همس القوافى

[مها]

[grade="00008b ff6347 008000 4b0082"]ورشفت من بين الزحام عبيرها,,
وتسابقت وثبات قلبي إثرها
وخفقت أجنحتي أحوم حولها
وأتيتها،,
وهممت أن أفضي لها بتلعثمي,,
وترددي،,
شوقا تخطي الاشتياق
وتلعثمت كتلعثمي,,
وترددت كترددي
ورحلت في عينين لا تخشي العناق
وجدٌ تفجر بيننا,,
شوق تحدي صمتنا
دمع ترقرق وائتلاق,,
وتعانقت أكواننا
وتشابكت أشعارنا، ,
وتعاتبت :
كيف ألتقينا صدفة بعد الفـــراق؟ [/grade]

اه يا انا...ويا وحدى
اننى امتشق ملامحك المتعبه
احفر السؤال
علنى استطيع فك طلسمة الوصول
الى حيز يجيز لى التسكع على ضفاف عينيك
انك تشهد احتراقى وانزوائى
على قصيده مصلوبه اسفل الحلق
تستلذ طعم الاحتراق
على ساحليك
اه يا هذا الذى تبعثر فى دمى
دس فى روحى شهيق المطر
وبلل احنحيازى اليك

[الضراع]

تاتيت الريد لامن دفق وخايفلو من الزمن الجاني
شيليه علي صدرك رأفة وختيه علي حنك تاني
حجيه حجا فاطني السمحي والفارس الروياها أغاني
وياما الأحباب يوم يبقو قراب الدنيا تزغرد من نشواني

[الضراع]

احلى مافي الكون عيونك واحلى من عينيك سروحها
يوم تغيب تسلب رويحتي ويوم تعيد لي روحي روحها
فيهن اتغـرب وأسافـر نفسـي تقبـل بـي نزوحهـا
ألقى جنة شوقي فيهن الحنان مشتـول فـي سوحهـا
داير اعيش فيهن وأفارق دنيـا كـان شاقينـي نوحهـا
وأنسـى ايامـي العصيبـة كـل آهاتهـا وجروحهـا
في عيونك كون بحالـو فيهـو أسـرار مـا بلوحهـا
كل ما اتمعنـت فيهـا فيهـا اشـواق بابـل بروحهـا
وأفضـل اتضـرع أمامـك رافـع اليـد اللحـوحـة
أملي يرقص فوق سوادن زي بريق ياخد لـو لوحـة
فيها كم شاهـدت واحـة الرمـوش ضالاهـا دوحـة
وفيها كل الدنيـا ترقـص بالطـرب ناسياهـا روحـة

[الضراع]

لو صحيح قاعد تريدو متلو كان الشوق براكا
وكت ما بتقدر تفارقو ذى ماهو دار يوت يراكا
ممتثل خاضع يقولك ياحبيب داير رضاكا
ليه نسيتو ورحت نايم عارفو وا سهرو ان طراكا

[الضراع]

من وين جيتي ولي وين ماشي ؟! قبل إذيك وكيف الحال
قبال تملي مدارك عقلي .. وتدخلي باب الخاطره سؤال
وتطلعي من أفكاري قصيده .. تندا أشواق عبر الأجيال
تروي فصول أياماً ضاعت .. وسر الريده الما ينقال

[مها]

تاتيت الريد لامن دفق وخايفلو من الزمن الجاني
شيليه علي صدرك رأفة وختيه علي حنك تاني
حجيه حجا فاطني السمحي والفارس الروياها أغاني
وياما الأحباب يوم يبقو قراب الدنيا تزغرد من نشواني

بينى وبينك الفكره وجمال الزكره
والنسيان وحسن الظن
ومشوار الحياة اليوماتى
مابين الجبل والسهل ما بين الصعب والسهل
لا هما تشيلو براك
ولا جرحا اعانى براى

[مها]

احلى مافي الكون عيونك واحلى من عينيك سروحها
يوم تغيب تسلب رويحتي ويوم تعيد لي روحي روحها
فيهن اتغـرب وأسافـر نفسـي تقبـل بـي نزوحهـا
ألقى جنة شوقي فيهن الحنان مشتـول فـي سوحهـا
داير اعيش فيهن وأفارق دنيـا كـان شاقينـي نوحهـا
وأنسـى ايامـي العصيبـة كـل آهاتهـا وجروحهـا
في عيونك كون بحالـو فيهـو أسـرار مـا بلوحهـا
كل ما اتمعنـت فيهـا فيهـا اشـواق بابـل بروحهـا
وأفضـل اتضـرع أمامـك رافـع اليـد اللحـوحـة
أملي يرقص فوق سوادن زي بريق ياخد لـو لوحـة
فيها كم شاهـدت واحـة الرمـوش ضالاهـا دوحـة
وفيها كل الدنيـا ترقـص بالطـرب ناسياهـا روحـة

برسم ليك ريد وهيام
وضى انوار بيدفق
يمسح لينا كل ضلام
وتبقى الفرحه ضل وارف
تظلل كل لحظه وحين
وتمشى على العديل والذين
نسامر ليلنا حب وحنين

[مها]

لو صحيح قاعد تريدو متلو كان الشوق براكا
وكت ما بتقدر تفارقو ذى ماهو دار يوت يراكا
ممتثل خاضع يقولك ياحبيب داير رضاكا
ليه نسيتو ورحت نايم عارفو وا سهرو ان طراكا

انت الضل وانت الكل
وانت السعد لما يطل
انت احزانى ورديه
وهمسة شوق فرايحيه
.......
ومنو البقدر على زعلك

[مها]

ياما وياما كتبتك خاطره
خاطره فى خاطر الريد العزرى
اتعذبت معاى فى الريده
منو البقبل غيرك عزرى

[مها]

لما الريد فى عيونك رف
وكسر الحاجز ورفع الكلفه
وفضح الشوق الكان متخبىء
بين همسات الشوق للضفه
وانت الكنت بتكتم سرو
ابحر بيك لا شراع لا دفه
وكانت ليله.........

[الضراع]

مهما جارت بـي ظروفى أو على ضاقت رحابك
وعـشتا فـى هامش حياتك لا حـسابك لا عتابك
يانى فـارش دربك اخضر فى إنتظار هيبة جنابك
تـلقى فـوق صـفحة جبينى الف مرحب بيك حبابك

[سماح البدرى]

نكر صوتك صداك

غالطنى الزمن فيك

شهرت على الجفاف وعدك

بطاقاتنا الخريفية

رجع فاضى الكلام مليان

معاك إتبرجت غيمة

وشهق جوايا صوت جدول

مرقت على المطر .. حفيان

لقيتك والرزاز .. مدخل

وناديتك :

أقيفى معاى

نشيل كتف الغنا .. الميّل

ونتخيل

حلم دونك بيتحقق

وقبلك خيل دماى .. واقفة على شريانى .. تتشهق

وعرف صوتك .. صداك ..

[لبيب]

[align=center]بحب الدنيا في عينيك
جمال عالم فتح للدنيا باب الريد
أمل للناس يحبوا الناس
جمال يسحر عقول الكل
وتسرح في سماك غيوم
تصب للدنيا احلى نشيد [/align][/size]

[مها]

مشكور يا ضل الشدره
الراقد فينا ممدد
متسرب فى جوانا
مضلل فينا هجير الاهة
ونار الفرقه مصيرا
تنوم فى الضل تتحدد
والنسمه العابره تحت
صفقاتك وتاويه تهز
رقراق الشدره
بتطفى النار تتخمد

[الضراع]

محمية القلب النزف دم عمرو من عمق الجراح
وشالك رسالة ريد نبيل محمولة فوق سن الرماح
لميت حروف اشعارى فيك زينتبن صدرك وشاح
دودرت حظى من الظروف سويتو من الخوف سلاح
متحدى سطان الزمن شاقق العتامير والبطاح
سايقنى حسك فى الخيال فوق التعب قلبى استراح
باريت سكة شوقى ليك فارد صبر أيوب جناح
خطواتى مابتعرف تخاف احساسى مابيعرف نواح

[مها]

يوم لمحتك قلت للذمن
انت لملم كل جراحك فوت مدارى
ويلا يا صبح البشائر
رسل الغيمات تظلل
لى ديارى
ما الغرام الكنت بخفى
الليله ما قادر .ادارى

[ود الزوحي]

عيوني سرحانة في منامك
ما أنت هيجت المشاعر ..
خليتها ديمة عليك بتسأل ..
في غيابك وفي إيابك ..
في شروقك وفي غروبك ..
وريني كيف ابداك كيف ..
أنا أصلي في حبك بكيت ..

[ندى البيلسان]

عذبتني أمواج الأماسي
والمحال
والأمل شطّ
على بحر النضال
وسقتنى خمر الضني
والبعد كأس
وهمس وإرتحال

[عبدالله عبدالرحمن عبدالله]

وليتْ زُمامْ أمرى الغرام
وأنا والحنين ما بنفترق
تلقانا ملتاعين سوى
ونازلين على الجوف الحِرق
انا غايتو بختم بى هواك
وشهيد غرام لو احترق!

[الضراع]

مادام غيري مالي حياتها مالي خيالها مالي ضميرها
ببعد وفي الخيال بلقاها واتنسم برايا عبيرها
راضي انا بي ارادة المولي وروحي الهايمة الله دبيرها
مابينسي الرضا وناجاهو مكتوب في الكتاب والسيرة
ببعد من حياتها اّخلا إلا مشاعري في خديرة
لو يمكن تموت في قلبي زمزم يوم بينشف بيرها