منتدى أنا سوداني

مرسل: **الخميس 2012.12.27 2:49 am**

لكن خلاص قبل الوداع
وتفوتى والايام تفوت
خليكى قدر البينا كان
لاتفكى روسين الخيوط
ماتخلى قلبك للسنين
لايبنى فوقو العنكبوت
أمليهو بى عشم الله خير
... لاتنسى احساسك يموت
وانا...أصلى مابنساكي يوم
مهما يطول بينا العمر
عارفك كمان شايلانى شوق
وغرام مقلد بالصبر
ذكري وحنين لى ماضى راح
وايام تغفلنا وتمر

مرسل: **الجمعة 2012.12.28 7:08 pm**

وبلقاك في دواخلي نسيم
وتلقى هواي فاض جواك

مرسل: **السبت 2012.12.29 4:41 pm**

أمس في بيتنا دق الباب
وزار حسنك طرى وطّل
وكت سبق السلام خطوك
رجف قلبي وركع صلى
وبسيمتك لما غنت لي
وطاش صبري وغِلِب قلّ
رفعت إيدي لخالقك فوق
وقت يا ناس بريد والله

مرسل: **السبت 2012.12.29 6:22 pm**

الليل ألقى على عينيّ ملفحه .. و الهم أطفأ أقماري و أنواري

الكل تشغله الدنيا فقلت لهم .. قد قُسّم الرزقُ في الدنيا بمقدار

أين الضمائر و الأخلاق أجمعها .. صارت تباع بدولار و دينار

هيهات ينفع تاريخ ألوذ به .. هلاّ تفيد إلى الأيام أعذاري؟

مرسل: **الأربعاء 2013.1.2 2:41 pm**

نزل غيم الوداد صبا **** غمر وديان غناي عبا
سرى الفرح الحنين تبا **** حضر وفد الولف سايق بشاشات المطر لبى
تعال يا العمرو ما غبا **** تعال انا وانت في عينيك من عينيك نتخبى
تعال اشواقي ما قدرت تقاوم نسمك الهبا

مرسل: **السبت 2013.1.5 5:54 pm**

حلوة الضحكة المن أعماقكلمن تطلع بالإحساس
وحلوة البسمة الراسمة تحية
وباقية دواخلك ليها أساس
وزعي ريدتك ليَ برايا
ومني بتوصل كل الناس

مرسل: **السبت 2013.1.5 7:12 pm**

معاك ببني المشاعر بيت
معاك بحلف بقول غنيت
ولا بقدل بقول يا ليت
ولا بالجاي نتنبى

مرسل: **الاثنين 2013.1.7 9:32 am**

انتظرتك في حِداي
شلت كل.. دفقك .. معاي
حلّقت فوق حدّ السما
فوق اشتياقك نام ..هواي
سالم وجيهك ..إشتهاي
قول ليّ لو غابت عيونك
مين بِشوف بعدك رِضاي؟؟
قول ليّ لو ايديكَ بِعدت
كيفن بعيش أحضِن أساي؟؟
قول ليّ لو فاتت نجومك
يرضيك أصابح فيك شقاي؟؟

مرسل: **الثلاثاء 2013.1.8 1:17 am**

رجيتك و فى انتظار عينيك كملت الصبر كلو
أنا و أشواقى و الساعة معادك جينا من قبلو
لمن راح زمان جايتك وخطاك فى دربى ما طلو
شفقت عليك من السكة دموع عينى وراك كملو

مرسل: **الخميس 2013.1.10 9:57 am**

خلي بالك مني فيك
ومن قلب خايف عليك
وكل سكة تمر بيها
أقرا يس في مشيك
انت إكسير الوئام
وطلة الخير من وشيك
انت لو مشتاق تشوفنا
نحن مشتاقين نجيك

مرسل: **السبت 2013.1.12 7:19 pm**

فاظلم كما شئـت لا أرجـوك مرحمـة
إنـا إلـى الله يـوم الحشـر نحتكـم

-

مرسل: **الأحد 2013.1.13 12:54 pm**

يااا زوول شفيف يا جسري للزمن النضيف
ياسعدي وكتين تنقسم بيناتنا احزان الولف
والحكايات في المساء
نشيل مسافات الحلم نملاها بالشوق السفر
سفن تروح وسفن تجي
والله ما باااااا رحني طيفك لحظة واحدة ولا الوداد مل وفتر
لساك معاااااااي ما البينااااااااا ما غيمة وتمر
البينا اكبر من حدود كل المسافات والمساحات والعمر
البينا يا ضئ الضراا لا خافي لا عيون ترااا
لا لوحة تقدر تقدره .
البينا يااااااااا بعضي النبيل سمر العشا وقمرا وشي وقهوة ...
البينا يااااا اجمل صديق عشق القعدات والونسات والغيوم
والعرفة والذووووق السليم

مرسل: **الاثنين 2013.1.14 3:14 am**

سحابات الهموم يا ليل
بَكَن
بين السُكات والقول
وباقات النجوم الجَّن
يعزَّن فى المطر
فاتِن عزاكْ
رَجعَن
وشوق رؤياكْ
زمان مشدود على أكتاف خيول
هَجَعَنَ

مرسل: **الجمعة 2013.1.25 5:30 pm**

بغير عليك من الدموع لو تلقى غيرى ........ يجففا
بغير عليك من ناس تسالمك فى ايديك .... ما تكون محددا موقفا
.......
بغير عليك من التراب
لمن تمتعو ....... بالحفا
انا غيرتى اكبر من غناى
قول لى كيفن اوصفا

مرسل: **الاثنين 2013.1.28 2:30 am**

وأحتجتُ أن ألقاك

حين تربع الشوق المسافر وإستراح

وطفقتُ أبحث عنك

في مدن المنافي السافرات

بلا جناح

كان إحتياجي..

أن تضمخ حوليَ الأرجاءَ

يا عطراً يزاور في الصباح

كان إحتياجي .. أن تجيءَ إليَّمسبحة ً

تخفف وطأة الترحال..

إن جاء الرواح

واحتجتُ صوتك كالنشيد

يهز أشجاني ..ويمنحني جوازالإرتياح

مرسل: **الثلاثاء 2013.2.5 12:24 pm**

خلوق بس عشان تبتسم يا احلي زول مرسوم رسم ماانت سيد سيد الاسم
معزور معاك اصلو الكلام مايرقي قامتك يترسم
تقلبني فيك حتي الحروف باقي الاحاسيس والخشم
زي اني م بعرف اقول لايوم نطقت حروف اسم
بس كلي بنسي الدنيا بيك لمن اشوفك مبتسم

مرسل: **الخميس 2013.2.7 4:13 pm**

ﻣﺎ ﺣﺴﻴﺖ ﻋﺬﺍﺑﻲ ﻣﻌﺎﻙ
ﻭﻻ ﺷﻌﺮﻱ ﺍﻟﺼﺒﺢ ﻣﻔﺠﻮﻉ
ﻭﻻ ﺍﻟﺤﺰﻥ ﺍﻟﺼﺒﺢ ﺟﻮﺍﻱ
ﻣﺪﺳﺪﺱ ﻓﻲ ﻗﻠﺐ ﻣﻮﺟﻮﻉ
ﻭﻻ ﺟﺮﺡ ﺍﻟﺴﻜﺎﺕ ﺍﻟﻔﻲ
ﻭﻻ ﻧﻔﺲ ﺍﻟﻐﻨﺎ ﺍﻟﻤﻘﻄﻮﻉ
ﻭﻫﻤﺴﻲ ﺍﻟﻔﻮﻕ ﺭﺳﺎﻳﻠﻲﺍﻟﻔﻮﻕ
ﻭﺣﺒﻲ ﻓﻲ ﺍﻟﻌﺼﺐ ﻣﻄﺒﻮﻉ
ﻭﻋﺸﻘﺂ ﺍﺭﻳﺖ ﺗﺤﺲ ﺑﻴﻬﻮ
ﻗﺒﻞ ﻳﺒﻘﻲ ﺍﻟﺮﺣﻴﻞ ﻣﺸﺮﻭﻉ
... ﻭﺍﺳﻴﺒﻚ ﻭﺍﻟﺰﻣﺎﻥ ﻏﺪﺍﺭ
ﻭﺗﺒﻘﻲ ﺣﻴﺎﺗﻨﺎ ﻫﻢ ﻭﺩﻣﻮﻉ
ﻭﺍﻛﻮﻥ ﻋﺸﻘﻚ ﺟﺮﺡ ﺟﻮﺍﻙ
ﻳﻜﻮﻥ ﺑﻌﺪﻭ ﺍﻟﻌﺸﻖ ﻣﻤﻨﻮﻉ

مرسل: **الاثنين 2013.2.11 5:12 pm**

مترجي ميعــــــــادك
زى طلــت الأعيـــــــاد
زى رنة الأجـــــراس
في لحظــة الميعـــــاد
كاتلني شـــوقاً ليـــك
أصلـو القليــب ريـــاد
جاييك مبشــر بيـــك
حاضـن نـدى الميعـاد

مرسل: **الأربعاء 2013.2.13 6:10 pm**

عاشق بنات الشهب
حراس القمر
يبدين فى ثوب المها
العطرى
أوقات ألسمر
المشربات كعين الريم
سحراً تدفق
من سحر
الراقصات على الفضاء
السابحات
ولا سفر
ألناشرات الطيب
ولا روض تبدى
لا زهر
يعطرن بالسلوى
قلوبا هدها الوجد
وأبلاها الضجر

مرسل: **الخميس 2013.2.14 10:03 am**

اعين ليك
الاقى معاى
مدن مشدوده بى شوفتك
تقاسم قلبى فى ريدتك
ونتغالط
منو الاكتر بريد عينيك
منو الادمن سماع صوتك
ابارى هواى
الاقى الغلبه لى قلبى
عشان ريدك سكن جواااااى

منتدى أنا سوداني

همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية

رد: همسات شعرية