منتدى أنا سوداني

مرسل: **الثلاثاء 2016.7.19 1:54 am**

هي دي الحالة البتربطني بالدنيا
الإخلاص
كإنه ده إسمي الحقيقي وقدري وكل مصيري...

مرسل: **الأربعاء 2016.7.20 1:34 am**

غدرتي بي يادنيا
إلى أن نفذ معك صبري
ومع ذلك
إطمئني
لم ولن تكسري صمودي
لم ولن أخلف بسببك وعودي
لم ولن أنقض أيا من عهودي
إلى الآن
وبفضل من الله
مازلت على قيدالحياة
لي وجود في تفاصيل قصصها
أبحث عن ذاتي
إيأسي
إيأسي تمامامن محاولة هدمي
وإطمئني
لاتوجد لك أي نية غدر بداخلي
لن أسمح لك بأن تمدي هذاالنوع من الجسور بيننا
أسمعي
وعي جيدا
لن أغدر بك ولابأي شئ فيك أبدا
لن أفعلها...
أنا وتاريخي
لن نسمح لك أن تدنسينا بمثل هذا الهراء لأنه عار
أنا وتاريخي لن نسمح لك
أن تنقلي لنا عدوى هذا الداء...
لن نسمح
أسمعتي ؟؟؟
لن نسمح ...لن نسمح... لن نسمح...

مرسل: **الأربعاء 2016.7.20 1:35 am**

مشكلتي
ماأقدر أقولها ياريتني ماعرفتك
عشان قصتنا من أهم المحطات المهمة في حياتي
زي ماليها سلبيات كان ليها إيجابيات
ابدا ماشوية
مستحيل أقول غير كده
لأني حأبقى ساعتها
حقاااارة...

مرسل: **الأربعاء 2016.7.20 3:04 pm**

[img]http://3.bp.blogspot.com/-yfzb7N0kc9w/T ... 4661_n.jpg[/img]

تعيش حياتك

وأنته
البتحلم
و
تبني
و
تزين
ولماتكتمل الصورة
تأخذها الدنيا وتهديها لغيرك
.
.
.
قصة بدون عنوان

مرسل: **الخميس 2016.7.21 1:38 am**

السلام عليكم ورحمة الله
أسعدالرحمن صباح الجميع بالخير والمحبة وراحة البال...

مرسل: **الخميس 2016.7.21 2:04 am**

اااخر همي كلام الناس طالما بدافع عن
الحق...

مرسل: **الخميس 2016.7.21 10:20 pm**

عندما يصمت الكلام
حينها يكون الحق هو من قد قال كلمته...

مرسل: **الجمعة 2016.7.22 2:22 am**

ما تفكر أبدا

إنك تشوفني في وحدة غيري

لأنه

غير أنك
هتظلمني
هتشوهني
وهتخسرآخر أمل ممكن يربطك بيها...

الإختلاف طبيعة لايمكن أن تهزم

الإختلاف سنة الله في الكون

مرسل: **الجمعة 2016.7.22 2:58 am**

آمالنا وأحلامنا ودائعنا عند الله

لذلك
لتبقى صورة الجنة المستقرة في خيالنا دائما
أنها
ليست نعيم فقط
بل هي واقع ماهو مستحيل من آمالنا وأحلامنا
لتطمئن قلوبنا وتهدأ غربة أرواحنا...

مرسل: **السبت 2016.7.23 1:28 am**

مرسل: **الأحد 2016.7.24 1:44 am**

رأي شخصي ...من باب التفكر المشروع

المتأمل لحال الدنيا
أكيد لاحظ
الفروق في الطبقات
وتمتع البعض بالإنفتاح
وبسقف عالي جدا وبتقبل من الأهل
كذلك وجود
الفروق في الثقافات واللغات والجنسيات
الفروق في النجاحات والإنجازات المتتالية والمميزة لدى أشخاص بعينهم
الفروق بجميع أشكالها وألوانها وحتى في المعتقدات
الفروق المادية والمعنوية
وخصوصا حكاية الناس البتتولد
وفي فمها معلقة من ذهب
الناس الإتخلقت لتنعم بحياتها أحيانا بشكل مفرط وغير منطقي
ماشاء الله تبارك الله

كل ماأتأمل الكلام ده
كنت بسأل نفسي
ومازلت أتساءل
معقول الواحد فينا قبل مايموت
بيكون عايش مع أهل
وبعد مات
ربنا أخذه ووداه لأهل ثانيين
في نفس البلد أو في بلد ثانية
على حسب قصة حياته ورزقه المكتوب يوصل ليه
رفعة في الدرجة
والناس المرفهة ديل أكبر مثال
ومعقول يكون
الناس الجداد ديل ليهم صلة بأهله القدام
أو ناس كان نفسه يكون من عائلتهم
لأنه زي ماالكتاب والسنة أثبتوا إنه بعد الموت
ربنا بيجمعنا ببعض
(انتم السابقون ونحن اللاحقون)
والمرء يحشر مع من يحب

ماهو البسمع الدعاء ده عند وفاة أي أحد
(اللهم أبدله أهل خيرا من أهله ونزل خيرا من نزله)
والبيسمع قول السلف الصالح :( إن في الدنيا جنة من دخلها دخل جنة الآخرة)
أكيد حيحسبها زيي

كتير بيخطر في بالي
معقول الحياة الأنا عايشاها دي
تكون من إختياري قبل ماأموت
يعني مثلا إسمي وتخصصي الدراسي ومهنتي وأسلوب حياتي بشكل عام
معقول يكون ده عبارة عن حلم
سعيت لتحقيقه في حياة سابقة
وبحكم إنه الوضع والظروف الكانت محاوطاني ماأدتني الفرصة إني أحققها
ربنا جابني الحياة الثانية دي في ظروف تساعدني إني أحققها
وهكذا هكمل دورة حياتي
من مرحلة لمرحلة
ومن درجة لدرجة أعلى...

(الكلام ده أنا ماجاية أقوله كنوع من الفلسفة الإعتباطية ...لا)

مش بقولوا
الواحد زي مايعمل لدنيته
يعمل لآخرته
الكلام ده إذا فعلا هو ده البيحصل
أو خليني أخفف جرآءة وأقول
إذا كان الكلام ده ( جزء )من البحصل
مش لأزم برضه الواحد فينا يبقى
(جادي شوية)
و يعمل لآخرته من حسه
بعد السعي في جمع الحسنات بالطرق الربنا قال عليها
يعني
إنه يحلم بإسمه النفسه أهله يسموه ليه
وحاسي إنه بيجيب ليهو الحظ السعيد
لأنه كما هو متعارف بيقولوا الواحد بتولد بإسمه إما ربنا بيلهم الأهل بيهو أو بشوفوه رؤية في المنام أو...إلخ

كمان مش لأزم الواحد فينا
يحلم بالمستقبل النفسه يعيشه
والناس النفسه إنه الله يحشره معاهم في حياته الجاية
( الحياة الحقيقية)
القصد
ماتحصر نفسك في حتة ضيقة
وماتخلي اليأس يتملكك
لماماتوصل لحلم وتحققه
ماتخلي حياتك تقيف عليه واصل عيش ليك ولغيرك
أما حلمك المعلق
قول عنه
مش يمكن ربنا
عارف إنه مكان الحلم ده
في مرحلة جاية
تكون أهم من الحتة الأنا موجود فيها الآن....!!!!

مرسل: **الاثنين 2016.7.25 12:19 am**

السلام عليكم ورحمة الله وبركاته
أسعد الرحمن صباح الجميع بالخير والبركة
يوم مميز موفق بإذنه تعالى...

مرسل: **الثلاثاء 2016.7.26 12:49 am**

المطمني شنو على حالي في الدنيا دي
غير إنها
دوارة
يعني التسويه بتلقاه
والبتموصه تشربه...

مرسل: **الثلاثاء 2016.7.26 1:24 am**

نحن جند الله جند الوطن إن دعا داعي الفداء لن نخن
نتحدى الموت عند المحن نشتري المجد بأغلى ثمن
هذه الأرض لنا فليعش سوداننا علم بين الأمم
يابني السودان هذا رمزكم يحمل العبء ويحمي أرضكم

تأليف
أحمد محمد صالح

تلحين الموسيقار العقيد
أحمد مرجان

نحنا الشعب الأصيل
الزاهد في دنيته
البسيط
الفي حاله
العايز يعرفنا ويعرف مكانتنا العظيمة المنحنا ليها التاريخ
قبل مايقرب مننا
أويبحث في تاريخنا أول حاجة يفكر يعملها
لأزم يتعرف على نشيدنا الوطني
أو مايعرف
بالسلام الجمهوري

تحية مملؤة بالود والتقدير والإحترام
لمؤلفه وملحنه
لماأبدعوه لنا من كلمات ذهبية
ظلت رفيقة دربنا سنوات وسنوات تثبت لنا ولغيرنا عزتنا والمكانة العظيمة التي منحنا لها القدر
حينما جعل هذه الكلمات وصفنا وجزء لايتجزأ من هويتنا
تحية لأنامل سطرت هذه الكلمات الذهبية في حق هذاالبلد العظيم سوداننا الحبيب كلمات ملأت حيزا مهما منذ العام 1955 و-1956م
كلمات شهدت لنا ولأرضنا ولتاريخنا المشرق
وأشهدت علينا من حولنا منذ ذلك الوقت
بفضل من الله
بمكانة لاينافسنا عليها أي منافس ....

هذا النشيد
الذي حاز لحنه على جائزة أفضل لحن للأناشيد الوطنية
حسب الجمعية العالمية للموسيقى للعام 2004م

فلتحيا العدالة التي تقول الحق ولاشئ غير الحق...

مرسل: **الثلاثاء 2016.7.26 1:25 am**

النجمة الواعدة كتب:
السلام عليكم ورحمة الله
أسعدالله صباح الجميع بالخير والمسرات

شكرا لك أخي بعد الزمن على ذوقك
أنا من سعدت بمرورك

شكرا ليك
بالجد بوست مفيد ومتجدد

مرسل: **الثلاثاء 2016.7.26 6:35 am**

النجمة الواعدة كتب:
عندما يصمت الكلام
حينها يكون الحق هو من قد قال كلمته...

والحق يُقال
أنت فيلسوفة
وزولة كتيرة
وأكيد
أصغر من أحلام الفقراء

مرسل: **الثلاثاء 2016.7.26 6:51 pm**

السلام عليكم ورحمة الله
أسعد الله مسائي ومساءكم بالخير وراحة البال
هذه غايتي دائما أن يجعلني الله ممن يبثون الأمل والتفاؤل
سرني مرورك أخي بعد الزمن وأخي insan
وفرحتني كلماتكم جداااا شكرا لكم...

مرسل: **الخميس 2016.7.28 12:13 am**

السلام عليكم ورحمة الله
أسعد الله صباح الجميع بالخير وراحة البال
مطرنا بفضل من الله ورحمة
الله يجعلها أمطار خير وبركة
يوم مميز وجو خريفي أكثر من رائع الحمدلله....

مرسل: **الخميس 2016.7.28 12:34 am**

من أصعب المواقف المؤلمة والبتحز في النفسية...

وخصوصا لما تحصل من أخ صغير تجاه أخوه الأكبر منه أوتجاه أي شخص كبير بصفة عامة
أو قد تحصل بين أصدقاء العمر

موقف زي أحد الموقفين ديل مثلا

شخص تجي تقول ليهو أعمل حسابك ياأخي
ماتغلط نفس غلطتي
يقوم ينظرليك نظرة كلها تشفي
و يقوليك
إنته آآآخر واحد يحق ليك تنصحني
سيبني أعيش تجربتي ...

ده فعلا رد من أصعب الردود الممكن تقابلها في حياتك

حينما تفسدالمعايرة صفو الأخوة

وتحس إنه أقرب الناس ليك
مستني فرصة زي دي فيك
عشان عارفك طول ماأنته موجود في حياته
مستحيل تشوفه يغلط وماتحاول تثبته...

أو مثلا

لما واحد يجي يحكي ليك موقف حصل بينه وبين شخص تاني
إنتهى بسوء تفاهم
تقوم تقول ليه بالغت يافلان
ماكان توصل الأمور بينكم للدرجة دي
كان تخليك إنته الأحسن وتطول بالك عليه

فيقوم يديك نظرة بطرف عينه
ويقوليك !!!
إنته البتقول الكلام ده !!!
نسيت ؟؟؟
نسيت مشكلتك مع فلان داااك ؟؟؟
كان نسيت أنابذكرك

البوجع في الموضوع مش أنك سمعت رد زي كده
لا البوجع أكترمن كل ده

إنك تكون إنته وفلان العايرك بيهو
عرفتوا غلطتكم
وإتصالحتوا كمان
وإتقفل الموضوع نهائي
وتكون إنته وهو إتعلمتوا من الدرس ده
وعاهدتوا نفسكم تصرفات زي دي ماتصدر منكم تاني ...

بس عند الشخص العايرك ده
النظرة مختلفة
مازالت القصة دي نقطة ضعف تحسب ضدك...

ياجماعة خلونا نقطع الطريق على إبليس
ونطرده قدر مانقدرمن حياتنا وكلامنا وتصرفاتنا

بإننا نفضل محافظين على متانة علاقاتنا ببعض
مهممما إختلفت آرائنا
ومانسمح لأي حاجة إنها تخترق (حاجز الإحترام بيناتنا )
وتفقد المقامات هيبتها...

تخيلوا إذا فضلنا نعاير بعض
ونمسك الغلطة لبعض العمر كله

منو تاني حيكون ليهو الحق في النصح
كيف حتكون شكل العلاقة بيناتنا
وحنتكلم تاني في شنو
وجوهرالعلاقة بيناتنا وأجمل المواقف الحتجمعنا تاني حتكون مبنية على شنو
وخصوصا كلنا بني آدمين
والخطأ في حياتنا وارد
والردع والتصحيح واجب من واجباتنا تجاه بعض

آخر كلامي في الموضوع ده
قدر مانقدر نحاول نكون متمالكين أنفسنا في المواقف المن النوع ده
و نفضل نحنا البنحكم ونتحكم في ألسنتنا مش العكس
بإننا ننتقي ألفاظنا
لأنه زي مابقولوا
البدخل البطون مابغسله الصابون
.
.
.
اللباقة هي اللباقة علااااااجنا والسكر الحيحلي أرواحنا....

مرسل: **الجمعة 2016.7.29 12:39 am**

السلام عليكم ورحمة الله
أسعد الرحمن صباحنا بالخير وراحة البال وصلاح الحال
جمعة مباركة....

منتدى أنا سوداني

إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....

رد: إلهام....