هل اولاد المغتربين حناكيش؟؟؟؟؟ ادونا رأيكم...!!

[al3soola]

مش اي زول مغترب مابيشوف الشمس الخميس والجمعة في ناس مغتربين دايما بيمرقو بالنسبة للحنكشة احنا بنكون لسه ما اتأقلمنا هناك ففي حاجات مابنعملا بيقولو حناااااكيش

[al3soola]

ياجماعه انا عايزاكم توروني رايكم شنو في الكلام القولتو

[محمد حيدر]

السلام عليكم ورحمة الله وبركاته
الاخ صلاح الشكر كل الشكر على موضوعك الشيق
فعلا فى السودان فى حناكيش بس عاوز اوضح حاجة
انو الحناكيش ليس اولاد المغتربين بالزات اولاد الخرطوم
برضو فيهم الحناكيش
انا حاليا مغترب وشايف اولاد البلد دى ماحناكيش
وللة الحمد

[m!ss Sudan]

لا ما حناكيث ولا حناكيث

لا بالجد فيهم الحانكيش وفيهم السودانيييييين الأصلييين


ويسلمووو ع الموضووووع

[مهيار محمود احمد]

اولا قبال كل شي انا مغترب واتغربت كتير ورحت علي لبنان وهلا بدبي سوداني مية بالمية هل انا اتغربت عن اهلي معني هادة اني اتغربت عن شخصيتي كونو انا سوداني بالتاكيد لا ثم لا فهم السودانيين لي ناس الشهادة العربية والمغتربين خاطي بدرجة غريبة لكن زي مابقولو الفهم قسم مافي شي اسمو حناكيش جناكيش كيف الله قسم واردا بيهم يتغربو لو انت كنت في مكانهم كنت شو ارح تسوي ؟ جاوب علي السؤال دة وانا راح اكمل ليك الباقي؟ كن بخير

[soliyaa]

براحة براحة .........

انا مغتربة زي دلوعة عمان بس في الامارات

لكن اصلي ما بعرف الاحنكشة ...

و كان شوفت زول بتحنكش بتفجر من الضحك على ضريقة كلامو ...

ما كل المغتربيين حناكيش

[روعه]

صباح الخيرانا من السعوديه يعني مغتربه وفي حياتي ما شفت السودان وعمري الان 19 بس بيحكو لي عنو انا عن نفسي ماحنكوشه بتصرف كويس حتى مع اهلنا من السودانوانا شاركت جديد في المنتدى فبحب اتعرف على المشاركين وشكرا

[بلدي]

بصراحة المغتربين ماحناكيش انا مغترب لاكن الظروف

[إيريل]

لا ماحناكيش أبداً

[دلوعة و لن أتنازل]

و الله حرام عليكم اولاد المغتربين ما حناكيش ما كلهم

[عطا]

مغترب ماحنكوش مهم طال الغياب مستحيل اكون؟؟؟؟؟؟؟؟ يعنى كل شخص على ماترب عليه
وانا سودانى ولو ماكنت سودانى لتمنية ان اكون سودانى

[مصطفى التهامي]

تقبلوا خالص تحياتي
أخوكمالصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
السلام عليكم ورحمة الله وبركاته
بسم الله الرحمن الرحيم
اولاد المغتربين الذين ولدوا فى بلاد المهجر لهم طقوس تختلف وعادات مكتسبه نراها نحن ونحكم عليها بال حنكشه
اخوتى اخواتى
المثل السودانى يقول /الطبيعة جبل
والطبع يغلب التطبع
ومن
شب على شئ شاب عليه
نرجو الابهات والامهات تعويد الابناء والبنات عاداتنا السودانية
بطريقة مقبولة لاتنفره من السودان ونحن بدورنا فى مدينة الاحساء السعودية
قمنا بهذا الدور جديا من خلال (المنتدى القومى الثقافى السودانى )
ولدينا نخبة مختارة من الادباء والشعراء والموسيقيين والفنانين
من يريد التجربة نحن مستعدون (كل يخدم الوطن من موقعه)

[شعاع الشمس]

بصراحه الموضوع جميل وهادف بشكرك عليه

وانا في كتير من المواقف ومن كزا شخص سمعته الكلمه دي

وبتغيظ يعني يجو ماشين بيجمبك يقولو ليك شوف الحنكوشه دي تعال منها جاي

يعني ما أي زول مغترب حنكوش ودا مفهوم غلط بحسه بقى زي الإسم مقترب بالمغترب

يعني هم عاشو برا وإتكيفو مع طريقة وانماط العيش البرا وماغلطهم إذا كانو مابتحملو التعب لأنهم

معودين على الراحه وكمان ما ذنبهم إنهم إتربو كدا

ودمتم بود

[رومانسية ودائما منسية]

انا عضوة جديدة في المنتدى والموضوع شدانى بس ان اقول ان كل مفا هيم السودانين عن المغتربين خاطئ بس احنا علي حسب المجتمع والبيئة العايشين فيها وانا من الامارات

[ديمة]

لا طبعا المغتربين ما كلهم حناكيش يعني في ناس بعيشوا في السودان وحناكيش

[ضياء الروووح]

السلام عليكم والله يا جماعه ظلمتونا بس ممكن يكون في بعض التصرفات ما طوالي كدا حناكيش في حاجات كدا نحنا بنشوفها لاول مره فبنتفاجى من الموقف بس لاكن والله ما حناكيش وتقبل مروري

[راجية الجنة]

السلام عليكم

/ همهم الدراسة فى الهند ولمن تجيب ليهو سيرت السودان يقول.......

بالعكس في سودانيين بيدرسو في الهند ومعتزيين ببلدهم كتيييير ما بيقولو لا بابا ولا لماما
امي وابوي عادي همهم الوحيد الدراسة ويرجعو لبلدهم بشهادة

[الهندي]

((الحنكوش / الحنكوشة هو ذلك الززززززوووول الذى لم يذق طعم البشتنه فى حياته الدنيا ..
ولم يتمتع بمذاق الشلهتة فى مدافرات مواصلات الكلاكلة القبة ...
ولم يستمتع بسكن رواكيب الحاج يوسف التى تقى حرارة الشمس ولا تغنى عن زمهرير الشتاء ..
وقضى جميع مراحله التعليمية فى المدارس غير الحكومية ذات الطوابق المتعددة
والبلدان العربية ذات الرفاهية المطلقة.. والمكيفات ذات الهمبريب الضاغط ...
ولم يشرب من المياه سوى المياه الصحية ))

صفات الحناكيش:-

الحناكيش ناس (بابــــــــا) و (مامـــــــا) وناس ال (جلكسي جواهر) و (البيرقر الجامبو)
وناس (أحواض السباحة) و (لعب البلياردو) وناس (عمرو دياب) و (نانسي عجرم) ...

طيب ياجماعه لفيت الدنيا كلها وافتش عن معني المصطلح ( الحناكيش ) ولقيت الناس كلها متفقه
علي التعريف اعلاه !!

طيب ماعندهم ذنب الناس ديل سوي انهم ظروفهم خلتهم يتغربو بعيد من السودان
ويكونو مسجونين في شقه ومايشوفو الشمس الا الخميس والجمعه ..

طيب ده مش عذاب سجن وغربه الناس تعمل شنو وماعندها موضوع غير التلفزيون

ولانو تلفزيون السودان مامشجع خاصه انو كلو اتفاقية السلام وموجهات السلام
بالتالي تبداء رحلة البحث عن قنوات افضل ووووووووووووو
ووولى عودة...!

مع تحياتى

مشكوووور على الموضوووع الجميل دا

لندلف فيما أدى إلي حنكشة أولاد المغتربين وما شابههم من أبناء وبنات الغابات الاسمنتية الخرطومية،، وما قلدهم من شاكلة أمبدات والكلاكلة والتكيلات،،، وما ماثلهم من بقية الولايات..
1/ الحنكشة الوراثية
ودي بتنتج من الاب والام والحبوبة والجد ..الاب الصوري في البيت دا يؤدي الي خللل في السلطة وبتكون المدام هي الحاكمة ((وزييير الداخلية )) بقووووم بي كل المهام بما فيها من جعل الولد كأخته بلبسو سوا وعجن في الفارغ (((الام حنكووووشة حا يكون أولادو شنو)))إذا كان رب البيت بالدف ضارب ...فشيمت أهل الببيت الرقص والطرب
2/ الحنكشة الاصطناعية
والنوووع دا بينتج من تقليد الاولاد لي اصحابهم الحناكيش من المدرسة والشارع والتلفزيووون وما شابهه من وسائل اتصال خارجي.
3/ الحنكشة البوووبارية
وهذا النوووع بينتج من نسوان المغتربين في تربية بناتن وأولادن تأسيا بالاقارب او الجيران من السودان نسبة لأن داء الحنكشة مصدرة الأغنياء وعليه يصبح الولد أو اختو حناكيش تقليديين ((بوباريين))

ولك من خالص والود

[السودانى الاصيل]

مشكوووور على الموضوووع الجميل دا

لندلف فيما أدى إلي حنكشة أولاد المغتربين وما شابههم من أبناء وبنات الغابات الاسمنتية الخرطومية،، وما قلدهم من شاكلة أمبدات والكلاكلة والتكيلات،،، وما ماثلهم من بقية الولايات..
1/ الحنكشة الوراثية
ودي بتنتج من الاب والام والحبوبة والجد ..الاب الصوري في البيت دا يؤدي الي خللل في السلطة وبتكون المدام هي الحاكمة ((وزييير الداخلية )) بقووووم بي كل المهام بما فيها من جعل الولد كأخته بلبسو سوا وعجن في الفارغ (((الام حنكووووشة حا يكون أولادو شنو)))إذا كان رب البيت بالدف ضارب ...فشيمت أهل الببيت الرقص والطرب
2/ الحنكشة الاصطناعية
والنوووع دا بينتج من تقليد الاولاد لي اصحابهم الحناكيش من المدرسة والشارع والتلفزيووون وما شابهه من وسائل اتصال خارجي.
3/ الحنكشة البوووبارية
وهذا النوووع بينتج من نسوان المغتربين في تربية بناتن وأولادن تأسيا بالاقارب او الجيران من السودان نسبة لأن داء الحنكشة مصدرة الأغنياء وعليه يصبح الولد أو اختو حناكيش تقليديين ((بوباريين))

ولك من خالص والود

والله يا الهندى ما قصرت عديييييييييل

تعريف شامل كامل
انت كنت حنكوش ولا شنوو ؟؟؟


بالنسبه لاولاد المغتربين ما كلهم بعضهم عندهم بعض الحركات
المايعه شويه والكلام البتدخل فيهو كلمات غير سودانيه
مما يجعل ناس اخوك انا اصنفوهم حناكيش

[EMBR@$H]

لا ما حناكيث ولا حناكيث

الزول يظل زول حتى بالظروف الصعبه مايانفع تقول عنيه حناكيش
لا بالجد فيهم الحانكيش وفيهم السودانيييييين الأصلييين
وهذا يعتمد على تربيتو

ويسلمووو ع الموضووووع