عيد ميلاد سعيد وعقبال 100 شمعة...!

[صلاح يحيى سليمان]

ابنتى ســــالى....!!

اسمحى ليه اقول ليكى ابنتى.....لافتخر بكى....!
العمر 16 سنة...من الامارات ..عدد المشلركات 1816
سودانية.....متواجده فى المنتدى يوميا...صباح ومساء.....!!
يعنى فى بيته....!! سالى فى نظرى مستقبل السودان القادم
.شباب تربوا بعيدا عن الوطن ...وطنيتهم توصدت فى الاعتزاز
باصولهم بعد معاشرتهم اجناس واصول اخرى...تواجدك
يا سالى معنا فى المنتدى يعنى ارتباطك بأهلك واحبابك.
ويكفى ما كونتيه من صداقات مع اخواتك هنا.

معتز...!!

تشكر على المداخلة...ونتمنى تكون مرتاح معانا...!!


السيد المدير العام......!!

اخوى السنى...كلماتك تثبت جوهرك.....!
كم اعتز وافتخر بتواجدك معنا.
نعم نحن اقرباء واولاد خالات...!
تفرقنا ما يقارب ال25 سنة......!
انت فى سلطنة عمان ....وانا فى المانيا.
ارادت الاقدار ان تجمعنا هنا فى حضن انا سودانى.
وشاءت الاقدار ان نتوافق فى ارتباطنا وتعلقنا
بوطننا العزيز...فحبيت السودان اكثر ..فى حبك له.
ما تقدمه اخوى السنى لهذا المنتدى لايمكن ان يتصوره
احد الاعضاء ...انا فقط من يعلم بافضالك ومدى الجهد
الذى تبذله للمنتدى ...باسم كل اعضاء المنتدى اوجه لك
جزيل الشكر...واحمد الله كثيرا لتواجدك معنا.


*&رومانسي في زمن منسي*&

مرحب بيك معانا واهلا بيك بين اخوانك واخواتك
حبابك عشرة ...وان شاء الله تنبسط معانا....!
ومنتظرين مشاركاتك


ود المسالمة

العفو يا اخى...لاشكر على واجب...ده اقل ما نقدر
نقدموا لجمع السودانين ...اهلنا الطيبين...فى الغربة
او فى داخل السودان ..معنا اعضاء اهل بعضهم فى الخليج
وبقية العائلة فى السودان بتقابلوا هنا فى المنتدى ومتواصلين
من خلا ل الرسائل الخاصة...الجميل فى كل الموضوع ...انهم
بتقابلوا فى مكان اهل... واحبة ...وطيبة سودانية .

batota

من لندن ..انجلترا......!
فى منتدى سودانى ..يهتم بكل ما هو سودانى.
الف مرحب بيك ....وان شاء الله مبسوط معانا.


asool22

الاخ عمر ( عسول) ...!! تعرفت عليه قبل اسابيع وانا اتجول فى منتدى
الصور ..(.بعد غيبة طويلة من دخولى لهذا المنتدى).....!لفت نظرى بمشاركات
وجدت فيها الكثير من التعلق بالتراث ..الارتباط..الاهل ...الوطن...وده كلو
بصور منتهى الروعة ...طلبت توكيله الاشراف بمنتدى الصور...كان فى البداية
متردد شوية....لم تعدى اسابيع معدودة ...اعرف عن الاخ عمر اليوم من
الابداعات والامكانيات الفنية ...والتى سوف تشاهدونها يوم 23 اكتوبر
ان شاء الله ...بصمة فى المنتدى ستنال اعجابكم بالتاكيد.......!
من هنا التحية لك اخى عمر (عسول) على هذا الابداع اولا.....ولك
كل الشكر قبولك توكيل الاشراف على منتدى الصور ..وعلى الانجازات
الهائلة فى تطويره ........عليك الله يا عمر ...انت من زمان كنت وين؟؟؟؟؟

مكسب عظيم لنا ولمنتدانا......!
لك كل الشكر والتقدير .......!
وللللللللللللللللللللللللللللى قدام ( الدرديرى)

[صلاح يحيى سليمان]

البادرابي.....!

تشكر على الرد الجميل ....وان شاء الله دائما متلمين.


هدندوية مية المية

تاريخ التسجيل: 17:38, 12th Jan 2007
الدولة: الامارات
العمر: 16

معانا من 10 شهور....! قبل ايام فكرت فى تغير
الاسم المستعار ...وتراجعت..!!! جميل منك هذا التراجع
اسمك يجمع فيه شرقنا الحبيب ..اهلنا البجه...صمت ..سنكات
جبيت..اركويت...سواكن ...سنار.....!
وكمان ميه الميه....!


النيل الازرق

اخونا النيل الابيض وصل قبلك ...شايفوا فوق
اها جانا النيل الازرق...منتظرين النيل.....ده سودانا
الجميل.....والزائد خير كتير.
تشكر اخى الكريمة على رد التهانى
وكل عام والجميع بالخير والصحة.

[nunoosa]

السيد المشرف العام عمو صلاح

السيد المدير العام عمو السني

السادة المشرفين والمشرفات

السادة اعضاء وعضوات


بيتنا التاني

واسرتنا الممتدة


انا سوداني


احاول ان اجمع ماتبعثر من احرف في حضرة هذه القامة


بل هذا الصرح الذي شب عن الطوق فتيا وقويا


صار دارا تجمعنا على اختلاف اماكننا ان كنا داخل الوطن الحبيب

ام طيورا مهاجرة خارجه وقلوبنا معلقة به


كلمات الشكر وعبارات الثناء لن توفيكم حقكم

سادتي



متعكم الله بالصحة والعافية

وادام علينا منتدانا وملاذنا

بكل الحب والوئام

والتقدم والازدهار


لدي الكثير من الحب والامتنان

لكل من هو منتمي الي انا سوداني


ودامت اعياد انا سوداني عاما تلو عام

واحلامنا مع انا سوداني لاتحدها حدود

مليون مبروك

[احساس الكون]

كل عـــــــــــــــــــــــم وجميع ما فى منتدى انا سودانى بالف خير وانشاءالله فى العيد القادم نكون مع بعض فى سودانا الحبيب ومجتمعين على الخير

[لمياء]

فى تقدم دائما ان شاء الله وعقبال 1000شمعة

[عاشقة محمود عبد العزيز]

كل عام والبيت الكبير (أنا سوداني) بخير وسعاده

وكل عام والبيت عامر بناس طيبه وناس حلوه

واقفه معاك في الحلوه و مره

24/10 عيدنا كلــنا وكل الأمنيات بدوام التوفيق و النجاح والى الأمام

دمته لنا وتسلم حضرت مشرفنا العام صلاح على هذه الفكره التي أثمرتنا فأصبحنا أخوه وأخوات

[ابراهيم الجيو]

[quote="المشرف العام"][align=center]
الاخ صهيب.....!

تقدم المنتدى بوجود امثالك.....!
وراجينا لسع شغل كتير....
ايه رائك تبدأ تانى من (عدد المشاركات 0)...!!!؟؟؟
هههههههههههههههه
والله ذكريات حلوة....!
[/align][/quote]





:079:



:079:



:079:

كااااااااااااااااااااااااااااااااك شديد


الله يجازيك عم صلاح,,,[/color]

[ابراهيم الجيو]

عيدنا بقى عيدين,,,

فرحتنا بقت فرحتين,,

محبتنا لكم كل يوم تكبر وتكبر,,
وعشقنا لكم كل يوم بيزيد,,,

كبر قدامنا,, يوم بيوم ولحظة وبلحظة,,,

وبين كر وفر,,, مد وجزر,, آخذ وعطاء,, وإن اختلفت الآراء,, اتفقت على حبها وولهها بهذا البورد,,

السادة,,, مشرفين ومشرفات,, أعضاء وعضوات,, القدماء منكم والجدداء,,:D

ذكريات حلوة أجدها هنا,,, بسمة جميلة مسبوقة بكل معاني الصدق والعفوية بينكم,, علاقة متينة أجدها مع كم بينكم,,,

التحية لكم في المشرق والمغرب, وأينما حللتم,,

خلونا زي ما نحنا,, لو ما لي قدام,,, ما لي وراء,,,

والله قربت أصفق لنفسي,,,:079:

أختم الخطبة دي بـ كل سنة طيبين,,,

من خطبة إبراهيم الجيو لمنتداه,,,:D

21/10/2007

[لحــ غروب ـظة]

[mark=FF0000]منتدى أنا سوداني الرائع

اكاد اجزم بأن منتدى أنا سوداني يحتفل بسنته المية

لم أمن أعلم بأن هذه هي سنته الأولى

ومن اللحظة الأولى كنت متوجسة من كيف لي بمعرفة هذه الصفوة من الناس

ولكن وما أن تعرفت على القليل منهم وحتى صرت واحدة من أعضاء هذا البيت الرائع

وجدت إخوة وأخوات لم ولن يتسنى لي التعرف عليهم لو لم أكن في أنا سوداني

ومن هذا البنبر اشكر العزيز جدا حزن السنين (فرح كل يوم كما يطيب لي أن أناديه)

عذرا للإطالة ولكن لو جمعت كل ما لي من أحرف فلن أفي المنتدى حقه

أعزائي في أنا سوداني .........

رب أخ لك لم تلده أمك .........

وكنتم نعم الإخوة .....

احس بأني ولدت بهذا البيت الكبير ...........

عاينوا والله اعجز عن التعبير بمدى فرحتي

ويا عمو صلاح جعل هذا المنتدى في ميزان حسناتك أنت وكل القائمين عليه من مشرفات ومشرفين

ومتشكرين ومقدرين (دا مش نشيد)

كــــــــل عــــــــام وأنتـــــــــم بخـــــــــير...

ودمتم ودام منتدى أنا سوداني ........... رائعاً ...

أختكم دائماً وأبداً

لحظة غروب [/mark]

[الكسلاوي]

الاخ /الكريم المشرف العام والمدير العام لمنتدي انا سوداني
اهنيكم واهني كل الاعضاء و كل السودانيين بصفة عامة بعيد ميلاد المنتدي وكل عام وانتم بالف خير

[bitadlan]

انا جديده في المنتدى وسعيد بأن يكون تسجيلي في نفس شهر عيد الميلاد بل ونفس الاسبوع كل عام والمنتدى بخير وكل اعضائه بالف خير

[hammad]

عيد سعيد وكل عام وكل مشرفيين واعضاء منتدي انا سوداني
بل وكل سوداني بالف خير
ومزيد التقدم والازدهار

[ساموووو]

السادة اسرة منتدى انا سودانى
احييكم على هذا المنتدى الرائع واتمنى ان اكون احد
افراد هذه الاسرة الرائعة ...
كل سنة وانتم طيبون .. حقيقة انا لمن اتصفحت المنتدى
تعجبت ان يكون هذا مجهود عام واحد ....
كل سنة والاسرة الكريمة بخير...
وياريت لو كنتو نظمتو اطفاء اول شمعة داخل ارض انا سودانى
يجتمع فيه اعضاء انا سودانى ..

[Suhaib]

ايه رائك تبدأ تانى من (عدد المشاركات 0)...!!!؟؟؟
هههههههههههههههه
والله ذكريات حلوة....!

)

والله كاااك شديييييييييييد يا صلاح

اتزكر الوكت داك كان ف شنو يا ربي ايوة

كان ابراهيم عامل العملية وفي المستشفي !!

قام اتصل علي قال لي :

انت دي شنو الحركة العملتها دي ؟

حركة شنو يا زول

انت حزفت مشاركاتك كلللها وبقيت صفر مالك

اه ايوة فعلا

دي وقفة مع الزات قلت ليو !!

قال لي وقفة مع الزات !!

ايوة وقفة مع الزات !

كيف يعني وقفة مع الزات يعني الزات واقف وانت قاعد والله واقفين مع بعض

قلت ليو يعني نفس جديد وبداية جديدة وكدا

قال لي دي ما وقفة مع الزات دي هناية مع الزات هي كانت شنو يا ابراهيم !!

الوكت داك كان كلمتو بالشمار هناية كانو فرد وكدا مش يا هوما حتي صهيب دا زاتو ما بشبهك انت البخليك تباريو شنو ؟

بعد فترة كدا كان اول ما لاقني نادر كان مهند ما عارف المهم واحد فيهم !

قال لي انت نتفو ريشك !

كيف يعني نتفو ريشي

عديييييييل كدا الادارة وبقيت ما مشرف المنتدي الرياضي!!

لالا اكيد ف حاجة غلت انا بخش منتدي الادارة اسي وبعرف الحاصل شنو ؟

تخش بي وين يافردة والله الا تتلب بي فوق الحيطة هههههههههه
اه ايوة فعلا ما في صلاحيات انا نسيت !!

والله كانت زكريات جميلة !!

وايام حلوة فعلا

عرسنا وطلقنا في منتدي الالعاب

جنس عرس هو


نخطا ونصيب انشا الله يكون في غلطنا الفائدة وفي صوابنا مصلحة المنتدي وما يرضي الله

اسي ماشا الله المنتدي بقي الالالالاف الاعضاء وفي تزايد مستمر !!

وبقي في مقدم المنتديات السودانية !!


كان اتزكرت حاجة من من الايام الاولي بجي احكي بناسبة العيد الاول للمنتدي برضو

[ibn batoota]

السيد المشرف العام

الإخوه المشرفين

الإخوه الاعضاء


كل عام ومنتدانا من الافضل الي الأفضل,,,
وفي تطور وإذدهار,,,ونسأل الله انو تكون السنه دي
فاتحه لي سنين قادمة فيها كتير من الإبداع والتطور,,,

[كلمات]

[align=center]إليكم تساق الحروف الندية وشهد التواصل وحلو الكلام وطيب المعشر
جئت اليكم وكلي خوف من الوحدة والغربة
ولكني وجدت نفسي في بيتي وبين أخوتي وأخواني
فالكل يتكلم بلغة واحدة
ويردد نفس الكلمات

أنا سودانــــــــي

أنا سودانــــــــي
فلكم مني أصدق الأماني وأرق التحايا
وكل عام ومنتدانا بخير بألف خير [/align]

[يوسف الشيخ]

الرائع دوماً صلاح
الاخوة الاعضاء فى منتديات انا سودانى
اتقدم لكم بأحر التهانى القلبية بمناسبة اطفاء الشمعة الاولى واتمنى ان تتواصل المسيرة بمزيد من الالفة والتواصل والابداع .
كما لايفوتنى ان انتهز هذه الفرصة لأهنى الجميع بمناسبة عيد الفطر المبارك اعاده الله علينا ووطننا السودان ينعم فى سلام وامان واستقرار .

[أيمن]

[poem= font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وحال الحول............=
بين ناسا ثقات وعدول=
وأضحى الريق ...........=
بعد ضاق النشاف مبلول=
يامشرفنا ود سلمان.......=
يعود العيد عليك بالخير...=
صيام مقبول.............=
وحال لى منتدانا الحول=
شهور مرت .............=
صالت فيها أشعارنا..=
وجالت فيها أفكارنا..=
عرض وطول..........=
وياما لقينا من الناس...=
وياما سمعنا فيهو القول=
قول ناسا يجيك مقبول..=
يحضك فى طريق الخير=
كلام ماينقصو المدلول...=
وقول ناسا يجيك معسول=
يوانسك فى طريق الريد=
ويوجد ليك كل حلول....=
أريت ضى منتدانا يدوم=
يشع يملا البلد بالنور..=
وذايد طول..............=[/poem]

[المهندسة]

[a7la1=FF3366]كل عام انا سوداني والمشرفين بخير وباقي الاعضاء المميزين
اتمني كل سنة ان نكون مترابطين في جميع اجزاء السودان
واشكركم علي هذا النتدي واتمني لة الاذدهار( بلمتكم العامرة )[/[/a7la1]B]
[glow=FFFF00]انشاء الله وباذن الله[/glow]

[استارو]

كل عام وانتم بخير
كل عام ومنتدى انا سودانى بخير
كل عام والجميع يتنافسون لرفعه هذا المنتدي
كل عام يرفرف به شعارنا عالياً

وكل عام وانتم بالف بالف خير بعيد النجاح والابداع والتفوق والعطاء لمنتدى انا سودانى الرائع وعساه دوم
من انجح واحسن واروع المنتديات ان شاءالله والف مبرووك
واحب اشكر كل من كان له يد في انجاح هذا المنتدى الرائع وكل من شارك في الابداع واولهم الاب الروحى لمنتدانا استاذنا
][®][^][®][ صلاح][®][^][®][
وكل المشرفين والادارة
وكل الاعضاء الاجلاء

فبمجهودهم المقدر وصل المنتدى لهذه المكانة فى زمن قياسي فاالف مبروك الالفيةالالفية الاولى لنا
ووفقنا الله واياكم الى كل خير

وتحياتي للجميع