لي زمن طويل من المنتدي بس الظاهر انو مافي زول لاحظ كدا
للاسف الشديد كنتا فاكرة انو بعد الفترة القضيتها في المنتدي يكون كلهم عرفوني
لاكن ..............
المهم ما مشكلة ماهي الحياة كدا حتي الانسان البيموت اهلو بعد فترة بينسو
يعني شهرين ونص مدة طويلة تخلي الناس يتسألو عن الشخص الغايب بس دي حاجة انا لاحزتها
في المنتدي الغايب ما بيسألو عنو لاكن انا بتمني انها تتغير بجد انا زعلاااااااااانة شديد كتر خير
وايا الوحيد السأل
المهم انا كان عندي امتحانات المدة الفاتت والله ضغط شديد بس هسي الحمد لله خلصتا بس مستنين
النتيجة يا ابيض يا اسود
حموودي وين الغيبة دي كلها انا غايتو حستلم البوست يتاعك دا
لحدي تجي راجع لانو بصراحة انا بحب البوست دا شديد بقدر اكتب فيو مشاكلي
وهمومي ونقتي كلها هنا
بسم الله نبدأ
عندي مشكلة مع مسجل الكلية حقتنا بس
انا ما السبب يعني كان عندنا امتحان ولمن دخلت القاعة اتذكرت اني نسيت البطاقة حقتي طلعت عشان
اجيبها هو كان واقف برة المهم مشيت للشنطة وبقيت افتش فيها لاني نسيت وين ختتيتها المهم هوبقي
يقول اتأخرو كويس اصلا الوقت ما رايح منكم ما هاميكم وكلام من دا انا ما اشتغلت بيو طلعت بطاقتي
لمن جيت راجعة لقيت القاعة اتملت قالو لي امشي قاعة تانية المهم سألت بتاع الاشراف عن القاعات
البيمتحنو فيها ناس الاقتصاد هو نط علي طول من دون مقدمات قال لي فوق مع انو المبني دا ما كان فيو
قاعات فوق اديتو ليك نظرة من فوق لي تحت ومشيت قاعتي طبعا هو مسجل قسم كيف البت دي تعمل لي
كدا وقدام المشرفين كمان خلاص من يومها خاتي نقرو من نقري لمن اجي اسجل يعصلج لي لمن اجي
الادراة عايزة اسأل من حاجة يكشر في وشي غايتو حالة بس ولمن جيت اسجل للفصل الجديد عرف
اني سودانية زاد زيادة بقي ناقم علي السودانيات اللي في القسم كلهم جبت ليهم هوا خخخخخخ
آآآآآآآآه من الامتحان الجاي انا الامتحان دا من دون الامتحانات التانية برتعب منو
شديد لدرجة اني بخاف اقرا فيو يعني بصراحة مادة مرعبة جدا والزاد الرعب حقها انو
المادة دي انا كنت منزلاها الفصل الفات بس لي ظروف ما قدرت احل فيها كويس في الامتحان
الجزئي لانو جا مع عيد الضحية وكلكم عارفين لخمة العيد والناس وكدا ما حتقدر تقرا حاجة
والنهائي حليت فيو بس درجة الجزئي كانت ضعيفة فجبت في المادة d اقل معدل علي الحافة
فنزلتها السمستر دا تاني لانها مادة مصيرية ومستقبلي بيتوقف عليها لازم اجيب فيها درجة
كويسة عشان اقدر اكمل في المحاسبة وانا ماعندي نية اغير مساري تاني خلاص
فربك يستر بس يا جيت ابكي واشكي لاني ما حليت فيها يا جيت فرحانة وربنا يحقق التانية
اخ اخ جيرانا عندهم عرس من الصباح عاملين لينا جوطة الحلة كلها جايطنها
يعني ما نذاكر ولا شنو عملو لي وجع راس الواحد يذاكر كيف ما عارفة
الله يقطع الاعراس اللي بتجي في وقت زي دا تقول في زول ناقصهم هو الواحد من هناك ما عندو
نية في القراية والدنيا سخانة والحالة حالة يقوم يطلعو ليك ناس زي ديل انت زاتك ما ناقصهم
انا غايتو بعد شوية حطلع ليهم برة الشارع و عيط فيهم خلاص جننتونا دا وقت عرس هسي المشكلة ما تقدر تقفل الشبابيك سخاااااااااااااااااااانة وتفتح وجع راس وكان قال تنوم مافي
طريقة برضو وجع راس الله يعدي اليوم دا علي خير لاني بعد شوية حدخل اقلب ليهم عرسهم
دا عزا
يا شباب...........
ّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّااااااااااااااااااااااااااااااااهههه
انا خلاص مليت بالجد الببعد عن بلدو ثانية بيموت
هههههههه حاجه رائعه
طيب انا الليله برضو بقوليكم الكلام الحاليا شاعره بيهو لانو الليله حيرسلو نتايج امتحان السيبا بتاع الانجليزي على التلفونات
لاول مره اصحى الساعه5الفجر في الاجازه
لاول مره افتح الكمبيوتر بدون ما اشغل فرفور
لاول مره ما اشرب بيبسي الصباح
لاول مره ما اتشاكل مع اختي الصباح
لاول مره ما اعمل مسكولاتي اليوميه لصديقاتي واهلنا في السودان مسكولات بس طبعا
لاول مره ما اقول لي اامي الصباح من فضلك ما تفتحي النور
لاول مره اتكلم بي ذووووووووق مع صحباتي في التلفون بعد الحركات البعملوهل دي
لاول مره افتح الصباح قناه هارمني السودانيه ووراها زول والشروق ومعلقه فيهم
طبعااااااااااااااااااااااااااا دي اغرب حاجه اني متابعه ديل بس الاليه
لاول مره اكون حاسه اني غبيه جدا دا جدا جدا جدا جداجد
وعلى فكره الليله اول مره ارسل لي حبيبي مسج جريئ جدا جدا جدا جدا جدا بعد ما رسلتو ندمت لانو كان جريي شديييييد
والليله دي نقهاتي مع لقاء اخر
تقبلو مروري
حموودي حمدالله علي السلامة ولوما سألنا منكم يسأل منو
والنتيجة طلعت مادة وحدة والحمدلله بدون اي غرور جبت فيها
الدرجة النهائية
وعقبال الباقي يارب بذات المادة ديك
بس الظاهر انو مافي زول لاحظ كدا
بجد انا زعلاااااااااانة شديد كتر خير 
بس فاقدينك
