على الوالي تعويض المريخاب بالطابق الثاني

[معتز سيد]

[size=-1]

كـــلو فخار يكسر بعضو
بالجد زعلانه من المستوى الوصل ليه المريخ
ويامعتذ اذا مسكناها بالحته كده فمافى فريق سودانى يخلو
من جم عيوب وغلطات مدربين على لعيبه
وربنا يصلح حال كورتنا ,,

[/size]

أهلين أختنا [fot1]شمعة أمل[/fot1]
وجودك هنا ، حتى إن كان بنا نية شماتة ، يجعلنا نُداريها حياءً واستحياءً

تعرفي في مشكلة فينا كلنا الإدارات واللاعبين والإعلاميين والمشجعين
لكن في المقابل أنا بختلف مع الهجوم على الكورة السودانية عموماً
الكورة السودانية في السنوات الأخيرة ابتدت تتقدم للأمام.

فقط المشكلة الكبيرة -وهي الأكبر طبعاً- الإدارات في الأندية
في إمكانيات وفي كل شي، بس الإدارة الفنية (إدارة الكورة) والإدارة المالية
كلها بتكون (ملخبطة مع بعض) ،
ودي هي المشكلة الكبيرة في الهلال والمريخ بالذات

هل تعلمي انو أحياناً رئيس النادي بيأمر المدرب انو يجري تعديل بإدخال اللاعب الفلاني؟

ربنا يصلح الأحوال ، خلينا متفائلين ،
وثانكيو سو متش

[معتز سيد]

مع إني وطني .. لكن بحب أشاهد مبارياتنا مع الفرق الأخرى عشان الوطنية وكده ..لكن ما في فايدة .. ما عرفنا العيب مننا نحن المشجعين وألا الاداريين وألا الللعيبة نفسهم ..

تحياتي أخوي معتز .. مع تمنياتنا للفريقين بالتوفيق

حبيبنا [fot1]ود الزوحي[/fot1]

أولاً آسف جداً جداً (للـ لخبطة) في ترتيب الردود، وهي بالتأكيد غير مقصودة

أنت يا خوي شايت على وين؟! العرضة شمال ولا جنوب:D

أولاً الإدارات ، رئيس النادي بيختار اللاعب المحترف بيستشير منو! ، الله أعلم
المفروض يكون عندو إدارة فنية وإدارة مالية مع بعض يحددوا اللاعب المحتاج
ليه الفريق، وسقف لسعر اللاعب، والتأكد من اللاعب وإمكانياته.

ودي واضحة في (المواسير) البيقعوا فيها الفريقين الهلال والمريخ.
لاعب محترف، ستة شهور ما يكملها ويفتشوا ليه في إعارة
كأنو الفريق حقل تجارب، أو كأنو اللاعب المحترف ... انت وحظك
يمكن ينفع ويمكن يطلع (ماسورة)

أما مشاكل الإعلام والجماهير دي، بتجي نتيجة طبيعية لمشاكل الإدارة
إذا صلحت الإدارة ح يصلح اللاعبين والإعلاميين والجماهير
وإذا فسدت الإدارة ح يفسد اللاعبين والإعلاميين والجماهير

بس ما قلت لينا شايت على وين عشان نشمت شوية

[ود الخير]

عزو كفيت ووفيت واديت الدافى حقوا وهو والحق قاتل بغيره كبيره
بس الباقين الله يرحمهم
اما اكرم دا حقوا يدوهوا 200 جلده ويشنقوه استهتارى جدا
جمال الوالى المحترم الله يكون فى عونه
وما قبلناها والله
جاو يا مان

[غريبه]

[معتز سيد]

[overline][grade="FF4500 4B0082 0000FF 000000 F4A460"]نتائج مباريات[/grade][/overline]

[معتز سيد]

المريخ مكانه الليق وقبل كده كلمناهم انه دوري الابطال كبيرة عليهم
بقوا يتفاصحوا اها ورونا فصاحتكم ويطولوا لسانهم .
اظن انو النقطة اليتيمة دي حتفضل حتى النهايه مع الوصيف
ما مشكله اتفرجوا فينا واتعلموا الدروس كويس عشان السنوات القادمة
تستفيدوا .
وشكرا

يا قلب [fot1]Ahmede[/fot1]

دائماً المريخاب بيوصفوا الهلالاب بأنهم أصحاب (الصفر الدولي)

ودائماً الهلالاب بيوصفوا المريخاب بأنهم أصحاب بطولات هشة وهامشية
ولا يقووا على بطولات الكبار ، والمريخ صاحب نتائج هزيلة في البطولة الكبرى

والاتنين إلى الآن كلامهم صاح

عايزين من الهلال السنة دي كأس البطولة الكبرى بإذن الله ،

مع انها السنة دي أغلبها (وافدين وكونفدرالاب)

[معتز سيد]

والله يا معتز ما حسيت باي شماتة في كلامك بالعكس كلام عقلاني واغلبو صاح
بس ياخي في اتنين هلالاب عليهم جنس شماتة واحمدي تانيهم عارف اولهم مش
بس في غيرو
مصصصصععععب

أهلين [fot1]Walead[/fot1]
أولاً يا حبيب كفارة ليكم
وعقبال ما تاخدوا الهزيمة الجاية في استاد الهلال
مبارياتكم مع كانو وزيسكو الجاية أكسبوها مامشكلة

بالمناسبة يا مان الشماتة دي ضرورية جداً ،
والناس ما ينظروا ليها نظرة انها بتضر الكورة السودانية
بالعكس، عشان الفرق تعمل حساب الشُمات وتحاول تكسب

مشكور، الشماتة بتاعتي دي بحاول أخليها هادية شوية
لحدي نهاية مباريات المجموعة وتحديد الصاعد والـ (راكب التونسية)

[ندى البيلسان]

[glow=CCCCCC]كفارة للمريخ ونقدم التعازي الحارة لممثلهم أخونا العزيز وليد

لم نتمنى أن تتخطوا الهلال وتعلو عليه لكن برضو زعلنا ولم نتمنى أن يحدث لكم ما حدث (حقيقة)

الخسارة دي يا معتز نتيجة للتعالي والكبر وعدم النظر لأخطائهم لذا عمرهم ما يتعلموا وحا يفضولو ا

عايشين في وهم إعلامهم ويستمروا في جريهم الدائم وراء الهلال ( لا بريدك لا بحمل بلاك )

عايزين يبقوا زينا وما قادرين عشان كدا يشيلوا ويتابعوا في أخبار نجومنا العظام

ويحاولوا بقدر المستطاع إيهام لعيبتهم وجمهورهم انوا ما في زيهم لذا وقعوا ويا ريت على خسارة

دي شيء عادي لكن الأمر جمهور الصفوة فاض بيه وعاد لعادته بجديع الحجارة على اللعيبة

أما سوء السلوك فحدث ولا حرج بداية بموسى الزومة والذي أعتبروا فعله شيء جميل لذا تبعه أكرم



وعلى قول الأخ الفاضل معتز دي ما شماتة لكنه واقع لحالهم والذي من خلاله أساءوا لسمعة السودان كله



وما زالوا بيتفاصحوا يا معتز شفت كيف ... ما حنقول فرحنا بالهزيمة لكن زهلنا لما حدث وبهتنا

وما حا نقول لسة الفرصة قائمة لأنو أكيد ما بنتمنى فوزكم على الهلال في المقبرة

لكن يا ريت تحاولوا تصلحوا من صورتكم قليلاً ( بس قدام الأجانب )

لأنو نحنا على قول محمد عبد الماجد أتحورجنا ودخلنا في ضفورنا

[/glow]

[معتز سيد]

عزو كفيت ووفيت واديت الدافى حقوا وهو والحق قاتل بغيره كبيره
بس الباقين الله يرحمهم
اما اكرم دا حقوا يدوهوا 200 جلده ويشنقوه استهتارى جدا
جمال الوالى المحترم الله يكون فى عونه
وما قبلناها والله
جاو يا مان

يا فردة

ههه حلوة حكاية الـ 200 جلدة دي

احنا عايزين في لقاء القمة الجاي أكرم يكون موجود وريتشارد
وأكيد المدرب مازدا .... التشكيلة دي حلوة معانا ونايمة معانا نوم

[معتز سيد]

أهلين غريبة

دة كلو لا تعليق

معليش وهاردلك
عقبال تاخدو الهزيمة الجاية في استاد الهلال... قولي آمين

[معتز سيد]

كفارة للمريخ ونقدم التعازي الحارة لممثلهم أخونا العزيز وليد
لم نتمنى أن تتخطوا الهلال وتعلو عليه لكن برضو زعلنا ولم نتمنى أن يحدث لكم ما حدث (حقيقة)
الخسارة دي يا معتز نتيجة للتعالي والكبر وعدم النظر لأخطائهم لذا عمرهم ما يتعلموا وحا يفضولو ا
عايشين في وهم إعلامهم ويستمروا في جريهم الدائم وراء الهلال ( لا بريدك لا بحمل بلاك )
عايزين يبقوا زينا وما قادرين عشان كدا يشيلوا ويتابعوا في أخبار نجومنا العظام
ويحاولوا بقدر المستطاع إيهام لعيبتهم وجمهورهم انوا ما في زيهم لذا وقعوا ويا ريت على خسارة
دي شيء عادي لكن الأمر جمهور الصفوة فاض بيه وعاد لعادته بجديع الحجارة على اللعيبة
أما سوء السلوك فحدث ولا حرج بداية بموسى الزومة والذي أعتبروا فعله شيء جميل لذا تبعه أكرم

وعلى قول الأخ الفاضل معتز دي ما شماتة لكنه واقع لحالهم والذي من خلاله أساءوا لسمعة السودان كله

وما زالوا بيتفاصحوا يا معتز شفت كيف ... ما حنقول فرحنا بالهزيمة لكن زهلنا لما حدث وبهتنا
وما حا نقول لسة الفرصة قائمة لأنو أكيد ما بنتمنى فوزكم على الهلال في المقبرة
لكن يا ريت تحاولوا تصلحوا من صورتكم قليلاً ( بس قدام الأجانب )
لأنو نحنا على قول محمد عبد الماجد أتحورجنا ودخلنا في ضفورنا

أهلين يا [fot1]ندى[/fot1]

إدارة المريخ بتتبع إعلام المريخ في كل شي
في التبديل، وفي الشكاوي ضد الهلال، وفي تغيير المدربين

الكلام دة اتقال كتير وفي اكتر من مناسبة..
بس هم ما مقتنعين ورافضينو جملةً وتفصيلاً

وهم الخسرانين ، إحنا مالنا

[شمعة امل]

[glow=CCCCCC]

عايزين يبقوا زينا وما قادرين عشان كدا يشيلوا ويتابعوا في أخبار نجومنا العظام

[/glow]

http://www.youtube.com/watch?v=QHyHcW-w ... re=related
[size=-2]

لكل جواد كبوه :D

[/size]

[ندى البيلسان]

[glow=CCCCCC]

[url]http]
[size=-2]

لكل جواد كبوه :D

معقولة يا شمعة الجواد يكبوا مرة أو اتنين لكن ما في جواد يكبوا باستمرار

ما نتعامل بالأرشيف بس في السنة دي من سيكافا حتى الآن كم مرة كانت كبوات المريخ ولم يتعظ



ما حا أرد وأقول الهلال غلب المريخ في كم مبارة ( لأنو الحتات دي أنتو دائماً بتعدوها وما بتذكروها)



لا ينكر شخص مهارة لاعبي الهلال إلا مكابر أو غاير وذي ما نحنا حددنا لعيبة للمريخ وقلنا ما قدروا

المسئولية برضو صدقنا عندما ذكر إعلام الهلال مهارة الدافي وأنه لعيب

(عيشوا الواقع ووضحوا الحقائق من أجل فريقكم وليس من أجل الهلال ) .

بلاي شوية عقلانية يا شمعة وأنتي ست العقل كلوا

[/glow][/size]

[شمعة امل]

ندويه ذى مابقولو قول الحق ولو على نفسك

فعلا المريخ شهد تدهور ودا نتيجه للدلع وعدم الاحساس بالمسؤليه

بس مصيرو يرجع وذى مابقولو العتره بتصلح المشيه

ودا مش معناها انو خلاص انتهى او الاخرين يحسو انهم الاحسن

بالعكس ومصيرك ترجع ولكل جواد كبوه واتنين مافيها شئ

[احسان]

هـــــــــي انتـــــــــــــو سمعتــــــــــــــــو كمان

الاهم لا شماته بس الحقيقة تقال كسفتوووووووووونا عديل

[معتز سيد]

[overline][grade="FF4500 4B0082 0000FF 000000 F4A460"]نتائج مباريات[/grade][/overline]

فاز فريق الخرطوم أمس الثلاثاء 18 أغسطس على ضيفه الشمالي بهدف دون مقابل.
أحرز للخرطوم دافيد أسونوا.

جرت اليوم الأربعاء 19 أغسطس أربع مباريات جاءت نتائجها كالآتي:

فوز المريخ على مضيفه الموردة بثلاثة أهداف مقابل هدف. أحرز للمريخ كليتشي هدفان، وهدف للاسانا.
فوز هلال الساحل بملعبه على ضيفه النيل الحصاحيصا بهدف للا شيء، الهدف بتوقيع فلويد.
باستاد ود مدني فاز الأهلي على ضيفه حي العرب بهدف دون رد، أحرز للأهلي بكري عبد القادر.
وبمدينة كادوقلي خسر هلال الجبال من ضيفه الأمل عطبرة بهدفين لثلاثة أهداف. أحرز للأمل بلبوط هدفين، وهدف لحسون، وأحرز للهلال خالد برشم.

[معتز سيد]

[overline][grade="00008B FF6347 008000 4B0082 0000FF"]ترتيب الفرق حتى تاريخه[/grade][/overline]

[معتز سيد]

[grade="FF4500 4B0082 0000FF 000000 F4A460"]الكاف يرفض شكوى كانو بيلارز ضد الهلال [/grade]

رصدت »قوون« الاتصال الهاتفي الذي اجراه الاستاذ مجدي شمس الدين سكرتير الاتحاد العام وعضو المكتب التنفيذي »للكاف« من القاهرة أمس بالدكتور كمال شداد رئيس الاتحاد العام قبل مغادرته مساء امس الى القاهرة للمشاركة في اجتماعات »الكاف« حيث نقل مجدى لدكتور شداد قرار اللجنة والقاضي برفض شكوى نادي كانوبيلارز ضد نادي الهلال كاشفاً ان اللجنة وقفت على الموقف التعاقدي بين اللاعب سادومبا ونادي الهلال والموقف القانوني الكامل من خلال المستندات وكافة الاوراق المعروضة امام اعضاء اللجنة وامنوا جميعاً على صحة اجراءات تسجيل سادومبا بنادي الهلال
[glow=FF0066]واكد مجدي ان النظر في الشكوى المذكورة لم يستغرق سوى سبع دقائق فقط [/glow]
واوضح مجدي ان هذا القرار يكشف وبوضوح لا لبس فيه عكس ما اوردته بعض الصحف من شائعات واجتهادات صحافية مغلوطة حيث كان هناك اتفاق كامل بين اعضاء اللجنة المنظمة وتطابق وجهات نظر كل الاعضاء.


نقلاً عن صحيفة قوون

[عاشقة الورد]

بعد غيبة رجعنا ليكم
مرحبا شباب
الكلام دا إن دل على شي فانه يدل على أن الهلال ماقاعد يعمل حاجة
غلط وماشي صاح وقانوني .
بس البقنع ناس العرضة جنوب شنو مع العلم نحن ماشغالين بي رايهم
وإذا فرضنا أنو الإتحاد السوداني إتقاضي لي الهلال في إعارة امولادي وديسوزا
فهل الكاااااااااااااااااف ممكن يمشي الموضوع دا سااااي كدة
ياناس قولوا كلام معقول ومنطقي نحن مابندور نحن ناس واضحيين
بس ربنا يبعد عننا الحاسدين والكائدين يارب
ولو قدموا مية شكوى حاتترفض إنشاء الله

[ود الخير]

طبعا تروح وتروح ما دام عماد الطيب الله يحفظه موجود
واثبتت اداره نادى سياد البلد جدارتها تماما فى تسجيل سادومبا وكابندى
بأعاره امولادى ودى سوزا والجماعه رايحه ليهم لسى
اللهم احفظ الهلال
واهل الهلال
وانت اولهم يا معتز يا راقى
ورمضان مبارك