طيب الكلمه دي معناها شنو ؟؟؟؟؟

[الفرح المهاجر]

3-
بت الجيران ما بتشاف جمالها الا بعد العرس

[الفرح المهاجر]

طيب هاكم ديل مع التفسير
أبيت
ارفض تنطق بتخفيف ومد خفيف للياء abait وتقال للتعبير عن رفض القيام بعمل
.اتغابى العِرْفَة
ادعى عدم معرفتنا المسبقة وتقال غالبا في اللوم عندما يتجاهل احد الآخر بادعاء انه لا يذكره، أو انه لم يلتق به من قبل
أجي!غير معقول، أو غير مقبول تعبير عن الدهشة، أو الاستياء .
بوش
فتة الفول أكلة مشهورة بين الطلاب والموظفين، حيث يجتمع الطلاب في مجموعات تاكل كل مجموعة في صحن كبير كميات من الخبز المقطع المبلل بماء الفول،والعديد من المحسنات من قبيل الطعمية، والدكوة، والبهارات...الخ
تِبِش
نوع من الخضراوات يشبه البطيخ الصغير وطعمه اقرب ما يكون للخيار يأكله تلاميذ المدارس الليمون والشطة ويضرب للتمثيل على بنية العضلات فيقال (عضلات تبش) أي قوي البنية (ملحوظة: قلّ استعمال هذا التشبيه إلى حد بعيد)
تفتيحة
أي الشخص الذي يعرف الكثير، أو تعبير عن النباهة والقدرة على التصرف في كل المواقف الصعبة.
تشكس
تعريب لكلمة chicks أي الفتيات
(تعبير شائع يطلق غالبا على الصديقة ****friend ، كما ويطلق على الصديق الشخصي boyfriend. )

تمبوش
الشيء الصغير تعبير عن صغر شيء أو شخص وتستعمل لتدليل الأطفال غالباً

تنشن
توتر أصلها كلمة tension، فيوصف شخص أو جو في مكان بأنه مِتَنشِن، أي متوتر
جرتق
عادة عرس تقليدية يرتدي فيها العريسانالملابس التقليدية وتعرف بالجدلة ويحضرها النساء فقط من أهليهما، نظرا لطبيعة الملابس التي ترتديها العروس. وتصاحب دائما عادة رقيص العروس وهي رقصات تقوم بهاالعروس أمام الأهل وأمام زوجها فقط تعتمد على حركات جسدية تحتاج إلى مرونة وليونةعالية، وعادة ما تتدرب العروس السودانية لفترة غير قصيرة على هذه الرقصات وتعرف التي تقوم بتدريب العروس باسم (العلامة)، وهي مهنة تدر ربحا لا بأس به، لكنها للنساء فقط!! (ملحوظة: يعد من قلة الذوق أو حتى من سوء الأدب أن يتحدث الرجال فيمثل هذه الموضوعات)
جقلب
أي غير رايه وتعبر غالباعن شخص غير رايه في موضوع بعد أن تبين له انه سيخسره، أو أكثر التذمر.
جهجه
أربَك، ويقال زول مجهجه في وصف الشخص المتردد، وجهجه أي اصابه بحالة من الارتباك وعدم التحديد

[ملاك الورد]

محاولاتي :

- القرتقيق معناها وحيد القرن







- مورودة (محمومة )
- تعوس عواسه ... للكسرة ... اكلة سودانية
- تصوط ... للعصيده ... برضو اكلة سودانية

القراصه بعملوها عادي و لكن بإستخدام الصاج ,,,, حديده دائرية الشكل سكيمة توضع على النار للطبخ

[ملاك الورد]

كتر خيرك الفرح ما قصرت و الله و نورنا دووووووووم

-- - - - - - - - - - - - -

كلمات نريد معناها .. (كركب , خمج , تلتله , كورك ,لا تنجع , مكعوج , كراع , طربيزه , كانون )

طبعا الكلمات دي قريتها من مشاركات الفرح المهاجر و بنت النيل و مستنيه الشرح

الدواية , للاسبتالية , الدوكة ,
>> " ناولني قزازة زيت السمسم دي الاجقم لي منها جقمة " ... كلمة اجقم تعني ...
>>"دايرة اخفس لى خفسة " ... كلمة خفسة تعني ....

عايزين الضراع يفسرها ... عدم .. التوج ... العزوبيه

[بنت العمدة]

يعنى شنو عربية ماشة بزيت مصافى ؟؟؟؟؟؟؟؟؟
اصلو يوم واحد عجوز قال لينا انتو شباب الزمن ده عاملين زى عربية ماشة بزيت مصافى.

[ود الخير]

والله بوست ميه ميه
يا ربى انا جيت قبل هنا ولى لا
لاكن بجيكم

[بعد الزمن]

التغابة معناها شنوا ....................؟؟؟

[ملاك الورد]

[frame="7 80"]

والله بوست حلو ومفيد يا بت

كركب = بشتنه او غير مرتب او غير منظم
خمج = اسراف او ازيد من اللزوم
تلتله = جهجها او تعب
كورك = صياح او نويح
لا تنجع = $$$$$$$$$$$$ لا ادرى
مكعوج = ملولو او غير عديل
كراع = رجل او قدم
طربيزه = طاوله
كانون = موقد نار او منقد
الدواية = قزازة الدواء او علبة الدواء
للاسبتالية = المستشفى او المركز الصحى
جقم = جرعه
خفسة = طلعه او خرجه بمعنى خروج
وين مولدين انتو عشان تسالو الاسئله دى
ديل اساسيات السودان الماعارفه يجيب ليه معجم
عشان لو رجع السودان كده بهستر من كثرت الضحك عليه

[/frame]

مشكورين كتيييييييييير بعد الزمن و هندسسسسسه و ما وراء بسمتي لى المرور في البوست

يسلمو كتيييير اخت رحوبه على المرور و الاطلاله المفيده و نتمنى تنورينا دوم يا رب

# خربشه ... مولودين في ادغال الديجيتال


ميآآآو ...

[ذكرى الجراح]

موضوع جميل وراقي يديك العافيه

[الدهمشي]

قمر فيزيائى معناها شنو؟؟؟

[ملاك الورد]

بكرة بجي اخربشها ليك اقصد اترجمها

يلا تصبحوا على خيييير

[رغودة]

كلمة دواية لو ماغلطانة مش محبرة بتاعت الحبر؟

ولا تنجع على ما اظن ماتحزن وتيأس

[الدهمشي]

بكرة بجي اخربشها ليك اقصد اترجمها

يلا تصبحوا على خيييير

بكره جاااات الترجمة وين

[الشمالي]

كلمة دواية لو ماغلطانة مش محبرة بتاعت الحبر؟

ولا تنجع على ما اظن ماتحزن وتيأس

صح ومية مية
بس مش محبرة الحبر العادي بل محبرة
تستخدمها الخلاوي للكتابة علي الواح
الخشب لحفظ القراءن
بس اعتقد تنجع دي بمعني (تزازي بالخلاء
اي تفز او تهرب)
والتقابة يااا بعد الزمن بالقاف وليس الغين
مكان توضع فيه نار في خلاوي تخفيظ
القران علي ضوئها يقراءون ويدرسون

كاااااااك

[الدهمشي]

كااااااااااك دى معناها شنو

[الشمالي]

كااااااااااك دى معناها شنو

كااااااااااااااااك دي صوت ديك بعد الزمن
ونستخدمها هنا استخدام مجازي من كترة
اكلنا للجداد والديوك ومشتقاتها في بلد الغربة
والعذابات الواحد لما بقي اكاااااكي
كااااااااااااك


انا عائز عصيد بملاح رووووب

غااااااااااااغ
ما تقول لي غااااغ معناها شنو ؟

دي شرقة سااااكت

[الدهمشي]

عارفك بتبلع سااااى مابتلوك كيفن ماتشرق

[الشمالي]

عارفك بتبلع سااااى مابتلوك كيفن ماتشرق

نبلع جب ونلفض النعلات

غااااااغ

[ملاك الورد]

[quote="ابو الصهيب"]بكره جاااات الترجمة وين[/quote]


انا بكرة بتاعتي جات يدووووووووب يا ابو صهيب

علم الفيزياء هو بفسر لينا حركة الاجسام ... يعني اي جسم يتحرك حركته بتدخل في علم الفيزياء
طبعا القمر باثر على البحر و بتخلي مويته تتحرك و يحصل ليه مد و جزر ... عنده قوة مغناطيسية بشد بيها الموية
طيب العلماء قالوا انه الانسان بتكون 70% من الماء معناته ممكن بتأثر بالقمر و قوة شدة

يلا حركة الموية المد و الجزر دي فيزياء ... سببها شنو الحركة دي سببها القمر
عشان كده سمو العلم ده فيزياء القمر
و لاحظوا انه طبع الانسان بتغير من اول الشهر و اوسطة و آخره و ده بسبب مكان وجود القمر
في نص الشهر الهجري بتكون قوة القمر المغناطسية في قمتها و بتأثر على جزيئات الماء في جسم الانسان لدرجة انه التأثير بصل للدماغ و اسلوب تصرفات الانسان و طبعه

و لاحظوا في امريكا انه اكتر وقت تكتر فيه الجرايم هو نص الشهر القمري
حتى الرسول الكريم (صلى الله عليه و سلم) وصى بصيام الايام البيض ... بيض لشدة توهج القمر بها
عشان الصيام برتب و بنظم طاقة الانسان

فسبحان الله


# خربشة ... اصابعي اتكسروا من الكتابة

[ملاك الورد]

[quote="رغودة"]كلمة دواية لو ماغلطانة مش محبرة بتاعت الحبر؟

ولا تنجع على ما اظن ماتحزن وتيأس [/quote]


رووعه يا رغوده يسلموووو على المشاركة الحلوه و اتمنى تجي تترجمي لينا اكتر و اكتر

#خربشة ... و انا القايلاكي حنكوشة




[quote="الشمّالي"]

صح ومية مية
بس مش محبرة الحبر العادي بل محبرة تستخدمها الخلاوي للكتابة علي الواح الخشب لحفظ القراءن
بس اعتقد تنجع دي بمعني (تزازي بالخلاء اي تفز او تهرب)
والتقابة يااا بعد الزمن بالقاف وليس الغين مكان توضع فيه نار في خلاوي تخفيظ القران علي ضوئها يقراءون ويدرسون
كاااااااك[/quote]

يسلموووووووو الشمّالي جيت اكدت لينا كلام رغودة كنا ما متأكدين صح ولا غلط
ما قصدي شي يا رغودة


# خربشة ..
كااااااااك دي صوت الديك لمن يكاكي مع الصباح و يصحي الناس من النوم
غاااااااغ دي صوت الغراب لمن يكون ما عنده موضوع ,,, هو اصلا طوالي ما عنده موضوع
بااااع دي صوت الغنمه و الخرفان و الضان و الماعز و النعجة لمن تكون مبسوطة

و أكيد عارفين [fot1]ميآآآآو[/fot1] يعني شنو