصحه الاتحاديه ,,
ما اظنك

طيب تعال نحكي ليك ,,
دي وزاره مهمه شديد تعني بالصحه و كل ما يتعلق بها في هذا الوطن الحبيب
اسندت مهامها الي الدكتورة تابيتا بطرس المقيمه بلندن
حيث انها لم تزر السودان قبل توليها هذا المنصب

امشي اسالها ليه و ليه بتاعتك دي ؟؟




هل لأننا لم نفلح في اللعب أو في الجد؟؟؟
هل نحن الشكروه رقد؟؟
هل نحن عصمان ودينق وأبكر وماجوك وأبكر وأدروب ومحمد الذين يعانون من مرض الكسل والنوم؟؟
هل نحن شعب كسلان
هل؟؟


يابا شكلك مغترب و ود راحات
لانك كان قاعد معانا هنا كلامك ده ما بتقولو ...


تعال السودان اجازه
و شوف الناس دي عايشا كيف

و بعدين سعادتك ابقي قرر اذا كان عصمان ودينق وأبكر وماجوك وأبكر وأدروب ومحمد ديل البقومو مع النباه عشان ما يسترزقوا كسالي ولا لأ ,,,,,,,,,,,,

[قلق]

والله يا اخوي هتان كفيت ووفيت ةلا فض فوك شكلك عايش هنا في السودان ومدروش زينا وشايف بي عينك كيف الشعب قاعد اتحول لطبقتين طبقة غنية شديد وطبقة فقيرة شديد الطبقة الغنية غنت كيف مافي زول عارف او تقدر تقول اي زول عارف وساكت لكن غلطة في حاجة واحدة انو طبقة اولاد المرطبين انتهت وبقت في طبقة اولاد الكيزان وطبقة اولاد اصحاب الكيزان وطبقة اولاد الماكيزان طبعا ديل الجزو الفقران

[سعودية وكلي فخر]

السلام عليكم ورحمة الله وبركاته ..

اخوااني ..
ان الله مع الصابرين والله بين غمضة عين وانتباهتها يغير الحال ..
فلا تيأسوا ولا تقنطوا من رحمة الله ..
فيه دول كثيره كانت في الحضيض وصارت من ارقى الدول ..

انا بصراحه ما اعرف عن احوال السودان وشعبها كثير بس تأكدوا
اذا توحدت كلمتكم واتحدتوا اكيييييييد بترتقون بدولتكم ..

الله يعطيكم على قد نياتكم ويرزقكم من اوسع ابوابه ..
" امين "

[دلع]

سعودية وكلي فخر

.

فديتج اختي احنا ما يأسنا من رحمت الله ولا اشتكينا حق حد

ولكن انتي اللي جبرتينا نقول هالكلام

وانتي تقولين انكم عايشين ف ترف ليش شايفتنا فقرا

والحمد لله راضيين باللي احنا فيه

وعلى فكرة احنا اول دولة متطورة ف الاتصالات امريكا واليابان ما وصلونا للحين

وتقولين كسالا

..

وبالنسبة للكسل دا كلام ما صاح والناس نشرو عن السودانيين

واللي عاشر السودانيين عارفهم كويس

تخريمة

:: واذا خاطبهم السفهاء قالوا سلاما ::

[حرامى الجداد]

[والله يا اخوانا انا ما اظن الاخت السعودية قصدت الكلام القالتو وعندى قناعة تامة بانهاعارفة السودانين ومدى اخلاصهم واجتهادهم فى عملهم خاصة فى بلاد الغربة وكل ما قصدتهم هوالاثارة من اجل الضحك . على كل حال مرحب بيك يا سعودية بين اهلك واخوانك وحبابك عشرة وكان ما شالك الراس بتشيلك العين

[معتز]

اخونا مستر زوول و والله موضوع كسل السودانيين دا فعلا وراد والكل بيقول انه السودانيين كسلانين
وما بيحبو العمل والله انا شايف عكس كدا ولو على الاقل فى بلاد الغربة لكن فى السودان هناك والله ما عارف
زى ما بيقولو احذرو من لسان المصريين
ومن حسد اللبيين
و استهزاء التوانسة
وغدر الجزائريين
وسحر المغاربة
كملو الباقى وقالو من كسل السودانيين
وشكرا ليك يا غالى

[شمس الغربه]

[align=center][color=00008B]السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

أولا من منظور أن الموضوع في اطار ساخرأقول لك أخيتي الكريمه:
في نكته تقول ،،،،

البنت الخليجيه =

عبايات كشخه

+

موباااااايلات

+

النت

+

سياره

=

طموح مئه في المئه خخخخ

وكمان الشب الخليجي =

شماغ بروجيه

+

سياره يفحط بيها او يفعص فيها خلق الله ، وواحده ثانيه يروح بيها البر

+

موبايلات يمسج فيها عبر الفضائيات ومعاكسة البنات

=

شااب طومحه ميه بالميه خخخخ:D

...............................................................
..............................................................

وومن منظور آخر >>> الرأي والرأي الآخر

أقتبس من قولك:
(ياجماعه ليش كل الهجوم ذا انا بس كنت انقل لكم كلام أخوانكم عنكم)
اذا لم نردعليك قلت كسالى ،، ورردنا قلت هجوم ،،، حيرتيني في امرك

أخيتي الكريمه:
لأصحح لك مفهوم معنى الحضاره الأنسانيه
وقد تعدد معناها في الاصطلاح: فهي بمعناها العام: ثمرة التفاعل بين الإنسان والكون والحياة، أي: ثمرة الجهود المبذولة من قبل الفكر الإنساني للاستفادة من الأجهزة الكونية المتناثرة حولنا (2). أو هي الجانب الآخر غير المادي في حياة الأمة، وهي العلم والتصورات والأفكار والسلوك والآداب، وكل المعاني التي تدخل في الجانب المادي

وقد عرفها بعضهم بأنها: نمط من الحياة المستقرة ينشئ القرى والأمصار، ويضفي على حياة أصحابه فنوناً منتظمة من العيش، والعمل، والاجتماع، والعلم، والصناعة، وإدارة شؤون الحكم، وترتيب وسائل الراحة وأسباب الرفاهية (3). وهذا تعريف للحضارة وآثارها العامة، وليس تعريفاً دقيقاً يحدد معناها.

ومن العلماء من عرفها بأنها: كلّ ما ينشئه الإنسان في كلّ ما يتصل بمختلف جوانب نشاطه ومعانيه، عقلاً وخلقاً، الفكري والمادي. أو باصطلاح آخر: الروحي والمادي.

وبعض الباحثين يرى: أن الحضارة الحقة هي التي تطلب من الإنسان في مظاهر الحياة كافة أن يتذكر الله، ويتذكر فطرته هو بحيث يستطيع أداء دور خليفة الله، وهو الدور الذي وجد فيه على هذه الأرض(4).

والمودودي يرى: أن الحضارة: مجموعة المبادئ والأفكار والأصول والتربية التي تثمر لوناً من ألوان الحياة الاجتماعية بمقوماتها المختلفة.

وربما كان معناها العام أيضاً: طريقة الإنسان في الحياة، أو مجموعة أفكاره عنها، وأعني بالحياة: الأعمال اليومية التي يمارسها الإنسان في معيشته، ففكرته عنها ونظرته إليها يكيف سلوكه فيها ويحدد طريقة تصرفه في أعماله.
فالدكتور يوسف القرضاوي ـ مثلاً ـ يرى: أن الحضارة لها جسم وروح، وجسمها يتمثل في منجزاتها المادية: كالمخترعات والمصانع والطائرات والأسلحة والأبنية وغيرها، وروحها يتمثل في مجموعة العقائد والمفاهيم والقيم والآداب والتقاليد التي تتجسد في سلوك الأفراد والجماعات(5)

الخلاصه:
لخصي انتي ماترينه برأيك
ولكن لاتختصري على المكيفات وحياة الترف فهذا لايدل على الحضاره ولاينتمي لها

وعن قولك:
( العبد يظهر نعمة ربه)
وانا أقول لك:(ان المبذرين كانو من اخوان الشياطين)

ونهاية القول:
لكل شعب من شعوب المسلمين بالأخص مزايا دون غيره وكذلك مساوىء دون غيره
>>>( القاعده الأمريكيه في خليجكم)[/

color][/font]

وحبـــــابك عشره
تحياتي[/

font][/size][/color][/color]

ولي عوده[/B][/align][/color][/font][/size]

[الشامخ]

حبيت اشارك معكم واثبت ان السوداني ما كسلان زي مابتقول بعض الجنسيات وهي جنسيات معروفه بتحاول تقلل من قيمة السوداني لان السوداني هو المنافس القوي بالنسبة لها وهي الجنسية المصرية ، ماعلينا منهم بس انا حبيت اوضح ذلك والله انا منذ ان قدمت الى المملكة العربية السعودية الي وانا اكتب هذه الرسالة الا وانا اعمل فى وظيفتين صباح مساء الى درجة اني والله ما اجد وقت اكل فيه لقمة وظروف الحياه بتجبر الواحد على ذلك طبعا انتم عارفين المسئولية المترتبة على السوداني وخاصة المغترب ، ومثل ماذكر اخواني ان السوداني تغير تعرفوا انا مرة كنت اعمل فى عمل من الساعة 9 صباحا الي الساعة 3 عصراً ثم اذهب الى العمل الثاني والذي يبدأ من الساعة 4 عصراً الي الساعة 12 ليلا وكنت لازم اذهب للعمل الاول مرة ثانية عشان هم بيقفله حساباتهم بالليل ولازم نعمل الجرد يوميا ولازم اكون موجود ( لانهم مطعم وجبات سريعة يعمل من الساعة 9 ص حتى 12 ليلاً ) كنت اصل عندهم الساعة 12 ليلاً واجلس يمكن ساعة او ساعتين وارجع البيت... يعني بطلع من البيت من الساعة 9 صباحا وارجع الساعة 2 صباحا طبعا والله لما ارجع البيت واجد اخي نائم ولما ادخل يصحي يقول لي ده شغل شنو والله شغلكم ده زي شغل الحرامية بتجي انصاص الليالي بس تركت هذا العمل لانه بصراحه مرهق جدا بس كان مجدي لحد ما . والان نفس الطريقة بس بصورة افضل اعمل فى عملين من الساعة 9 صباحا وحتي الساعة 5 م واذهب الى العمل الثاني من الساعه 6 م وحتى الساعة 10 م ، بس بالله عليكم وين الكسل يعني الواحد بيفكر يقول ربنا لما اعطاك الصحة والعافية والقوة وانت شباب ليه ماتستفيد منها قبل ماتكبر وتشيب ...وتعرفوا والله انا مشتهي النوم ولما ارجع السودان اقول ليهم بس انا عايز انووووووووووووووووم .....

[waya]

كان كده .. أنا ما سوداني

[أبعاج]

كيف تصبح سودانياً حقيقياً

ً
1. اجعل هدفك في الحياة هو الراحة والاسترخاء

2. حب سريرك فهو مملكتك الوحيدة

3. ارتاح بالنهار لتتمكن من النوم بسهولة في الليل

4. العمل شيء مقدس، لذلك لا تقترب منه أبداً

5. لا تؤجل عملك للغد طالما يمكنك تأجيله لبعد الغد

6. اعمل أقل ما يمكنك عمله، وحاول أن تجعل غيرك يؤدي عملك بدلاً منك

7. لا تقلق لن يموت أحد إذا لم تفعل شيئاً، بالعكس قد يتأذى البعض عندما تعمل

8. إذا أحسست بأن لديك رغبة في العمل، استرخي قليلاً حتى تزول تلك الرغبة

9. لا تنسى : العمل مفيد للصحة،لذلك اتركه دائماً للمرضى

منقول من احدى المنتديات السودانية

مع تحياتى

بصراحه أنا لاأحب مثل هذا الكلام الذى يروجه الاخوه الخليجيون !! ويصفونا بالكسل !! وللاسف نحن ننقله فى منتدياتنا !وهو يعتبر أساءه لنا ! فنحن لسنا بهذا الوصف أبدا [/font]

[بت الاحفاد]

شكرا يادلوعه بالجد روعه........

[عجوز حلوة]

تســـــــــ ــــــــلمي على البـــــ:D ـــــوست الحلو والمــــــــهم ودي نصائــــــــــح مهمـــــــه وتقبـلي مـــــروري

[الغريبة]

صح لسانك يا عسل
يا ريت لو الناس كلها تعمل كدا..

حتكون الدنيا لسه بخيير
لكن تقولى شنو ؟؟
ناس اخر زمن..

لك تحياتى

[بت أزهري]

ههههههههههه

صح لسانك

[مشـMEDOـاكل]

ههههههههههههههههه
من جد نصائح مهمة
شكرآ :079: ع النصائح يا دلوعة

[lord of murder]

هههههههههههههههههههههههههههههههههههههههههههههههههههههههههههههههههههههههههههههههههههههه
ده شنو دي نصايح كسل الظاهر مممممممممممممم
انت كده ولا شنو

[حلوة بس فقيرة]

نصائح فظيعة ياريت لو الكل يطبق النصائح دي بحزافيره

[ابن عوف]

فوق




يديك العافية طبعا النصائح دى عك.....................................

[ام الانبياء]

نصائح جميله..ورائعه
ياريت كنا نقدر نلتزم بيها
ودمتي بخير