مســـــــــــــــــــدار + مســــــــــــــدار

[حافظ عوض الله محمد]

[align=center][quote="مهند عبد الرحمن"]الليلة المسدار شايفو تب عمران
ليهو مدة ما اتنافسوافيهو الحبان
ود عوض الله صبح بالهموم مرضان
والاغبش حالف ما يخلي ليهو مكان

كان جيتوا لي الريدة نحن دقيناابوابه
ما لقينا زولتن سمح ترحابا
ودي حالتنا من تبينا قمنا ونتشابا
عاوزين لينا فكي يمكن الحكاية فيها كتابة[/quote]

مهند اخوى مرضى سببو العيون
خلتنى مخدر زى الشارب الافيون
وبقى اسمى من اسمها وبينا ارتبط الجنون
دخل الحساد بينا وراح منى القلب الحنون[/align]

[أيمن]

جمال الخلقة في النوت ديمة ماهو تكية
كل الناس تقول سودانية مية المية
مستورة من يومها وبي اخلاقها معنية
لو تفتش عنها تلقاها هي المحرية

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سودانيه كان شايقيه أو نيليه=
الماذينى خدره لونه والحنيه=
الوجه البخلى غنانا فيو جيدليه=
والصوت البقوقى يحاكى للقمريه=[/poem]

[أيمن]

كان جيتوا لي الريدة نحن دقيناابوابه
ما لقينا زولتن سمح ترحابا
ودي حالتنا من تبينا قمنا ونتشابا
عاوزين لينا فكي يمكن الحكاية فيها كتابة

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامهند علاجك فى المبتقه دابه=
هاديه وديعه مارفعت لزول سبابه=
المرنوعه عند المشيه تتفدع ومى خبابه=
روحنه وراهه مارقه عله ما حاسابه=[/poem]

[الاغبش]

سودانية تابرة فوق اخواتا
مالكة العفاف صاينهو بي كلمة ابواتا
المربوعة تمشي تاتاية مي مشاية
ان نضمت يمين صوتا لاقي حلاتا

[الاغبش]

حباب نجم السعود اليوم علينا طلة
وترحبيكم كترهو يا مكارم خلق الله
بي لحظة غروب قمرا علينا هلا
بت بلد نايرة وغائرة في شان الله

[الاغبش]

فاهمة وراكزة في العلم بي مجهودة
صلاية وعابدة وشاكرة للخالق معبودة
بت بلد ماصلة سابقه الكرام بجودة
لحظة غروب ياخوانا اليوم خاوت شهودة

[أيمن]

فاهمة وراكزة في العلم بي مجهودة
صلاية وعابدة وشاكرة للخالق معبودة
بت بلد ماصلة سابقه الكرام بجودة
لحظة غروب ياخوانا اليوم خاوت شهودة

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جماله الغلب البقران وشقه حسوده=
راغيه مبطره وتريانه لادن عوده=
حاولناها يالأغبش لكن الدروب مسدوده=
دايرين ليمه حتى انشاء الله نبقى جنوده=[/poem]

[ود أونسه]

راسيه رزينه دي المتبوره دي الفديعه

راسيه تقيله زي صيدة الخلا الرتيعه

طاهر قولها من الطافـره والنديعــه

عمارة البيوت فيها الظرافه طبيعـه

[mohamed merghanh]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صدرك بى الوسام ياميرغنى رصعلو=
وصدرى الضاق مسدارك حضر وسعلو=
كان داير الشياطين يختفو ويتنعلو=
رب القدره أسجد ليهو فى التلت الأخير واركعلو=[/poem]

راكعين للإله شاكرين فضايلو وجودو
العامى مخلوقاتو السارحة يوت فى وجودو
من اللعين نتعوذ ال لأبونا مابى سجودو
لكنو تب ما بيأس وفينا لاعب الجودو

[mohamed merghanh]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صدرها عالى يحمل فى الطلق قرنوف=
ورشرش عينه فى قلب البشابى سيوف=
الخلانى جيت كدارى من امبده حتى ابروف=
قواما فى الشعر مالاقى ليهو حروف=[/poem]

صدرها عالى قليبا البى الحنان خفاق
صادق ريدا خالى من الكذب ونفاق
الخلانى هايم وقلبى مع الشجون فى وفاق
بت بلدي الرزينة الزانت الآفاق

تخريمة ...
فى مشوارك الكداري شقيت أكيد لى حى
فى الشارع أب رايات الأهلو ذاكرين حي
ما شفت بت الشيخ زينة ربوع الحي
الورثتني الحسرة وفى القولة ووب وأحى ؟

[mohamed merghanh]

جمال الخلقة في النوت ديمة ماهو تكية
كل الناس تقول سودانية مية المية
مستورة من يومها وبي اخلاقها معنية
لو تفتش عنها تلقاها هي المحرية

فى بنات بلدي للعفة لينا نماذج
والسترة ثم الطيبة اللجمال بتمازج
الخلانى أسدر وقطعى يصبح طازج
ستات الحيا أمات صديرآ هازج

[ود أونسه]

كريم رب العبــاد الواحــد المعــبــود

يزيدك نعمــه بي رحماتو ليك يجـــود

الخلانـــا من ذكـراك دوام في شـــرود

خفيف الروح ضاوي الخد ونديان عود

[الاغبش]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جماله الغلب البقران وشقه حسوده=
راغيه مبطره وتريانه لادن عوده=
حاولناها يالأغبش لكن الدروب مسدوده=
دايرين ليمه حتى انشاء الله نبقى جنوده=[/poem]

جمالا كارفوهو بيس والصمد وسورة الرحمن
تريان لسان عابد وشاكر للواحد الديان
بت بلد يا ايمن بمجيها الكل صبح طربان
يحفظن جميعا الخالق بي جاه سيدي البطران

[مهند عبد الرحمن]

ان جيت لي الجمال ماخدات فوقو شهادة
وان جيت لي العفاف ديل اصل وريادة
ديل بنات بلدي اللي الفهم معتادة
وين بنلقى زيهن في الخلوق يا سادة

[أيمن]

راسيه رزينه دي المتبوره دي الفديعه

راسيه تقيله زي صيدة الخلا الرتيعه

طاهر قولها من الطافـره والنديعــه

عمارة البيوت فيها الظرافه طبيعـه

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مافكت طريحه وبارت التقليعه=
مابتتبع كلام الموضه مى تبيعه=
المرنوعه لى واليها ديمه مطيعه=
من شبت كتاب البارى ليها شريعه=[/poem]

[ود أونسه]

الذوق والعفـاف غطــــوها بيهـو الزينــه

زاهيه ويانعه تلصف باهيه تضوى رتينه

الزاد لي سهــرنا والنوم حلـف ما يجيــنا

قدلة صيده نافره بعيـــــد وعوم وزينـــه

[أيمن]

تخريمة ...
فى مشوارك الكداري شقيت أكيد لى حى
فى الشارع أب رايات الأهلو ذاكرين حي
ما شفت بت الشيخ زينة ربوع الحي
الورثتني الحسرة وفى القولة ووب وأحى ؟

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامرغنى المسدار ده قاسى على=
فى وصف الجميل النورو ضاوى الحى=
ذى البانه يتراقص عليهو محى=
رجعته أعضى فى ايدى واسوى أحى=[/poem]

[أيمن]

جمالا كارفوهو بيس والصمد وسورة الرحمن
تريان لسان عابد وشاكر للواحد الديان
بت بلد يا ايمن بمجيها الكل صبح طربان
يحفظن جميعا الخالق بي جاه سيدي البطران

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الأغبش حلات الأحور النعسان=
ودالعز منعم فى الدلال خمجان=
ماشافوهو يتحاوم مع الصبيان=
عارف أحكامو من سوره النساء ولقمان=[/poem]

[أيمن]

ان جيت لي الجمال ماخدات فوقو شهادة
وان جيت لي العفاف ديل اصل وريادة
ديل بنات بلدي اللي الفهم معتادة
وين بنلقى زيهن في الخلوق يا سادة

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامهند كلامك أحمى عينى رقاده=
بناتنا العفه هيلن والطهاره رياده=
مامرقن على الحفلات مع القواده=
وعارفات طاعه الزوج فى شرعنا عباده=[/poem]

[مهند عبد الرحمن]

مهما قلنا فيهن ما اظنو قولنا كفاية
ديل بناتنا سمحات طبع وهداية
كل الخلوق تشهد وما قولي براية
مكملات الزوق امات علم وقراية