كواليس " حسب الحالة "

[احاسيس]

فـ بعضي لدّي و بعضي لديك ، .
و بعضي مُشتاقٌ لـ بعضي . ، فهلا أتيت !؟

[waya]

يستحلون حبي .. ويستبيحون إحساسي
وفي القلب .. يبقى عشقهم أبدي

[dream-lady]

وصباح فيه بعض من حضورك ..
كيف لا يكون جميلا ..
إن غبت يفتقدك الناس
وإن غبت أفتقد أنا جميع الناس

[waya]

كلما أبعد عن نفسي .. صرت أبكيها
عبرة تخنق الكلمات .. يا ليت أحكيها
عن كل حلم ضاع .. وبعض ما فيها
باعت حدود أوطان .. وسكان واديها
ورضيت كتير بالهم .. وأحزان تناديها
من بعد حال الريد .. وإنسان بهنيها
إختارت الأول .. والتـــــاني برضيها
وعن رضاي بقول .. يا ربي تهديها

[waya]

رغم الشروخ ..
تثكلب في حنايا الروح ,,
" شكرتك " ..!
ورغم الألم ..
في أنة المجروح ,,
" بيفتك " ..!
كيفن أروح ..
وعينيك تجوط..
لحظات سكون .. وتروح ,,
و" شفتك " ..!
وكيف الصباح ..
عندك يصد نسمات رياح ..
إتخللت بعض الصروح ,,
و " عشقتك " ..!
وكيف الفهم ..
وكل الدروس ..
ملغية من كتب الشروح
" وفهمتك " ..!

[waya]

أقيفي نجدد الاشواق ..
ونرجع تاني زي أول ,,
ونعلن ريدنا بالابواق ..
نخلي الدنيا تتحول ,,
فرح لي بهجة الإشراق ..
وبسمة عريضة تتجول ,,
ونمحي الكان سبب في فراق ..
وكان في ريدنا بتغول ,,
يشيل صبر الحنين الشاق ..
عشان مـــا لسه نتسول ,,
لــــقاك .. يا غالية شوق حراق ..
ومن أعصابنا يتمول ,,
وشوفتك .. ديك شعور دفاق ..
شعور زولاً بعد طول ,,
يلاقي حبيبو في الرواق ..
أكان الطيش .. بجي الأول ,,!

[waya]

براي ..!
وأنا ما براي ,,
لكن براي ..
قاعد حداي ,,
يونس الجواي
معاي ..
ما القمره تلمع
في سماي ,,
والريد موهط ..
في حشاي ,,
والدمعة تمسح ..
لي اساي ,,
والصوت يدندن ..
لي غناي ,,
والنظرة تطرب ..
لي لقاي ,,
والبسمة تشرق ..
شان رضاي ,,
وأنا .....
وأنا .. مـــا براي ..!
يا الجايه من ألمي
وشقاي ,,
شافوكي قدامي
ووراي ,,
وحسوكي أحلامي
ومناي ,,
و سابوكي شان يكمل
هناي ,,
وخلوكي يا ناس
لي براي ,,,!

[waya]

ناس تريدك
وروحها فيك ,,
وناس تريد
الريده ديك ,,
وناس تجيك
عشان تريدك ..
وتشتهيك ,,
وناس تتوه
في سر دروبك ..
وترتجيك ,,
وناس تشوفك
شوفا بس ..
والريده عييك ,,
وناس تهضرب
يوما كلو ..
عشان مجيك ,,
وناس تظاهر
عشان عيونك ..
وشوقا ليك ,,
وناس تخالف
كل حاجة ..
وتصطفيك ,,
وناس تجاهد
دنيا ضيقة ..
وتحتويك ,,
وناس تبيع
الناس معاها ..
وتشتريك ,,!

[waya]

سوري والله كنت نايم ..
وكنت زي تعبان وصايم ..
وقمت من النوم وحايم..
لا شباشب , لا عمائم ..
لافي زي فحل البهايم ..

ناس تسرك وناس غمايم ..
وناس تعيقك وناس فهايم ..
وناس تلاقيك بالتمايم..
وناس تعزمك للولائم..

وناس بتضرب وأنت نايم..
وانت زي غرقان وهايم..
وهي زي لون الحمائم..
وأنتو زي اتنين توائم

[طلال الحكيم]

جروح برئت وتبرئت من الجاني وإستبرئت

إقتلاع قلاع

(آآآآآه في أنفي رائحة حرية)

[waya]

طلة من طلال ..
على مكاني بين الأطلال ..
فحملت الكلمات .. من الجمال الحلال ..
فلك الشكر موصول من خلال ..
الاثير يا اخي " طلال "

[معتصم العطبراوى]

يا لها من كواليس ( امتعنا امتكم الله بالصحة والعافية)

[waya]

يا لها من كواليس ( امتعنا امتكم الله بالصحة والعافية)

تسلم على المرور يا رآقي ,,,
تشكراتي ,,



تخريمة : أمتكم الله بالصحة والعافية

[waya]

أقول ليك ..

ليه أنا متشائم !؟

كانت دنياي مليانه دعائم

ابوي في عزو .. سبحت وعائم

وامي هدية .. دعواتا قوائم

وأختي النية .. عروس التايم

وجانا الزمن الغادر .. حايم

شالنا لغربة , هبوب ونسايم

وفرط العقد الكان .. متوائم

........

وبرررضو ..

ليه متشائم !؟

كنت بريد لي واحدة ..

وهائم ..

فطرت هي ..

وأنا لسه صائم

......

ولسسسسه متشائم !

السودان .. مافيه رحائم

إتبدل حالو .. الكلو عظائم

وناس الحارة الكانو .. همايم

غدر , وخيانه , كضب , ودمائم

ويمشوا الفقرا .. " عمل وتمائم "

يلوكوا " السِيرة " الفيها ذمائم

حسد .. وكلام مــا ليهو لزائم

ويشمتو بس في اي هزائم

....

وأنا .. ليه متشائم !؟

دي .. حكومة .. وشعب

كلاب .. وبهائم

ينهشو جته وطنا نايم

وشعب خنوع مأخود كغنائم

...

ولسه متشائم !

العمر بيجري .. ولبسنا عمائم

لا عرسنا .. لا جبنا توائم

لا لمينا قروش للدنيا

لا أخلصنا .. عبادة الدائم

...

ما لي حق .. أكون متشائم !!؟

[waya]

النت البيفصل .. الله يفصل خيطو
باعدني من زولا .. عارفني عزيتو
مالك معاي يا نت .. تلفوني كجيتو
وجهازي هالكو عديل لمن طلع زيتو
يتمنى بس لحظات " أخضر " تكون طليتو
يبقالو يوم السعد , وزي الحبيب حبيتو
الرسالة والإحساس , وزي الكأنك جيتو
ارحمني يا النتيت وخليني اوصل بيتو
قبال أقطعو معاك وبعدين تقول يا أريتو

[الأميرالحب]

وايا
ابداع منهي الابداع
اکتبني ياکاتب القدر اکتبني والمحفوظ شهود
اکتبني اني عشقتها قبال يري النور الوجود
قبل الزمان وقبل المکان في عالم الغيب والجمود
روحين علي الريد التقن قبال يکون لريد وجود
نزعنو من رحم العشم ختنو في مهد الخلود
كنت هنا ميرو

[waya]

وايا

ابداع منهي الابداع
اکتبني ياکاتب القدر اکتبني والمحفوظ شهود
اکتبني اني عشقتها قبال يري النور الوجود
قبل الزمان وقبل المکان في عالم الغيب والجمود
روحين علي الريد التقن قبال يکون لريد وجود
نزعنو من رحم العشم ختنو في مهد الخلود
كنت هنا ميرو

تسلم يا الأمير .. سعيد كتير بالطله
وشرفني المرور .. الفي الصباح الهلا
ازدان المكان .. والريق علي إنبلا
زارني الامير .. الحرفو قط ما جلا

[waya]

كيفن بقيت ؟ وكيف اليوم عدى عليك
وكيف الشوق وقف عندك ويحدق ليك
وكيف اتسولت لهفتنا شان طلة سواد عينيك
وكيف نتصبر الليلة وصباحنا الراح يفتش ليك
رجع حزنان وزي ما أمسى مشتــــــــاق ليك
وجات أخبار تطمنا .. قالو الغالي مرضان بيك
دحين يا الغالي شن بنقول ؟ نفرح جمه ندعي عليك
تزيد في الريده , تتورم , تسيل الدمعة في خديك
ولا نشيل شعار اللقيا .. ونقول يا الله بس يشفيك
وترجع تاني ضحكتنا , ونشوف الروقة تاني تجيك
ونتحمل صراع الريدهـ .. عشان خاطر وجودنا الفيك

[waya]

شوف يا أنيق ..
البت دي زي لون البريق
وكل الجمال باقيلا زي خلاً رفيق
وجناتها أطعم من رحيق
والخصلة لو نفرت وهج يشعل حريق
وعينيها كم كتلت غريق
ونظراتها لو صابت .. سهام
مقذوفة حجر المانجنيق
وعطورها لو ضربت مجال
حتى الجماد يزفر شهيق

والضحكة ديك تسكر عددددديل
ومــــــا بتفيق
والصوت حنين حاشاها
ما شبه النهيق
والمشية والتيه والدلال
كم طيبت رمل الفريق
سوح عديل , وفي لحظة بس
جنيات صخور صبحت دقيق
والنسمة تتهادل , تفز ,,
تقفذ متاريس الطريق
تلفح وجيهاً شوق وريد
وبي خفة الشئ السريق

وأنا كنت واقف منذهل .. !
قالت : سلام
وصبحت في عصر سحيق
والبسمة جات .. وشعرت زي مطرا نزل
باااااااارد على الرأس الحليق
وقفت عددديل ..
ومدت الإيد بي محنة زول شفيق

كيفنو حالك يا فريد !؟

جاني السؤال , ورآح الكلام
ونسيتو يا زمني الشليق
لا في جمهور .. لا حذف
لا خيار كول للصديق

مالك يا حبيب ؟

وكمان حبيب !!!
ياااااخي ما نشفتي , ريق
وخلتني في موقف مهيب
ما بين حضورا , والكلام .. شئ عجيب
دي الدنيا فجأة بقت مغيب
وجاني زي ما تقول كده .. إحساس رهيب
احساس , منتظر , طوّل زمانو على الرقيب
احساس محب .. واقف يعاين في الحبيب
احسااسي .. يااااخ .. احساس , غريب

[dream-lady]

والله جد؟

اتلجمت منك حروف؟

واتضايرت فوق الجروف

والشمس وقفت تعاين...وتختفي..وتقول ظروف؟

يمكن كسوف!

يمكن وقت تشوف عيونك..يملاها خوف

وترتجف

...مرات معاك..أنا بختلف

كتير كمان...بنئتلف

بس ياوِلف...

هيبة وجودك...رغم الفرح...بملاها خوف

وكمان بخاف من فُرقتك

وبفرق وجودك...معاي كتير

ياخطير!

كيفن بتعرف تمرق مني العواصف والخريف

رغم انك مر...مرات بلقاك ظريف...

لا..جد ظريف..

ياحريف!

ممكن مرات ماأقتنع

بس معاك...بكون احسن مُستمع

وبغالط المنطق...وبيك تاني أقتنع

انت ياوجع!

بوجعني الغياب

وبغلبني..العتاب

وبشوف الكل..والمجتمع..

ضباب ضباب..

ماانت مهم شديد

ومنك ابدا..مابنشبع..

عرفت ايه سبب الوجع؟!

لمن افقد...من عينيك..دروب

ولما الشوق معاك..يدوبني دوب

ولمن تغيب...وقتي كله بكون غروب

ياشمس الشرق....

اديني من وهج الشروق

وخليني أروى..وخلي الجو يروق

وخلي الصفا ينبت هناك...وسط العروق..
ما..انت عارف...يانجم

معاك بعيش كل الفصول

بمطر براي..لا رعد اشوفه ولابروق..

ياغيمة مطرت السهول

ياويلي...من يوم ...تشوفني..أو أشوفك..

وماتقول....

مشتاق...!

واحس أنا..بالعقاب

ويومي يبقى..يباب يباب

ياضمة الحب والعناق..

مشتاقة...موت

وانت مامشتاق؟؟!