منتدى أنا سوداني

سؤال في محله ؟؟؟ بس الناس عنده قسميين : لا عودة ــ (لا زيارة من سنيين وخاصة مواليد الغربة يخاف من أسم السودان والسوداني ) ــ بسبب رداءت الحال هنا وهناك بلاد الغربة ميسورة بالصدقات // وجوب العودة العاجلة // قسمين : واحد عائد حتى ولو معدوم ( مرّ بلدنا ولا عسل الناس ). وآخر ساعي للقمة العيش فقط ومكرر الزيارة حتى يكتب له الاستقرار القريب ( وطني مرتع أجدادي ومشهد صبيا وين ما أكون اتمنى تربتي فيه تكون )

ههههههههههههههههههههههههههههههههههههههههه

الاخوة الحبايب .... لكم تحياتي وانا امر بهذا البوست وقد جزبني هذا الموضوع الشيق وهو المغتربين وهم الرجوع من بئر الغربة القاتل ... فالغربة جد مرة وكل زول لم يعيش هذه التجربة بالكاد لايعرف الخوض والنقاش فيها فهنا اخوتي الغربة مرض عضال يتربص بكل ماهو مغادر من بلاده ويري سنون عمره تلأشت امام عينيه وهو في تلك الغربة اللعينة ولكن كل انسان له ظرف خاص جعلة غصبا عنه محكوما عليه بمفارقة اوطانه لان متطلبات الحياة اصبحت صعبة والمغترب في سفره كان يحلم بقضاء سنة او بالكتير سنتين والرجوع الي دياره ويستقر يعني بالبلدي كدا يلم ليه قرشين يصلح بيها حالو هذا في بال كل مغترب ولكن انقلب الحال عليهم وانا اجزم من هذا المكان بان كل مغترب سافر ورحل لم يحقق طموحاته التي جاء من اجلها ... ولكنه رضي بالمصير واصبح اداءة نفع للاخرين فقط ( هات المصاريف .... ابني البيت .... الولد دائر يقراء .... فلان داك عيان .... وداك ما عارف مالو والبت كبرت عايز الزواج ... ويرجع تاني من الاول الحوش السيل شالو ) يعني بالواضح كدا المغترب في دوامة من اول يوم سافر فيه لحدي رجوعو الي بلادو دا لو رجع من اصلو ... يعني يااواخونا المغتربين ديل تعبانبن سااااااكت في الفاضي .

اولا احب ان اوضح شي جميع الاخوه المغتربين خرجوا من السوداب بسب كسب الرزق ورفع المستوى المعيشي وقد يكون بسبب المضايقات من قبل الحكومة وعدم توفر فرص وظيفية ولو توفرت قد يكون المرتب لايكفي حق المواصلات ، اي شخص مغترب تسالو عندك نيه ترجع اقوليك والله بكره دي لو لقيت طريقه برجع نهائي بس جواهو مقتنع لو رجع السودان وحتى لو جمع حصاد غربتو حيبدا من الصفر وده سبب خوف الاخوان المغتربين كلهم وانا في اعتقادي انو اي مغترب لن يرجع السودان الا في حالات اولا ان يوقف من العمل نهائيا او بسبب عله صحية ( يعني عايز اموت بين اهلو)

و بعدين في ناس مغتربين كتير بكون ما دايرين يرجعوا عشان هم دايرين كدة و قرفانين من كونهم سودانين و دايرين يتبروا من جنسيتهم باي طريقة و ما عارفين حاجة عن السودان و لمن تسالهم عن جنسياتهم يردوا بي زهج و قرف و ديل كمية كبيرة يعني ما شوية حسبي الله و نعم الوكيل

مهما يطول البعد عنك ما استغني يا بلدي قلبي ينبض بحبك يا سودان

نيلك ارضك ناسك اصلك فرعك
بحبك من ما قمت بحبك حتى الان
بحـــــــــــبك ياسودان :


اكيد بنحلم بالرجوع وبنتمني يتحقق الحاــم الفرحة تزغرد والبهجة تعم كل الاهل والاحباب المشتاقيين ليهم شديد

طبعا فى نيه كبيرة نرجع السودان

يسلموووووووووووووووو

الصرآحة انا مغتربة ...وعايشة في البحرين
لكين كل سنة او بالكتير سنتين ...بنسافر للسودآن ...
لكن انا دايما بكون مشتآقة للسودآن كتيـــــر....
والصرآحهـ بلد...احلى ..واروع..واجمل ...من السودان انا ما شفتا في حياتي

عموما شكرا على الموضوع الرائع يا سارونا

]بسم الله الرحمن الرحيم

اللهم صل على محمد وعلى آله وصحبه أجمعين
السلام عليكم ورحمة الله وبركاته
:)
اهلا وسهلا...
كيف حالكم ان شا الله طيبين...
لجميع المغتربين هل لكم رغبة او نية في العودة والاقامة في السودان؟؟!!

مهما كانت اجابتكم فما السبب وما هي البلد التي تقيمون فيها الان...؟؟؟

عايزة تفاعل لو سمحتوا ومشاركة وردود.
يلا سلام باي باي.

أخوتى وابنائى وبناتى تحية طيبة
الموضوع جميل ويحتاج الى صدق للتحدث فيه ويقودنى بداية بنفسى ومن حولى لى فى بلاد الغربة
اكثر من ثلاثة عقود والحمد لله ميسور الحال وذلك بفضل ربى وكبرت ووهن الجسم لم اغب عن السودان رغم وفاة الوالد والوالدة حاولت الرجوع وذهبت لابدأ هناك عمل اشغل به نفسى ويعم الخير لى والى ابناء وطنى بدأت فى استخراج الاوراق ولكن حسبى الله ونعم الوكيل الكل عايز ياخد بدون وجه حق الرشوه والفساد والطمع والقلع وبعلم الجميع ومن الكل لاحياء ولاخوف من الله عدت راجع للغربة فارغ ضحك منى ابنائى وبناتى وزوجتى لقد ضيعت الكثير وهربت حتى لااضيع دينى .
وقد قال لى صديق حكيم من بلد اخر قول ( ياخوى نحن طيلة الحكى بأسم الدين ولكن جماعتك بلعبوا بالدين ) أسال الله انيعدل الحال ويكونو جماعة الحكومه شبعوا ويعرفوا ربنا بحق وان يكون السودان للسودانيين لافرق بينهم واقول لابنائى السودان جميل نحبه نتمنى ان نراه سودان الجميع
لكم تحياتى

بسم الله

انا بحب السودان ومشتاق للسودان
ومتمني اروح السودان
بس ما اطول في السودان



حتي في السودان في الصالح وفي الطالح
والله في الغربه بتحصل حاجات غربيه
انا والله ماكنت بصدق سوداني يحقد علي سوداني بالطريقه دي
والله وصلت لي درجة انو ممكن
عندي قصه صغيره واقعيه
مره كنت مع احد اصدقائ
ورن التلفون
الو مرحبا
البدايه واضحه
شنو يازول اخبارك شنو مشتاقين
عامل كيف مع السغل
والله انا صلت ليك علي خدمه
ودايرين محاسب
وانا حكيت ليهم عنك وقالوا خلاص خليهو يتصل علينا
وصديقي كان يخدم في شركه
قاليهم باهي خلاص انا حرجع ليكم بيتلفون
اوكي يلا باي
وانتهت المكالمه
انا شخصيا فرت لانو في حد سوداني بدور لي صديقوا علي وظيفه
اتخيلو شين قالي صحبي ؟؟؟؟؟؟؟؟؟؟؟؟؟


قالي دول اتفه السودانين
وهم عطاله يقولو ليك كدا علشان تسيب الشغل الانت فيه
وفي النهايه تطلع هظار او ما يصير من الخدمه او ما تتفقوا في المرتب مع انو سيب الشغل الي كان فيهو


والله انا كرهت حاجات كتيره
وقلت سبحان الله دي الغربه لمت













والله بحب السودان والسودانين المثقفين

تقبلوا تحياتي
ومروري

السلام عليكم ورحمة الله تعالى وبركته
أكيد كل زول عايز يرجع السودان اولهم أنا اليوم قبل بكره
لكن اعمل اه مل القسمه إختارة وكل الناس حاكماها ظروف

بلادى أنا بلاد ناسا بكرم الضيف حتى الطير بجيها جيعان ومن اطراف تقيهاشبع

بسم الله الرحمن الرحيم
والصلاة والسلام على اشرف الانبياء والمرسلين

حيــــــــــــــــــــــــــــــــــــــــــــــــــــاكم حيــــــــــــــــــــــــــــــــــــــــــــاكم

باعتقادي نحن ما بصدد انو هل نحن((دايرين)) نرجع السودان
بل نحن بصدد هل السودان((دايرنا)) نرجع

الشــــــــــــــــوق لبلدي ليس كلام يقال بلساني
بل دم يجري في دمــــــــــــــــــــــــــــــــــي

فعلا و طبعا نفسي امشي السودان لانو السودان و طني العزيز و نفسي ازور اهلي و اصحابي
و كل ما اكنو ماشة منو زي كأني بعدت عن امي امي الحبيبة اللي ما بقدر استغنى عنها
و نفسي انو اشوف اهلي دائما و اقعد جمب نيل السودان زي ما تعودت
يا الله ما في احلى من البلد و من نيلها و ترابها

شكرا على الموضوع الجميل

سلام
شنو انتوا ناس ليبيا الموضوع دا شاملهم ولا شنو
لانو مافيش حد واحد علق .
شكلوا الوضع عاجبهم ولا ما عندهم حق الركابات ...
والله انا عايش في ليبيا و عمري ما شوفتا لي ناس بالشكل دا
اتخيلوا انوا ماخدين راحتهم تقول ما فضل ليهم الا الجنسية ..
ولو شوفتوا البسوا فيهم الليبين ... تستغربو ا
ديل ما حاسبننا ناس اصلا ..
وخلي واحد ينكر ...
انا شخصيا لو ربنا حيانا كم باك تو زا سودان .....