سوداني اسم بس

[أميرالأحزان]

اخي الفاضل /

طبعاً مفهوم قصدك تماماَ ... وانا على العموم يعني ما قريت ردود الأعضاء ما شالله شافها صفحتين هيك بتخزي العين ...
على العموم رأيي انا شخصياً بما انو مقيم حالياً بالأردن يعني شوي وشوية واتعلمنا اللهجة الأأردنية واصلي من جهة الوالدة من مصر

يعني بإختصار كلو واحد واكلمو بلهجتو عشان يقدر يفهمني وانا اقدر افهموا وما يكون في اي تعقيدات بيننا ..
"""""""

تحياتي لشخصك ... والله يعينك على باقي الأعضاء هههههههههههه

[ودالشريف]

كلااااااااااااااام تمام

سودانى الجوه وجدانى بريدو


ونحنا ناسا نضمنا سمح وطبعنا سمح


بلادى انا


بلادي بلاد ناسا مواريثم

في أول شي ..كتاب الله

وحصان مسروج، وسيف مسنون حداه درع

كتاتيبم تسرج الليل مع الحيران

وشيخا في الخلاوي ورع

وكم نخلات تهبهب فوق جروفا الساق

وبقرة حلوبة تتضرّع وليها ضرع

بلادي أنا

تشيل الناس ، كل الناس وساع بي حيلا وليلا يسع

وتتدفق مياه النيل على الوديان

بياض الفضة في وهج الهجير بيشع

بلدي سهول ، بلدي حقول بلدي الجنة للعاشوها

ولي البرّة بيها سمع

بلدي بلد ناساً تكرم الضيف

وحتى الطير يجيها جعان ومن أطراف تكيها شبع

بلدي بلد الصفقة والطنبور وجاراتن تنق بالليل

وبنوتن تحاكي الخيل

يشابن زي جدي الريل

بلدي أمان ، بلدي حنان وناسا حُنان

يكفكفوا دمعة المفجوع

ويبدّوا الغير على زاتم

يقسموا اللقمة بيناتم

ويدّوا الزاد حتن كان مصيرم جوع

يحبّوا الجار

يموتوا عشان حقوق الجار

يضوقوا النار عشان فد دمعة

وكيف الحال لو شافوها سايلة دموع!

ديل أهلي .. واللــــــــــه ديل أهلي

البقيف في الدار في نص الدار

وأقول لي الدنيا. كل الدنيا ديل أهلي

عرب ممزوجة بي دم الزنوج الحارّة

ديل أهلي .. ديل قبيلتي لمّن أدور أفصل للبدور فصلي

ديل فصلي

أقول بعضي

ألاقيهم تسرّبوا في مسارب الروح

بقوا كولي

ألاقي قلبي والإحساس

وسافر في بحار شوقم زمــــان عقلي

أنا محل قبّلت ألقاهم معاي ، معاي زي ضليّ

أنا لو ما جيت من زي ديل كان وا أسافاي ، وا مأساتي وا زّلي

تصوّر كيف يكون الحال لو ما كنت سودانى...

وأهل الحارّة ما أهلي

تصوّر


ومافى زووول اصيل بيقبل يبدل جلدو ولا يعوج لسانو ونحنا ساس وراس



بالله فى نضم احسن من نضمنا


هوى يا وليد يا دلوعة يا مرنوعة
أعدل إيدك المفدوعة
واتلحلح واقيف دغرى وواس صدرك
مع صدرى واتشدع
ليك الحق شان ولدوك فى اسفنج
وحتى أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك بعد مازدتا فوق سنتين
وفى سن عشرة كان نومك على الليدين
غطاك بالشاش وفرشك بحرير الصين
والبدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين وليك الحق
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين وليك الحق
عشان ادمنتا عيشة اللين
ومشي الاسفلت ما جربتو بالكرعين
ركوب اللورى فى شمساً تصر العين
وما عانيت وقوف الصف وراء التموين
عشان يا انتى ما بتدرى سجل ابواتك البدرى
دحين اسمع سماك الباكى الزال
يا ما كانوا تحتوا رجال ابوخنجر وابوشوتال
والصقر البجيك خوجال صوتن كان يمين جلجال
ومكسيين كمال وجلال لكن الزمن اسرع
سيفن بلحس الفقره وما كان برضو بالحقرة
وكانوا بضبحوا الشقره
وكانوا بضوقو العادوه نوم الكوع
وكانوا بموتوا فى شان حرمة (..........)
الجعلى اب شرابا حار وقالوا بعدى يومو خنق
والشايقى البياكل النار وفوق نحاسو متخنق
ودرفون البجا الصقار وحاقب سيفوا ياكل الشق
والغرباوى عينو شرار وكضب القالوا عندو عرق
والنيلى البعرفوا كتار على كتل الأسود جرق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع .. هزى يا وليد
حصل جربتا كب السارية
فى القلعة وخلا العتمور
وشفتا بروقه تتلقص وتتحرقص
تقول مطويه فى قرقور
وعاوى الزيفة بنفخ فى
جبال النقعة زى الصور
والحصحاص يجرفوا السيل
يكنسوا على مهاوى الخور
وقلب الصاقعة يتطرقش
يكب النار دمار وشرور
وشفتا الحال عرق مقلوع
جبل متروم فرع مكسور
جمال غرقانة بى حالا حد المويه فى الغرغور
ود اب نادم المسكين نجاتو تحت قرون التور
والعوتيب عريش يجرى يشيلك وانتى ما بتدرى
هوى يا وليد ...
حصل سادرتا بالديداب وقدامك
مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرجاك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاصه
ورعدا تقول رصاص وكت فركع
هوى يا وليد ...
حصل صحاك عز الهجعة
صوت شتماً بعيد مخنوق
وجاتك شخرة الطمبارى مشتاقاً يسوى القوق
ونومك طار واتقسم والرشرش صبح مفروق
واتلفحت نص من توبك الجرجار
على الدلوكة سايق سوق
وتلقى هناك بنات بلدك ولاد بلدك
يعلو الصفقة تقدح فى القلوب الشوق
ونغم الفال ابشرن يا بنات بالخير
والجنيات تطير لا فوق
وكم زغرودة تتفجر تفور بالناس بعد ما تروق
يعوم فى الصدور وتشابى للمجهول وما بتضوق
تميل زينوبة زى البان يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات وتتنظم تقيف فوق روق
وكل واحد يهز ضرعاتو والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق
ويتقدم عريس السمحة رافع صوتو
كان بسوقوا بيهو النوق
والعنجاوى ينزل فوق ضهورن
بس تقول منشحطة فيها بروق
يبدا مجرو بالترقوة ويتحدر
مع الضلع القصار ملصوق
واحمر عين يشم الدم بعد ما يرش بنات
عمو ويزيدن شوق
وثابت حيطة لا بتهز ولا بتلز
وصارى جبينو كلو عروق
وقال بعد العقد طلقانة ما يحجزوهو
إلا يخلو ضهروا شقوق
هناك الحال مغير جد هيجة الناس تفوت الحد
وكان حجاز مد الليد بتسمع كع
هوى يا وليد ...
حصل شارفت دغشا بدرى
فوق حجرة مخانق النيل
فى سنة تساب والشر ق
حزم القيف وطفح الكيل
وشوفتا الهيبة فوق اسيادا
والشخرى البكتل الحيل
وشفتا الجارى يحفر فى سروف كوكبنا
بس داير يشقو عديل
بصدرو متحزم ومتلقف صفوف فى صفوف
يحاكى الخيل ومو يتو الهايجة تبلع جب
وتجقم فى مدالق السيل
وفوق الرملة مشرور العشارى طويل
معشعش بين نوايبو الطير
وحليل جزايرو جاها النيل
وحالف ما يخلى شبير
حزم اطرافه يكسر فيها
بالهدام وينحر فيها بالقرقير
وبكرة يموصها يشرب طينها
يزرع فيها شلالات هدير وهدير
وتكسح مركب النواتى عايمى
على قرون الموج جناحها كسير
رواسيها مالى اصابعوا فى المجداف
يقوم لافوق ويجى من تانى فوق الدفة رافع ايدو
ينده فى جملة الصلاح واهل الخير
هناك الموت يمين شافوهو شوف العين
مافى شفيع ومافى مجير
تقول الزول يعرف اجلو
ومكان موتو لولا إنو ما كشفو الإله لى غير
عاد ما دام رقاب الموج تمد لسناتا
فوق للحيف تكب الصير
وشن فضل بلا الغرق البدور ناعى
وفعلا كانوا يا هو مصير
ومشت المركب الغرقان بين موجتين
وطفروا منها النواتا قالوا اخير
تماسيحاً يقالدوا الموج يصارعوا
عتاوة العرق الكتالو مرير
ساعة يعمو بالضرعات وساعة فوق
صدور ضمة مااتبلت ولو قطير
ديل يا وليد ولاد النيل
رضو الهيجة من صدروا
ومن الطيبة رضعوا كتير
الواحد فعايلو كتر ونضمو دقاق
نهرتوا تسوى الفاق ومر لا ضاقوه لا بنضاق
كفاك يا وليد بلاش فاقات أنا تهتا فى الاشواق
وما برجع وهسع ضمة لا شايفك ولا بسمع .

[spanisheyes]

طيب وانا كسوداني ما عاش في ليبيا اعرف معني كلمه باهي دي كيف؟؟؟؟؟؟
بالنسبه للمسلاسلات والافلام فدي برضو موجوده في السودان اما بالنسبه للنكت فكتير جدا منهم بلقاهم بلهجات تانيه وبعدلهم وبيكونو مضحكين الا ما ندر

واذا كنتي بتتكلمي مع صاحباتك باللهجه السودانيه البيمنع شنو برضو في المنتدي تكون دي اللهجه السائده؟؟؟؟

اذا الكل حاول يتكلم مع جنسيات اخري باللهجه السودانيه شويه شويه بيتعرفو عليها ورغم صعوبه الحاجه دي الا انها بتستحق المحاوله
متفقين يا بتنا؟؟؟

العزيز تيملي :

انا كلامي القلتو ما قصدت بيهو اني موافقة علي الئشي البيحصل ولا
معارضاو انا وضحت ليك بس الاسباب البتخلينا نحنا العايشين خارج السودان
نقول كلمات غير سودانية لاننا اتعودنا عليها ومشت فينا

بس عشان خاطرك وخاطر منتدي انا سوداني
تاني بنتكلم سودااااااني بحث بس انت ما تزعل

اتفقنا

[M.Hadad]

كلااااااااااااااام تمام

سودانى الجوه وجدانى بريدو


ونحنا ناسا نضمنا سمح وطبعنا سمح


بلادى انا


بلادي بلاد ناسا مواريثم

في أول شي ..كتاب الله

وحصان مسروج، وسيف مسنون حداه درع

كتاتيبم تسرج الليل مع الحيران

وشيخا في الخلاوي ورع

وكم نخلات تهبهب فوق جروفا الساق

وبقرة حلوبة تتضرّع وليها ضرع

بلادي أنا

تشيل الناس ، كل الناس وساع بي حيلا وليلا يسع

وتتدفق مياه النيل على الوديان

بياض الفضة في وهج الهجير بيشع

بلدي سهول ، بلدي حقول بلدي الجنة للعاشوها

ولي البرّة بيها سمع

بلدي بلد ناساً تكرم الضيف

وحتى الطير يجيها جعان ومن أطراف تكيها شبع

بلدي بلد الصفقة والطنبور وجاراتن تنق بالليل

وبنوتن تحاكي الخيل

يشابن زي جدي الريل

بلدي أمان ، بلدي حنان وناسا حُنان

يكفكفوا دمعة المفجوع

ويبدّوا الغير على زاتم

يقسموا اللقمة بيناتم

ويدّوا الزاد حتن كان مصيرم جوع

يحبّوا الجار

يموتوا عشان حقوق الجار

يضوقوا النار عشان فد دمعة

وكيف الحال لو شافوها سايلة دموع!

ديل أهلي .. واللــــــــــه ديل أهلي

البقيف في الدار في نص الدار

وأقول لي الدنيا. كل الدنيا ديل أهلي

عرب ممزوجة بي دم الزنوج الحارّة

ديل أهلي .. ديل قبيلتي لمّن أدور أفصل للبدور فصلي

ديل فصلي

أقول بعضي

ألاقيهم تسرّبوا في مسارب الروح

بقوا كولي

ألاقي قلبي والإحساس

وسافر في بحار شوقم زمــــان عقلي

أنا محل قبّلت ألقاهم معاي ، معاي زي ضليّ

أنا لو ما جيت من زي ديل كان وا أسافاي ، وا مأساتي وا زّلي

تصوّر كيف يكون الحال لو ما كنت سودانى...

وأهل الحارّة ما أهلي

تصوّر


ومافى زووول اصيل بيقبل يبدل جلدو ولا يعوج لسانو ونحنا ساس وراس



بالله فى نضم احسن من نضمنا


هوى يا وليد يا دلوعة يا مرنوعة
أعدل إيدك المفدوعة
واتلحلح واقيف دغرى وواس صدرك
مع صدرى واتشدع
ليك الحق شان ولدوك فى اسفنج
وحتى أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك بعد مازدتا فوق سنتين
وفى سن عشرة كان نومك على الليدين
غطاك بالشاش وفرشك بحرير الصين
والبدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين وليك الحق
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين وليك الحق
عشان ادمنتا عيشة اللين
ومشي الاسفلت ما جربتو بالكرعين
ركوب اللورى فى شمساً تصر العين
وما عانيت وقوف الصف وراء التموين
عشان يا انتى ما بتدرى سجل ابواتك البدرى
دحين اسمع سماك الباكى الزال
يا ما كانوا تحتوا رجال ابوخنجر وابوشوتال
والصقر البجيك خوجال صوتن كان يمين جلجال
ومكسيين كمال وجلال لكن الزمن اسرع
سيفن بلحس الفقره وما كان برضو بالحقرة
وكانوا بضبحوا الشقره
وكانوا بضوقو العادوه نوم الكوع
وكانوا بموتوا فى شان حرمة (..........)
الجعلى اب شرابا حار وقالوا بعدى يومو خنق
والشايقى البياكل النار وفوق نحاسو متخنق
ودرفون البجا الصقار وحاقب سيفوا ياكل الشق
والغرباوى عينو شرار وكضب القالوا عندو عرق
والنيلى البعرفوا كتار على كتل الأسود جرق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع .. هزى يا وليد
حصل جربتا كب السارية
فى القلعة وخلا العتمور
وشفتا بروقه تتلقص وتتحرقص
تقول مطويه فى قرقور
وعاوى الزيفة بنفخ فى
جبال النقعة زى الصور
والحصحاص يجرفوا السيل
يكنسوا على مهاوى الخور
وقلب الصاقعة يتطرقش
يكب النار دمار وشرور
وشفتا الحال عرق مقلوع
جبل متروم فرع مكسور
جمال غرقانة بى حالا حد المويه فى الغرغور
ود اب نادم المسكين نجاتو تحت قرون التور
والعوتيب عريش يجرى يشيلك وانتى ما بتدرى
هوى يا وليد ...
حصل سادرتا بالديداب وقدامك
مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرجاك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاصه
ورعدا تقول رصاص وكت فركع
هوى يا وليد ...
حصل صحاك عز الهجعة
صوت شتماً بعيد مخنوق
وجاتك شخرة الطمبارى مشتاقاً يسوى القوق
ونومك طار واتقسم والرشرش صبح مفروق
واتلفحت نص من توبك الجرجار
على الدلوكة سايق سوق
وتلقى هناك بنات بلدك ولاد بلدك
يعلو الصفقة تقدح فى القلوب الشوق
ونغم الفال ابشرن يا بنات بالخير
والجنيات تطير لا فوق
وكم زغرودة تتفجر تفور بالناس بعد ما تروق
يعوم فى الصدور وتشابى للمجهول وما بتضوق
تميل زينوبة زى البان يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات وتتنظم تقيف فوق روق
وكل واحد يهز ضرعاتو والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق
ويتقدم عريس السمحة رافع صوتو
كان بسوقوا بيهو النوق
والعنجاوى ينزل فوق ضهورن
بس تقول منشحطة فيها بروق
يبدا مجرو بالترقوة ويتحدر
مع الضلع القصار ملصوق
واحمر عين يشم الدم بعد ما يرش بنات
عمو ويزيدن شوق
وثابت حيطة لا بتهز ولا بتلز
وصارى جبينو كلو عروق
وقال بعد العقد طلقانة ما يحجزوهو
إلا يخلو ضهروا شقوق
هناك الحال مغير جد هيجة الناس تفوت الحد
وكان حجاز مد الليد بتسمع كع
هوى يا وليد ...
حصل شارفت دغشا بدرى
فوق حجرة مخانق النيل
فى سنة تساب والشر ق
حزم القيف وطفح الكيل
وشوفتا الهيبة فوق اسيادا
والشخرى البكتل الحيل
وشفتا الجارى يحفر فى سروف كوكبنا
بس داير يشقو عديل
بصدرو متحزم ومتلقف صفوف فى صفوف
يحاكى الخيل ومو يتو الهايجة تبلع جب
وتجقم فى مدالق السيل
وفوق الرملة مشرور العشارى طويل
معشعش بين نوايبو الطير
وحليل جزايرو جاها النيل
وحالف ما يخلى شبير
حزم اطرافه يكسر فيها
بالهدام وينحر فيها بالقرقير
وبكرة يموصها يشرب طينها
يزرع فيها شلالات هدير وهدير
وتكسح مركب النواتى عايمى
على قرون الموج جناحها كسير
رواسيها مالى اصابعوا فى المجداف
يقوم لافوق ويجى من تانى فوق الدفة رافع ايدو
ينده فى جملة الصلاح واهل الخير
هناك الموت يمين شافوهو شوف العين
مافى شفيع ومافى مجير
تقول الزول يعرف اجلو
ومكان موتو لولا إنو ما كشفو الإله لى غير
عاد ما دام رقاب الموج تمد لسناتا
فوق للحيف تكب الصير
وشن فضل بلا الغرق البدور ناعى
وفعلا كانوا يا هو مصير
ومشت المركب الغرقان بين موجتين
وطفروا منها النواتا قالوا اخير
تماسيحاً يقالدوا الموج يصارعوا
عتاوة العرق الكتالو مرير
ساعة يعمو بالضرعات وساعة فوق
صدور ضمة مااتبلت ولو قطير
ديل يا وليد ولاد النيل
رضو الهيجة من صدروا
ومن الطيبة رضعوا كتير
الواحد فعايلو كتر ونضمو دقاق
نهرتوا تسوى الفاق ومر لا ضاقوه لا بنضاق
كفاك يا وليد بلاش فاقات أنا تهتا فى الاشواق
وما برجع وهسع ضمة لا شايفك ولا بسمع .

حررررررررررررررررر م ما خليت شي ينقال
عااااااافي منك يا ود الشريف

[M.Hadad]

العزيز تيملي

انا كلامي القلتو ما قصدت بيهو اني موافقة علي الئشي البيحصل ولا
معارضاو انا وضحت ليك بس الاسباب البتخلينا نحنا العايشين خارج السودان
نقول كلمات غير سودانية لاننا اتعودنا عليها ومشت فينا

بس عشان خاطرك وخاطر منتدي انا سوداني
تاني بنتكلم سودااااااني بحث بس انت ما تزعل

اتفقنا

[أبعاج]

وزي ماقالو الجمااعة الفوق ماقصرتاااا تب ,,

[M.Hadad]

وزي ماقالو الجمااعة الفوق ماقصرتاااا تب ,,

يديك العافيه يا ابعاج



شباب المنتدي (الشباب شباب الروح) في استفتاء فوق في الموضوع اكون شاكر لو المتداخلين صوتو عشان نعرف النتيجه النهائيه مع العلم انو بيظهر الاستفتاء فقط وليس الاسماء

[sentimental]

[align=center] تحييكم سنتمتر قصدي لولا من قلب الحدث
العزيز تمبرلي
اولا انا بحييك علي البوست الجميل وانا عندي رأيي في الحكايه دي اولا انا عايزة
اقول اني بتكلم عن نفسي لمن اقول انو صعب الحاجه دي تتغير بسهوله
انا شخصيا بكتب في المنتدي سوداااني بس ما سوداني بحت ولو لاحظت حتلقي كلامي صح
يعني مثلا ابوي وامي بيقولو مرقت او مرق انا بقول طلع دا مثال بسيط يعني هو برضو سوداني يعتبر
الفكرة اللي عايزة اوصلها انو ظروف الغربه خلتنا نحاول نسنخدم كلمات سودانيه بس واضحه شويه والناس تفهمها ومشت في كلامنا دي حاجه
تاني شي بالنسبه لكلمه باهي وغيرها وغيرها انا في لهجتي ولو كنت هسي بتكلم معاك كان حتلاحظها فيني
بس مستحيل اكتبها لانو وقت الكتابه بتلاحظ اما وانت بتتكلم لا
وبعدين السودانيين زاتهم في كلمات بيستخدموها ما سودانيه واخدنها من الانجليز
زي مدبرس و منرفس كيور وتاني جكه
جكس اكتر كلمه مستخدمه وهيا ماسودانيه الاصل وغيرها الكثير
يعني الظروف بتفرض علي الواحد يغير في كلامو ولو رجعت السودان بغزن الله اكيد بيتغير كلامي
وبتكلم زي ما انت عايزنا نتكلم تمام وشكرا[/align]

[sentimental]

وعلي فكرة نسيت حاجه عندي زميلتي في الكليه هيا ليبيه من عيلة ابو سفيطه
ودي عيله عريقه يعني معروفه في السودان عاشت فترة في السودان
وهسي رجعت تقرا الجامعه هنا كلامها سوداني بحت وبتغني غني سوداني وما بتعرف تتكلم ليبي
وبتحب السودانيين شديد لدرجه انو الناس بيستغربو لمن تقوليهم انها ليبيه

[sentimental]

وبالنسبه للتصويت هوا رقم تلاته بس ماعرفت من وين اختار

[ربوه]

عمو
احنا سودانيين وما نقبل نكون غير كده
ونفتخر والله
بس مرات فى المدرسه صديقاتنا الغير سودانيات ما بفهمو كلامنا
فبنتكلم معاهم بلهجنهم عشان يفهمونا
ومثلا أنا عندى صديقتى مغربيه
ما بفهم لهجتها خالص وعشان افهمها بتتكلم معاى باللهجه المصريه
وبعدين احنا يغريبا كل اليوم بنكون فى المدرسه لأننا بنشتغل بنظام
اليوم الكامل
وكل اللى معانا جنسيات مختلفه وكل واحده مننا بتحاول بقدر الامكان تفهم زميلتها كلامها
والحين احنا فى المنتدى والله وحتى فى البيت بنتكلم بلهجتنا لاننا بنحبها عشان احنا سودانيين
ومرات بتطلع كلمه بس والله من غير ما نحس بيها
مليش ما تزعل منناغصب عننا
ومشكور على الموضوع
ابنتك ربوه

[احسان]

[align=center]العزيزه احسان بالضبط هو ده الانا قاصدو وكده انتي احسن مثال بيتضرب في الحاجه دي
يديك العافيه

شهادة اعنز بها

زى ما اعتز بلهجتى السودانية

وفي بعض المشاركات بقولوا نا السودان ما عندهم عزر بس نحنا البرا البلد

دى كلام اعتقد انو خاطء

وان الناس البرة هم مفروض لاينقلوا لهجتنا للناس البرة

وكمان ينقلوا ثقافتنا وعاداتنا

وبصراحة الناس التانية زى المرين والليبين مثلا وغيرهم من الجنسيات

بيتاحوا لمن نتكلم نحنا سودانى

زمان كان معاى صديقتى وكنا بنقرى في مدرسة ليبيا

وكنا بنحب نتكلم سودانى

وفجئة جات بت ليبيا وقالت لينا

ممكن اسمعكم وانتم تتكلموا سودانى

بصراحة انا من قبيل بسمع فيكم وارتحت ليكم

ما تتخيل انا فرحتا قدر شنو

واعتزيت اكتر بالهجة السودانية

مع ان في بعض التعليقات التى تزعجك

بس احسن من انى اتنكر لهجتى

زى ما هم بيتكلموا معاى بلهجتهم انا مستعدة اتكلم معاهم

معليش طولت عليك كتير

اعزرنى

بس موضوعك جدا جميل

تسلم عليهوا [/color][/size][/align]

[spanisheyes]

[quote="احسان"][align=center]
وفي بعض المشاركات بقولوا نا السودان ما عندهم عزر بس نحنا البرا البلد

دى كلام اعتقد انو خاطء

وان الناس البرة هم مفروض لاينقلوا لهجتنا للناس البرة

وكمان ينقلوا ثقافتنا وعاداتنا

[/quote]

طيب يا اخت احسان انتي بتشوفي انو الناس اللي داخل السودان ما عندهم عذر انهم يتكلمو
كلمات غير سودانية طيب انتي هسي من السودان وفي مشاركتك الاولي كتبتي كلمات غير سودانية ومنها
كلمة ( صارو) دي انا عايزة اعرف هل هي كلمة سودانية ؟؟ لانو علي حد علمي انا العايشة برة السودانين
بيقولو ( بقو) ولا اتغيرت ؟؟
وهي ما كلمة ليبية في الاساس جبتيها من وين ؟؟؟

[grade="00008B FF6347 008000 4B0082"]

حتى لهجتنا عجبتهم والله وصارو بعض المرات يحاولو يتكلموا سودانى

وبعضهم صارو يغنوا كمان بالسودانى

وصديقاتى سوريات وجزائريات صارو يعرفوا يرقصوا سودانى كمان

[/grade]

وفي مشاركتك التانية قلتي انو انتي بتتكلمي سوداني مع صحبتك في المدرسة هل نحنا قلنا غير كدا!!!
كلنا بتكلم سوداني مع صحباتنا السودانيات في المدرسة في الشارع في البيت في اي محل عام
بس انتي بتتكلمي ليبي مع الليبيات وانا أأكد ليك كدا لأني كنت معاكي في نفس المدرسة [/size][/font][/color][/align]

[spanisheyes]

العزيزه احسان بالضبط هو ده الانا قاصدو وكده انتي احسن مثال بيتضرب في الحاجه دي
يديك العافيه


الغالية : احسان

انا عايزاك تقري الجملة دي كويس وتفكر فيها وتقارنيها بمشاركتك
الاولي حتفهمي معناها الصحيح

[دحدوح المريخابى]

واللة كلامنا مافيهو اى شوشرة
وبعتز بيهو وين ما مشيت
وانا فى الدوحة عندى اصحابى من مختلف الجنسيات
اعتادوا على اللهجة السودانية
بس لفت نظرى
انو بعض الشباب وفى الدوحة بالزات ما بتكلموا بى لهجتم وبحاول بى قدر الامكان التحدث باللهجة المحلية
وتجد انهم لا يرغبون اللهجة المحلية
لا ادرى ما السبب..............؟

[ادروب كايرو]

زى ما قلت بتلاقى كلام لبنانى على حبة خليجى لكن اصلو ما بتلاقى كلام مصرى
صح ولا ايه بئه
ادروب المتحدث الرسمى باسم قوات المارينز ضمان حمايه الاصل والاصالة وعلامة الجودة

يسلمووووووو وكلامك مية مية

[المصرداني]

الأخوة والأخوات
الأبناء بنين وبنات
السلام عليكم ورحمة الله وبركاته
أما عن حزف المشاركة فهذه مبالغة تصل الي حد التطرف
فهنالك الملايين من السودانيين ولدوا وعاشوا في بلاد كثيرة وأنا منهم
وبحكم الدراسة والتربية مع أقرانهم من أبناء هذه البلاد صاروا منهم
وهم بحاجة الي من يشجعهم علي الأنتماء للبلد والدفاع عنها وليس النفور
هم سفراء للسودان في العديد من البلاد
أقتراحي المضاد لحزف المشاركة هو
تعيين أبناء المهجر في سفارات السودان
فهم أكثر فهما لطبيعة وثقافة تلك البلاد
وتصرفات أبنائها


ملاحظة عابرة
الملاحظ أن الكثير من أعضاء المنتدى رغم حبهم للبلد ولسودانيتهم
فقد أختاروا صورا لآنفسهم لا تعبر عن الشخصية السودانية

[احسان]

طيب يا اخت احسان انتي بتشوفي انو الناس اللي داخل السودان ما عندهم عذر انهم يتكلمو
كلمات غير سودانية طيب انتي هسي من السودان وفي مشاركتك الاولي كتبتي كلمات غير سودانية ومنها
كلمة ( صارو) دي انا عايزة اعرف هل هي كلمة سودانية ؟؟ لانو علي حد علمي انا العايشة برة السودانين
بيقولو ( بقو) ولا اتغيرت ؟؟
وهي ما كلمة ليبية في الاساس جبتيها من وين ؟؟؟





وفي مشاركتك التانية قلتي انو انتي بتتكلمي سوداني مع صحبتك في المدرسة هل نحنا قلنا غير كدا!!!
كلنا بتكلم سوداني مع صحباتنا السودانيات في المدرسة في الشارع في البيت في اي محل عام
بس انتي بتتكلمي ليبي مع الليبيات وانا أأكد ليك كدا لأني كنت معاكي في نفس المدرسة

يا عسل

كلامك دى ما صح

ممكن تمشي لي صحباتى القبيل سالتك عنهم

وكمان امشي لى ناس نونو واهلوا والناس البسكنوا برى

وامشي لى صحباتى في الجامعة واسالى طمطم واسماء ومبروكة ووردة

زكلهم ليبيات وقولى ليهم احسان بتتكلم معكم ليبي ولا سودانى

والله استاذ علم النفس كمان بقي يتكلم معاى سودانى

وحتى بقي يقول لي لمن اغيب عن المحاضرة ازيكم كيفنك انا لى زمان ما شفتكم

وبقيت مشهورة بسبب الكلام السودانى في القاعة كلها ولو ما جيت الاستاذ ما بيديهم المحاضرة

بالجد والله دى ما مبالغة منى بس ممكن تمشي وتسالى

[ود شحات]

كلامك صح مية بالمية

بس وللأمانة في ناس ما قصدهم يتنكروا للكلام السوداني ولكن بيكونوا اتعودا على الحته الهم فيها

ويمكن كمان اهلهم في البيت ما بتكلموا معاهم سوداني

وتسلم اخوي على الموضوع القيم

وتقبل احترامي

[M.Hadad]

ود شحات
رغم انك قلتو بصيغه تبرير لكن هي دي المصيبه
انو اهلهم ما يتكلمو معاهم سوداني

اما عن التعود فده ممكن يتقوم في البيت ومن الاهل وما مشكله لو فلتت كلمتين تلاته لكن ما اكتر
تحياتي واحترامي اخي