الليلة يا المرسال .. أنا جاييك بوجعة من نوع تاني " بعيدا عن السياسة " , وإن كان هي في الآخر سياسة , وحاجة توجع !
.
شاهدت المبارأة البين المريخ والهلال " البيقولو عليها قمة " !!!!!!!!!!!!؟
أولا .. الملعب المصنف أفضل ملعب في السودان " استاد المريخ " ردئ جددددددددددددددددددا , كله حفر والنجيلة تمت الناقصة !!
ثانيا .. الكورة دافوري ... طايرة في السماء .. تمريرات مقطوعة , بطء في التنقل " الـ22 لاعب ما يستحقوا كلمة لاعب "
النتيجة 3/2 .. والمصيبة اللعيبة المحترفين , الجابوهم بالملايين " اولهم الحضري , الله لا حضره نهار آخر في السودان "
يااااخي ده قفة وبدون أضنين , وواقف يتفرج , وكان بيقو ليهم , عليكم الله اشطبوني , لاني ما عايز امشي براي عشان ما أدفع الشرط الجزائي !!!!!
.
متين أنحنا نتطور , ونلعب كورة زي الناس !!؟
على الاقل مدام ما مشينا لقدام , النرجع خالص زمان كانت الناس بتلعب كورة !
.
هسي في داعي يجيبو لينا الضغط !!!؟
.
طبعا لو قلت ليكم ده كله من الحكومة ومحسوبيها.. ما حتصدقوني !!!!!
وبلغ كيلو الدقيق سيقا 5 جنيهات مرتفعا عن 4 جنيهات فى الأسبوع الماضى وبلغ كيلو دقيق زادنا 6 جنيهات بدلا عن 4 ووصل كيلو دقيق القمح 5 جنيهات مرتفعا عن 4 حنيهات خلا ل الشهر الماضى.
ووصل سعر طبق البيض الى 28 جنيها مرتفعا عن 25 جنيها وبلغ سعر جوال السكر زنة 10 كيلو 55 جنيها بدلا عن 51 جنيها فى الاسبوع الماضى.
ووصل سعر جوال الفحم الى 170 جنيه بدلا عن 140 جنيه وجوال البصل الى 300 جنيه بدلا عن 250 جنيها وبلغ سعر كيلو الليمون 25 جنيها بدلا عن 20 حنيه خلال الاسبوع الماضى.
فيما وصل سعر ربع الفول المصرى الى 90 جنيه بدلا عن 80 جنيه .
وشهدت اسواق الخضروات إرتفاعاً حيث بلغ سعر كيلو البامية 20 جنيه بدلا عن 14 جنيها وبلغ سر كيلو البطاطس 8 جنيهات مرتفعا عن 6 جنيهات الاسبوع الماضى.
وبلغ سعر رطل الشاى 22جنيها مرتفعا عن 20 جنيه ووصل سعر رطل البن الى 18جنيها مرتفعا عن 16 جنيها وبلغ سعر كيلو الارز 11جنيها مرتفعا عن 8 جنيهات .
وبلغ سعر صابونة الحمام لوكس الكبيرة 6جنيهات بدلا عن 5 جنيهات وبلغ سعر صابون الغسيل الكبيرة جنيهين بدلا عن جنيه ونصف الجنيه.
معدلات الزيادة في الاسعار بلغت حوالي 25% حتى الآن..
ولا يزال الشارع السوداني في انتظار قرارات رفع الدعم عن المحروقات
ورب البيت ياويا جاتنا نفسيات يازول التقول نحن ف حلم كابوسي قدر مايصبح علينا
صباح نحصل حاجة جديدة ف البلد حاصلة بلدنا ابشرك خلااااص منها العوض
وعليها العوض حكاية فظيعة بقت
ورب البيت ياويا جاتنا نفسيات يازول التقول نحن ف حلم كابوسي قدر مايصبح علينا
صباح نحصل حاجة جديدة ف البلد حاصلة بلدنا ابشرك خلااااص منها العوض
وعليها العوض حكاية فظيعة بقت
نفسيات وبس ... عاين النفسيات دي
.
يوم الخميس الفات ده , صرح الحاكم بأمر الله على الشعب الحاني الجباه " في خطابه لجمهور طلاب الحزب بمركز المؤتمر الوطني " بمآثر حكومته الفاضلة على هذا الشعب الجاحد , الذي نقله من شظف العيش إلى الرفاعية والنعيم
وقال بالنص " اتحدى اي زول سمع بالهوت دوق قبل الانقاذ " !!!!!!!!!!!!
.
غايتو صدقت يا حاكمنا .. في عهدك بس سمعنا بالهوت دوق , وسمعنا بالدقو منو .. والشطف النملة منو !!!!!!!!!!
.
.
والغريبة إنه حاكمنا المبجل في نفس الخطاب إعترف بإن الشعب انقسم لطبقتين " واحدة تركب افخم السيارات ولديها ارصدة خارج السودان، وتصرف صرف من لايخشى الفقر، واخرى لاتملك ابسط مقومات الحياة "
. يا ربي الطبقتين ديل منو !!!!!!!؟
أنا غايتو لا راكب سيارة , لا عندي رصيد في البنك .. لكن والحمد لله ملازم سورة الواقعة صباح ومساء " وكله بفضل الله , وحتى لا نخشى الفقر في عهدكم الفقير الذي أفقر البلاد والعباد "
.
ومن الطرائف .. إنه في نفس الخطاب برضو .. ذكر حاكمنا المحنك إنه نشأ فقيرا , وكان لا يملك رسوم الداخلية في المدرسة التي درس بها , مما إضطره للإشتغال " طلبه " وفي إحدي الايام حاملا " جركانة المونه " تزحلق عن السقالة وسقط كاسرا سنته الأمامية ...
والكلام ده قالو ليه ..!
عشان يثبت إنه الطلبه ممكن يبقى رئيس جمهورية !!!!! يا فرحتنا .. البلد 24 سنة حاكمها طلبه .. وإترقى لعسكري !!!!!!!
قال الدكتور محمد خير الزبير محافظ بنك السودان ان الاقتصادي السوداني يسير الي الامام وان البرنامج الاقتصادي ماضون في تنفيذه للاستمرار في تحقيق معدلات نمو مؤجبة وسد الفجوات بين الصادارات والواردات وخفض التضخم مبينا ان السودان يحتل حاليا المرتبة الثامنة افريقيا بعد دول شمال افريقيا ونيجريا وجنوب افريقيا وذلك علي الرغم من تأثيرات انفصال الجنوب .
واوضح في اللقاء التنويري الذي عقده اليوم وزير المالية والاقتصاد الوطني بمكتبه بوزراة المالية مع الصحفيين والاعلاميين حول تطور الاقتصاد الوطني والسياسات المزمع تنفيذها أن السودان مقبل علي نهضة اقتصادية شاملة وانهم مطمئنون الي ان الاجراءات الاصلاحية التي تجري ستحقق اهدافها وأن مبادارة الرئيس عمر البشير لتحقيق الامن الغذائي العربي تعد أحد الدعومات المتوقعه للاقتصاد وتمهد لنهضة كبيرة وشاملة .
وقال ان المبادرة تجيء في اطار خطة الدولة لاللاكتفاء الذاتي من القمح والارز والسكر ومنتجات الثروة الحيوانية وزيوت الطعام والمساهمة في سد فجوة الدول العربية التي تقدر بـ 45 مليار دولار .
وتوقع ان يكون نصيب السودان اذا احسن استغلال المبادرة نحو عشرة مليار دولار يمكن ان تعالج الكثير من قضاياه مبينا ان السودان شرع في تنفيذ المبادرة بالتنسيق مع احد الصناديق العربية لاعداد دراسة علمية وهناك ترتيبات جارية لانعقاد مؤتمر لوزراء المالية والزراعة العرب في هذا الشأن بالخرطوم . وكشف ان السودان يسعى لاستزراع مساحة تصل الي 80 مليون فدان مروي وتحديث شامل في القطاع المروى وهناك اكثر من 10 مصانع للسكر قد اكتملت الدراسات فيها وفي انتظار التمويل وهناك جهود لتنمية وتصدير الثروة الحيوانية مذبوحة عدا الهدي .
واوضح ان البلاد حققت خلال العام 2012 نسبة نمو بلغت 2ر1 % وقد بدأ ت سياسات رفع الدعم عن السلع من العام الماضي وان التضخم قد انخفض الي 23 % وان سعر الصرف سيصل في نهاية البرنامج الاقتصادي الي سعر مستقر يحدده العرض والطلب .
من جانبه استعرض الدكتور يسن الحاج عابدين مدير الجهاز المركزي للاحصاء رصد احصائيء للسنوات السابقة 2002- 2011م مشيرا الي التطور الذي شهدته البلاد في شتى المجالات واسعار السلع من حيث الزيادة والنقصان معلنا ان العام القادم سيشهد اجراءات مسح جديد تكتمل فيه البيانات حول كل ولاية معلنا ان متوسط نصيب الفرد السنوي من الناتج المحلي الاجمالي قد زاد في السودان وان السودان يعد الدول الرابعة افريقيا في توزيع الدخل القومي .
الكلام ده نقلتو ليكم بي ضبانته من موقع جهاز الأمن والمخابرات الوطني " المكتب الإعلامي "
على الفيس بوك
.
.
* كدي سعال بس ... السودان القالوه ده .. وين ؟ .. يقع في ياتو قارة !!؟
تمكنت الأجهزة الأمنية والشرطية بمدينة ودمدنى اليوم من إحتواء أعمال شغب محدودة قامت بها فئة من المخربين استقطبت مجموعة من المشردين ودفعت بهم الى موقف المواصلات بالمدينة .
وقد لحقت بعض الأضرار بمحطة وقود بالسوق الجديد كما جرت محاولات لتخريب تلفزيون الجزيرة وبعض المواقع الخدمية والممتلكات الا انه تمت السيطرة على الموقف وعاد الهدوء للمنطقة وتم القبض على عدد من المخربين وما زالت عمليات ملاحقة البعض جارية .
ومن جانبه اوضح الاستاذ محمد الكامل فضل الله وزير الثقافة والاعلام الناطق الرسمي باسم حكومة ولاية الجزيرة في تصريح (لسونا) ان حكومة ولاية الجزيرة قد بدأت منذ وقت مبكر في الترتيب لامتصاص الاثار المترتبه علي زيادة اسعار المحروقات وذلك من خلال دعم الفئات الضعيفة خاصة الطلاب وعقد لقاءات متكررة مع نقابات النقل الوسيط والحافلات والبصات تم الوصول من خلالها لتعرفة للمواصلات مرضيه للمواطنين واصحاب المركبات العامه داخل محلية مدني الكبرى والمحليات المجاورة حيث تم الاعلان عن هذه التعرفة عبر أجهزة الاعلام المحلية
معقووولة ... كل المسعولين المامسعولين ديل
مصرين على إنه الشعب ده مشرد ومخرب ووووو
,
يعني هسي الشهداء الفاتو الـ150 ديل .. قتلوا في وسط التخريب والمحلات المنهوبة !!؟
هسي الولد " طالب الثانوي ده " المقتول في نص الشارع , ياربي نهب استيكة ولا شنطة المدرسة الفي كتفوا دي؟!!!!!!!
,
بعدين .. المتظاهر يقتل في الشارع .. والناهب والمخرب يعتقل في السجون " دي صفات عدل جديدة ولا شنو " ؟
.
كدي الشرطة وافراد الآمن الحايمين يدخلو في البيوت وداخليات البنات .. يا ربي كايسين شنو ؟؟؟؟؟
ياخوي ويا نحن ف زمن الحكومة تنهب وتفرض الهيمنة وترفع الاسعار عشان تقدر تسد الفجوة بتاعة
المصروفات الخيالية ف المشروعات الخاصة طيب نافع ده عندو بقر وثروة حيوانية بالشئ الفلاني
ومعاها كم هائل من السيارات التي تحرس هذه الثروة وعمال وشرطة كلها ف تأمين شامل لثروة نافع
دي محتاجة لمصروفات كبيرة علي اساس انو الراجل ده بنتج غذاء رئيسي للمواطن الحليب شفتا كيف
وكمان المتعافي الحول كل الاراضي الزراعية لي اسكان وقطع درجة اولي مش عاوزه مصاريف تخطيط
وتمويل عشان الاراضي دي تشوف النور .
لكن يجي مواطن يطالب بحقوا ده اكبر معارض وخارج علي القانون
ذكرتني هذه الحادثة ف عام 2010 عندما اضرب الاطباء محتجين لعدم تأخر مرتباتهم ثلاث اشهر
التي بلغت
300 مليون جنيه ماكانت من حكومتنا الرشيدة والبتخاف علي اموال الدولة تعيين اطباء باجر يومي
فاقت الرقم المطلوب لثلاثة هو مبلغ 400 مليون اليس كان من الاجدر ان تدفع الحكومة مرتبات الاطباء
وتوفر 100 مليون لخذينة الدولة ... طبعا الفهم هنا نصرف للعاجبنا والماعجبنا يشرب من البحر
يعني بمعني آخر الحكومة تزبط ناسه وباقي الشعب يتكيف ... وعاوزننا نقول ف كل محفل الله اكبر
ياخي الله اكبر عليكم مليتو البلد فقر وعملتوا ليها عاهة مستديمة ...
شر البلية ما يضحك .... اتخيلوا في قمة الهناي , الحاصل في البلد الهناااااي يتم القبض والتحقيق مع المواطن المدعوا " عمار عوض الجاز " في مطار دبي حاملا " 10 ملايين دولار ساااااااائلة " يااااخي دي ميزانية دولة عدددديل ... والله في بنوك ما عندها المبلغ ده معقولة يا مواطن ... دي جبتها من وين ؟؟؟ شغال شنو اصلا ..؟ ولا أهااااااااا أبوك هو الشغال . طبعا ده ابوه بتاع البلف !! . . .
الوجع إنك تنوم جعان وما تلقى هوت دوق تاكلو " ليس منا من بات شبعان وجاره جوعان , وهو يعلم " والحكومة تعلم بعدد الجائعين الوجع إنك ساكن في قصر , ومالك لي فيلا , وعندك شقتين " و70 % من شعبك , لايملكون سقفا يداريهم من الشمس والأمطار الوجع " إنك تتعالج على نفقة الدولة وعلى الضرائب والجبايات المفروض على شعبك " وشعبك يتمرض منك , وما يلقى مكان للعلاج , ولا ثمن للدواء الوجع " إنه في كل حته في وجع "
الهوت دوق القالو البشير اكلنا لية وكنا ما بنعرفو شكلو هو بتكلم عن نفسو وارهن قبل ما يسيطر بالحكم دي كان بعرف العيش خليك من الهوت دوق ,,, نحنا قبل يجي البشير كان عندنا 5 عربات في بس لما جاء اخدهم كلهم معة
