شعراء الطنبور

[بانه]

إبراهيم بن عوف
عينيك دنيتن تشقيني


عينيك دنيتن تشقينى وفيهـا القـى السعـادة ارتـاح
مرة تجود على تشفينى ومرة تزيـد قليبـى جـراح
فيهـا تمـر تعـدى سنينـى بـى آهاتـا والأفـراح
ويومن فيهو تنعم عينى ويومن كلـو اقضـى نـواح
حالفة على دار تفنينى وبرضى أبسم واقولهـا صـاح
مادام العلى راضينى كيف فى احكاما أدور لى سماح
يعدى شتاها صيفا يجينـى بـى حـراً شديـد لفـاح
ويبقى شرابى دمعة عينى اطمن فـى القليـب النـاح
اقول داك السحاب غاشينى شوف يى داك بريقو اللاح
اقول يبقى الخريف طارينى يتفرق عصـار وريـاح
وبى ده أنا كلو ما هامينـى لا لا ولا شبابـى الـراح
أداوى جراحى كاتمو انينى عارفو عذابى ليها مبـاح
تبسم لى كتيـر تغرينـى واحكـى للبلبـل الصـداح
وترجع بالسهر تورينـى ليلا مـا لقيتلـو صبـاح
لا لا وحاتا وحات دينى لو فى موتى ليهـا صـلاح
ماب أقبل كمان يفنينى بالموت غيـر سلاحـا سـلاح
ابقى إن مت سديت دينى وابقى من العـذاب مرتـاح
وبعدين ذكرتك تكفينى وشعـرى اليبقـى لـى منـاح

[بانه]

إبراهيم بن عوف
ماضي الذكري

ماعارفين حبال الذكري تنجـر فـوق قليبي سيوف
نرسمو خلا ما ضي الذكـري غدار في الغرام معـروف
***
ياخلا تعرفــو البيـا البي ما بتطـلو حـــــــــروف
ما لسـه وتـراي للي في سجـن الغرام مكتوف
***
الحال التوصفــو فيـه ظاهـر وللعيون مكشــوف
والله العظـيم كان تبكو لو شفتـو الدفين في الجوف
***
داجي علي ياخلايا اهيم البال علي مغـروف
ما جايب خبير للدنيا زي فاقد السمع والشوف
***
ناحل جسمي شاحب لوني زي زهرا ضبل ملفـوف
لكن الهمــوم والحسره زي الضاربي فوقي دفوف
***
ياخلا البريـده قليبي يوم لقياها ما معـروف
املتا وكتيـر راجيها خاب ظني ورجع مكـسوف
***
ماقادر اقـــول خلـتني او جارت عليها ظــروف
ولا قادر اطمن نفسي من فارق الظنـون والخوف
***
بقيت اشــتاق لليل اقول يمكن خيالا يطوف
يرجع لي صوابي افيـق يعـود قلبي القبيل مختوف
***
تمر سالت دقيش نسمات عبير طيـبا يفوح مسروف
يرد روحي ويبل شـوقي ويصيب جـرح الاسي المالوف
***
يعود الليل واعود لبكايا في ليلا طـويل مــــــــردوف
منداري من الجحيم يا خلا من فوج بالهموم مزفـوف
***
اسوق بين الدمـوع والحسره داير لصباحي اشوف
حليل شمسا تعيدو صباحي في دنيايا طـاقي كٍـسوف
***
قط ما كان غريب ياخـلا الحب لمصــــــايبو اشوف
من شدة هواي في دربو صار عندي العـذاب مالوف
***
يسعـدني اني صنتو هواها بادلتا العــــــذاب معروف
زي ما صان قليـبي هواها طوع في غناها حــــروف

[ناجي عثمان عبد الرازق]

[align=center]

من بسماتا
نار يا قلبى من بسماتا دينموك حارقو ماس وجناتا
شوفى ظروفى كيف آفاتا تانى اتفرتكت حلقاتا
روحى الثابتة ولى ثباتا يوم ما اتحققت رغباتا
شوفى البىَ يا ختاته ما خليت عروق فلاتة
بوريك يا صديقى صفاتا جدية وفيها شبه اماتا
سمعت اضانى من جاراتا يحكن فى بعض آياتا
قالن حاشا ما غلاته رقة وبسمة فى كلماتا
مزيقة الحدود نغماتا داعبت النهد عقلاتا
حرتت لى قليبى حراته قلبها زى حجار اللات
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

أسبابي الرحيل
ترانى جريح بنوح مرضان عليل
يا رايقة اسبابى الرحيل
بى تطوف ذكراكى كل ما جن ليل
اتخنق بالعبرة والدماع تسيل
يا الرحيلكم حار على حاربى الدليل
برضو غالبنى الزم الصبر الجميل
العزول شمتان على فرح الرذيل
عاجبو تعذيبى وشحوب جسمى النحيل
زى فريع البانة فى اللين حين يميل
جيدو زى جدى الدرع والهاف نحيل
الصدير وزين سبح فى نيلو ليل
العيون الكاحلة والخد الاسيل
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

المقدور
المقدور وقع راضنبو نحن
غور فى القلب وازداد جرحنا
فى يوم الخميس مما صبحنا
خمسة فوق اتنين سرت فى نفوسنا محنة
كتمنا البينا لى زول ما ابحنا
يفيدنا بايه وجومنا ومص ملحنا
نفرق قلنا اول ما شرحنا
سرف فى خدودنا دمع العين فضحنا
فرحنا يطير اريت ما كان فرحنا
صعيبة الفرقة من اعماقنا صحنا
يا حليل بسمتا الكانت ربحنا
اقروا قياما شن فى ايدنا نحنا
عقلنا اتخل فى الاوهام سبحنا
وحقك لا ارحنا ولا استرحنا
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

في يوم ستة

فى يوم ستة ستة صباح الجلا شال حبيبى وراح
وينكم لى يا صلاح كان فيكم حقيقة صلاح
زى الطير يقوملى جناح عشان الحق حبيبى ارتاح
زولى الفى عيونو سلاح سبََب لى قلوبنا جراح
اقضى الليل عليهو نباح كان ما جانى ما برتاح
الريس دخلبو الواح وقال خايف من الرحراح
دق اجراسو ليها نباح بحََاريها مدََر وصاح
الجلا شالو فى يوم ستة والشال فى الجناين حتَ
انكشف العلى مغتَا يا محبوب تعودلنا امتى؟
بسم الله الله السامى اتوكلت قايم رامى
ماشى ازور فتاة احلامى اتقفل الطريق قدامى
يا ماشيلا اغرى سلامى قولو سهرت كيف منامى
سابح فى بحور اوهامى كيف مصيرو قلبى الدامى
فى الحيثية تلت اعدامى قالت كيف تناقض احكامى
قالت كيف تبوح بغرامى قالو الاعضا ماب تتلامى
اطلع برة من قدامى لاشك مقتلك بسهامى
ياختاتة شيلى وختى بالحاصل على ما تغتى
شوفى قشابى ولا قنتى قالت حمدو منصوركتى
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

عذابي طال
دابو عذابى طال يا الله دابو عذابى طال
الجدى المرعاهو فى النال حرََموهو مرقة الوصال
السبب بعض الناس رذال قالو لى اماتو المحال
شفتو ماشى ولى ايدو تال ابتسم لى وقالى تعال
ياخى سيبك ديلا عزََال نحن فرقتنا من المحال
الحواجب زى الهلال الفواطر برََاقا شال
العيون كاحلة بلا دلال صدرو حامل جوز برتقال
اليدين فى لينا مجدال شعرو مو ملصوق من حلال
اتلفت شاف دماعى سال قالى اثر فيك قول قال
نحن لو تنهد الجبال برضو ثابت ريدنا لازال
قت له يا محمود الخصال غير هواك ما عندى راسمال
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

فريخ يعوم
شفتو دابو فريخ يعوم شال منام عينى حمانى انوم
الجبين قمرة بلا غيوم خدو سادة حشاهو مبروم
الرقيبة قزازة الروم حاجبو زى الهل للصوم
فوق فنايدو سبيبو مردوم الكتيف مهدول للكموم
النهد دابو دفر يقوم فوقو جوز العقلات يحوم
من سناهو البراق يقوم ساقو متبور حدو القدوم
من لحاظو يشن الهجوم جل من سواك يا ظلوم
وصفو غالبنى على العموم البنات كوم هو براهو كوم
قلبى مطعون نزف الدموم جرحى غوَر والناس تلوم
اسال الله جمالك يدوم ماهو من حلى او من هدوم
قصدى اجاورو واشوفو كل يوم اطرا صوت الكروان كروم
فيهو حن الام الرؤوم حزمو يتحدى جمال وجوم
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

مشتول القرير
مشتول القرير الدابو
زادو ضرايبو فوق اصحابو
وابوراتو للماء جابو
ما غبَوهو يومى شرابو
سيدو الحارسو لكى خطابو
ينبح ديمة الله اصابو
طول الليل مبارا كلابو
شايل حربتو وكوكابو
الدرب البنندلابو
حجرو قال يجيبلى خرابو
حتى الطير يحاحى اسرابو
دفَن للنمل ديدابو
عثمان حاج سخابو وجابو
شال وانتكا فى عامرابو
لسع ما نجض عنابو
والسبابة ليهو يشابو
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

يا محمد
يا مُحُمَد دا بلودو وين؟
قولِى امو منو ابوهو مين؟؟
انتنى ومال فدع اليدين
سوا عوم فرخ الوزازين
جسمو زى الملبن يلين
فى القرير ارضو اعز طين
تستحى القمرة من الجبين
جوز عيونو سهامن سنين
قلبى فى الدقات والرنين
تعترف تشهدلو بق بن
قبلى كم عشاق عديدين
زى دا ما شافو المساكين
عقلى اصبح فى جيم وسين
مانى عارف دارو بى وين
ابيض الفاطر بلا الصين
بسمو يشفوبو المجانين
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

كفاي عذاب
يا خلة كفاى عذاب المقدر ليهو اسباب
يوم رحيلن نعق الغراب فرقن خلا الدار خراب
الجدى المن ضلو هواب اختفى ومن واديهو غاب
من عيونو رمانى نشاب لى شرايين القلب صاب
فى اطبا الكون ظنى خاب وينو دكتور عقلى المصاب
قالو جن وعقلو استطاب الفقير قال طبو الحجاب
لو يطيب مجنون الرباب مالو مجنون ليلى ما طاب
جفنى ساهر ودمعى منساب ادعيت ودعاى ما استجاب
غى جمالك حارن الباب الصغار والشيب والشباب
من شذاك ريح الصبا الهاب فاطرك الشبَ ووابلو كاب
الصدر رمانة يا داب والشفايف لونا عناب
ارتضيت بالذل والعذاب امتثلتلو خاطرو ما طاب
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

قارسيقة الصيف
ودعت قارسيقة الصيف
الليلة قامت يا لطيف
يا البقيمو الدين الحنيف
عقلى ولى واصبح ضعيف
فى الخيال منها جانى طيف
انسلب لحمى بقيت نحيف
نور جبينك نظرو الكفيف
البدر يستحى ليك يقيف
سمحة ما حلاها تزييف
لا دهب لاشى تكاليف
يا رجال الله ولى وشريف
لى تجيبوجدية الديف
جوز عيونك ساحبلى سيف
كيف تحاربينى انا ليك حليف
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

يا نجمة
يا نجمة الزمان فراق ابكى وانوح عليك مشتاق
بعادك لى ما بنطاق مر حنضل وما بينضاق
دمى عكر بعد ما راق اريت العاقنى فيك يتعاق
مزروع فى قريرو دقاق لسع بالعمار ما تاق
فجر بابورو دور ساق يفوح من عودو طيب عباق
نورك من جبينك باق وفاطرك منو طار براق
متبرة القدم والساق عودك حكمو الخلاق
فى الفشفاش سهامك داق حارق لى قلوبنا حراق
فيكى احتارت العشاق سالبانا وبقينا رقاق
بقت بلدك بحورا غراق حامى عروقا دودن شاق
لو يتعشم السراق يضوق زى الوتد ما ضاق
يا قلبى البقيت خفاق تحق الرحمة والاشفاق
حبيبك قالو ناوى فراق ودابن تعبو ناس وراق
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

من نيرانو محروق

يا الله من نيرانو محروق
جمبى زارعنو عجو الشروق
مروى بابورو فجر يسوق
فوق جريدو يحمل يتوق
قلت أخد منو وأضوق
سيدو قالى دا ماهو للسوق
قلتو مرضان خليك شفوق
قالى حتى انم مت بالشوق
قالى خف عجل بالمروق
لاتحوم بى فوقى خازوق
جرعونى الحنضل عروق
وحرمونى دواى كيف أروق
شتتلو الخمره ماروق
فى المقيل قمرى يسوى قوق
نهدو يا دابو بدا المروق
رافع الفستان منو فوق
الضمير ليهو الايد تحوق
الا بس فى مشيها ممحوق
زولى زيو عدم فى الخلوق
ألادب والعفه والزوق
تضوى من بسماتو البروق
ديسو سابل ما هو ملصوق
نظره من عينها الزرق
ترهب المحجوب وزروق
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

يا حمايم زيدى نوح

روحى فى ريدكم جات تروح
يا حمايم زيدى نوح
الجدى الفى النالات بروح
خدو ساده وحاجبو مفتوح
تاق حظى وجفل الجموح
ديدبانه يفرط الروح
تندى من جسمو عطور تفوح
قلبى بى نظراته مجروح
يا مرسيل من عندى روح
اكتم الاسرار لا تبوح
تلقى رايقه وجيهه الصبوح
النغيمه بلابل الدوح
قليها المجنون زاد جروح
وكل ما جات ذكراك ينوح
بالسهل والوديان يروح
حالو حال غيث بن الملوح
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

ست البلد

قالوا ما جات ست البلـــــــــد

تشبه الفي السحسح رقــــــد

ديمة توعد خالفي الوعـــــــــد

نافري لا جمعة ولا احــــــــــد

حكمة الكوكــــــــــــاب النهد

طاغي في الفستان ساولو قد

ديســــــــــا سابل والعود امد

والزهور خجلن من الخــــــــد

بسمتا المن قبلي اصــــــــعد

والكفيل فـــــــــــــهرا معبّد

ليلـــــــــــــو قبّش نسّم برد

طرفي جافي النوم ما رقد

انت يا مولاي تشـــــــــــهد

غير اشوفو انا ما لي غــرد
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

فجولي اللشوفا

مسخت عوم البترطن في جروفه

اه يا خلايه فجولي اللشوفه

الصدير رجفاته سبب لي خوفه

خام ثمار ال الله قال دانيت قطوفا

الرقيبه قزازة الروم في وقوفا

جرعتني العلاقم بي صنوفه

بروقيها الداره لخبطي لي صفوفا

خلي حسادك عديل تخضع انوفا

ديسه شوف عيني من شكت كتوفا

الا دايما نافره يا ناس ما ولوفا

صممن جاراتا قال لي عطوفه

ملا شوفته لي تشهر لي سيوفا

العلي والبي كلو سبب عزوفا

لو تحلو رموز اصابع اليد حروفا

اه يا خلايا
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

جــود يا باري جــود

جود يا باري جــــود *** الرايقة لينا متين تعــــــود
مابتدوم الدنيا ام قــــدود *** فرقت بينا بقت بلـــــــود
العمر ياجاهلة محــــدود *** ناري زادو لهيبا واقــــــد

ياالوراريق ليكم بصيح *** عقلي ضل بعد كان نصيح
قلبي مرضان فيهو جريح *** عندي شرياني إذداد نبيح

خدرتا الجرجيرة في اللون *** ذي جدي الغزلان العيــــون
يضوي براقا من السنون *** قالو في ام در سكنت سكون

ياالقرير كان فيكا نوار *** الظلام كان ذي النهـــــــــار
رايقة وين سكن الديار ؟ *** حدثينـــــي انا فكري محتار

ياحليل الرايقة ياالضــو *** قالو في ام در سكن الاشـــــو
الخبر لو هـــــــــــــلو *** قدر الله انا شن بســـــــــــــو؟

رايقة قالت لي جنيـــــت *** من زمان بوصيكا وابيـــــــــت
شن بوديك؟كان مو لخبيت *** تقطع ام راس من السبيــــط
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

هب وبرقو شال

الليلة هب وبرقو شال
في القبلة تال ناس ود بلال
مولايا ياحي ذو الجلال
مليون من الورق أب جمال
عكس الدهر ما عندو حال
صبحني حافي من النعال
كيلو اللحم الكان ريال
قالولي تاني تجيب ريال
قرش السعوط من بت جمال
من كتحتين تلقاهو زال
قالولي بيع البرتقال
ما لاقي سوق وده ما هو حال
المنقة عايشابا الصبار
وفيها الكلاب لقت المجال
علمت ربي من الريال
والناس يقولوا تراهو عال
بقت السمايي من المحال
وحق المشاط في قيل وقال
البيت كتر فيهو العيال
واقع ورا العتق الغزال
في سمعنا السكر غلا
ومن حالنا يا كافي البلا
تاجرنا دكانو اتملا
والجيب من المليم خلا
صليت على المزملا
عدد الجزالين الخلا
[align=left] الراحل / حسن الدابي[/align] [align=center]
[/align][/size][/align]

[ناجي عثمان عبد الرازق]

[align=center]

مليح اللون
ووب يا مليح اللون شوفتك تفرح المحزون
لي حق بيك أكون مفتون وحق التين والزيتون
ليك روحي ودماي تهون فناجين ديل ولا عيون
نحيل هاف والجبين موزون معصوم من تهم وظنون
بسمك واسمك المكنون يداوي العللو ليها زمون
ليلى وهند منك دون طبعك هادي آنت حنون
كوكاب صدرك المسنون اصبح بيهو انين مطعون
أزاي حير أطباء الكون لا هو ظهر ولا هو جنون
حراسك شقي وملعون ماب يبسم يفرلو سنون
ختاك جوة خلف حصون من قولة سلام مغبون
يا من أمرو كن فيكون رحماك بي أنا الممكون
[align=left] الراحل / حسن الدابي[/align] [align=center]
[/align][/size][/align]