صفحة 16 من 24
رد: طلبات الاغاني السودانية
مرسل: الاثنين 2008.6.2 6:15 pm
بواسطة ود أزهري
عمر زمان كتب:حبيبنا ود ازهري
دايرين نورة - مصطفى سيد احمد
جاي ليك يا نورة غيمة تملا ماعونك خريف
عمر زمان...أسعدني تفاعلك وطلباتك المميزة...اتفضل طلبك الأول...
مـصـطـفـى سـيـد أحـمـد -----> نــورة
( كلمات " محمد الحسن سالم حميد ".....ألحان " مصطفى سيد أحمد " )
......,......
رد: طلبات الاغاني السودانية
مرسل: الاثنين 2008.6.2 6:17 pm
بواسطة ود أزهري
عمر زمان كتب:يا حبه عشان ما تتعب من المشية والجية يا ريت لو تجيب لينا معاك
سيد الاسم - الجابري
ونكون شاااااكرين ومقدريييييييين
وعلى قدر ما نقدر...طلباتكم أوامر...واتفضل طلبك التاني...
أحـمـد الـجـابـري -----> سـيـد الإسـم
( كلمات " كامل عبد الماجد ".....ألحان " أحمد الجابري " )
وزي ما قلت ليك.....( مس كول بس ) بتلقانا جمبك..... 
وفي الخدمة...
تحياتي.....ود أزهري..
رد: طلبات الاغاني السودانية
مرسل: الاثنين 2008.6.2 6:55 pm
بواسطة waya
الله عليك ياخي ,,
انت يا زول حلك شنو ,,
أنا عندي غرام مع الأغنية دي من " سيد الاسم "
رد: طلبات الاغاني السودانية
مرسل: الثلاثاء 2008.6.3 1:04 am
بواسطة ود أزهري
ودي عشانك يا ويـّـــــا يا حــنــيــن...
__________
( كامل عبد الماجد )
" محبوبي وكتين يبتسم..الدنيا يا ناس تنقسم...
الفرحة تملاها وتزغرد..فيها والشوق يرتسم...
*****
مرات أقول أديهو كلمة تزعلو...
حبة عذاب وكلام عتاب..أنا عارفو ما بتحملو...
علشان أشوف خده الحرير..الدمعة جارية تبللو..
لكني قبال أبدا بي لحظات..أقيف أتاملو...
الضحكة واللفتة البتاخد..من عيوني النوم شهور وتجفلو...
وأنسى العتاب الكنت ناوي..أقوله وأرجع منهزم...
الدنيا يا ناس تنقسم...
الفرحة تملاها وتزغرد..فيها والشوق يرتسم...
*****
في العيون ببنيلو دارين..من مودة ومن منى...
بضمه في قليبي إنبساط..ومحبة فياضة وهنا...
ما ردت غيره ولاهو راد..زولا ً سواي أنا...
نظراته كيفن أوصفا..دي الفي عيوني مدونا...
همساته تحنان القماري..الراجعة للعش والجنا...
وتضوي والليل ينهزم..وكتين يبالغ ويبتسم...
الدنيا يا ناس تنقسم...
الفرحة تملاها وتزغرد..فيها والشوق يرتسم "...
__________
تحياتي.....ود أزهري..
رد: طلبات الاغاني السودانية
مرسل: الثلاثاء 2008.6.3 4:03 am
بواسطة waya
ياذهول
بيننا خبز القصيد
اطعمه من بوح روحك
مسكنه فيك الوريد
والله انك تكتب مشاركاتك
على هامات جيد
رد: طلبات الاغاني السودانية
مرسل: الثلاثاء 2008.6.3 10:52 am
بواسطة عمر زمان
ود ازهري ... ينصر دينك ودين ابائك
والله يا حبيب ما اقدر اوصف ليك سعادتي قدر شنو ؟؟؟ ونورا دي لي 8سنوات ما سمعتها... الف الف شكر
رد: طلبات الاغاني السودانية
مرسل: الثلاثاء 2008.6.3 11:33 am
بواسطة عمر زمان
جيانك تاني
يا طير يا طاير (وردي)
ويا ريت تلقها لي عشان عندي معاها ذكريات عزززززززززيزة شدييييييييييد
ومليون شكر مقدما 
رد: طلبات الاغاني السودانية
مرسل: الثلاثاء 2008.6.3 8:44 pm
بواسطة وين القاك
لو امكن يا ود أزهري فيديو اغنيه المنديل- فرفور
سلام كمياااااااات
رد: طلبات الاغاني السودانية
مرسل: الثلاثاء 2008.6.3 11:19 pm
بواسطة امدرمانية
ياود بلدي طلب خسوسي كدا اغاني معليش اختك طماعة لي زيدان
رد: طلبات الاغاني السودانية
مرسل: الثلاثاء 2008.6.3 11:57 pm
بواسطة ود أزهري
ويـّــــا.....
عندك إنتهى الكلام يا ريـّـس...
__________
عمر زمان.....
بعيوننا نخدمك يا غالي...وذكرياتك خليها علي أنا...
__________
الحمري.....
ليك علي ( المنديل ) تكون في أول اللستة...
__________
امدرمانية.....
والله عشان خسوسي دي...عيوني ليك يا 
...
__________
بس يا ناس دايركم تعذروني عشان أنا مسافر بكرة والليلة عندي مشاغل كتيرة...
وفي أقرب فرصة بحاول أوفر ليكم طلباتكم.....ولكم العتبى حتى حد الرضى...
تحياتي.....ود أزهري..
رد: طلبات الاغاني السودانية
مرسل: الأربعاء 2008.6.4 9:30 pm
بواسطة وين القاك
رافقتك السلامه وموفق دايما وبنشكرك على الجهد القايم بيهو
رد: طلبات الاغاني السودانية
مرسل: الاثنين 2008.6.9 10:02 pm
بواسطة walead gamal
ود ازهري يا رائع عاجزيين عن الشكر
يديك العافية
وكدا طمعتني إني اطلب منك نفس الاغنية
تاني يازمن للاستاذ ابراهيم عوض
بس المرة دي بالصوت الخرافي
اسرار بابكر
واكيد قدرها ونص
وشكرا مرة تانية
رد: طلبات الاغاني السودانية
مرسل: الأربعاء 2008.6.11 6:29 pm
بواسطة ود أزهري
walead gamal كتب:ود ازهري يا رائع عاجزيين عن الشكر
يديك العافية
وكدا طمعتني إني اطلب منك نفس الاغنية
تاني يازمن للاستاذ ابراهيم عوض
بس المرة دي بالصوت الخرافي
اسرار بابكر
واكيد قدرها ونص
وشكرا مرة تانية
حبيبنا وليد...معليش على التأخير يا مان...وإتفضل طلبك...
أسرار بابكر -----> يـــا زمـــن
والشباب الباقين جاييكم راجع...
تحياتي.....ود أزهري..
رد: طلبات الاغاني السودانية
مرسل: الأربعاء 2008.6.11 7:56 pm
بواسطة ود أزهري
عمر زمان كتب:جيانك تاني
يا طير يا طاير (وردي)
ويا ريت تلقها لي عشان عندي معاها ذكريات عزززززززززيزة شدييييييييييد
ومليون شكر مقدما
عمر زمان يا راجل يا رائع...معليش على التأخير...وإتفضل طلبك...
محمد وردي -----> يــا طــيــر يــا طــايــر
لكن أنا متأكد إنك حترجع تقول لي ده ما وردي...وفي الحقيقة هو وردي...لكن قبلي 45 سنة...
ومنتظرين طلباتك الراقية دي.....
تحياتي.....ود أزهري..
رد: طلبات الاغاني السودانية
مرسل: الأربعاء 2008.6.11 8:01 pm
بواسطة ود أزهري
رد: طلبات الاغاني السودانية
مرسل: الأربعاء 2008.6.11 9:08 pm
بواسطة walead gamal
ود أزهري كتب:حبيبنا وليد...معليش على التأخير يا مان...وإتفضل طلبك...
أسرار بابكر -----> يـــا زمـــن
والشباب الباقين جاييكم راجع...
تحياتي.....ود أزهري..
ود ازهري بصراحة اي كلمة شكر قليلة في حقك
استمتعت بالاغنية شديد
واستمتعت اكثر بوجودك في هذا المنتدي
الزيك وجودو في اي منتدي اضافة واضحة
يديك العافية ويسكنك الصافية
رد: طلبات الاغاني السودانية
مرسل: الأربعاء 2008.6.11 9:37 pm
بواسطة وين القاك
تسلم يا ود ازهري
على سعيك المتواصل لارضاء الاعضاء في المنتدى
وبهديك اغنيه المنديل اسمعه ومخمخ مع صوت المبدع فرفور[/fon
t]
رد: طلبات الاغاني السودانية
مرسل: السبت 2008.6.14 2:28 pm
بواسطة عمر زمان
حبيبنا ود ازهري حمدلله على السلامة
وانشاء الله يوم شكرك ما يجي .. ودايما معقدنا .... لكن نسوي شنو ؟؟ لو ما حبيبنا ما بنعذبك بالطلبات
اشتقت ليك _ صفوت الجليلي ((بالعود)) ....لو ممكن طبعا
رد: طلبات الاغاني السودانية
مرسل: الأحد 2008.6.15 9:36 pm
بواسطة حنضله
يا اخوى يا ود ازهرى بالله دايرين سيبى دربى خلاص كفاية وشاكرين سعيك الدؤب لتلبية طلباتنا
