الفيفا تتدخل فى قضيه الموسم

[ود الفضل]

مشكلة طمبل وقودوين ضياع زمن في نظري والهلال الآن يفتقد لريتشارد جاستين ولاعب طرف فقط ولاداعي لضياع الوقت .
والهلال الآن بالف خير
نتمنى التوفيق
الهجوم بالف الف خير
ولايحتاج لمهاجم زيادة على حساب الآخرين والفرص بين لاعبي الهجوم الحاليين موزعة تمام التمام
كاريكا - روني- امبيلي - كواريزما ان بقي بالهلال

[mohammad]

صفقة لمعتز

[mohammad]

المريخاب وصلوا

[زوزو الجامعي]

هلااااااااااااا وغلا بالمريخاااااااااااااااااب وهيبه للمررررررررررررررررريخ هيبه يالنجمه

[hanody]

ناس الهلال ديل (كرهونا)... ما خلوا لينا اي حاجة عشان نتميز بيها... (دي مريخابي بتكلم بينه وبين ضلو).. السنة دي المريخ ما عندو غير سيكافا.
* سيكافا لو الهلال شارك فيها ... ما بلقي المريخ منها شيء غير (الوصافة).
* وصافة سيكافا طعمها ملح ..ملح.
* الهلال دا مجلسه ما شرعي مع ذلك بتعاقد مع مدرب ريال مدريد.
* دي مشاكل شنو الوقعنا فيها دي.
* انا اول مرة اشوف لي مجلس بالطريقة دي.
* الحاجة البتحيرنا (المجلس) بامر المحكمة غير شرعي .. مع هذا اليوم والتاني المجلس بتم في الصفقات.
* صلاح ادريس دا الهلالاب ... واقفين ليه (الف حمراء)... والاقطاب يشيلوا ويطعنوا في قانونية المجلس.. الكاردينال دا ..خلي قودوين وقبل علي صلاح ادريس.
* الصحافة تهاجم فيه ... الجمهور يهاجم فيه .. وشداد يهاجم فيه .. والمحكمة تقول ان مجلسه غير شرعي.
* مع ذلك هو متمسك بالهلال ..اي رحلة بقود البعثة صلاح ادريس ... اي لجنة هو رئيسها.. شفتوا الفرق.. جمال الوالي في المريخ ... الاعلام يتغزل فيه .. والجمهور يشيل ويصفق ليه .. والدولة معاه ما بتقصر.
* مصطفي عثمان اسماعيل ... سافر مع المريخ حتي يوغندا.
* وعشر شركات وهمية تدعم وترعي في مؤتمرات المريخ الوهمية ... مع ذلك جمال الوالي كل فترة والتانية يهدد بتقديم استقالتو.
* وناس المريخ من يسمعوا سيرة الاستقالة .. بكبوا الجرسة.
* يشيلوا ويحنسوا.. يا الوالي لا ... واصلو ما ممكن ... ومستحيل... (وتفارق كيف) .. وننساك ..انت انت بتتنسي.
* انا ما عارف العاجبكم في (وصافة) الزول دا شنو؟.
* وارغو جابوه بي خمسة مليون دولار ... ائمة المساجد المبلغ دا انتقدوه... نحن خلونا.
* تفتكروا بعد دا عاوزين وارغو ينجح.
* زول جاب ليه هدفين في كل البطولات التي شارك فيها.
* اتذكرت عنده هدف في (الشجرة).
* الشجرة تعمل ليكم شنو؟... تتقطع ليكم.
* والله حاجة بالجد كدا تحير ... مجلس غير شرعي ويتعاقد مع مدرب ريال مدريد السابق.
* مدرب كان المدرب العام لريال مدريد ... دي ما بتفهموها لينا هسع.
* نحن عارفين ... الموضوع دا عاوز ليه ستة شهور عشان تستوعبوه لينا.
* عاوزين ليكم سنة ... عشان تقعدوا تناقشونا في الموضوع دا.
* قالوا ناس المريخ ... المدرب دا ..عمل ليهم (قلق) ... قالوا فتحوا خط ساخن مع (لقاط) الكور بتاع برشلونة.
* عاوزين ليهم اي حاجة من برشلونة ... ان شاءالله (غفير) النادي.
* جمال الوالي مرة مشي اتصور مع رئيس نادي برشلونة ... اعلام المريخ سنة مدور في الموضوع دا.
* صورة ساكت خلعتهم.. اها نوع ديل عاوزين يستوعبوا لينا حكاية المدرب دا كيف؟.
* تتخيلوا المدرب دا يصل البلد ... ويمسك الهلال ..اول مرة مباراة يلعبها الهلال ... يطلع لينا مدرب وطني.... يقول شنو يقول عاوز يحلل مباريات الهلال.
* لا معليش يا كابتن ..الموضوع دا ... كبير عليك .. معقولة عاوز تحلل لي كامبوس.
* اقعدوا اتفرجوا ساكت.
* الهلال قالوا جايب ليه مدرب .. في الخمس دقائق ببدل الخطة.. عشر مرات.
* بختك يا مهند .. تاني الهوبة تقلبها اربع مرات في المباراة.
* انتوا يا ناس الهلال ما تتفاصحوا ساكت ... هسع يقولوا ليك المدرب غير رأيه.
* ناس الهلال ديل ما مضمونين .. اسألوني منهم انا.
* خلاص عاوز تقلب علي الهلال.
* ارجع ليكم واقيف ليكم في الحتة دي .. عشان هي حتة مهمة خالص.
* تصوروا مجلس الهلال غير شرعي ومطعون فيه ... مع ذلك تعاقد مع مدرب كلف النادي مليون دولار.
* يعني لو كان شرعي ... كان عمل شنو؟... كان اتعاقد مع الجهاز الفني كلو بتاع ريال مدريد..احتمال يجيبوا مجلس ادارة ريال مدريد ويمسكوه قطاع الناشئين في الهلال.
* وتصوروا مجلس الهلال غير الشرعي دا ... تعاقد مع شركة بلجيكية للسور.
* الضحايا مع (السور) دا تاني ما عندهم اي مفر من الهروب.
* المقبرة عملوا ليها سور.
* ناس المريخ قالوا عاوزين (السور) القديم ... اتاريهم ليهم سنة بتكلموا في (التعاون).
* وتتخيلوا مجلسنا الما شرعي دا... جاب ليه (نجيلة) امريكية من الامارات.
* بختك يا مهند تاني تقلب الهوبة سبع مرات في النجيلة دي .. في المباراة الواحدة.
* ومجلسنا الما شرعي دا ... بخطط للتسجيلات بترتيب وتخطيط دقيق.
* مجلس المريخ الشرعي دا واحد فيه متفرغ للتصريحات وواحد قاعد في الطابق التاني.
* مجلس المريخ تعاقد مع مدرب بتدفع مرتبه الشركة الراعية.
* عشان كدا.. عشان كدا شنو؟.
* عشان كدا جابوا ليهم مدرب رخيص ... (افياني) محسن .. افياني زايد واحد .. مدرب مقدمه 80 الف دولار.
* ليه حق الاسبوع والتاني تضربو ملاريا.
* مدربكم دا مفروض تدفعوا ليه مقدم العقد (كينين).
* يعني كامبوس بساوي عشرة رادان.
* زولكم دا عشرة دقائق ما بثبت مع كامبوس في المجموعات.
* مفروض ناس الهلال يفتحوا باب القبول للانضمام للهلال.
* ناس المريخ ديل شايفهم متضايقين شديد.
* طمبل قالوا بقي يلقط في حاجاتو ... خلاص مغادر.
* ايداهور ... حلمو ومني عينو يلعب في الهلال.
* يا ايداهور ... قلنا ليك في التشكيلة ما عندك طريقة ... لكن كامبوس دا ممكن يشوف ليك مكان في (الكنبة).
* كنبة الهلال ولا اساسي في تشكيلة المريخ.
* فرصة ايداهور بعد (كامبوس) بقت ضعيفة شديد.
* قلت ليكم ناس الهلال ديل عندهم حاجات غريبة.
* المجلس غير شرعي وبتم في تعاقدات خرافية.
* الفريق بدون مدرب صعد لمرحلة المجموعات.
* مساعد مدرب ما عندنا.. فريقنا ما عندو ملعب تصدر للممتاز بفارق اربع نقاط... احسن هجوم ... احسن دفاع.. هداف الدوري.
* انتوا عندكم ملعب وعندكم طابق تاني .. عملتوا شنو؟.
* عندكم مجلس شرعي .. قاعد ومتفرغ بس علي الرد علي تصريحات صلاح ادريس.
* الضل عمرو ما يبقي زول.
* بعدين انتوا الزعل في شنو؟... في موضوع المدرب البرازيلي الذي سوف يحضره ( ان شاءالله) الهلال.
* انتوا اكتر ناس مستفيدين من الموضوع دا.
* فائدة المدرب دا بتنعكس اول حاجة بشكل اساسي ورئيسي علي (الضل).
* قالوا كامبوس بهتم اهتمام خاص بالبدلاء والضل.
* لكن بالجد كدا ناس الهلال ببالغوا... السنة دي ما خلوا ليهم حاجة للمريخ عشان يتميزوا بيها.
* المجموعات دي وقت تبدأ المريخ سوف يكون وصيف في اي حاجة.
* وصيف في الممتاز.. وصيف في البطولة الافريقية.
* وصيف في النجيلة ... نجيلتكم دي ما بتاكل عيش مع نجيلتنا.
* قلنا ليكم نجيلتنا بتشرب موية صحة وكرستال.
* سوركم ذاتو ح يكون وصيف مع سورنا.
* سورنا نحن من (بلجيكا) ... وسوركم من المنطقة الصناعية بحري.
* شن جاب بلجيكا للمنطقة الصناعية ...فرق الليل من الهلال اقصد من النهار.
* مدربنا كان المدرب العام لفريق ريال مدريد ... ومدربكم فشل في السلطنة.
* عندكم شنو تاني عاوزين تناقشوا فيه.
* ما عندكم غير تفتحوا سيرة (سيكافا) وكاس دبي ... وممكن نحسب ليكم كاس مانديلا.
* غير كدا ... إلا تعملوا ليكم (نفرة) طوب ... فهذا هو الشيء الوحيد الذي يمكن ان تتفوقوا فيه علي الهلال.
* عارفين بتتفوقوا في نفرة (الطوب) ليه؟.. عشان الطوب (احمر).
* ملحوظة: ورغنة ووصفنة مرة واحدة.
هوامش
* التعاقد مع مدرب الحراس السويركي .. خطوة جميلة وموفقة من مجلس الهلال... السويركي افضل مدرب حراس عمل في السودان ... وقد يكون الافضل في المنطقة العربية.
* استمرارية باهوس امر يثبت ان عين ادارة الهلال فاحصة فقد احسنت في الابقاء علي هذا المدرب .. الذي لمسنا فوائده واضحة عند لاعبي الهلال.
* مدرب الاحمال اصبح لابد منه لاي فريق يعمل علي تنمية القدرات البدنية للاعبين والمحافظة علي مهاراتهم.
* مجلس الهلال اكتسب خبرات علمية وفنية في كيفية التعامل مع الامور.
* نتمني ونسأل الله ان يوفق الهلال في كسب توقيع كامبوس كمدرب للفريق حتي تكتمل الفرحة الهلالية ويبقي امر الفوز بالبطولة الافريقية مسألة وقت ليس إلا.
* تصريحات همد تثبت ان استعدادات ولاية الخرطوم للخريف ضعيفة .. والرجل يقضي جل وقته في الرد علي صلاح ادريس.
* يجب ان ترتفع تعاقدات الهلال مع اللاعبين مع الارتفاع الهائل الذي حدث بعد اتجاه الهلال للتعاقد مع البرازيلي كامبوس.
* مجلس ادارة نادي الهلال عليه ان يعمل بجدية اكبر للتعاقد مع اطراف (شمال ويمين) عشان ناس امولادي ديل .. ما يحرجونا ساكت مع كامبوس.
* الزول دا قالوا صعب .. امولادي دا ما بستحملو ليكم.
* المفوضية لن تصدر قرارا حول قرار المحكمة العليا، ومجلس الهلال خاطب المحكمة العليا من اجل مراجعة القرار.
* الصحيح هو ان تنتظر المفوضية ما سوف تحكم به جهة الاستئناف في المحكمة العليا بعد ان خاطبها مجلس الهلال بشكل قانوني.
* خبر عاجل: نجيلتنا قالوا سألت من (هوبة) مهند الطاهر.

[رحيق]

هاهاهاها والله دي احلي نكتة سمعتها في حياتي ...بعدين الهلال احسن بامارة شنو؟؟ بامارة المقبرة ولا الصفر الدولي الكبير؟؟ولا بامارة الرئيس الاصلا ما فاضي من الغنا والتلحين ؟؟؟وزي ما انت قلت اتاهلتوا للمجموعات 3مرات.....اها؟وبعدين؟يعني عملتوا شنو؟تاهلكم زي عدمو... ما جايبين لينا غير الفضايح....بعدين البتاع بتاعكم دا يجي شنو قدام الملك فيصل؟ علي الاقل محترم نفسو ومالي مركزو لا بينبز لابيشوت قوارير....والله العقل البتتكلم عنو دا الا اكون عقل واحد هلالابي زيك .

[فتى الأحلام]

يا عالم ارجوكم نزلو صورا فضل لاعب سوداني علي اساس امكنياتة العامة

[معتز سيد]

صفقة لمعتز

مشكـــور كتيـــر يا محمــــد

على الصفقة

أنا كنت عايز جائزة ، لكن شايف أخوي هنودي ما رد علي بخصوص الجائزة

ما مشكلة الصفقة أحسن جائزة
:D

[معتز سيد]

بعد إذنك حبيبنا [fot1]هنودي[/fot1]، في خبر جميل أسعدني جداً ،
وصول محترف كنغولي برفقة اللاعب أمبيلي العائد من الإجازة.

الجميل في الموضوع انو اللاعب أثنى عليه اللاعب أمبيلي،
وأكيد إذا ما واثق من قدرات اللاعب ما كان يقدم على خطوة زي دي.

والشي الثاني، انو اللاعب مدافع حسب ما فهمت من مصدر الخبر (صحيفة قون)
كدة ممكن نقول الهلال ماشي في الطريق الصاح (حوجة الهلال لمدافعين وليس لمهاجمين).


نص الخبر من صحيفة قوون:

استقبل نادي الهلال الكنغولي كابوندي لاعب الطرف الشمال نجم فريق AC تراكو الكنغولي والمنتخب الكنغولي »٢٢ عاما« للمحليين الذي وصل امس برفقة مواطنه امبيلي محترف الهلال في التاسعة مساء امس بالخطوط[grade="FF4500 4B0082 0000FF 000000 F4A460"] الكينية الذي تم ترشيحه من قبل وكيل لاعبين كبير ومعروف واثني عليه مواطنه امبيلي الذي قال بانه شاهده مع منتخب الكنغو واعجب بامكانياته الفنية وكان في استقبال الثنائي الكنغولي من جانب الهلال مدير الكرة امين عبدالوهاب والعقيد حسن محمد صالح عضو المكتب التنفيذي للنادي وعبدالباقي الطيب قطب الهلال بمطار الخرطوم وجمهور هلالي غفير بصالة الوصول استقبل اللاعب بحرارة
وقال كابوندي في اول تصريحات لقوون التي كانت في استقباله بمطار الخرطوم بانه سعيد بوصوله للخرطوم لاول مرة مؤكدا بان مواطنه امبيلي قد كشف له الصورة الكاملة واطلعه على الخرطوم والسودان بصورة عامة وفريق الهلال علي وجه الخصوص وقال ان حديث مواطنه امبيلي قد حبب له فريق الهلال الذي عرف بانه ضمن الاندية الثمانية الكبار في دور المجموعات الأفريقية.[/grade]

[عاشقة الورد]

ماعايزين طمبل انا شخصيا من الناس المعارضين لي رجعت طمبل للهلال
فالهلال بي وجود كاريكا وأحمد عادل وامبيلي مامحتاج لي طمبل
لامكان لطمبل في الهلال

[hanody]

عقد السيد صلاح ادريس اجتماعا مع اللاعب أمولادي تمخض عن موافقة اللاعب مبدئيا على الإعارة بينما ينتظر الهلال قرارات الاتحاد السوداني لإتمام الاتفاق بإعارة المحترف النيجيري داخل أو خارج السودان فيما طلب اللاعب مهلة عشرة أيام يغادر خلالها الى ذويه ومن ثم الرد على طلب الهلال بالقبول أو الرفض.
ويرى السيد صلاح إدريس أن اللاعب يتمتع بإمكانات كبيرة بدليل أنه كان قائدا لفريق أنيمبا وربما لم تساعده الظروف على التأقلم والاجادة مثلما حدث من قبل للاعبين قودوين ويوسف محمد.. على صعيد ذي صلة وتحسبا لرفض الاتحاد مقترحاته ينتظر أن يخلي الهلال سبيل اللاعب سولي شريف بالتراضي للاستفادة من جنسيته وتحويلها للاعب الكونغولي كابوندي الذي لم يرفض العرض.

[hanody]

يصل البرازيلي باولو كامبوس المدرب الجديد للهلال في السابعة من مساء اليوم عبر الخطوط الإماراتية بصحبة وكيله بنجامين وذلك للتعاقد الرسمي مع النادي للإشراف على تدريب فريق الكرة بعد أن وافق على العرض الذي قدم له، وكان كامبوس قد وصل مطار دبي في العاشرة من مساء أمس بتوقيت السودان، وكان في استقباله محبي منتدى الهلال الالكتروني بالامارات العربية المتحدة في مقدمتهم الدكتور كمال كسلا , د. بكري فالح , ياسر ابراهيم , محمد القمش وقد أبدى المدرب سعادته بالاستقبال وقال: أقول لجمهور الهلال الذي ينتظر وصولي أنا قادم لتدريب النادي الذي تعشقونه، وقال إن وجود عدد كبير من جمهور الهلال في دبي يؤكد أن النادي له أنصار في كل أنحاء المعمورة وهذا حافز كبير لتقديم الكثير لفريق الهلال الكبير وأكد انه يتمنى أن يصل مع الهلال إلى كأس العالم للأندية في أبو ظبي.


وفي ذات السياق أقام أبناء الهلال بدبي حفل عشاء للمدرب ووكيله بنجامين (نيجيري) بجانب تغيير تذاكرهما في الإماراتية إلى الدرجة الأولى. ومن جانب آخر سيعقد النادي مؤتمراً صحفياً لتقديم المدرب وتوقيع العقد معه بجانب مدرب الحراس المصري سيد السويركي.

[hanody]

تغادر اليوم الجماهيرية الليبية بعثة المنتخب الوطني الأول متوجهة الي كوتونو العاصمة البنينية بعد أن أقام معسكرين اعدادين بكل من تونس والذي أدى خلاله مباراة ودية أمام نسور قرطاج الجمعة الماضي وخسرها بأربعة أهداف دون رد، وأعقبه بمعسكر بالجماهيرية أدى خلاله مباراة ودية أمام المنتخب الاولمبي الليبي وخسرها ايضاً بهدف وحيد.. ويقود بعثة المنتخب الوطني الذي سيواجه نظيره البنيني يوم الاحد المقبل في اطار جولات المجموعة الرابعة للتصفيات المزدوجة والمؤهلة لنهائيات كأس العالم 2010 بجنوب أفريقيا ونهائيات أمم أفريقيا بأنغولا يقودها الاستاذ طارق عطا صالح مساعد سكرتير الاتحاد السوداني لكرة القدم، بجانب الجهاز الفني بقيادة المدير الفني استيفن قسطنطين ومساعديه محمود جبارة السادة ونيكولاس واللاعبين وهم المعز محجوب، حافظ أحمد محمد، روي قلواك، احمد الباشا، طارق مختار، بله جابر، نصر الدين الشغيل، مصعب عمر، سيف الدين مساوي، سامي عبدالله، مهند الطاهر، عز الدين الحمري، انس الطاهر، مدثر كاريكا، أحمد عادل، سعيد السعودي، مشرف زكريا، منتصر فرج الله، عاصم عابدين، نجم الدين عبدالله ، كرنقو، ومحمد أحمد بشه.
ظروف صعبة
يواجه منتخبنا الوطني الاول الذي يستعد لمباراته أمام بنين في السابع من يونيو الجاري ظروفاً صعبة تتمثل في غياب عدد كبير من عناصره الاساسية بعامل الاصابة والابعاد القسري من قائمة المنتخب بأمر المدير الفني الجديد للمنتخب استيفن قسطنطين والذي أصبح وجوده يمثل مهدداً للمنتخب خاصة وأنه ومنذ تسلمه مهمة التدريب قام بابعاد بعض اللاعبين الاساسيين الذين يمثلون عماد المنتخب، بالاضافة لاختياره لاعبي المنتخب الاولمبي بغرض بناء منتخب المستقبل في الوقت الذي دخل فيه قسطنطين في تعامل حاد تجاه اللاعبين الحاليين وافتعاله للخلافات والمشاكل معهم وجهازه المعاون له الامر الذي أدى لتدخل الاتحاد العام للكرة ووجه بسفر محمد عبدالله مازدا المدير الاداري والفني للمنتخب الي بنين، بجانب استدعائه لقائد المنتخب هيثم مصطفي الذي كان قد اعتذر مؤخراً عن الانضمام لقائمة المنتخب بسبب سفره الي الخارج لعلاج ابنه.. كما تم استدعاء موسي الزومة للانخراط في تدريبات المنتخب بعد عودته من بنين في الثامن من الشهر الجاري استعدادا لمباراة غانا في العشرين منه، كما طالب بتكثيف الجرعات العلاجية لكل من هيثم طمبل وعبدالحميد السعودي والحاقهم ببرنامج الاعدادي القادم .. يذكر ان المنتخب تعادل في أولى مبارياته أمام مالي بهدف لكل بالخرطوم ويتعين عليه تحقيق نتيجة جيدة في مباراته القادمة أمام بنين حتي يبقي علي أماله قائمة في الصعود والترقي لنهائيات أمم أفريقيا واي نتيجة خلاف ذلك ربما تبدد آماله وتعجل بخروجه من دائرة التنافس علي المقاعد المؤهلة لمصاف النهائيات.
أحمد عادل: نتطلع لنتيجة جيدة أمام بنين
وعد مهاجم المنتخب الوطني الاول أحمد عادل بتقديم مستوي جيد في مباراتهم المقبلة أمام بنين في الجولة الثانية من التصفيات المؤهلة لنهائيات كأس العالم وأمم أفريقيا ووصف المباراة بأنها مهمة خاصة وأن نتيجتها ستحدد موقف المنتخب في المنافسة على المراكز المؤهلة للنهائيات من عدمها وأضاف: نحن ندرك أهمية المباراة وحساسيتها لذلك سنبذل كل ما في وسعنا بهدف تحقيق الفوز والحصول علي النقاط او تحقيق نتيجة ايجابية تعزز موقفنا خاصة وأننا فقدنا نقاطاً غالية أمام مالي في الجولة الاولي وينبغي ان نكسب نقاط بنين والعودة الي الخرطوم لمواجهة المنتخب الغاني بمعنويات عالية علي أمل ان نحقق الفوز ايضاً حتي تكون حظوظنا كبيرة في احدى بطاقتي التأهل، وأكد عادل أن المباريات التي خاضها المنتخب امام تونس والمنتخب الاولمبي الليبي أفادت المنتخب كثيراً خاصة وأن الجهاز الفني وقف علي قدرات وامكانيات اللاعبين بشكل كبير، بالاضافة إلى انسجام تام بين المجموعة وروح عالية لتحقيق نتيجة مشرفة .. وحول الانباء التي تواترت اليهم بالمعسكر الخارجي بتونس والجماهيرية عن اتفاق ناديه الهلال مع المدرب العالمي البرازيلي باولو كامبوس وخطواته الجادة لاضافة محترفين جدد على مستوي عالٍ لصفوف الفريق تأهباً لمرحلة المجموعات لبطولة دوري أبطال أفريقيا أشاد عادل بتلك الخطوات الهلالية والتي أكد أن من شأنها دعم الفريق وتضيف اليه الكثير وقال ان المدرب العالمي كامبوس إسم كبير وتاريخ حافل، واضاف ان المدرب واللاعبين الجدد يمكنهم أن يشكلوا اضافة كبيرة للفريق في المرحلة المقبلة وطالب الجميع بالالتفاف خلف الفريق بالدعم والمساندة القوية حتي يحقق نجاحات وانتصارات خلال مشواره الافريقي القادم..


السودان يتراجع ثلاثة مراكز
تراجع السودان ثلاثة مراكز في التصنيف الشهري للاتحاد الدولي لكرة القدم(فيفا) لتصنيف مايو الذي أصدره أمس واحتل المركز (88) برصيد (408) نقطة بينما كان ترتيبه في شهر ابريل (85)، وجاء في المركز العاشر عربياً والثالث والعشرين افريقيا، وتصدرت الكاميرون التصنيف الافريقي وحلت نيجيريا ثانيا، غانا ثالثاً، ساحل العاج رابعاً ومصر خامساً، فيما احتلت مصر صدارة الدول العربية وجاءت تونس ثانياً، المغرب ثالثاً، السعودية رابعاً والجزائر خامساً وعالمياً جاءت اسبانيا اولاً، هولندا ثانياً، المانيا ثالثاً، ايطاليا رابعاً والبرازيل في المركز الخامس.

[hanody]

الجائزه جايه اصبر انت بس

[mohammad]

شكرااا
على المعلومات

[zizou]

الله يديك العافيه تقبل مروري

[aldagsh]

بالتوفيق للنادى الملكى

[محمد سليمان]

يديك العافيه

[zizou]

شكرا والله يعافيك

[mohammad]

سلمـــــــــــت يداك

شكراا على المعلومات