منتدى أنا سوداني

مرسل: **الخميس 2015.2.26 8:38 am**

طلال الحكيم كتب:ود الزوحي يا مبدع ...

إفتقدناك كتير .. وحلاوة العودة غنيناها في موال ..

طلال يا رايق .. اسعدتنا بتواجدك عبر أثير الصفحة .. وبتمنى ليك الخير

تحياتي ..

مرسل: **الخميس 2015.2.26 8:40 am**

يوسف مدير كتب:لو قلنالك قولا شامل
ما ظنيت حتقول بنجامل
او يمكن قولا ساهل
بس لو تعرف
كيفن حرفك جارف
وفينا مدفق سائل
وانو كلامك ما معقول
نستني نحنا فواصل
وبين الرجية والمشوار
اكيد ما حنكون واقفين
حنجري ونجري
ونرشف مطرا هاطل
................
ود الزوحي ...
حرفك من الصعب مجاراته ...
لحظة حتى نلتقط انفاسنا ..

يامدير أخجلت التواضع .. والكتابه هي صنعتك .. ونحن في بحرك ضائعين .. كل الود !!

مرسل: **الخميس 2015.2.26 8:41 am**

كيوبيد كتب:كل ما اقول ........
وصلتنى حد الدهشة
بتجى تذيد فيني الاندهاش
يا زول يا مدهش
يا زول يا منقة

صديقي .. حتى الثمالة كيوبيد .. المزرور .. ربنا فك أزرك الحمد لله .. تسلم يا زعيم !!

مرسل: **الخميس 2015.2.26 8:45 am**

شدة الشوق البيني بينك
هي البتفرض حاسة الريد العلي
بقدر حلاوة الدنيا البيك جمعتنا
لسه وحاتك ما تمينا
فرض الريدة الباقي علينا
أنا إنسان مفتون بالروعة
روعة حسنك لما تكوني بهية
وروعة حسك لما تحني عليا
خلينا نقول ..
إنو الكون دا مكان للريد
ريد الخالق والمخلوق
وطول السكه ده ما بإيدينا
والمكتوب حتشوفو عينينا !!

مرسل: **الخميس 2015.2.26 8:48 am**

كتير أحيانا ..
بيكون الكون مليان بالضير
وببقى كأنو سجن معزول
ببقى الواحد ما بستحمل
كلمة ريد أو حتى هظار
وببقى وريف القيف البارد
هو المتنفس للاتنين
أصلو الدنيا دوام دوارة
ونحن الساقية اللافة عليها !!

مرسل: **الخميس 2015.2.26 8:53 am**

شيلي من جوايا حبه
وأقري حبل الفكرة مره
شوفي كيف رغم ارتجالي
على الزمن البعاند
ببقى لسه إنسان بحبك
بفرد أضلاع المحبة
وبرسم البسمه البتشرق
في صباحك كل خير
وببقى ليك إنسان مناضل
بهزم الحظ البعاثر
لطريقك ولي زمانك
وببقى زي عزم المحارب
البدافع عن دياره
وعن سقوطها مع المعارك !!

مرسل: **الاثنين 2015.4.13 10:46 am**

وهَل .. توقفت ..موجةُ الاشتيااق
أم هو شقى الظروف
تغلب عليكَ وأخذك لدنياه قليلاً؟!

الفاضِل ود الزوحي

بعودتكَ .. إستبشرتُ الخير كلهُ.. للمكان هُنا
فالكتابات المميزة لا تتكرر
والأقلام المبدعة قلّ ما يأخذ مكانها أحد
أتمناكَ وحرفكَ بخيرٍ أخي
وأتمنى أن ينجلي ما يمنع بوحك من الإنسكاب بالقريب!
كُن بخيرٍ وأسرتيك أينما كنت
إحترامي

مرسل: **الجمعة 2015.5.22 11:23 pm**

ود الزوحي....
اشتياقات بقدر الروعه الموجوده في حروفك

لي عوده....

منتدى أنا سوداني

اشتيـــاقاتــــ ..

رد: اشتيـــاقاتــــ ..

رد: اشتيـــاقاتــــ ..

رد: اشتيـــاقاتــــ ..

رد: اشتيـــاقاتــــ ..

رد: اشتيـــاقاتــــ ..

رد: اشتيـــاقاتــــ ..

رد: اشتيـــاقاتــــ ..

رد: اشتيـــاقاتــــ ..

رد: اشتيـــاقاتــــ ..