بالنسبة للمتواجدين الآن .. وكدا

[insan]

غايتو
لو ما الشكية لغير الله مذلة
كنت دقيت ليكم صيواني هنا دا

عليك الله أكتر من كدا تعال دقّني أنا

[ريانه إمام]

سخونة الحمى مقدور عليها لكن حرارة الشوق الكعبة
مكمدات ما ليها .. غير نلغي من دفترنا اليومي إمضاء الحضور .. بالحضور ..

غايتو
تعلّمي تحضير بني آدم دسم (قاعد هناك) بذاكرة خالية من الكوليسترول ..
حتتمني أغنية أم كلثوم ما تنتهي .. وحتطلع الطبخة مفعمة بتوابل الفقد ..
والله جد
مع إنو .. مع إنو !!!!!
بس نقول ياااااا منو ..

يااااا مهون..تهون

[insan]

يااااا مهون..تهون

آمييييين

المتواجدون الآن: 166 (الأعضاء 1 والزوار 165)
insan+

أمبارح حلمت بكاس العالم 2014
وحضرت المباراة النهائية لايف بين نيجيريا والبرازيل وانتهت 2/2 ونتيجة الشوط الأول اتنين لنيجيريا
وفي ضربات الجزاء قلت اخير أمشي أتعشى فول ونسيت موضوع المباراة ..
لغاية الآن ما عرفت الشال الكاس منو ؟؟

[insan]

ما أجمل أن تتصالح مع أحزانك التلوليك .. البترقد وتصحى معاك ..
وما أظرف أن تدرّبها على الطريقة المثلى لاستحلاب الضحكة من السأم والضجر قبل أن تضحك عليك ..
في داخل كل حزن شيطان .. وعلى مشارف كل ضحكة (مِيتة قلِب) ..
في الحالة دي أقلها مفروض أكون مبتسم موش ؟؟
فالابتسامة تمحط الأحزان بعنجها الأخّاذ ..
وتقشط القلب الميّت هوك فيقوم تِتّرِب ..
تماماً كغيمة في حر قائظ ..
أو
حاجة بالشكل دا ..





المتواجدون الآن: 166 (الأعضاء 2 والزوار 164)
insan+ وواحد متخفي

[insan]

الزول وكت فصّــلّو شوقاً ما مقاسو !!
من حقو إتفاصح عليهو وعادي جدا تسمعبو داسو ..
أها دا الحصل من يوم عِرْفتو .. عافصني يووومي تحت مداسو !!
والغريبة !!!! لسسسسسسسسسسسسه بـنقول: (نحنا من ناسو)
ياخي تخ !!
دا فقري جدّن في المواقف وقاسي جددددداً إحتباسو !!!




المتواجدون الآن: 184 (الأعضاء 2 والزوار 182)
insanوحـــيد

[معتبر]

صباح الخير والروقان ورسم البسمة وانتعاش الروح بأجمل حروف

[insan]

صباح الخير والروقان ورسم البسمة وانتعاش الروح بأجمل حروف

أنا قلتا خليهو الليفوت .. دي حالة يأس !!!
يهبط مدارج وِحْدَتَا الطالت بدون ما تهمّو حالة طقس ..
بدون ما يسوقو زول البيت ..
أو يلقالو سواق تكس ..


معقولة بس نفكو بالطريقة دي ؟؟!!!!
إلعن أبو دا يأس !!!!

(بتكلم عن هذا المفيعيص المسمنو شوق طبعا)


روقان بى وين مع المحاسيس المشتتة في الصقيعة دي
نحمدو ونشكر الفضّلو غايتو ..

[ريانه إمام]

آمييييين

المتواجدون الآن: 166 (الأعضاء 1 والزوار 165)
insan+

أمبارح حلمت بكاس العالم 2014
وحضرت المباراة النهائية لايف بين نيجيريا والبرازيل وانتهت 2/2 ونتيجة الشوط الأول اتنين لنيجيريا
وفي ضربات الجزاء قلت اخير أمشي أتعشى فول ونسيت موضوع المباراة ..
لغاية الآن ما عرفت الشال الكاس منو ؟؟

شالو صلاح ..
.
.
.
رميه من الصباح
يا حبيب القلب يا طيب..أراضيك وين؟
أطراك يشرقني الأسي وتغمرني بالحسره التفاصيل
.
.
رميه تانيه..
السعاده..وجهه نظر..قرار..وفن كمان
.
.
سؤال بره القون:ما الفرق بين إنك تمش وشك مقبلو للشمس أو تبقي جاييها بقفاك؟

[jasmina]

عايني لى ديل
وبالأخص عصمت هذا الباحث عن امرأة درة !!!!!
على باليمين لو كنت في إدارة المنتدى أشطبو ولا كتّر خيرو
تجي داخل بمزاج ملخبت يلاقيك واحد زي دا إنتهي منو كلوكلو !!!
مفروض الواحد يكون عندو ذوق في اختيار الاسم حسب ما يراه لائق
ويتوافق مع رغبة الكتابة أولا .. وبعد ذلك يشوف ليهو امرأة ينكحها
أو يكون دخولو في سبيل الله ساكت ..


المتواجدون الآن: (الأعضاء 2 والزوار 149)
insan, عصمت الباحث عن امرأة درة

هههههههههههههععه

عصمت ده ضاقت بيه الطرق والماسرات ومالقى درتو

ماتسيء الظن يوخ امكن مرتو اسمه درة وراحت منو ا

[insan]

هههههههههههههععه

عصمت ده ضاقت بيه الطرق والماسرات ومالقى درتو

ماتسيء الظن يوخ امكن مرتو اسمه درة وراحت منو ا

وليوم الليلة مشاركاتو صفر !!!!
ببحث عنها في صندوق الوارد ولّ شنو ؟؟
تبقى مصيبة !!!

[insan]

شالو صلاح ..
كاس عرقي هو ؟؟

.
.
.
رميه من الصباح
يا حبيب القلب يا طيب..أراضيك وين؟
الإجابة قلتها قبل كدا في متن هذا البوست ألا وهي
هنا
حيث أتواجد بسخف وأتسع بعنف
حيث لا مكان للحرية ولا موطئ قدمٍ للكلام !!!!


تح
طاخ

أطراك يشرقني الأسي وتغمرني بالحسره التفاصيل
وش مدنقر وبعاين بطرف عينو ريثما نفلّي التفاصيل
.
.
رميه تانيه..
السعاده..وجهه نظر..قرار..وفن كمان
عشان كدا قلت ألفخ المنغصات دي باظهار سنوني ما استطعت
بس ما نغش على روحنا ساي وندّعي
زي ما قال فضل الله محمد بلسان وداللمين
إدعينا .. وقلنا .. تاني ما حنشتاق في عمرنا
وقبل ما تمر لحظة واحدة .. بحرارة .. الشوق غمرنا
عاد نبقى في كدا ؟؟!!!!
وعشان ما ندخل في إزدراجية مقيتة .. وكدا
ما للشوق للشوق وما لقيصر لنا .. رجالة عديل ..

.
.
سؤال بره القون:ما الفرق بين إنك تمش وشك مقبلو للشمس أو تبقي جاييها بقفاك؟

في الحالتين
ما بتعرفيني ماشي ولّ جايي !!
لأني انسان شفاف وكدا
أو ربما داخل في جلابتي الأنصارية


المهم
زي الفرق
بين تفووووت جوّه ناس
وبين تبقى تعبان للبفوت
طخ
ما أكون كسرت حاجة بس ؟؟

[dream-lady]

طخ
ما أكون كسرت حاجة بس ؟؟

اتكسرت فيني قناعة أكون من المتواجدين...

ماعشان (جداد الشارع)

..عشان ....عيون حبيتها...كتير

وعشت فيها أحلامي...

بس فجأة

تررررررررن

صحيت!

أريتني ماظبت المنبه!

خارج النص: غياب لحين....

[insan]

اتكسرت فيني قناعة أكون من المتواجدين...

ماعشان (جداد الشارع)

..عشان ....عيون حبيتها...كتير

وعشت فيها أحلامي...

بس فجأة

تررررررررن

صحيت!

أريتني ماظبت المنبه!

خارج النص: غياب لحين....

ما تنكسر شوكة قناعاتك .. وتقولي الظروف ..
ما نعاين للمعارك لو نبت في ريقنا خوف ..
إحنا أصلا ناس بتحلم ..
والحلم في حقيقتو شوف ..



ياخ ماااااااا
ترمي الودع
ولي شتتي







الثورة في النص
غيابك طال

[insan]

حتمشي معاي ؟؟
وسط روحي ؟؟
ارح

تعــالي نغلّف اﻷحـــــــزان ونكتب فيهــا من برّه ..
فتــرنا ولم نعد قـــــــادرين نشيلِك ياخـي بالمرّة ..
وبمــا إنو الضــهر شيّال وراك إنقـــصّ كم مرّة ..
ولو غلبك وسط روحي .. أوعك تمشي مضطرّة ..


اتفقنا؟؟

[ريانه إمام]

حتمشي معاي ؟؟
وسط روحي ؟؟
ارح

تعــالي نغلّف اﻷحـــــــزان ونكتب فيهــا من برّه ..
فتــرنا ولم نعد قـــــــادرين نشيلِك ياخـي بالمرّة ..
وبمــا إنو الضــهر شيّال وراك إنقـــصّ كم مرّة ..
ولو غلبك وسط روحي .. أوعك تمشي مضطرّة ..


اتفقنا؟؟

ما بنختلف..

[insan]

ما بنختلف..

يللا قولي معاي
حـ أمشي معاك وسط روحك
مَستّتة يا وِليــــــد النــــــاس
مِستّفة روحي بى روحــــك
أبقـــــالك ركيــــــزة وساس
وبقعد جمب يرتضو القلبين
ومنك أصلو مافي خلاص
ألف زي الأكسجين في الدم
وانوم إن شاء الله بنكرياس
وأقوم أنا بكل بساطة أضخ كمييية من الانزيمات تعشرق بيكي نص الليل
وتقومي مخلوعة ولسان حالك يقول: عشرق بي كمان
عشرق بي عشان أملاك غُنا ..
واعشرق بيك عشان صوتك حنين ..
تصدقي إنو ما أحلاك ..
بتدّي الروح طعم حاجتين ..
بتدخلي فيني قلوة بن ..
وتمرقي زي رجوع غايبين ..
واطلع أعلى ما في الكيف ..
ونزرع فينا ناس حلوين ..
ينوّرو لينا يوم باكر ..
ونفتح ليهم الاتنين




وتمشييييي
معايا
معايا
معايا
وسط روحي ؟؟

[ريانه إمام]

ح أمشي معاك وسط روحي
لا البلقاه بعرفني..ولا أعرف معاك روحي
.
.
ذكرتني فاضلابي وهو مشجون وقلبو بكورك لما قال للحبيبه
ﻳﺎ ﺍﻟﻨﻮﺑﺘﻚ
ﺟﻮﺍﻱ ﺑﺘﻐﻨﻲ
ﻭﻏﺎﺑﺎﺗﻚ ﻭ ﻟﻮ ﻗﺎﺩﺕ
ﺑﻲ ﻧﺎﺭ
ﺩﺭﻭﻳﺸﻚ ﻓﻲ
ﺍﻟﺠﻮﻑ ﻣﺴﺘﻨﻲ
ﻭ ﺑﻲ ﻧﺎﺭﻙ
ﺣﻴﺸﺪ ﺍﻟﻄﺎﺭ
ﻟﻮ ﻋﻨﻚ ﻗﺮﺏ
ﺃﻭ ﻋﻨﻲ
ﻋﺼﻔﻮﺭﻙ ﻏﺮﺏ
ﻓﻲ ﻇﻨﻲ
ﺇﺗﺸﺎﻗﻰ ﻭ ﻣﻦ
ﺷﺒﺎﻛﻚ ﻃﺎﺭ
ﺃﻧﺎ ﺗﺎﻳﻪ
ﻓﻲ ﻋﺘﻤﺔ ﻟﻮﻧﻚ
ﺑﺲ ﺭﺳﻞ ﻟﻲ
ﺭﻭﺣﻲ ﺍلأمطار
.
.
سامع الصوت ولا ازيد اللون حبه؟

[insan]

ح أمشي معاك وسط روحي
لا البلقاه بعرفني..ولا أعرف معاك روحي
.
.
سامع الصوت ولا ازيد اللون حبه؟

وطّي صوتك .. وزيدي رتم الخطوة حببببة ..
حتمشي معايا ..
خُطانا الإلفة والوحشة ..
وتمشى معاي ..
وتروحى
وتروحى
وتروحى
وتروحى
وتروحى
وتروحى
وأفتّش ليك ما ألقاك !!!!

[insan]

عايني يا بت إمام
اقري كلامي دا كوييييس طيّب ؟؟

من يوم جبتي البتاعة دي جاتني نفسيات .. والله جد
وحالتي ساءت جدا وماشة لتدهور شااااااااامل
ما بقدر أقوليك الله لا غزّ فيك بركة
لكني بطالب بتعويض لمعنوياتي البقت في الحضيض دي !!!!!
ومااااااب تترفع حتى لو دسيتك وسط روحي وقمتا جاري بيك ..
ما ممكن ياااااااااخ
ماااااااااااااااااااا ممكن !!!!!!!!!!!!!!
ديش كدا ذاتو ياخ !!!!!!!!!!!!

[insan]

المتواجدون الان

براي


وشكل الواقع عامل زي بص الساعة اتنين ..

عرق الاحلام قشيتو بقطعة قديمة ومنديلين ..

قمتا شنقتا السّفة وختيت الشوق في علبو ..

كان الشارع أضيّق من أخلاقي وأوسع من أحلام حبيبين ..
وانا سارح في يافطة قديمة .. مكتوبة بخط شين ..
(الأوركيدة للعطور والرياحين) وفي اللحظة دي !!!
فكّرتا أشيلك من راصي !! عشان ما أشمّك بس !!!
وعشان ما تطلعي بكرة .. قارورتين ..
صباحك إيف سان لوران وليلك اتنين اتنين !!
قلت سيبك ياخ ..
هو البص كان واقف وين ؟؟
إتلفّتا لقيت الناس تتكلّم في التلفونات ..
وواحد بتكلم في موبايلين ..
قال لخطيبتو جاييك بعدين أوعا تشريني زي يوم الاتنين .. وطوّالي قفل ..
وفي التلفون التاني حبيبتو كانت بتكلّمو بى وشين ..
ما شفتها لكن ضحكتو كانت ما من قلبو ..
زي دي صفرا وباهتة وطمّبجا كوزين ..
هو البص كان واقف وين ؟؟
أقصد ..
الواقع كان واقع وين ؟؟!!!!