الأميرالحب كتب:بصراحه اول شئ لازم احيك يا كبرياء
بث جيتيني في محلي قطع النصيب
غايتو بصراحه كده الحوار معاك يحلو
ولقيتك خطيره ومتفهمه تمامآ ربنا يزيدك كمام وكمان
ولو كل ام عاينت الي بتها بعين العقل ما كان بكون في عنوثه ذي الان
الموجوده بكثره ولكن يا كبرياء اين دور البنت التي تحب هذا الرجل وتريد
الزواج منه هل بامكانها اقناع اهلها ولا لا
برجع ليك
انت بي كلامك ده وديتني لي نقطة تانية
وهي حكاية انو ولد وبنت بحبو بعض وبينهم علاقة وفي الاخر جا يخطبها
ما عايزة اتكلم عن انو حرام ولا ما حرام لانو افتكر دي حاجة معروفة
اول شي اصلا لو الولد عجببتو بت ماف داعي لي اتكلم معاك بالتلفون او اطلع معاك والكلام الفارغ ده
يعني طوالي مفروض يجي خاشي بالباب ما يجي ناطي بالشباك
عشان موقف البت قدام اهلها يكون كويس
اها افرض انو عرفوا انو كان بكلمها قبل ما يخطبها
تتوقع بوافقوا ؟ ما اظن
حايقولوا ليها لو كان بحبك بالجد كان حافظ عليك من الاول وانتي زاتك بالطريقة دي خنتي ثقتنا فيك وبالتالي حايرفضوا لانو حتى لو عرسها ما حايحافظ عليها ولا على بناتو
ده ما موضوعنا لكن انا حبيت ابين وجهة نظري في النقطة دي
اذا البت شايفة انو الشاب كويس لكن اهلها ما موافقين ما مفروض تتمسك بي رائيها
يعني برضو راي الام والاب مهم لانهم اكبر منها وبفهموا احسن منها واكيد عايزين مصلحتها
يعني هي تحاول توريهم وجهة نظرها وهو يتناقشوا معاها لحدي ما يصلو لي حل
واصلا من الاسباب الاساسية للعنوسة زي ما انت بتقول
طلبات البنات الكتيرة وعايزة زي فلانة وجيبوا لي زي علانة
الوحده فيهم بتحسسنسي انو الراجل ده تاني ما حايشتري ليها شي عمرها كلو
يعني لو هسى الاولاد شدوا حيلهم وعملوا ليهم قرشين حلوين كده
والبنات اتنازلوا عن الطلبات الكتيرة المامنها فايدة دي ورضت بالحاجة المحتاجة ليها
والاهل خلو الاشكاليات والمظاهر الفارغة الكتيرة دي
ما اظن حايكون في مشكلة تاني