الجامعات والجكس

[Hussein71]

Hi
Thats wrong
regards,

[المعزب]

رجعتنا للزي مضي .
انا قايتوا ماكنتا بقول براهن بفتحن الموضوع .
والله أيام يازمان ببكي واتحسر عليك.
تقبل مروري .
تحياتي

[مجنون جدا]

توووووووووووووووشك أنا جيت ..
في شنو ؟!
كنـــــــــا وين ؟!

لا تقول لي هشتك لا تقول ليا بشتك
الموضوع طلع من يدي خلااااااااااااااااص

الليلة ربنا يعينكم

الليلة إلا تقفلوا البوست دة ..
محضر ليكم بريييييييييييييييييييية من أمها ..

أتحزمو وأتلزمو وشيلو شيلتكم ..

ونبدأ ..

[مجنون جدا]

[move=left]نصائح في النسوان[/move]
أولاً: المرأة بطبيعتها أنثى !! يعني شنو .. يعني أنها مهما استرجلت وبقت شبه جون سينا واتمكيجت بقت زي اللوحة الكلها ألوان واتلونت زي الدبيب هتظل أنثى .. طبعاً حكاية الأنوثة دي دايرة مجلد كامل بس دة ما مجالنا .. أها كنا بنقول في شنو .. غايتو الليلة راجيكم جنس بري ..
معظم النساء بعاينو أول حاجة لجاذبية الرجل .. صح في ناس ربنا أداهم شكل يفتح الطبلة المقفولة في مخزن في نص السوق المركزي .. بس ديل ما كل الناس .. أها البقية يعملو شنو ؟! سألتوني .. البقية يهتمو بالمظهر .. يعني الواحد يكون شكلو مقبول .. وبمناسبة المظهر دي .. المثل الكسر أسواق الكاسيت بقول (مظهرك جزمتك) يعني جزمتك نضييييييييفة إنت زول جنتل .. ما نضييييييييفة إنت زول عشوائي وكيرلس وبتاع .. ما علينا ..
خلي بالك (كتر الزن ع الودان أمر من السحر) دة بيت القصيد المفروض تتبعو مع أي أنثى داير تتعرف عليها .. إلا تطرشق وتبقى ماف حتى تسيبا .. فاهم يا ولد منك لووووووه لييييييييييه له ..
في كلمات في خشم البنات كلهم .. مثلاً .. (أنا خايفة أظلمك معاي) .. ودي لما تتقال ليك .. معناتا شنو ؟! .. معناتا لحدي الآن إنت في نظرها ذلك الشاب المسكين الطيب الممكن الغنماية تاكل عشاهو .. وفي الحالة دي إنت لازم تتصرف سريع .. وتقول ليها طوالي (بالعكس .. إنتي يا دابك كدة ظلمتيني .. يعني انا لو ما إنتي في حياتي حياتي كانت هتكون مسيخة زي الشربات في العيد النسو يختو فوقو سكر) .. وتواصل على كسير التلج دة ..
برضو جملة (إنت زول طيب) .. وهنا دي بالذات معناتا حنكك كلو بالنسبة للبنت ما خش من باب الحوش لسة تقوم طوالي وبلا تردد (أكيد أنا اطيب زوووووول .. لأنو الجمال الزي جمالك والروعة الزي روعتك دي مفروض كان أعرفا من زمان) ..
وفي جملة قاصمة الظهر (بالمناسبة أنا جاني خاطب أو عريس) طبعاً دي جملة الامتحان .. ودايرة تشوف مويتك شنو ؟! .. طبعاً أوعا تقول ليها مبروك .. ما هي دايرة تتحرفن وتدبسك في الكلام عن العرس وبتاع .. وأوعا برضو تعمل زعلان وبتاع وأوعا حاجات كتيرة .. باختصار عشان ما تأزم الموقف كتير قوليها (ما تخافي يا عثل .. دي كلها فورة لبن ساي .. لأنو أنا متأكد تماماً حلاوة وطعامة زي دي إلا يعملو ليها شيرنق وياخدو من كل راجل أحلى صفاتو ويجمعوهم في راجل واحد علشان يستاهل يرتبط بالقمر دة) ..

طيب ..
إليك وهاك الحاجات العامة في التصرف إزاء النساء .. وركز دي العامة لأنو الخاصة دي بتكتسبا بمجهودك الشخصي ..
• أي أنثى تفكر برجل .. فلماذا لا تكون أنت الرجل ..
• تخيل أنو البنات القدامك ديل غزلان (طبعاً في بلدنا دي قول غربان وللا غواويل ودي جمع غول) وأنو إنت صياد .. وبعداك قيم صيدك ..
• إياك ثم إياك ثم إياك تغلط وتتكلم عن ناس البيت أو تسألها عن تفاصيل خاصة في حياتا في بداية المعرفة .. يعني كم سنة كدة وأسأل بعداك هههههههخخخ
• إياك تقوليها (بحبك) دي الكلمة البتخرب أي حاجة .. يعني عوم كلامك .. أتغزل زي ما عايز .. بس إياك تجمع حروف الخراب الحاء والباء .. لأنهم بطولو عليك في الحنك .. يعني الحنك كدة ما بمسك بسهولة يا شاطر ..
• خد في بالك أي بنووووووتة سواء شينة وللا سمحة .. بتتعامل بطبيعة النسوان .. يعني لازم تكذب .. لازم تتدلع .. وتتلولو (دي التصريف الثالث من تلوى الرجل إذا بلع عقرباً غير سامة وشرب وراها بيبسي دايت) ..
• دائما البنت تتعامل معاك كالمرآة .. يعني إنت وشخصيتك معاها .. إياك تكون هش فتكسرك .. أو تكون مسكين فتأسرك .. خليك لعيب كلام وحريف غرام .. يعني حسسها بالكلااااااااام الحلو الكان ما سمعتو بتجيها حصبا وتمشي الاسبتالية (الاسبتالية دي شنو؟! أنا عارف .. أهي جات كدة) .. وفي نفس ذات اللحظة السابقة خليك عارف انت بتقول في شنو ..
• ………… الخ الخ الخ (طبعا الكلمة دي عاجباني كتير لأنها بتختصر الكلام كلو فعشان كدة كتبتها نياهاهاههاها)
دي يا حبايبنا بعض الأولويات في التعامل مع البنات

طبعاً أهم من دة كلو تشوف موية البت .. يعني هي من نوع ناس كاظم الساهر وللا من النوع البتحب الفرفشة وللا من النوع الجنها قراية وللا من النوع الما ناقشة أبو النوم .. وللا من النوع الما بتفرز الخمسة من الطمسة .. وكلو ليو طريقتو ..

عموماً .. إما أن تتخذ الطريقة الجريئة والمباشرة ودي ما فيها خسائر كتير .. أو الطريقة الهادئة طويلة النفس ودي للناس البحبو المزاجات ..

أخوكم طبعاً بحب طريقة تمكسن لحدي ما تتمكن .. لأنو فيها لزااااااااازة وبرنامج وكدة ..

[مجنون جدا]

أما بخصوص مقترحاتكم بتاعت الحافلة وكدة


طبعاً إنت راسك وستين جزمة إلا تحنك مع اللوزة الدافرت وتعبت عشان تحجز ليها .. أها قامت ركبت و(اتوهطت) جنبك (ملحوظة للشهادات العربية: اتوهطت بمعنى أرجع لكتاب الأغاني لنانسي عجاج .. ما علينا .. كنا وين ؟! آآآآآآآآآي) .. بكل أدب وغنج ودلال وبتاع وابتسامة زي الورد قالت ليك: - شكراً
إنت هنا ما زي العوير ترد (لا شكر على واجب أو عفواً)
تقوم ترد عليها = بالعكس أنا المفروض أشكرك
هي زي الهبلة يا عيني عليها ما فهمت طبعاً - على شنو؟
= على أنك سمعتيني أحلى صوت كان ممكن أتمنى أسمعو يوم ..
طبعاً يا سكتت وطنشت وعلمت فيها رايحة .. وفي الحالة دي تشوف ليك كلام من ماف وتفتح خشمك يا ابتسمت وهنا تكون إنت في السليم ..
طوالي إنت تكشر وتمد بوزك وتبرطم = بالمناسبة أنا ما عرفتك إلا هسي بس زعلااااااااان منك شديد ؟
- أنا زعلتك
= خالص خالص .. أنا أصلاً باقي لي دقيقتين وأنفجر
طبعاً هنا هي الشمار حرقا والمشهد بقا لزيز وعايز تواصل تشوف آخرو شنو بتسأل
- طيب زعلان من شنو؟
= ياخ معقولة دي ما عارفة يعني؟ لأ أكيد عارفة وبتعوميني؟
- أبداً ما عارفة !!
= أنا جيت من بيتنا زي الحصان مية المية .. أها بسببك هسي جاني عمى ألوان
- عمى ألوان؟
= آآآآآآآآآآآآآآي عمى ألوان
- كيف يعني؟
= هسي بقيت شايف الدنيا والناس وكل حاجة لونين بس أبيض وأسود
- ؟؟؟؟؟؟؟ طبعاً ما هترد هتكون مندهشة
= ياخ معقولة دي .. يعني تحتكري الألوان عليك .. وتخلي الناس كدايس كدة .. إلا ما قولتي لي اسم الجميل منو؟
- رغد
= ما شاء الله .. الراء ربيع والغين غنج والدال دلال .. إنتي عارفة مفروض يعلمو قرار جمهوري كل البنات يسموهم رغد عشان يطلعو بالطعامة دي .. يا سبحان من صور ..
- دة من زوقك
= أبداً أنا أصلاً ما عندي زوق بتعريفة بس الحقائق بتتقال لأنها حقائق .. عارفة يا رغد .. أنا مضطر أنزل هنا قبل الجامعة عندي مشوار صغير .. بس عموماً أنا دايماً بسنتر في السي آرات يا ريت تدينا طلة هناك ..
وطق طق طق (طبعا دي ما الزولة القاعدة في المقعد الجنبك بتمطق في اللبانة دة إنت بتطقطق للكمساري) وأنزل طوالي ..
واديها يومين تلاتة هتعمل رايحة وبعداك هتجي المكان الوصفتو هتجي وهناك إنت وحنكك

[مجنون جدا]

وأخيييييييييييراً



سيييييييييييييييييييييييييييين سؤالين (للمحنكاتية فقط):
• زول صاحبك أداك رقم .. هتتصل .. أها حنكك هيكون شنو ؟ وإذا قالت ليك جبت رقمي من وين؟ هترد تقول شنو؟
• زولة شديدة شدة الحرامي السرق بيت مدير عام قوات الشرطة .. قاعدة قدامك في هايس مواجهة ليك .. وإنت عايز تتحصل على رقمها أو توصل ليها رقمك .. بتعاين ليها وبتعاين ليك .. أها تعمل شنو؟ وما عندك أي طريقة تتكلم طبعاً ..


عيونكم تعبت طبعاً من البرية المؤسسة دي سح؟ أيووواااااااااااا سح
شطار يللا أشربو الحليب ونومو عندكم مدرسة بدري

[مسلمة وافتخر]

[move=left]نصائح في النسوان[/move]
أولاً: المرأة بطبيعتها أنثى !! يعني شنو .. يعني أنها مهما استرجلت وبقت شبه جون سينا واتمكيجت بقت زي اللوحة الكلها ألوان واتلونت زي الدبيب هتظل أنثى .. طبعاً حكاية الأنوثة دي دايرة مجلد كامل بس دة ما مجالنا .. أها كنا بنقول في شنو .. غايتو الليلة راجيكم جنس بري ..
معظم النساء بعاينو أول حاجة لجاذبية الرجل .. صح في ناس ربنا أداهم شكل يفتح الطبلة المقفولة في مخزن في نص السوق المركزي .. بس ديل ما كل الناس .. أها البقية يعملو شنو ؟! سألتوني .. البقية يهتمو بالمظهر .. يعني الواحد يكون شكلو مقبول .. وبمناسبة المظهر دي .. المثل الكسر أسواق الكاسيت بقول (مظهرك جزمتك) يعني جزمتك نضييييييييفة إنت زول جنتل .. ما نضييييييييفة إنت زول عشوائي وكيرلس وبتاع .. ما علينا ..
خلي بالك (كتر الزن ع الودان أمر من السحر) دة بيت القصيد المفروض تتبعو مع أي أنثى داير تتعرف عليها .. إلا تطرشق وتبقى ماف حتى تسيبا .. فاهم يا ولد منك لووووووه لييييييييييه له ..
في كلمات في خشم البنات كلهم .. مثلاً .. (أنا خايفة أظلمك معاي) .. ودي لما تتقال ليك .. معناتا شنو ؟! .. معناتا لحدي الآن إنت في نظرها ذلك الشاب المسكين الطيب الممكن الغنماية تاكل عشاهو .. وفي الحالة دي إنت لازم تتصرف سريع .. وتقول ليها طوالي (بالعكس .. إنتي يا دابك كدة ظلمتيني .. يعني انا لو ما إنتي في حياتي حياتي كانت هتكون مسيخة زي الشربات في العيد النسو يختو فوقو سكر) .. وتواصل على كسير التلج دة ..
برضو جملة (إنت زول طيب) .. وهنا دي بالذات معناتا حنكك كلو بالنسبة للبنت ما خش من باب الحوش لسة تقوم طوالي وبلا تردد (أكيد أنا اطيب زوووووول .. لأنو الجمال الزي جمالك والروعة الزي روعتك دي مفروض كان أعرفا من زمان) ..
وفي جملة قاصمة الظهر (بالمناسبة أنا جاني خاطب أو عريس) طبعاً دي جملة الامتحان .. ودايرة تشوف مويتك شنو ؟! .. طبعاً أوعا تقول ليها مبروك .. ما هي دايرة تتحرفن وتدبسك في الكلام عن العرس وبتاع .. وأوعا برضو تعمل زعلان وبتاع وأوعا حاجات كتيرة .. باختصار عشان ما تأزم الموقف كتير قوليها (ما تخافي يا عثل .. دي كلها فورة لبن ساي .. لأنو أنا متأكد تماماً حلاوة وطعامة زي دي إلا يعملو ليها شيرنق وياخدو من كل راجل أحلى صفاتو ويجمعوهم في راجل واحد علشان يستاهل يرتبط بالقمر دة) ..

طيب ..
إليك وهاك الحاجات العامة في التصرف إزاء النساء .. وركز دي العامة لأنو الخاصة دي بتكتسبا بمجهودك الشخصي ..
• أي أنثى تفكر برجل .. فلماذا لا تكون أنت الرجل ..
• تخيل أنو البنات القدامك ديل غزلان (طبعاً في بلدنا دي قول غربان وللا غواويل ودي جمع غول) وأنو إنت صياد .. وبعداك قيم صيدك ..
• إياك ثم إياك ثم إياك تغلط وتتكلم عن ناس البيت أو تسألها عن تفاصيل خاصة في حياتا في بداية المعرفة .. يعني كم سنة كدة وأسأل بعداك هههههههخخخ
• إياك تقوليها (بحبك) دي الكلمة البتخرب أي حاجة .. يعني عوم كلامك .. أتغزل زي ما عايز .. بس إياك تجمع حروف الخراب الحاء والباء .. لأنهم بطولو عليك في الحنك .. يعني الحنك كدة ما بمسك بسهولة يا شاطر ..
• خد في بالك أي بنووووووتة سواء شينة وللا سمحة .. بتتعامل بطبيعة النسوان .. يعني لازم تكذب .. لازم تتدلع .. وتتلولو (دي التصريف الثالث من تلوى الرجل إذا بلع عقرباً غير سامة وشرب وراها بيبسي دايت) ..
• دائما البنت تتعامل معاك كالمرآة .. يعني إنت وشخصيتك معاها .. إياك تكون هش فتكسرك .. أو تكون مسكين فتأسرك .. خليك لعيب كلام وحريف غرام .. يعني حسسها بالكلااااااااام الحلو الكان ما سمعتو بتجيها حصبا وتمشي الاسبتالية (الاسبتالية دي شنو؟! أنا عارف .. أهي جات كدة) .. وفي نفس ذات اللحظة السابقة خليك عارف انت بتقول في شنو ..
• ………… الخ الخ الخ (طبعا الكلمة دي عاجباني كتير لأنها بتختصر الكلام كلو فعشان كدة كتبتها نياهاهاههاها)
دي يا حبايبنا بعض الأولويات في التعامل مع البنات

طبعاً أهم من دة كلو تشوف موية البت .. يعني هي من نوع ناس كاظم الساهر وللا من النوع البتحب الفرفشة وللا من النوع الجنها قراية وللا من النوع الما ناقشة أبو النوم .. وللا من النوع الما بتفرز الخمسة من الطمسة .. وكلو ليو طريقتو ..

عموماً .. إما أن تتخذ الطريقة الجريئة والمباشرة ودي ما فيها خسائر كتير .. أو الطريقة الهادئة طويلة النفس ودي للناس البحبو المزاجات ..

أخوكم طبعاً بحب طريقة تمكسن لحدي ما تتمكن .. لأنو فيها لزااااااااازة وبرنامج وكدة ..

ههههههههههههههههههههههه هههههههههههههههههه

والله انت مصيبة يا مجنون جدا

بس على الله يستفيدو ناس هناى وهناى وهناى من الحنك دا