المريخ السوداني ( اخبار , صور , مباريات , مناكفات , كل شئ عن المريخ )

[الدكتوره]

الله يكذب الشينه

المباره بدات

دعواتنا للسودان :D

[حنضله]

يا ناس قولو لينا الحاص شنو فى المباراة ؟

[العربى]

ودع المريخ اليوم البطولة العربية بعد هزيمتة من الرجاء المغربى بثلاثة اهداف لهدف يتيم
كم ودع بالامس البطولة الافريقية بعد الهزيمة التى تكبدها من السفاقص التونسى باربعة اهداف
داخل ارضة ووسط جمهوره..
المريخ الذى اوهم نفسة وادخلها فى حرج شديد عندما انتصر على فرق ضعيفة وغير منظمة تكتيكيا وفنيا
غير موهل لخوض مباريات مع فرق تفوقه قوة وجسارة
اتمنى من القايمين على امر المريخ معالجة المشكلات قبل مواجهة الهلال حتى لايخسر المريخ
الكاسات المحلية ايضا

والكبير كبير

[العربى]

قالوا قلوبنا مع الاحمر

احمر شنو؟

والله لو منتظرين كاس من الاحمر اشربوا موية البحر

اها احمركم اخد ثلاثة زى الورد كل هدف احلى من التانى

عليكم الله احفظوا سمعة الكرة السودانية وماتلعبوا مع السفاقص عشان خايفين من الارقام الكبيرة

ياحليلك ياحليلك

الكؤوس شالوها غيرك

على الطلاق كان شاف حاجة فى المحلى الا .....................

بلا مريخ بلا خمج

[حافظ عوض الله محمد]

هاردلك مريخ السودان








هى المحرية فيكم

[عزاب]

برضوا نهواك يامريخ
نهواك نهواك نهواك نهواك ياعظيم وستظل في داخلنا كبير
نهواك يامريخ في كل الظروف
نهواك يامريخ نهوااااااااااااااااااااااااااااك
النجمه في داخلنا ولن تخرج
امس كان منطق احد الهلالاب معي رديئا حين قال لي انا مابشجع في فريق ماعندو تاريخ
التاريخ عند منو يايابا عندكم انتو دي الحاجة الوحيدة المايقدر يتكلم فيها
وتاني قال شنو دا فريق منتهي ماتشجعية شوفي اللعبة الجلوة وين وين وشجعيها
فقلت بكل بساطة لكل فريق فترة يكون فيها نجما ساطعا اذا تخلي مشجعيه عنه فلن يكون هناك انتماء اذا كان الكل يشجع العبة الحلوة اينما وجدت وليس لدية هويه
عليك الله دا منطق شوفو اللعبة الحلوة وين وشجعوها يعني لو الهلال انتكس ومستواها اتراجع ما ح يلقي مشجع واحد يقيف معاههو
اما نحن نهواك يامريخ في كل الظروف
نهواك يامريخ في وقت النصر
ووقت الهزيمة نهواك يامريخ ديمة

[شـهد الكلامـ]

ياعزاب ياحبيبه :

لقد غادرنا البطوله العربيه اقتداء بالهلال
غايتو نحنا اخدنا نفس وطلعنا
الدور والباقى على الطلعو من قول التيييت

بعدييين نحنا شعب عجوووول شديد نستعجل اى شئ عشان كدا صعب ارضاءنا

احنا كمريخاب نحمد الله اننا من بعد غياب دام سنوات طوووووووووووووويله وصلنا فاينل الكونفدراليه
ودا انجااااز بعيدا عن اى مناقرات بيناتنا كهلالاب ومريخاب.

المريخ انجز تماااما بوصوله النهائى ونحنا راضييييين عنو
ونهوااااه طول اليوم

[Suhaib]

الاخ العربي مسا الخير

من خلال ثقرة واضحة ف دفاع المريخ وخطأ مشترك مع الحارس بها الدين !!

أهدرت مجهودات اللاعبين بخطا أعاد الرجاء لأجواء المباراة مبكرا بعد هدف العجب المباغت !

كان الرجاء في اسواء الحالات ،،وخلافا لما قدمه اما المريخ بامدرمان من مستوي جميل !!

ضيع المريخ فرصة التأهل للدور الثاني من البطولة العربية امام الرجاء الذي لم يكن ف عهده ومستواه !!

اقول :

يا اهل المريخ... قفوا قيموا وضعكم ثم ابداوا

لان الزمن لا يرحم و القادم اصعب و دعوا مهاترتنا جانبا !!


فريق المريخ يحتاج الكثير لتحقيق بطولات والكثير يحتاج الزمن والزمن ما ف صالحكم !!

،،

[Suhaib]

شهد وكل المتداخلون مريخاب هلالاب

مسا الخير

نقاط أستوقفتي ف مبارة المريخ امس سريعة وبدون شماتة عاوز اقول :


قبل فترة ومن خلال مباريات المريخ ف الكونفدرالية لفت انتباهي لاعب المريخ الشاب موسة الزومة !!

لاعب صاحب بنية جسمانية ممتازة ولياقة بدنية عالية واسهم بصورة كبيرة في التصدي لاغلب الهجمات ع المريخ من الجهة اليسري !!

في مبارة المريخ والصافقصي وومبارة المريخ والرجاء امس لاحظت ان موسي الزومة اصبح يشكل ثقرة واضحة ف دفاع المريخ !!

ف المبارة الاولي خلي اللاعب قاعد وراو وهو سارح جاتو الكورة دخلة ف المرمي !!

اضافة ل كدا كثرة تحضير وتقديم الكورة يعني ات لاعب مدافع تقدم الكورة بختفوها منك
نفس المشكلة دي ونفس الخانة عندنا ف الهلال وبتتمثل ف علاء الدين جبريل بس حقيقة جمهور الهلال ما زي جمهور المريخ ما بسكت جمهور الهلال اتكلم ف علاء الدين لحدي ما خش كرنقو التشكيلة !!
اتمني انو مدرب المريخ ف مبارة المريخ القادمة يقعد مع الزومة ويوقع ليو الكلام !!

قلق وما ادراك ما قلق :

لاعب كان موقوف من الاتحاد !!

بي سبب ايقافة دخل فريقه ف متاهات غريبة مع انو اكيد بعد الملايين القبضها راتبو مااااااشي !!

امس ما اتفأجات بطرده بالرغم من انه عائد من الايقاف وف اول مبارة !!!
كان ممكن يمسك نفسه شوية بس عارف سلوكياته عشان كدا ما ااستغربت لمن طرده الحكم !
بس اتفأجات باعتراضة علي البطاقة الحمراء الصحيحة (قلق دا يا شهودة الا يكون ما عارف القانون )


باولينو كان إضافة سالبة .. خصمت من رصيده و تألقه الأخير محليا شكلو حيحصل الجماعة الموسم دا !

طمبل، يبدو ان الكرة أصبحت آخر إهتماماته .. !(دايما بأسفني طمبل ما عارف ليه دون الاخرين يمكن عشان كان ف الهلال )

مازدا :
بعد احرازه الهدف الاول كان ممكن يغير شكل المريخ والمبارة بتغيير خطة اللعب !!

لكن مجاراة لاعبي المريخ للرجاء الضعيف اعطي لاعبي الرجاء الداقسين والدروايش اكتشاف شغرات المريخ !!

تضف الي جهل لاعبي المريخ بثقافة المحافظة ع الهدف خارج الارض والجمهور !!

من حظ المريخ مع سؤ الرجاء السباعي و الطاير لم يشاركوا ولكن لاعبو المريخ فوتو فرصة التاهل !!

المعلق

ضحكني لمن قال المريخ هو النادي الوحيد الذي فاز ببطولة الدوري دون خسارة او تعادل !!

دا الاداو المعلومات منو ؟


،،،

[شـهد الكلامـ]

السيد المشرف : صهيب

انا اقرىىىىى مع كلامك الفوق دا

فيما عدا نقطتييين :

نقطة الزومه : لانو بصراحه انا معجبه جدا باداء الزومه والزول دا شايل هفوات الجميع خصوصا ف مباراة الرجاء الاخيره وبعدين الزول دا انضغط عليو كتير وماشاء الله كان مناضل .

نقطة ماذدا : هو ياعينى لحق يغير التشكيله ماهو الناس دى اتعادلو فى اقل من دقيقتييين يعنى مالحقنا نفرح بالقون .


اضيف ف حق باولينو انو مرات كتيره بتعامل مع الكوره باستهتار عجيييب ف مواضع اعجب والمشكله وين مامعرفوه .


خلال مباراة الرجاء والصفاقسى الاخيرتان انا بكون متوقعه اى هجمه مرتده قووون فينا لانو المريخ عندو مشكله دفاع عويصصصصصصصصصه ماقادرييين يحلوها للاسف المشكله دى ظهرت بوضوووح تام ف مباراة الصفاقسى لانو بيتميز بهجوم قوى ودى ظهرت مشكلة دفاعنا واى فريق عندو نقطة ضعف ونقطة نجاح

احنا بنتميز بهجوم جيد جدا بس ذا ما اتحلت مشكلة الدفاع وثقافة الكرات المعكوسه داخل السته سواء للمريخ او للهلال يفترض مانتوقع ثبات لمستوى الكره عندنا خالص وتقريبا كل الاهداف ف الكره الحديثه هى من العكسيات .


احنا بنقول :

راضييين تمام الرضى لو بقينا التوانى
وكوننا كنا طرف ف فاينل كونفدراليه هو شرف ف حد زاتو
والميداليه الفضيه مابطاله وبتفرح
الكحه ولا صمة الخشم
وبنتمنى ع الله انو الكاس القادم يشرفنا ف السودان



قلوبنا معاهم اخوان العجب

ملحوظه :

العجب عاجبنا وعجبنا قاسى

[Suhaib]

شهوودة !!


نحن خروجنا من البطولة العربية كان استهتار من لاعبينا بالفريق الخصم !!

والبطولة العربية اصلا ما كانت ف حسابتنا وما بتهمنا كتييير !!


حتي علي الصعيد الجماهيري للهلال ما كان ف تاييد لفكرة اشتراك الهلال ف البطولة العربية من الاساس لولا تعنت مجلس الهلال والسبب ظروف كتيرة منها مشاركتنا ف البطولة الافريقية الكبري التي حققنا خلالالها الكثير من الانجاز بعد ان اثبت الهلال انه فريق كبير وعريق باجماع النقاد والمحللين الذين رشحو الهلال للبطولة !!

وعشان ما تقولي من قولة تيت ومن قولة جيت اقول ليك حاجة نحن بنزيد حب للهلال لمن يتغلب تاني ف شنو ؟؟

يعني لمن نتغلب بنحبو زيادة عديييل كدا !!!

الدور والباقي ع الناس الطلعو من الاستاد من الدقيقة خمسة والطلق مرتو والملص فنيلتو !!

يا كافي البلاء كلهم يملصو الجمهور يملص والحارس يملص وتجو ف النهاية تقولو نهواه تهو شنو ؟؟

ونحنا راضييييين عنو

والله يا شهودة مريخك دا لابرضي عدو ولا برضي صليح النصيحة ليك يا الله !!

الا كان راضية منو اتي وعزاب لكن تاني مافي زول راضي منو !!


تخريمة :

علاء الدين طيارة سمعتي بيو ؟؟

اتنقشو ليك انا

الود قبضو ف الكاملين بلعب الميسر (استغفرتك يا ربي )!!

اه بعد يجي جمال الوالي من تونس بقعد معاو ويشطبو ويدو باقي مستحقاته من المريخ الصفوة وكدا (مش المريخ صفوة والا انا غلتان )


يا كافي البلاء يخاف من الطيارة وما يخاف من الله !!


تخريمة :

علاء الدين بابكر تم شطبه من مدرسة الهلال التربوية لسؤ السلوك للعلم وكدا !!


هوووي استغفر الله من ستر مسلما ستره الله الكلام بيني وبينك يا شهد



عايني كلامي الفوق دا :

بعيدا عن :

[quote][align=right] اى مناقرات بيناتنا كهلالاب ومريخاب.

[/quote]





[/size][/font][/align][/b][/color]

[Suhaib]

شهد الزومة دا اروش والله واشتر من الاخر كدا !!

العجب عاجبنا وعجبنا قاسى

العجب العاجب شهد ما عاجبنا

[Suhaib]

[align=center][img]http://www.alamuae.com/gallery/data/med ... 0/0034.gif[/img]


بـطاقــة المــبــاراة
الفريقيـــن : الصفاقسي التونسي vs المريخ السوداني
المنـاسـبـة : نهائي بطولة كأس الأتحاد الأفريقى 2007_مباراة الاياب.
التــاريـخ : السبت 24/11/2007
الوقــت : التاسعة مساء بتوقيت السودان.













توقع النتيجة وأكسب زمنك وكان اتوقعت النتيجة الصحيحة تكسب معانا جائزة قيمة يمكن تزكرة سفر ماليزيا ذهاب وأياب ومفاجاة برضو وكان توقعك ما صحيح برضو تكسب جائزة وكان ما توقعت كلو كلو برضو تكسب يعني كسبان كسبان !!!

خليكم كدا ف التوقعات




















البوست ثابت الي حين عودة المريخ بالكاس انشا الله




،،،[/align]

[حافظ عوض الله محمد]

البوست ثابت الي حين عودة المريخ بالفضيحة انشاء الله

لو انستروا بياخدو 3
ولو لعبو بنفس مستواهم مع الرجاء
بياخدو 6
اللهم لا نسألك رد القضاء ولكننا نسألك اللطف فيه

[لحــ غروب ـظة]

البوست ثابت الي حين عودة المريخ بالفضيحة انشاء الله

لو انستروا بياخدو 3
ولو لعبو بنفس مستواهم مع الرجاء
بياخدو 6
اللهم لا نسألك رد القضاء ولكننا نسألك اللطف فيه

يا رب أي زول يخش البوست دا ...

يديهو على قدر نيتو ياااااااااااااااا رب...

[M.Hadad]

البوست ثابت الي حين عودة المريخ بالفضيحة انشاء الله

لو انستروا بياخدو 3
ولو لعبو بنفس مستواهم مع الرجاء
بياخدو 6
اللهم لا نسألك رد القضاء ولكننا نسألك اللطف فيه

تفها من خشمك يا حافظ

الريخ حياخد الكاس

بس انت اطلع منها وعلي بالطلاق لحظه تنتهي الكوره الا تشوف ليك حته تمشيها

[العربى]

سلامى للجميع

حقيقة ياصهيب وبكل صراحة هذا البوست لايستحق التثبيت
لان المريخ فى نفسة لايستحق السفر والمشاركة حفاظا على السمعة الطيبة التى تتمتع بها الكرة السودانية
هذة الايام بالمستوى الطيب والمشرف الذى ظهر بة الهلال والمنتخب الوطنى.

المريخ وبعيدا عن الانتماءات غير قادر على الصمود امام امبدة نهيك عن الصفاقس الذى هزمة بين جمهورة وداخل ارضة باربعة اهداف.
بكل صراحة المريخ ضعيف وضعيف جدا وهو الان فى موقف (( يقطع القلب)) ويحتاج الى وقفة جادة من القائميين على امرة وعكس الحقائق لايعنى الشماتة علية

عموما لن اتوقع النتيجة ولكن اتوقع من كل متوقع ان يتوقع هزيمة المريخ وبثلاثة اهداف او اكثر مع الرافة وبذات النتيجة سوف ينهزم من الهلال..

وبكرة كذبونى

[ahmed1994]

المريخ ده فريق ما جايب حقه

المفروض يجلدوهم كلهم بي مدربهم

حتى طاقم العمل

إن شاء الله يدوهم 100

[Suhaib]

عارف يا عربي !!

شخصيا ف تقديري مباريات هلالال مريخ عبارة عن عك كروي شلالايت وكبع ولبع و90دقيقة لا علاقة لها بكرة القدم لا من قريب ولا من بعيد !!

بالرغم من التغطية الاعلامية والتعبئة الجماهيرية قبل وبعد المبارة والشحن الزائد !!

اقول :

لو ناس المريخ ختو الكورة ف الواطة !!

ولعبو كورة معلومة ما شلالايت وارسال عالي صدقني التلاتة يمكن ما تحوشهم !!

بس اكد تمام لعيبة المريخ قعدو يشلتو ف الكورة ويطفشو فيها بمبدا لحق السوق اكبر عراف ما يقدر يتكهن بنتيجة المبارة !!
يعني ممكن ف اي لحظة الكورة تدق ف بطن العجب وهو سارح واللا ايداهو تدخل المرمي وبقية المبارة تكون شليت وطفيش للكورة لحدي ما تنتهي ال90دقيقة!!

اقول بعيدا عن اي تعصب الهلال اكثر جاهزية من المريخ للفوز بالمبارة بحكم المقارنة بين الفريقين ع الاقل ف الوقت الراهن !!

انتصار الهلال ع المريخ لتأكيد الجدارة !!

وفي حالة فوز المريخ ع الهلال يتساوي الفريقان ف النقاط ولم يحسم امر الكاس بعد !!

الاتحاد الشدادي لا يعتمد فارق الاهداف فاصلا !!

ربما اقيمت مبارة فاصلة اخري ف ي حالة فوز المريخ ع الهلال !!


ربما يفقد المريخ جهود لاعبه ايفوسا للاصابة ،،وعلاء طيارة لسؤ السلوك !!

مبارة المريخ مع الهلال سوف تكون للاعبي المريخ مبارة مصيرية لبقاءهم بكشوفات الفريق وحفظ ماء الوجه امام الجماهير بعد فشل الفريق محليا وخارجيا وكما هو معلوم عقب كل مبارة لهلال والمريخ يهزم فيها المريخ تكون هناك قررات ادارية فورية ربما تنسف استقرار الفريق !!


،،،

[Suhaib]

الريخ حياخد الكاس

ايو فعلا يا تمبرلي حياخد الكاس !!

والنتيجة اربعة صفر للمريخ



تخريمة :

تمبريلي ولحظة انتو شللية واللا شنو