منتدى أنا سوداني

لبيب كتب:

سمّاً هاري فات سم البقولو دبيب

لى الوالاني دايما ببقى ليهو حبيب
العاداني بختاهو من حياتي بسيب
في درب العلم أسألني إسمي لبيب

لبيب كتب:

سمّاً هاري فات سم البقولو دبيب

لى الوالاني دايما ببقى ليهو حبيب
العاداني بختاهو من حياتي بسيب
في درب العلم أسألني إسمي لبيب

لبيب كتب:

سمّاً هاري فات سم البقولو دبيب

لى الوالاني دايما ببقى ليهو حبيب
العاداني بختاهو من حياتي بسيب
في درب العلم أسألني إسمي لبيب

waya كتب:

متل الصقر لامـــن أباغته عـــدوي
وياني الضراع في الحوبة ساندو أبوي
البِنيات بي فخر تسمع يقولن أخوي
تمساح في دميرته مَلَك الشرق والهوي

العمرابى كتب:

لبيب يا زعيــــــــــم القــول مجـّــــــــــــرَب
قــدر ما أقـــول كــــلام ويبقــــــالى قــــــــــرَب
ألقـــــى مـــوجك عــــــــالى قدام وشــِى تلب


waya كــــــ ــــلامك لـــى صــدور الأمـــة رطــــــــــب
كأنــــــــو صبــــــــاح خـــــريف نســـــــامو هب هب
لــو فــــى إعـــلام مافـــى شــــــــاعر غيرك يكسب

لبيب كتب:

الرعد البيرز فوق في سماهو يدوّي

قولي بقولو مرفوع راسي ماهو ملوّي
ضربي على الرقاب في الهامة وقعو يخوّي
ود عز ود رجال ذايع كلامي مدوّي

waya كتب:

الجبل إن نهز يركز علي ثباتو
يوم ضرب الرقاب ما غلبني سواتو
العاداني واريت الثرى بي رفاتو
ولا عاش مخلوع في المصيبة الجاتو

العمرابي ..
تشكراتي على الإطلاله المميزة

امال الناس كتب:

تور بقر الجواميس العليك الرك
يا عقد الحديد للحلبي ما بتنفك
تورك يا أم رشوم في الحلق عشرق
دقيت الجسر وحاجر مشارع الحق

لبيب كتب:

انا الدهب المجمر في العيار معدوم

بحضر في الدواس بملا العوادي هموم
يات من شافني فرحان ينسى كل هموم

وابل الخير علي تب أصلو مامحروم

فراوله ام احمد كتب:شيال التقيله ودقبيله وعز ياك جبل الضرا ساعة الدواس مابفز ستار العروض جبخانته صوته يرز

waya كتب:

بقولو سمح القول في خشم سيدو
"أنا الدهب الكل البنات بتريدو"
الغرقان عديل يلقاني ماسك إيدو
في الجود والكرم لي حاتم أبقى نديدو

امال الناس كتب:

انا بت ناس عزاز ونضاف

انا حبيبة الكل

انا ام راياً بسر

انا امال الناس

البجيكم ديمة بحماس

انا حبيبتكم يا اعضاء منتدي انا سوداني

الظراف ولذاذ

لبيب كتب:

بمشي على الوعر و أقع الصعب في جريدو

باكل النار وكت يغلى اللهب لى حديدو
اسمي على اللسان بالخير يعم ترديدو
حاتم طي يمين بى جودي فايتو مسيدو

waya كتب:

العشمان يجي ويسأل علي بفيدو
والغاوي التعب أحسنلو يرعى بقيدو
الفرسان تقع قدامي مهما يزيدو
عارفين الضرب ساعة الحرابة بجيدو