برسل ليك يا السمحة

[طلال الحكيم]

برسل ليك عيوني تحرسك ليل
قليب من كترة الحنية شاف الويل
برسل ليك دعوة في دربك كل عديل

برسل ليك فؤادي وحبي والإحساس ..
برسل ليك روحي العاشقة والأنفاس ..
وجل عقلي وباقيه خليه عشان الناس ..

[اركمانيه]

برسل ليك بحر الوجد
والدمعات ..
ينبع من بحيرة شوق
والآهات ..
تبحر فيه مراكب الشعر
والكلمات ..

برسل ليك
عيون الليل في القمرات
نجوم الدهشة والرنات
خُصل تدله من النيل
في براحات.

[طلال الحكيم]

برسل ليك
عيون الليل في القمرات
نجوم الدهشة والرنات
خُصل تدله من النيل
في براحات.

برسل ليك قمر ونجوم ..
وقليب من اللقا محروم ..
برسل يوم ..وبعده يوم
ويوم ورا يوم ..

[سماح البدرى]

برسل ليك فؤادي وحبي والإحساس ..
برسل ليك روحي العاشقة والأنفاس ..
وجل عقلي وباقيه خليه عشان الناس ..

برسل ليك شهيق انفاس
حباب عيون ملان تحنان
برسل ليك بريق احساس

[طلال الحكيم]

برسل ليك شهيق انفاس
حباب عيون ملان تحنان
برسل ليك بريق احساس

برسل ليك زهور عطرها فواح ..
ودعاء يغطيك زي أحلى وشاح ..
وعيون مبسوطة وقليب مرتاح ..
ونفوس مشـتاقة طالبة سماح ..

[اركمانيه]

برسل ليك قمر ونجوم ..
وقليب من اللقا محروم ..
برسل يوم ..وبعده يوم
ويوم ورا يوم ..

برسل ليك
كلام الليل
ونسيمه عليل
تسر الحال
وتزرع الامال.

[طلال الحكيم]

برسل ليك
كلام الليل
ونسيمه عليل
تسر الحال
وتزرع الامال.

برسل ليك واحة ..
وإنت نبعها الرقراق ..
وقلب مشتاق ..
وحنان دفاق ..
وغرام وهيام يملأ الآفاق ..

[اركمانيه]

برسل ليك
عبير الكون في أنسام
تشيل تملأجميع انفاس
وتنثر في الزمان تحنان
وهجعة زولاً في إحساس.

[طلال الحكيم]

برسل ليك
عبير الكون في أنسام
تشيل تملأجميع انفاس
وتنثر في الزمان تحنان
وهجعة زولاً في إحساس.

برسل ليك أماني عِذاب ..
تذلل ليك كل صعاب ..
وترجعي لينا بالترحاب ..
وتلقي الشوق
في عيون أحباب ..

[اركمانيه]

برسل ليك أماني عِذاب ..
تذلل ليك كل صعاب ..
وترجعي لينا بالترحاب ..
وتلقي الشوق
في عيون أحباب ..

برسل ليك
كلام الليل وسمار
على نغم الوتر ألحان
في خد القمر عنوان.

[طلال الحكيم]

برسل ليك
كلام الليل وسمار
على نغم الوتر ألحان
في خد القمر عنوان.

برسل ليك
حنان الكون
وفؤاد بالهوى
مسكون ..
وعيون الشوق
لأحلى عيون .

[اركمانيه]

برسل ليك
حنان الكون
وفؤاد بالهوى
مسكون ..
وعيون الشوق
لأحلى عيون .

برسل ليك
اغاني الفرحه والطله
كلام الشوق دوام فره
في وجدان
دوحة الفكره.
برسل ليك.

[طلال الحكيم]

برسل ليك
اغاني الفرحه والطله
كلام الشوق دوام فره
في وجدان
دوحة الفكره.
برسل ليك.

برسل ليك
ضحكة طفلنا الحلوة
وأهازيج
مشهورة في غنوة
وكلام تاني مامعروف ..

[اركمانيه]

برسل ليك
ضحكة طفلنا الحلوة
وأهازيج
مشهورة في غنوة
وكلام تاني مامعروف ..

برسل ليك
كلام معروف
وكم مجهول
على سطر المسافه
حروف.

[طلال الحكيم]

برسل ليك
كلام معروف
وكم مجهول
على سطر المسافه
حروف.

يا سلام يا سلام ..جميل يا ستي
طيب هاك :
برسل ليك كلام عادي
وكلام تاني ما عادي ..
كلام يطرب الحادي ..
ويغنيه الصادح الشادي ..

[اركمانيه]

يا سلام يا سلام ..جميل يا ستي
طيب هاك :
برسل ليك كلام عادي
وكلام تاني ما عادي ..
كلام يطرب الحادي ..
ويغنيه الصادح الشادي ..

برسل ليك
كلاماً حير النشاد
في سطرُ كلام عادي
في حرفُ فهم غالي.
برسل ليك.

[طلال الحكيم]

برسل ليك
كلاماً حير النشاد
في سطرُ كلام عادي
في حرفُ فهم غالي.
برسل ليك.

برسل ليك
كلام مرصع بحروف النور ..
يشرح صدرك الوافي ..
ويجعل قلبك الصافي
سعيد مسرور..

[اركمانيه]

برسل ليك
كلام مرصع بحروف النور ..
يشرح صدرك الوافي ..
ويجعل قلبك الصافي
سعيد مسرور..

برسل ليك
شذى الازهار
معطر بزهر نور
وفل مشمول
على خد المساء
أفكار.

[طلال الحكيم]

برسل ليك
شذى الازهار
معطر بزهر نور
وفل مشمول
على خد المساء
أفكار.

برسل ليك
عقود التوت ..
وبريق ياقوت ..
وروح ولهانة ..
في غرامك مابتعرف الموت..

[اركمانيه]

برسل ليك
عقود التوت ..
وبريق ياقوت ..
وروح ولهانة ..
في غرامك مابتعرف الموت..

برسل ليك
سحاب سديم
بين طياته
حور عين
تشاهد مشهد
الاشراق
وتقول لمساءك
نغم ترنيم.