كلمات الأغاني السودانية

[الغريبة]

يا من احبك و اصطفيك
انا لي روح مفتونه بيك

وايا يا رائع....

اختيارك روعة...
يسلموووو ...

[moneer_salah]

ياعمر

ياعمر خليني انسي والبينسي الريده سيبو

خلي عايش في خيالو بكره ما الايام تجيبو

لا العذر يشفع اليه ولا الندم في يوم بفيدو

ياعمر الفات ودع ماضي ابداً ما بعيده

الزمان ادي الفرح للقليب المابريدو

الزمان الداير يصيدنا الزمان باكر بصيدو

لما قسم للشقاوه اداها للناس البريدو

ياما نشقي عشان عيونو لا الفرح كان يوم بايدو

ياعيون حزنانه صبرك مافي زول فايت نصيبو

ياعمر خليها سيره دا الزمان حدد مصيرو

[moneer_salah]

قربــك

قربك بفرحني بعدك بجرحني

حبك بسمحني صدك بقمحني

إن شاء الله دايم لي قربك وحبك لي

إن شاء الله لينا تدوم المودة والريدة

ننسى السهر والنوم نحضن أغاريدا

ننسج سوا الأحلام نتفانى شوق وهيام

وهواك يحلق بي وارعاك بضي عيني

الله العليم بالريد جافانا صداً ليه

قسمة ما بالأيد وهواك هد الحيل

وهواك شال البال ياغاية الآمال

سآل الكريم الحي يحميك ويلطف بي

مالينا غير الريد غير الهوى الغلاب

غير رحمتك يالسيد يامجمع الألباب

يجمعنا رغم البين ونعيش سوا الإتنين

أرضيك وتبسم لي يالبي هواك أنا حي

[waya]

كتر في المحبةمحمود عبد العزيز

كتر في المحبة زيد الريدة حبة
نحنا اتنين أحبة وإلا الشوق مخبا
من قمنا وربينا والشوق سامي بينا
جمعتنا العواطف وخضرت سنينا
لو تعرف يا غالي هواك هو الباقي لينا
ما دام انت راضي تاني ولا علينا

وكتر في المحبة وزيد الريدة حبة
نحنا اتنين أحبة وإلا الشوق مخبا

خلي الناس في حالة ما تسمع قوالا
يا سيد اللطافة ريدتك ليهم محالة
صايباني العيون ورامياني بنبالة
بريدك وانت ريدني الناس زعلانة مالة
لو فاكر حبيبك ما تطول بعادك
أسأل كل عاشق مين الزيي رادك
يا سيد اللطافة أبقى على ميعادك
وكتر في المحبة وكتر في ودادك
وكتر في المحبة وزيد الريدة حبة
كتر في المحبة

[waya]

من طرف الحبيب
جات أغرب رسائل
يحكي عتابه فيها
وقال ناسينه قائل

ياما قال حكاوي
ما خطرت ببالي
قال في كل كلمة
إني جفيته سالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أنساك إنت
اكون غدّار وخنته
أسأل عني غيري
واحكم في مصير
ياما تشوف دلائل
ياما قال كلام مالي دخل بيه
إني بروح لغيره
بهوى وأصطفيه
إنشاء الله حياتي تفنى
دا لو فكرت فيه
لا لا وألف لا لا
دا حبك عشت بيه
بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل

[waya]

من قلبي عقبالك
الكابلي
من قلبي عقبالك يا راسي يازين
ياحشمة و جمالك يفرح كل عين
كان بالعين وصالك شايفو كتير عليّ
بين أترابك أزاهر شفتك ساهي سادر
يكفيك النظر
كل الفيك زاهر نادي و طعمو نادر
حيرني وسحر
بحلف بالضفاير و الشعر الدواير
و النور و الجهر
ودلال الحراير الغرّ النواضر
ربات الخفر
لو ما طبعي نادر من أحلى المنابر
أناديك يا قمر
يا متجاهل و شاعر إني عشان نواضر
أدمنت السهر
سهري ياهو الباقي ليّ
عقبالك أغنيّ في فرحك أقول
أجمل غنوة عندي تطرب كل زول
في وصفك يا راسي يا أبلغ خجول
يا الحيرني تيهك يا الشرحك يطول
يا الأسعدت عمري فيك دايما أقول
من قلبي و عقبالك يا راسي يا زين

[waya]

الكابلي

آه آه يا حلو
يافرحة أيامي الغلو
يا لون جديد في أولو
قبل الربيع طلّ الزهر
و أهداك منو قرنفلو
جات الطيوب أعواد تميس
من طيبا أهدت صندلو
و اتجمعت كل الطبايع
و قالوا ليك طبعك براك هاك أعزلوا
و عزلت طبعا كان معاي
من ما وعيت بتخيّلو
كنت فاكرو المستحيل
لكن بديع الكون إذا ما
أهدى مين البسألو
بس لودادك نسألو
احترت فيك واحتار معاي
كل البحسوا ويعدلوا
في حسنك الكل يوم معاي
وريني كيف بتشكلّو
ألوان من البهج الرفيع
لون سمانا وحملو
ألحان من اللهج الوديع
شق المسامع بلبلو
تحنان وطيبة ناس زمان
شالوا السماحة وشيّلو
انسان مضمر شايلو بان
غازل غماما هطّلو
أنا في رجاك هاك روحي
من فيض حنانك بللو
لو شئت ياسحر الجمال
بالمرة قصّو وفللو
ما إنت ما إنت الجميل
ما إنت ما إنت الحلو

[waya]

الكابلي

شوق و نغــم
بــنور و زهور واستلم المجــــــــــــال
صوت مساب بالنور وشبه ناس قـلال
و خفة روح عصفور واشراقات خيال
خلة قلوبنا طيور حال ارواحنا حــــال



ومشينـــــا بعيـــــــــــــــــــــــــــــــــــــــــــــــ ـد شايلين العيد
في قلـــــــــــــــوبنا وفي دروبـــــــــــــــنا وراءالبسمه الرنانه
يا شـــــــــــــــــــــــــــــوق يا نـــــــــــــــــــــغم ياقلوب فرحانه
يـــــــــــــــــــــــــا زوق يا فـهــــــــــــــــــم يا عيـــون سرحانه


كلميني يا مــــــــــــــــــــــــــرايا شايفك طــــــــــــــــربــــــانا
حكو ليك حكايـــــــــــــــه والا كـــــــــــــــــــــــــــــــــنت معايا
والا انت بتقــــــــــري يا ساحرة فنوني
والا شيلتي الصوره الشايلاها عيوني
والا يبقي اكـــيد عــــــــــــــــــــاداكي غنايـــــــــــــــــــــــــــــا
يا شـــــــــــــــــــــــــــــوق يا نـــــــــــــــــــــغم ياقلوب فرحانه
يـــــــــــــــــــــــــا زوق يا فـهــــــــــــــــــم يا عيـــون سرحانه

[waya]

الموز روي _ الكابلي

الموز روى قايم سوا فاطرك ضوى
انا ياناس بالنار جسمي انشوى
لسع دقاق وما استوى
حراسه مرتينن عوى
قطعوا له خط الإستواء
كيف بصري انا قلبي انشوى

ياستي أمرك لي مطاع من غيري كل العاصي طاع
اعلانها باقي على انقطاع نرجوك عدم الانقطاع

زينة الزناتي مع هلال رسمولها فوق تاجها الهلال
أقدامها ماشالن علال مودوعه عند سيد بلال

لوتاني عاد الإنفصام بشكيه عند قاضي الغرام
اوريهو ناره الفي العضام سراجه حامياني المنام

[سحر محمد]

[blur1]مشاء الله والله انت شاعر كبير وانا متوقعا لك شان عظيم بتوفيق ان شاء الله يديك العافيه اخي وايا تقبل مرورى[/blur1]

[waya]

سحر ,,
نورتي الأغاني وكلماتها ,, وخليك قريبة ,,

أغاني حنان النيل
[grade="00008B FF6347 008000 4B0082"]الخرطــــوم بدونك
الخرطوم بدونِك!!
ضهباني ..
وتفتِّش لى واحات عيونِك
تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة
يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب
أرصفة الأماني .. طال فيها انتظارا
ساعت اللقيا عدّت .. وفات ميعاد قطارا
هزَّتْ راسا
بِلْعَتْ غمَّها وانكسارا
فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ ؟؟[/grade]

[waya]

أبقى واصل
كلمات ..خالد شقورى
غناء .. حنان النيل
[grade="00008B FF6347 008000 4B0082"]لـيـــــــنـا واصــــل يـا حـنـيــــــن وابـقـى واصل
الــدرب قـــدامــك أخـضـــر والوداد البينا واصل
والعيون الفى انتظارك شوقها زي مطر الفواصل
ما فى اروع من رسائل تحكي بي تحنان فصولا
ما فى أجـمــل مــن مـقـاطع انت بالأشواق تقولا
البـلــد مـنـتـظــره جـيـتـك فارده غاباتها وسهولا
والكـلـيــمــات الـتـطـمــن نحن منتظرين وصولا
بـيــن حـكــايـاتى السعيدة قصة من أشواق فريدة
جايـه لا لـون لا ملامـح زى نجوم طاشه وبعيدة
لا هى غـنـيـة ولاها منية ولاها إحساسات جديدة
ما الـبـحـسـو مـع عـيونك حاجة اكبر من قصيدة
كلـمـة مـنـك لـو تـعــاتـب أغـلى من كل الغناوى
والـبـتهمسو بين سطورك عندي بى كل الحكاوى
الـحروف الفى انتظارك رافله فى الزى السماوى
عـارفه إنـو الـغـنـيـة غـيـرك يا حنين ما بتساوى[/grade]

[waya]

لو أعيش
كلمات / قاسم الحاج
غناء / حنان النيل

[grade="00008B FF6347 008000 4B0082"]لو اعيش زول ليهو قيمة اسعد الناس بوجودي
زي نضارة غصن طيب كل يوم يخضر عودي
ابقي دار لكل لاجئ او حنان جوه الملاجئ
ابقي للاطفال حكاية حلوة ضمن الاحاجي
بيها يتهنو وينمو واحرسهم طول ليلي ساجي
والقي في راحة نفوسهم بسمتي وطول ابتهاجي
لو اعيش طول عمري نسمة لو مع الايام سحابه
اهطل ادي الدنيا بسمة اوري وادي واسقي غابة
لو اعلم طفل واعد لسه ماعرف الكتابة
ببقى شجرة ظلالها ورافة تحتي نايمين ناس تعابة
اشقي والقي وابقي بهجة في النفوس لكل مناضل
ابقي لمعتل علاج وابقي للفلاح سنابل
ابقي للثوار سلاح اعتي من قذف القنابل
وابقي للكداح الملوح كل حد موفور وعادل[/grade]

[waya]

فَلَق الصباح

كلمات خليل فرح
غناء حنان النيل
[grade="00008B FF6347 008000 4B0082"]
فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
وله كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة بتشوف صفرة
الاصفـرار ده كتيـر
أخجلـوك يـا أميـر
ولّــه نُمّــت نهـار
صبح البُستـان شايل
شجـر الرمـان مايل
السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
انـزل انـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
ولَّـه لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبَطَــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار[/grade]

[waya]

الجمال والحب في بلادي
شعر : سيد عبد العزيز
لحن وغناء : رمضان حسن

الجمال والحب في بلادي
والحضارة إزدهارها وإنتشارها
في المدارس والنوادي
العلوم العالية والفنون الراقية
جمالها بادي
ينبي عن أثار قوة الأفكار
والأيادي
الأنجزت أعمال وخلدت تذكار
في جبين الوادي
سوداننا العاجبنا رسمه
في نفوسنا مقداره يسمو
الطيور غنت بي أسمه
وكم صايح ينادي
أسمك يابلادي
هتقت به الجنود
وغنتبو الشوادي
في بلادنا مناظر الطبيعة
حافيها السحر الحلال
في الشرق المينا العظيمة
بيها الثغر بسم الدلال
والغرب حرست مداخله
الهيبة حصون التلال
وجنوبها ينافس الشمال
حيوية وعظمة وجلال
في بلادنا القرى والمدائن
أثر النعمة عليها باين
وتاني محل العين تعاين
تشوف بهجة وروح وإعتدال
في منظر جذاب ودادي
أحي السودان وأرضه
والأرض الطاهرة النقية
أحي السودان وأهله
أهل العبقرية
أهني السودان بشعبه
طوح النفس الأبية
الوافي راعي المحارم
أكرم من الغيث مكارم
وأصلب من الحده صارم
إن في الحرب وإن مسالم
يمتاز بالروح القوية
مقدام ومن طبعه هادي

[waya]

كلو بمضى
كلمات د.. على شبيكه
الحان.. السنى الضوى
كلو بمضى وكلو بى الايام بروح
لا سعيد دامت ليهو فرحة ولا حزين دام ليهو نوح
لاهية بينا الدنيا لاعبة فيها نتغرب نتوه
القلوب بالشوق تحرق والجروح تشفى الجروح
كلو بمضى ومهما تقسى مصيرى انسى
انت ماشفت الصباح كيف بطل زى احلى همسة
يضوى بنورو الروابى ويضيف فى كل حسنى لمسه
وتنطلق ارواحنا فيه بى شراع ماليهو مرسى
وننسى او نتناسى انو كلو صباح لابد يمسى
كلو بمضى وكل ايامنا الخوالى
وكل ليلة بكرة تمضى
زى فصول دنيانا فى موسم رحيلها
والسنين واحلامنا والعشره النبيلة
تبقى ذكرى وفى صحارى الفرقة واحتنا الظليله
برضى ماضى ابتعادى وريدى زادى
ورحلة الاشواق طويله

[waya]

محمد أحمد عوض"
"ياريت يا حبيبي"

ياريت يا حبيبي ياريت تبقى لي.. وتكون من نصيبي وأنسى المر بي...

حبيت مرة جاير اتنكر علي .. وصادفت المحبة ياريت كان مال إليّ..
رضيت أبقى ليهو ما دام راضي بي.. لكن ضنّوا بيهو وأبوا يدوهوا لي...

بكيت مرة تاني من دهري وزماني.. وبقيت في حياتي ما عارف مكاني..
لو أعشق غلطّ كان حبّاني جاني.. تتوالى الليالي وتشرب من حناني...

في جنح الليالي وسابح بي خيالي.. لاقيتك منور ومتفتح حيالي..
بسماتك تضوي وجبينك يلالي.. أو شخيصتك عظيمة وانطبعت في بالي..

[waya]

هاجري وفتشي
غناء / خوجلي عثمان
[grade="00008B FF6347 008000 4B0082"]ياروحي هاجري وفتشي
وهاجري عاد كان تلقي شي
ياروحي مهما فترني المشي
انا عندي زول بقا كل شي

هاجري مايهمك همومي
باري الشوق في بحورو عومي
تاني مابدو تنومي وبدونك يلاحومي

ماشة وين ياروحي ماشه
في الدروب سايقاني غاشه
دي الرويحه المني طاشه
ماتخون محبوبه حاشه

ياروحي مالك والشدايد
انا غير حبايب همي زايد
وده التعب مابجيب فوائد
ما شقاوه القلبو رايد[/grade]

[سحر محمد]

مشاء الله عليك اخى وايا انت فعلا شاعر كبير ولك مستقبل جميل ومشرق فى مجال الشعر لك منى كل التقدير والتحية

[waya]

سحر .. مشكورة على كلماتك الحلوة دي

ودي هدية ليك ,,

شعر أبو امنة حامد .. غناء صلاح بن البادية

[grade="00008B FF6347 008000 4B0082"]سال من شعرها الذهب
فتدلى وما انسكب
كلما عبثت به
نسمة ماج واضطرب
النجيمات والخصل
فى عناق وفى غزل
نسجت حوله القبل
موكبا يغزل الطرب
فيه من سمرة الأصيل
شعرها المذهب النبيل
ثغرها اليانع البليل
كرزة حفّها العنب
يا حبيبى ... أكلما
قلبىّ المغرم احتمى
بك وانزاح ملهما
عاد كأسا بلا حبب
فاره .. مترف .. لدن ..
فنن.. لا .. ولا فنن
هزنى الوجد والشجن
فى الهوى قلبى إغترب
رقص الورد والزهر
مهرجانا على النهر
سال فى الشط وانهمر
عطره الحلو وانسرب
أى غصن إذا انثنى
فيه تحتفل الدّنا
والثريات والسّنا
غير بدرى إذا احتجب
عشت فى الحب منتهى
التيه .. ولكن بلا انتهاء
تائه .. ذاهل النّهى
شفّنى الوجد والطرب
إن تكن أنت لم تزل
يوم بدر المنى اكتمل
نحن شلناك فى المقل
وقعدنا على اللّهب[/grade]