عم التنقو...

[Keeptown]

عمك تنقو جاب ليو شجرة...
سارح فيها وشاف الثمره...
قال الشجرة بتبقى جنينة...
من ليمون وجوافة حنينة...
وابقى مرطب ومسك السوق...
وابني ثراية وطابق فوق...

[Keeptown]

عمك تنقو مشى لي جاره...
منها يفرق ويعرف اخباره...
دخل البيت وقال يا ساتر...
قول لوليتك تعمل ساتر...
ولد جاره صغير وقاصر...
صينية مطقـمة فيها مناظر...
عمك حوص قاله يا شاطر...
بختك انت جالدو وفاطر...
عمك زغلل وجاه زهول...
قال للشافع اقول لك قول...
اكل اللحمة وخلي الفول...
عمك تنقو اب طبعا شين...
نسى صيامه والله يعين...
في صحن اللحمة و بقوة عين...
غتس يـده قال يا معين...
شافوه جاره قال ليه يا لعين...
عمك قاله كلبكم وين؟؟؟...

[الفارعة]

[overline]عم التنقو بقي غسال
شد الشارع كلو حبال
وقال الدسته كمان بريال
غسل الصوف لمن كشه
وعند المكوه كمان اتشه
---------------------------
عمك تنقو بقى حلاق
يسن الموس في عضم الساق
عاوز يكسب زيادة سمعة
بقى خصيص في زيادة الصلعة
وبالورنيش يديها المعة
-------------------------------[/overline]

[الفارعة]

[overline]عمك تنقو في الحديقة العامة
عايز يسترخى وياخد جمـة
في الارض اتحكر وطبق رجلينه
فرد يدينه وشحط عينيه
شافوه المارة حنو عليه
عمك جن والله يعينه
قاعد ساعة بنفس الحالة
شفقو عليه شالوه بنقالة
والعازة ثكلي وردحي شغالة
المستشفى الصيني سايقنه يا خالة
كشف عليه دكتور تشيوغا
قال يانق يو تشانق شيوغا
بالعربي عمكم بتريض يوغا[/overline]

[Keeptown]

عمك تنقو قال للعازة...
صاحبي قوقل نازل اجازة...
...يلا يا حاجة خليك جاهزة...
نغطي مكانه ونكسب جايزة...
عمك فاكر الشغلة ساهلة...
يفتش عمك بحركته الماهلة...
مليون متصفح كل دقيقة...
عمك تنقو ما لاقي طريقه...
زحمة شديده ولغات مختلفة...
عمك تعب وجاته الرجفـة...
قفل الصفحة ونادى العازة...
شوفي قوقل الله يازه...
اقول حاجة انا عايز اجازة...

[الفارعة]

[overline]عمك تنقو صباح الخير
عمك تنقو فتح كوفير
جاتو البت السمحة سميرة
دبج ليها صلعة كبيرة
البنوت زعلن منو
مسكن تنقو ومعطن دقنو[/overline]

[الفارعة]

[overline]
عمّك تنقو اليوم فرحان
عايز يعمل سوبر مان
لبس الماسكر وطار طيران
يطير من مدنى لامدرمان
يساعد ويتنقذ كل لهفان
في اي زمان واي مكان
يحلق يغني وياكل موزة
قال يا اخوانا حليل عزوزة
شايف من اعلى صورة مهزوزة
من فوق الكبري اتقلبت روزة
قال يا أخوان بلاش اللمــة
خلونا ننقذهم ونقوم بمهمـة
بسـرعـة ناولوني سلبـة وعمـة
من وسط الموية بكل سهـولة
رفع الروزة والناس مذهـولة
قوة خارقة ما معقولة
كل المشهـد في التلفزيون
جواك بطل وسر مكمون
وعمك يشرب في الشامبيون[/overline]

[Keeptown]

عمك تنقو وفكرة جديدة...
يفتح مركز فتة وكسرة عصيدة...
وعمك يومي يكورك انادي...
اسرع اسرع كسرةجديدة حاجة فريدة ...
وجات العازة شايلة حديدة...
وعمك تنقو جاري شديد...
والعاز مصرا وجاكا شديد...
وقف استسلم وقعد استشهد...
والعارة بكل بصاطة...
قالت لة رمضان قرب قرب وجاي العيد...

[Keeptown]

عمك تنقو حديث الساعة...
قال الناس شاغلاها إشاعة...
قام بي نفسو عايز يجرب...
كيف اخباره دي بتتسرب...
َحَبَكْ خِطّة حاجة بسيطة...
قال غنمايتي باضت بيضة...
سمعوا الناس وعملوا عمايل...
اشاعة سريعة بالموبايل...
كل الناس سوها حكاية...
باضت وفرخت الغنماية...
الجرايد تكتب في الاخبار...
عمك تنقو بقى محتار...
اتلموا الناس وزحمة شديده...
في بيت تنقو ظاهره جديده...
عرفوا الحاصل إشاعة اكيده...
عمك تنقو سواها مكيده...
قالوا يا عمك انت الريس ...
في اي اشاعة لازم نتريس...

[الفارعة]

[overline]عمك تنقو والله زمان
كان عدمان وكان فلسان
حالة اتصلح بقى تقيان
حسابو الجاري في بنك ام درمان
ريح باله بكل امان
بكل سهولة وأطمئنان
عمك تنقو حبيبنا الغالي
بقى مرتاح وماهو يبالي
يسحب ويودع بالصراف الالي[/overline]

[الفارعة]

[overline]عمك تنقو قال رسام

عايز يرسم البت انسام

قال يا اخوانا الفن اقسام

تشكيل تلوين مع الاجسام

خربش وشخبط حاجة تمام

طلعت الرسمة أي كلام

البت السمحة قالت حرام

عاد يا تنقو ده اسمه كلام

ان شاء الله يجيك شلل وجزام[/overline]

[الفارعة]

[size=[overline][overline]5]عمك تنقو في ساعة كربة
قال حرم طلقت الغربة
سلام يا كفيل سلام يا اقامة
اعيش في السودان مرفوع القامه
لا اجي حج ولا بجي عمرة
ومافي جواز اخير بالمرة
نزل السوق شايل اللستة
وللاصحاب وقع بالدسته
شال للعازة زي كم توب
وحسب الحسبة وقال الرووب
ربط الفيديو معاهو الدش
وقال حرمت اعيش في غش
دفع الجمرك كم مليون
وعمك وشو بقي كم لون
قال يا بلدنا حنينة زمان
اية الحاصل في السودان ؟؟
رهن البيت ونزل السوق
وقال حيتاجر في الطايووق
وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوزوبي نص حركة وبنك البركة
عمك لاص وضرب الربكة
وقال انا بس عاوز راس مالي
عشان بالمبلغ اربي عيالي
وعمك دار ما خلا بصيرة
وكان في اول صف تاشيرة
قال يا نفط وسلام يا سلام
تكون القصة كلام في كلام ؟؟؟؟؟؟؟؟؟؟[/size][/overline][/overline]

[ود النصر]

[align=center]المجادعات الرائعة بين الثنائي المبهر الفارعة وكيب تاون

انتو مسعولين من الخير
القصائد دي نقل ولا نجر؟؟؟

والله رجعتونا ايام ولا احلاها..


بس رجاء الافادة عشان حفظ الحقوق
واكتشاف المواهب وكدة وامكن نشاركم كمان.[/align][/size]

[الفارعة]

[overline]ما في داعي للإحراج أكيد منقولة لكن أنا شخصيا كنت من مغرمي مجلة الصبيان وكنت بحفظ كثير لعم تنقو لكن حاليا الذاكرة خربانة
وطبعا الأخ كيب تاون فتح المشاركة من الأول للجميع بعد إذنه طبعا اتفضل معانا وكل محبي عم تنقو والعازة[/overline]

[Keeptown]

طبعا يا ود النصر نصها منقول بس انا شوية بجتهد مرات...

السيده الفارغة البوست بوستك وجد انا مبسوط بمشاركاتك...

[Keeptown]

ودي مني ليك يا ود النصر عشان نثبت ليك الموهبة هههههههههههههه...

عمك تنقو بقى دكتور...
بالسماعة بشوف الزول...
عمك تنقو جاتو ولية...
قبال مايشوفا قال عملية...
في العملية البت اتوفت...
وعمك تنقو قعد يتلفت...

[ود النصر]

[overline]ما في داعي للإحراج أكيد منقولة لكن أنا شخصيا كنت من مغرمي مجلة الصبيان وكنت بحفظ كثير لعم تنقو لكن حاليا الذاكرة خربانة
وطبعا الأخ كيب تاون فتح المشاركة من الأول للجميع بعد إذنه طبعا اتفضل معانا وكل محبي عم تنقو والعازة[/overline]

[align=center]تسلمي والله
نقل او نجر ما فارقة
حقيقة والجمال جمال حتي وهو في صناديق التوصيل[/align]

[ود النصر]

ودي مني ليك يا ود النصر عشان نثبت ليك الموهبة هههههههههههههه...

عمك تنقو بقى دكتور...
بالسماعة بشوف الزول...
عمك تنقو جاتو ولية...
قبال مايشوفا قال عملية...
في العملية البت اتوفت...
وعمك تنقو قعد يتلفت...

تسلم حبيبنا وليك مني اجهز ليك حاجة كدة تليق بالمقام

[Keeptown]

يلا يا ود النصر ورينا عروضك...

وهاك دي...

عمك تنقو عمل نجار...
بي الشاكوش يدق مسمار...
جاتو حليمة بت بركات
شايله كراسي وتربيزات...
لمن جاتو بعد يومين...
لقت الكرسي بدون كرعين...
هاجت وماجت فيهو حليمه...
ونال العم لبعه لايمه...

[الفارعة]

[overline]عمك تنقو بقى دكتور
بالسماعة يشوف الزول
...عمك يوم جاتو وليه
وقبل ما يكشف قال عمليه
فى العمليه البت اتوفت
وعمك تنقو قعد يتلفت
بالشباك عمك طفر
زى القطر الصفر
اهل البيت دخلوا الشفخانه
لقو البت كانت غمرانه[/overline]