كلمات الأغاني السودانية

[waya]

أهداء خاص

العيون السوده


أهوى العيون السوده .. واحب سمر في خدوده

انت الصباح الضاحك .. وانت الغروب الباكي

انت المياه العذبة .. انت النسيم الصافي

أهوى العيون السوده .. واحب سمر في خدوده

بهواك وازيد في حبي .. مهما تزيد في نوحي

لو قلبي راح لي قلبك .. يا سيدي مالك روحي

أهوى العيون السوده .. واحب سمر في خدوده

كف عيونك عني .. لغة العيون كاتلاني

حب الجمال جننني .. شوق الوصال أضناني

أهوى العيون السوده .. واحب سمر في خدوده

[صائغ الحروف]

انت عارف ياوايا
الاغنيه دى غنتها حنان
بلو بلو
لمن كنا فى المتوسط
جاتنا زياره
للشماليه
وابدعت
والى الان
الحفله ديك فى خيالى
لانو الزول الجابه المتعهد
كان بن خالتى
طوالى
غايتو زكريات جميله لاتنسى

[كابو]

الرائع waya

تنطق دررا

تسلم يا غالي

[sentimental]

[الغريبة]

بأسم الحب...

عبقرية الكــاشف...


حياتى ..ومعاها العطف الجميل...
باسم الحب بقدم ليك حياتى..

عليك يا حب تحياتى..
عليك اوقفتا آياتى...
لحبى اضحى بحياتى..
احب الحب وايامو ..
وذكرياتو واحلامو...

وما يوحيه ألهامو...
حياة الحب اسميها السعادة بكل معانيها..
اقيم لياليا اغنيها ..
روح يا ليل وتعال يا ليل..وروح يا ليل...
احب فيك كل اوقاتى..
الاقى حبيبى يوماتى
اقيف ليهو ويقول لى العهود بيناتنا مرعيه
اقول ليهو تعال ليا وتعال ليا..
اقول ليهو تعال ليا حبيب ريدى تعال ليا..
لنجلس جلسة غزلية...
وامتع فيك عينيا
اشوف وانسى ايامى ..واقول حققتا امالى...
على تميل وعليك اميل...
عشان تميل سوا يا جميل...
فيك امعنتا نظراتى ..
ووجدتك كل مسراتى..وافراحى وملذاتى...
احبك وانسى فيك زاتى...
حبيبى اراعى تقديسك..ويرتاح قلبى لحديثك..
حديثك يشفى العليل..
وحاتك يا السامى الجليل...
الحب الصادق دليل..
البشبه حبى النبيل...بدون جميل..
هو الجميل..دون جميل..
انا يا جميل اهوا الجميل..
انت لى ميل ..وانا ليك بميل سوا يا جميل...

با سم الحب اقدم ليك حياتى...
حياتى ..ومعاها العطف الجميل...

[الغريبة]

لما ترجع بالسلامة....

ثنائى العاصمة...

لما ترجع بالسلامة ...وترجع ايامنا الجميلة..
يا سنا الروح يا مناها..ويا عواطفنا النبيلة...
تهدى ليلى احلى ابتساما..من زمان بنقول حليلها...

يوم رحيلك يا حبيبى شفت كل الكون مسافر...
لاهزار فى روضة غنا ..ولا زهر عطر بيادر...
لا تلاقى يروى شوقى ...ولا حديث يجبر بخاطرى...
الشهووور يا ريتها تجرى ...وكل يوم ياريتوا باكر...

لما ترجع يا ربيعى..للقليب المشتهيك...
وزى عوايدك تعترينى رعشة من الريد وليك..
عيونك الضحاكة تبكى ..والمشاعر فايضة بيك...
يا حلاتك يا حبيبى ..ويا حلاة الدنيا فيك..


ولما ترجع بالسلامة ..وترجع ايامنا الجميلة...
يا سنا الروح ويا مناها ..ويا عواطفنا النبيلة...
تهدى ليلى احلى ابتساما...من زمان بنقول حليلها...

[الغريبة]

والله وحدوا بينا....

التومات...

والله وحدوا بينا ..البرحونا وراحو...
شالوامن وادينا بهجتوا ..وافراحوا...
ديل كتيير يا حليلهم يا حليل الراحوا...


طول هواك وانا قلبى باكى ليلو صباحو...
بالضياع والحسرة السنين كم راحوا...
رحت الافراح...قلبى عاش لى نواحوا..
ومين يكون لى فوادى..روحو زيك وراحو...

انا قلبى اتصبر ...قلبى قلبى اتصبر ..لمن تعب صبارهو..
ونظرة با كية حزينة..شال وراهو ودارو...
يوم رحلتا وشلتا...بهجتوا وانواروا..
لاارتويت من عطفوا ..ولا اكتويت بى ناروا..

يا القليب الصادق..كنت نبعوا وداروا..
كنت ليهو حبيبوا..كنت اهلوا وداروا..
فضحنى عيونى ..كشفن اسراروا...
العيون لو داروا...ما بيعرفوا يداروا..

[waya]

الرائع waya

تنطق دررا

تسلم يا غالي

تسلم يا عزيز ,,

وليك الأهداء

ليه بتسأل ؟
محمود سراج --------- إبراهيم عوض

جاي تسأل عنِّي تاني بعد ما شِلت الأماني
رُحت خليتني لزماني وإنت عارفو علياّ جاني
لو بتفتكر الليالي تداوي غُلبي
ولاّ تاني ترجع الأفراح لقلبي
إنت واهم يا حبيبي
دي اللّيالي أمرَّ ليّا من دمُوعي الفي عينيَّا
وكل لحظة تمُر عليَّا تنقص الأيام شويّة
تطفي شمعاتي القليله وأفضل أبكي وأقول حليلا
في الدموع أنا كُلِّ ليله أدفِن أَشواقي وحناني
من حياتك سرّ حياتي كُنت أجمل أُمنياتي
عهدي راح ما أظنو آتي وما فضل غير أُغنياتي
فيها بكتب ذكرياتي .......
مرة اضحك ومرة ابكي مرَّة اتحمّل أسايا
مرّة أهرب منُّه وأشكي وأعتبر حبِّك حكاية
عشت فيها بكُل روحي وإرتضيت سُهدي وجروحي
كُنت داري وكُنت دوحي وإنطفيت يا نور زماني

[waya]

بحبك

بحبك .. بحبك .. ما لا نهاية
واغنيك حنيني .. شوقي وهوايا
لأنك حبيبي .. وغاية رجايا

كتير في بعادك دهتني الليالي
أغالب دموعي .. واكابد ملالي
طريقي المنور .. خلاص اضحى خالي
تعال يا حبيبي .. صدودك كفاية

زرعنا المحنة .. رويناها شوقنا
وعايشين نأمل تقوم ترمي فوقنا
نسير في ضراها نسير لي شروقنا
نتوج حياتنا .. بأسعد نهاية

منامي المسهد .. يحل لعيونك
وشوقي المعذب .. يناشد حنينك
تحكم ضميرك .. وترحم ضنينك
فؤادي البحبك .. ما لا نهاية

[waya]

ندى القلعة

اصيلة ام ولدي


السمحة ام ولدي
دى السمحة ام ولدي بتشيل قفاي سندي
بتعيش معاي راضية الله الله كان عندي وما عندي
دى السمحة ام ولدي
الحسيسة العشورى السامية في شعورى
ماجابت ملامة الله الله وماقطعت الشورى
دى السمحة ام ولدي
الحسيسة الخدومة ماصارة قدومة
ست بيت منجرية الله الله احماها مذمومة
دى الرايقة ام ولدي
راضية بالعيشة كان كسرة كان عيشة
وان مافي ماقالت الله الله ياناس دي ماعيشا
دى السمحة ام ولدي
مامرقت من جوى وماسوت العوى
ماليها بفلانة الله الله وفلان عمل سوى
دى السمحة ام ولدي
حكامة كان فتا رباية كان متا
بتعيش وليداتا الله الله ماتجيهم الحتة
دى السمحة ام ولدي
كريمة يا بنية كان جو ضيوف مية
بالجود موجودة الله الله لو مافي بالنية
دى السمحة ام ولدي
ملساء ماغبشاء,ناعمة ماغبشاء,نايرة ما غبشاء
في راسي ماغدرت الله الله وما سوت الدوشة
دى السمحة ام ولدي
بتصلي صلوتا الخمسة في اوقاتا
مانامت بعشاها الله الله لا يوم صبح فاتا
دى السمحة ام ولدي
دى الرايقة ام ولدي
الاصيلة ام ولدي
حامدة ما جاحدة الله الله كان عندي وما عندي
دى السمحة ام ولدي

[waya]

أمير الحُسنْ


مِنْ صِحابك ومِنْ قرايبك يا حبيبي بَغير عليكـ
كُل من قال يا حبيبي إفتكرتو بِشـير إلـيكـ
وأيّ عاشق لو تغنَّى قلت لازم شـاف عينيكـ

كُنت تايه في بحور الشُّوق وأمواج الحنانْـ
قلبك إنت..حبّك إنت..ساقني لشاطئ الأمانْـ
والمحبّة يا حبيبة أقوى من قدْرْ الزمانْـ

يحسدُوني الناس في حبِّي كم عزولْ روّجْ إشَاعَة
إنتَ يا ربّ المحاسِنْ والبراءَةْ والوَداعَة
بي إشارة من جِفونكْ قلبي قالْ سمعاً وطاعةْ

يا أميرْ الحُسنْ لو تسمح ظروفكـ
كل ساعة ..
كل لحظة ..
كل يوم ..
مشتاق أشوفكــــ

[waya]

سالب فؤادي

سالب فؤادي و ما عليك
انا في جحيم مستاق اليك
يا من احبك و اصطفيك
انا لي روح مفتونه بيك
حلم الربيع من منظرك
و اسحر لكل من ينظرك
يا اسمى ايات الوجود
كل الخلوق تتشابه ليك
كل الجمال وهبوه ليك
وجعلو السحر في مغلتيك
خلقوك آيه من الجمال
رقه و رشاقه وطيب خصال
يا من بحبك اكتفيت
مقتول هواك
والجرحوني سهام عينيك
اتمنا امثل بين اديك
و تسالني عن اعجابي بيك
تلقاني مخلص في هواك
لم اوهب الحب لسواك
يا نور حياتي و دنيتي
ظلموي بلقالوهو ليك
ظلموني بلقالوهو ليك
ياحبيبي بالجابوهو ليك

[waya]

أهداء خاص

اربعة سنين

الموسيقار ,, محمد الأمين


اربعه سنين عاشهم الحب
الليله عيد ميلادهم ياقلب
وجدنا الحار زينة الدار
ابننا البار ابننا الحب
صونو يارب
اربعه سنين تجربه وزاد
مهرجانات حب واعياد
اشتياقات قلبى رياد
انفعالات ليها ابعاد
اربعه سنين عاشهم الحب
الليله عيد ميلادهم ياقلب
طفلنا الحب طفل من نار
طفل بعيش اغرب اطوار
يضحك الحان يبكى اشعار
يامر الناس يمشو
مشوار اربعه سنين
اربعه سنين عاشهم الحب
الليله عيد ميلادهم ياقلب

[محمد نعيم]

الطيب عبد الله


يا غالية
يا غالية يا نبع الحنان
يا حبيبو يا ست الحسان
انا حبي ليك فاق الظنون
واخلاصي باين وباقي مع الزمان
خليني جنبك ياحبيبة
قلبي مات ماتقولي الوداع
خليني انسى عذاب سنيني
قضيتو من هم وضياع
خليني اشعر بي وجودي
وانسى ايام الضياع
خليني احيا على امل
ولقياك لوك بالخداع
غصبا عني يا املي وحياتي
ولقيت خطاك سايقاني ليك
غصبا عني يا املي وحياتي
و قولي لخطاك طال سايلاهو ليه
نسيت مشاعري كل لي
برضو اللي في دمي بيسلم عليك
وحيات شبابي يا حبيبة
سعدي وشقاي انا بين ايديك
دايرك تكوني شريكة لي
واكون معاك واخلص اليك
دايرك تكوني شريكة لي
واكون معاك واخلص حبيب
يا غالية يا نبع الحنان
يا حبيبو يا ست الحسان

[waya]

مافى حتى رساله واحده

بها اتصبر شويه
والوعد بناتنا انك كل يوم تكتب الى
هل يجوز والغربه حارة
بالخطاب تبخل على
لما اخر مرة شفتك قبل ما اودع واغادر
كنت حاسس انى خايف
انى متردد وحاير
داير اتصبر امامك
داير اضحك ما نى قادر
بس دموعك لما فاضت ضيعت صبرى الشويه
وصحت موعدنا الرسايل
وين رسايلك
وين كتاباتك الى
صرت بعدك يا حبيبى ذرة فى بحر الزمن
بعت للالام مواهبى
بعتها بابخس ثمن
وحشه ما بتعرف رسايل
غربه عن ارض الوطن
بس امل واحد بعيشو
لو رسالة تصل الى
بها اطمن عليكم
حرام .. تبخل على

[waya]

قصتنا

.....بالمعزه البينا ...........
بالهوى العيشناهو خمسه سنين ومات
بالعذاب الشفتو والسر الكتمتو
وباقى الطيبات
استحلفك تترك سبيلى
وسيبنى واحضن اماسى وابكى الزكريات
انا بى حنانى القاك واصطفيك
وحبيتك بكل جوانحى العميقه
انا شلت من اجلك هموم الدنيا
اهديتنى من جراحها بكل طيبه
لسعادتك انت انا ضحيت
واتغربت ماخليت طريقه
فى مسيرى المضنى
من اجل الحقيقه
كل طائر مرتحل
عبر البحر قاصد الاهل
حملتو اشواقى الدفيقه
ليك يا حبيب للوطن
لترابو لرمالو للدار الوريقه
لكن حنانك لليا
او حتى مشاعرك نحوى
ماكانت حقيقه كانت وهم
كانت دموع مزبوحه باحرف انيقه
ما باييدى لو ضباب الغيره اعمانى
وزيف لى الحقيقه
انت نبع حنانى انت كيانى
انت الدنيا بهجة وشروقا
وانحصل زلت خطاى معاك
او ضلت طريقا
هل تصدق تنتهى قصتنا
يا اجمل حقيقه
نحنا عشناها بدموعنا
وبالضنا فى كل دقيقه
ياحبيبى لم تزل قصتنا
قصة حب اقوى من الحقيقه

[waya]

كانت لنا أيام
في قلبي ذكراها
ما زلت أطراها
يا ليتنا عدنا .. أو عادت الأيام

إن أنسى ما أنسى
ذكراك يا سلمى
في وكرنا المهجور
والصمت قد عم
تحلو لنا الشكوى
والحب والنجوى
لن أنسى نجواكي
والهمسة والبسمة
وحرارة الأنفاس
في قبلتي لما
ضمتك يمنايا
يا سعد دنياي
وغفوتي في صدري
نشوانة بالأحلام

كيف أنسى أيامي
وفكرتي الكبرى
يا وحي إلهامي
أنا عمت بالذكرى
ذكرى لياليكي
في خدر واديكي
الليل أهواه
في شعرك الناعم
لكن تباعدنا
دهرا وما عدنا
للوكر يا سلمى
أو عادت الأيام
أو عادت الأيام

[waya]

كلمتي المست غرورك

أعيش في ظلمة وانت صباحي
إنت طبيبي أموت بجراحي
في شعري رفعتك أسمي مكانة
يا الجازيتني بكسر جناحي

عرفت الحب وفاء وإخلاص ...
حنان ووداد ورود وسلام ...
وعشته معاك ليالي جميله
ليالي حنيه كالأنسام

كنت معاي
ولسه معاي في أحلامي وفي الأوهام
وتخاصمني عشان بس كلمة
وأحلي قصائدي نظمتها فيك
نظمت في لونك أجمل أغاني
نظمت في شعرك في عينيك
وفي بسماتك وفي نظراتك في أنفاسك في خديك
كلو نسيتو وما نسيت كلمه
في لحظة يأس أنا قلتها ليك

ولو في الكلمه أنا غلطان
ياما أنا خطيت وغلطته
ياما قلته كلام جرحني
ياما قلته وياما قلته ....
وكم أدميت بكلمه فؤادي
علشان خاطرك إستحملت
عشان بهواك بشوفها رقيقه
كلامات جارحه بيها نطقته

كلمتي المست غرورك وفرقتنا يا حبيبي
مش خلاص كفرت عنها بي تسهدي وبي نحيبي
ودي اليالي المره عشتها وحدي في ناري ولهيبي
وبرضو ما رضيان تسامح يا صباحي ويا طبيبي

[صائغ الحروف]

مافى حتى رساله
واحده بيها اتصبر شويه
والوعد بيناتنا انك
كل يو م
تكتب الى
ياسلام ياوايا
هيجت فينا شجون
الجابرى الله يرحمه

[moneer_salah]

بعــــد الفـــــراق

بعد الفراق ما عدت تاني تهمنا

إيه الحصل تكتب جواب مضمونه انت تذمنا

ما قلت في ساعة الوداع مافي أمل ح يلمنا

اخترت إنت طريق طويل سكتنا ما زي سكتك

لابس المظاهر والغرور في نص الطريق بنزلك

إيه الحصل تكتب جواب وعايزنا نحن نقدرك

ما قلت في ساعة الوداع إنت النجوم وايدينا ما بتحصلك

إنحنا ما درنا الفراق والله ما درنا الفراق البيه جيت فاجأتنا

عايشين علي ريدك سنين في لحظة جيت بس خنتنا

إيه الحصل تكتب جواب عايز نواصل ودنا

ما قلت في ساعة الوداع مافي أمل حيلمنا

بعد الفراق