النجمـــه والانسولين وتشاهد غدآ ( كع )

[الأميرالحب]

اهاسيسو :
نصيحه لاختك وصديقتك ميه ميه
ياريت بنت حواء ترضي بي خلقة ربها
وبلاش من الكريمات الكتيره ومسيخه
ولو البنت حبت تتمكيج تختار الشئ البناسب لونها
تلقي الواحدي سمراء تخت مكياج في وجهها ابيض
ولو رفعت يدها بطنك تطم غايتو
نسال الله السلامه
والموضوع اكبر من كده بكتير

ثانكيو اهاسيسو علي الافاده الجميله دي

[ريتان]

والله الموضوع مفيد تسلم ..فعلاانا عن راي البنات جنو وربنا يهديهم اي نعم الجمال مهم بس دا انتحار مفروض الزول يقتنع بي حقيقتو وخلقتو الخلقو بيها ربنا اي ا الزول يحاول يحسن من العيوب الفيو بس بالاشياء الطبيعية

[الأميرالحب]

ريتان كلميهم عليك الله
المواسير ديل اقصد العسولات دول
ربنا يهديهم
الجمال جمال الروح وليس الشكل
الشكل مكمل
يعني شنو لقيت واحدي جميله واخلاق بي تعريفه ماعندها
دا يسمو شنو دا
غايتو انا عاوز لي واحدي شينه تقطع الخميره

[الشمشار]

اخي الامير الحب
سلام من الله عليك
اولآ
شكرآ علي ايراد موضوعي الذي نشرته في عدد من المنتديات باسم النجمه والانسولين وتشاهدغدآ
ثانيآ
من المهم انك عندما اعدت نشر البوست ان تشير لكاتبه او تكتب عباره منقول
ثالثآ
التعديل الذي تم في البوست جعله مثل بوستات الونسه وهو بوست يعالج مشكله مجتمعيه كبيره
آخرآ
ارجو شاكرآ ان تراجع مكان نشر البوست في كل المنتديات السودانيه المكتوب فيها البوست ستجده في منتدي الحوار العام او المنتدي العام
خالص تقديري

[امال الناس]

النجمه والانسولين وتشاهد غدا

سلام يارواكيب نخش توش في النجمه والانسلين

اها
خلونا هسي منشماراتكم دي
وهاكم البوست ده من شماراتي الخاصه

هههههههههههههه اكيد الزول البيقرا العنوان بتاع البوست ده بقول في زول رسل لي الشمشار باغه شربوت من شربوت صاموتيوجايبو الفار
وانا طشيت شبكه لكن وحاتكم الموضوع فعلا غريب
النجمه
هي حبوب تاخذها العسولات الضعيفات عشان يسمنن والانسولين ايضا بستعملو البنات عشان سمنه السجم دي
اما تشاهد غدا فدي حبوب يا فارماس يا اخوي البت تبلعها الليله وهي ممصرنه زي مصران النعجه العجوز وبكره تبقي زي الدعول
عذرا سلامات لكل الماسورات اقصد ( العسولات )
بعد الفاصل في هوايل انتظرو ويدكم شيلوها من الريموت مافي اي زول يغير المحطه جاااااااااااااااااااااااااااااااااااااي
تشطيبه وحاجه عجيبه
الدعول هو الحمل السمين والحمل هو ابن السيد الخروف والسيده الفضلي النعجه


انتظرونا نشاهد الان قبل النعاس ما يلم فيكم
وطولو بالكم الموضوع جد حساس لكل البنات الانناس كع

الامير الحب

امانة في زمتك
سمعت ولا جابوه ليك؟

[الاميرة توتة]

للاسف الحكاية دي بقت موجودة ومنتشرة وبالاخص عندنا في السودان

وزي ما قلت ياالامير الاموضوع ده مخاطره كتيرة خالص وما مجرد وحده تسمن او تنحف

وموضوع مميز ومهم خالص تسلم على الطرح الحلو

تحياتي ,,

[بحر الاشواق]

عيوني وجعتني من القراية يا ود كبوشية

غايتو بس الحمد لله عليك يا حواء السمراء


هسه الموضوع بقي تنافس شديد بين البنات


وموضه الما بتعمل كريم معناه شربانه ووشخانه

وتخلف شديد

وطبعا اصحاب المحلات حظهم