منتدى أنا سوداني

dreem-lady كتب:

هلا بكووووووور

اهلييييييييييين يا مدام

اتفضل صب لي فنجان اشرب فنجانك وخد نفس............

لالالا الجبنه دى لى انا بس ماف زول يشرب معاى ... ح يسألوك معاى

مارأيك في المنتدى هذه الايام؟؟

من احسن فترات و احسن ايام بس ما احسنها

ماذا تفعل لو وليت ادارة هذا المنتدى؟

لاحول الله ليييييه كده ... و الله مافكرت ولا اتمنيت اكون جزء من الاداره بس افكر فى السؤال ده و ارجع ليك

مره في بوست باركت لريون الخطوبة ....اختي مبروك والمرةالثانية مبروك علي وعليها......؟؟؟؟؟؟؟؟؟؟؟؟

غريبه ... لما نزلت البوست ده انتى لسسسسه ما معانا ... لكن حلو السؤال ... كان بينا فى اتفاق انو ما يكون فى علم بالموضوع ده لاى زول لغايه ما يجى العرس و نعزمكم مره واحده

كيف هي الغربة في مصر..........محاسن ومساوئ؟؟ وهل هناك مكسب مادي فارق من السودان؟؟

و الله بعترض ع كلمه غربه دى لانى الحمدلله ما شاعر بيها ... محاسن انو قرييييب من السودان و و العيشه فيها احسن من السودان كخدمات و بنيه تحتيه ... مساوى ... انو ماينفع تقعد فيها مفلس ... و الله للاسف انا ماشغال هنا عشان احسب او اعرف الحكايه دى

ماهي طموحاتك القريبة والبعيدة؟؟

حاليا مركز ع الدراسه و اخلص ان شاء الله و بعد كده بخطط للجاى

ماذا حققت من انجازات ؟؟ وماهو حلمك الذي لم يتحقق؟؟

و الله لا انجاز يذكر كده غير الارتباط ... الحج الحج الحج

اشرب وراجعة ليك

راجعة وين تانى ... الجبنه قربت تخلص

بكور كتب:

راجعة وين تانى ... الجبنه قربت تخلص

فعلا انا كنتا غير موجودة ايام البوست الاول بس ارسل الرابط اللي فيهو التهنئة الاولى؟
نحن في عصر العولمة ياسيدي

dreem-lady كتب:

فعلا انا كنتا غير موجودة ايام البوست الاول بس ارسل الرابط اللي فيهو التهنئة الاولى؟
نحن في عصر العولمة ياسيدي

dreem-lady كتب:

شفتو الاقتباس الفوق ده طلع تحفة كيف؟؟؟
اقتبست شئ وتم اقتباس شئ.....وحات الله ماامشي اغيرو

dreem-lady كتب:

شايفاك طلعتا محسي

و افتخر كمان

ماذا تعرف عن تاريخ المحس؟
من اين تبدأ بلاد المحس واين تنتهي؟

بالنسبه للسؤالين ديل صعبه ... بالنسبه لعائلتى ... جد جدى جاء الخرطوم و استقر فى منطقه برى المحس ... 1814م تاريخ بناء الجامع هناك و من الوالد عرفت انو جدى شارك فى بناءه ... 1814م ده قبل المهديه ب 14 سنه ... بمعنى آخر برى المحس هى بلدى و تاريخى

مااجمل صفة تراها في المحس؟ وأسوا صفة؟

الكرم و الطيبه و جمال بناتنا ... امممممممممممممممم ماف انسان كامل بس بصراحه ما شايف

هل تعرف رطانة المحس؟ ان كنت تعرفها فترجم لنا من العربية للرطانة....
البيت....العريس.....المطبخ.....الدهب.....الكذب....الحب....الطعام.....الشراب....الصلاة

للاسف و الله ما بعرف ... ود الخرطوم و كده ... لكن بجيب ليك محسيه تترجمهم ليك

ليه اخترتا الدراسة في مصر؟ زمان النسب اللي ماكانت بتتقبل عندنا في جامعات كويسة كانو بمشو يدرسو هناك......هل تغير الحال الان...؟؟

و الله يا ستى انا ما اخترت مصر ... اختيارى انا الهند ... بعد خلصت اوراقى و قبل السفر بإسبوعين كده حصلت انفجارات فى المنطقه الكنت ماشى ادرس فيها (بونا) و ماتو سودانين كتار ... الحاجه دقت جرس و قالت ما امشى ... الحاج ادانى خيارين السودان او مصر اخترت مصر

اكثر صفة حبيتها في المصريين ؟؟....

الطيبه رغم قلتها

احلى مدينة في مصر؟ واكثر منطقة سياحية ؟ عشان ماألف كتير لما اجي سياحة

الاسكندريه ... الاهرامات و القلعه ... و قلعه الاسكندريه و المدينه بحد زاتها ... و غير شرم الشيخ و الغردقه ... انتى تعالى و خلى موضوع السياحه على انا ... بس تقلى جيبك
good-luck

thank u

donot -go

Im here
iam-coming-again

u r welcome

بت السرف كتب:[align=center]بكور صباح الخير

صباح اى حاجه حلوه

جيت اشرب معاك جبنة صباحية ..

ما قلت الجبنة دى حقتى انا بس ماف زول يشرب معاى لو سمحت سكر خفيف..

ابيييييييت

اهاا..
من اجاباتك على دريم عرفت انك من برى المحس..

البيت الكبير فى برى المحس اما انا ساكن فى برى حى كوريا

وين فى برى المحس ؟ فى سوق 4 جنب السمك؟

لالا لجوه شويه جنب مدرسه البنات بتاعت الاساس (ده البيت الكبير)

المدارس ال درست فيها ..بديت فى البركة وللا عبيد حاج الامين؟

البركة

بنات برى المحس مشهورات بالدلع والدلال ..وبصراحة نصهم بل تلات ارباعهم شينات ..رايك شنو فى الكلام دة ؟

و الله ياستى اى مكان فيهو الشين و الحلو ... بس فى برى الحلو رااااااقد

برجع ليك خلى جبنتى تبرد شوية.[/align][/size]

اررجعى بس ح تلقينى رجعت الجبنه الشرقرق

احسان كتب:

بـــكـــوري

هلا هلا

الصــراحة انت عــمرك صــغير بس عــقلك كبير السبب شنوو ههه

ههههههههه ... الدنيا و الحمدلله

طـــيب تـــعال نشــرب جبنة بره سوء اليوم تــعال انا في المــطار هسي بسرعة وجيب حموودي ههه

ما قلنا الجبنه دى لى انا بس ماف زول يشرب معاى ... هههههههههه و بتصدقى امس حلقت صعله

طيب يلا نبــداء

بسم الله

1 أنا بداية النهاية ونهاية الزمان والمكان أنا بداية النبات ونهاية الإنسان و الحيوان .. هل عرفتني ؟

حرف النون

2- ما هي المدينة التي يُطلق عليها مدينة الأسود ؟

الله اعلم

3- ما هي الدولة الإسلامية التي عاصمتها طشقند وأهم مدنها ببخارى وسمرقند ؟

تقريبا اوزباكستان

بـــجيــــك قريب جهز نــفسك ههه

تنوووورى فى اى وقت ... بس ما تقولى عايزه جبنه

ود ابنعوف كتب:بكور

هلا ابو عيون دُقاق

اسعد الله اوقاتك بكل خير

و اوقاتك ان شاء الله

هاك الفنجان دا

تسلم يا سيدى ... اتفضل معاى

فترة الطفولة كل شخص يتمنى يرجع به الزمن ليبقي طفل
اوصف لنا طفولتك

و الله كانت كلها شغب و مشاكل و شلاقه ... لغايه هسى الوالده بتحكى لى و بضحك فى نفسى كتيير

بكور الابن

الحمدلله علاقه حلوه مع الوالد و الوالده و صداقه حميمه معاهم (حتى مطلعين القاب لبعض )
بكور الاخ

برضو الحمدلله علاقه اخويه جدا جدا و قريب منهم كلهم (الاكبر و الاصغر )

بكور فى رحلة كسلا

من احلى و اجمل 10 ايام فى حياتى

وكان عندك مشاريع استثمارية الى اين وصلت هل رات النور وللا ما زالت تحت الدراسة

حاولت اطلعها بس ما اتوفقت فركنتها لغايه اخلص دراستى و نشوف الحاصل شنو

اوصف كسلا

كلمه جميله قليله عليها جدا

وما اجمل فى كسلا وخاصة بصحبة الزعيم وايا

اكيد توتيل و جبنه السوق و خلف الجبل ... و الاجمل صحبه الغالى وايا

برجع ليك

بت السرف كتب:بكور ازيك ..

الحمدلله

اها جبنتي بردت..

جبنتك رجعناها الشرقرق

أنت زول رياضي بتمارس شنو غير السباحة؟

بحب الكوره اكيد ... و الجرى ... و تنس الطاوله ... و ps و x box

صلتك شنو بنادي شباب كوريا؟

زى صله ترباس بالقميص و البنطلون

بيتكم وين بالضبط كدة في كوريا؟

الشارع التالت منو اول لفه يمين 3 باب عماره خضراء ... مستنى زيارتك

جاياك بعدين ..أنا لسة ما وصلت .. قهوتي ماترجعها الشرقرق..

بت السرف كتب:[align=center]صباح الخير

يا صباح اى حاجه حلوه

عندنا جمال جو .....رهيب..

بختكم .. بس خلو لى منو شمه

بمناسبة الجو الحلو دة..
حكايتك شنو مع ريونة ..وكيف كانت البداية؟

امممممممم ... بدايه كانت من المنتدى هنا و كبرت و اطورت شويه شويه
العجبك فيها شنو ..خلاك تصر ترتبط بيها وانت زول لازلت فى سلم التعليم؟

العاجبنى فيها كلها

ومشاريعك المؤجلة بخصوص الزواج ..شنو..وياترى حيكون قريب؟

بس مستنى الدراسه تخلص عشان اعرف اعمل شنو بالظبط كده ... فى 2015 ان شاء الله

ولو ماكانت ريونة ..كان بتكون منو..الانسانة الحركت مشاعرك وخلتك تصر ترتبط بيها رسمى؟

اكيد ماف

وشعور والدك ووالدتك ناحية الارتباط شنو..خصوصا انك لازلت صغير فى السن ؟

الوالد و الوالده الحمدلله علاقتى معاهم حلوه و بتناقشو معاى كتير و لو اقنعتهم بوجهت نظرى ما بعارضونى

يازول اشرب جبنتك وهسة برجع ليك....[/align][/b][/size]

بت السرف كتب:[align=center]
جيتك تانى ..

يا مراحب

من اعماق الروح احساس واحلام وامانى..
واشواق مشتولة ..فى قليب مفتون ..وآهات ..وأغانى..
ودرب جميل ..بحب تمشيهو ..مع انسانك تانى.....
رجعت ليك..
شربت قهوتك..

الحمدلله

عرفنا انك ماشاءالله عليك ..كتلة من النشاط فى المنتدى..
وكنت بتجمع الناس ..تتلاقى وتتعارف..استفدت شنو؟

استفدت من انى عملت اصدقاء و اصحاب ماشاء الله عليهم

واكيد علاقاتك اتشعبت وزادت ..احساسك شنو وانت بتتعرف كل يوم بزول ؟؟

كتيييير جدا كمان ... بحس بفرح و سعاده انى لقيت ناس استفدت منهم كتيييير جدا جدا

وناسك كل يوم زايدين(عينى باردة عليك)؟

قولى ماشاء الله

وراى ريونة فى صداقاتك مع النصف الحلو شنو؟

ريونه متأكده انو ماف غيرها عشان كده الموضوع ده بالنسبه ليها عادى ... لكن بعد مرات باخد لى شلوت شلوتين

ورايك انت فى صداقاتها ..سواء فى المنتدى او خارجه؟

انا كمان واثق و متأكد انو ماف غيرى عشان كده ما بمنعها من زول او احدد ليها اصدقاء

حتجمع الناس تانى متين ..ووين..وكيف؟

متين يا ستى ان شاء الله فى الايام ما بين 8-15 رمضان ح نتفق ع اليوم مع بعض ... وين برضو بنخت الخيارات و الافكار و ح نختار مكان يناسب الجميع ... كيف عن طريق التلفون و الماعندى رقمو بلاقيهو هنا و بنتلاقى ان شاء الله

بتحب كايرو؟

جدا بس الاسكندريه اكتر

ولو خيروك بين تعيش فى كايرو وللا الخرطوم..اختيارك شنو؟

اكييييد الخرطوم
تانى برجع ..ماتكمل القهوة..[/align][/size]

احسان كتب:

- ما هي المدينة التي يُطلق عليها مدينة الأسود ؟
سنغافورة

انت ليش اخترتا الهند من دون الدول دي

يسلمو ع المعلومه يا ستى

عشان رغبتى ادرس هندسه الكترونيات و اعمل شهادات فى الكمبيوتر ... و احسن و اقوى الشهادات اكيد هى شهاده الهند