منتدى أنا سوداني

نهر المحبه كتب:

التحيه لود الزوحي وللاخوه المتداخلين
في رايي الموضوع عنده جوانب كتيره...
1- انه الشعب السوداني شعب تقليدي ما من الساهل انك تقنعوه بالجديد..
المثال الذكرتوه للشاب في برنامج البوم وكمان شروق ابو الناس لمن غنت خليجي.
وده الشي الحاصل والمشكله البتواجهنا كل مايتفتح حوار فيه مقارنه مابينا
ن جيلنا والجيل القبل مننا
لو جينا نظرنا موضوع من جهة تانيه
الزمن مختلف احنا عايشين في زمن غير الزمن الاتوجدت فيه الحقيبه اصلا...
ايقاع حياتنا وطبيعتها كل شي اختلف...
بالتالي ما من الانصاف اننا نقيس تدهور الفن السوداني بالحقيبه وغيابها
الاغاني حاليا اتنوعت واتقسمت
عندك اغاني الحفلات دي بكون الكلام فيها ماموزون تلقى النس شغاله مع الموسيقى ما منتبه للكلمات
في حين انه الكلمات لو واحد قعد يسمع ليها بيلقاها مامقبوله في الغالب...
وكل شخص ميوله بيختلف عن الشخص الاخر....
في زمنا عندنا فنانينا البعبرو عن الشباب اليوم بس محتاجين لقوة الكلمات
احنا بنغني بالسلم الخماسي وماعندي فكره عنو لكن على ما اعتقد انه تقيل
بس عندنا اغاني خفيفه منها اغنية اودعكم لسيد خليفه غنتها فرقة ميامي...
يعني طريق الاغنيه السودانيه للشهره مفتوح بس محتاجه للفرصه المناسبه

الحلم السوداني كتب:اولا التحية لك يا ود الزوجي على الموضوع المهم دا

والتحية لكل المشاركين في البوست

الموضوع يحتمل محاور كتيره للنقاش ومن المواضيع الفيها اراء كتيره لان كل واحد بشوف من منظوره هو

انا بضم صوتي لصوت نهر المحبة في حكاية ان الاغنية السودانية ممكن تعبر وتنتشر زيها زي الاغنية المصرية ولا اللبنانية ولا حتى الخليجية بس دا عايز ليه ووقت وشغل وجهد ما شوية بالبلعكس عايز شغل كبير لانها زي ما وصلت في العديد من الاغنيات البنعتبرها من اجمل الاغاني السودانية زي اودعكم وغيرها واكييد هي ما اغاني كتيره ....


اما من ناحية انه ليه الفنان السوداني ما يغني لهجة اخرى ما هي المشكلة بس اهم حاجة يكون مواكب ذوق وطبيعة ولحن واسلوب الاغنية باللهجة الاخرى لان التنافس في الغناء باللهجة الاخرى يكاد يكون في كل مكان وهناك عمالقة في الغناء بالمصري او الخليجي او غيره فعشان تخوض تجربة زي دي لازم تكون متمكن ومواكب في كل شي اللحن الكلمة الاسلوب وحتى الفديوا كليب !!!


نقطة تانية ...ليه الغنية السودانية ماانتشرت زي المصري وغيره

اولا بالنسبة للمصري دا مجال كبير للمقارنة لان مصر هي الرائده في حكاية الغناء السينما من حقبات مرت وهي تعتبر بهليود الشرق واكيييد لاكتساع اللهجة المصرية وانها بقت مستساغة وسهلة وبسيطة بالنسبة للوطن العربي وكمان من فترات طويلة فالمقارنة هنا صعبة مع مهو الحال في الاغنية السودانية او الدراما او غيره ولا ننسى ان زمان ايام افلام اسود وابيض كتير من الجنسيات اللبنانية في التمثيل على سبيل المثال انعرفوا واتقدمو باللهجة المصرية عشان كذا نجحوا واتعرفوا

وفيما بعد انعرف انه اللي عايز يشتهر يبدا في مصر لان سوق الشهرة ببداء من هناك وكان كتير من اللبنانين وحتى الخليجين لما حبوا يشتهروا في الوطن العربي يا غنوا باللهجة المصرية يا لحن ليهم مصري او كاتب اغنية مصرية وكدا وفيما بعد نشر اغنياته تبع للهجته الاصلية اللي كان ليها جمهورها في محيطه بس يعني الخليجي زمان بس معروف في الخليج ومستحيل مصري ولا لبناني يسمع اللهجة دي وهاكذا الحال مع باقي اللهجات والجنسيات


انا شايفة الممكن نقارن نفسنا بيهم (واكيييد ما قصدي ان اقلل من عظم الموروث الثقافي الغنائي ولا الموسيقي عندنا )نقارن نفسنا بالمحيط المغاربي هل الاغنيات المغاربية منتشرة في الوطن العربي لا ليه لان الذن العربية لسى ما مستسيغا اللحن والكلمة حقتهم وكذالك عندنا اللهجة العراقية ما دخلت الاسواق وباكتساح الا مؤخرا مع العلم ان كان كاظم الساهر من رواد فن الغناء بس كان حالة استثنائية لانة كان يغني اللحن المصري او اللبناني بكلمات عربية فصحى واحيانا جدا بالعراقي مع ادخال اللحن العراقي في كثير من الاغنيات ....واتوقع زي التجربة دي هي اللي حتفيدنا في الاغنية السودانية ذات الكلمة واللحن السريييع الانتشار واللي يرضى اغلب الاذواق وليس جميعها طبعا


لي عوده انشالله ....

ود الزوحي كتب:كلام جميل .. بس كيف نبدا !!

الحقيقة انا ماجبت الكلام ساي .. بس بعد متابعة جيدة لأراء بعض الفنانين العمالقة وكما ذكرت الفنان عبد العزيز المبارك .. كان كلامو واضح وهو إنو الفن اختلف زمنو عن حسي .. يعني بقى إيقاعو سريع والحقيبة إيقاعها تقيل .. فقال عشان الناس تقدر تجاري سمع الجيل الحالي لازم من التجديد!!

الفنان محمد عبده فنان العرب !!

قال إنو قاعد يحاول يجاري في استماعات الجيل الحديث عشان سوقو ما ينوم يبقى التجديد دا بعملو الزول العايز يستمر في الوسط الفني .. وألا شنو !!

الحلم السوداني كتب:كلامك مية المية ودا انا القصدي هل يعني محمد عبده زي ما قلت كلماته هابطة الان لا بالبلعكس نفس مستوى الكلمة وقوة الشعر بس الاختلف الايقاع اصبح اسرع الاغنية اقصر وكذا هنا يكمن التغير والتجديد مع الاحتفاظ بمستوى الكلمة وقوة الاسلوب وكدا دا انا رأي ولوتسمح لي انزل ليك مثال ولو انه المغني ما سوداني او المغنية بس هنا اللحن نفسه والكلمات نفسها بس عملت تجديد انها ادتها واحية الاغنية من تاني

http://www.youtube.com/watch?v=s1ie8spx60m

هي طبعا اغنية للعبقري ابراهيم الكاشف

ودا الحال مع المغنية والمطربة نانسي عجاج احتفظت بماهو قديم من الكلمات واللحن وادتها باسلوبها مع وجود اغاني خاصة لها وهنا اعتقد انها حافظت على جمال الاغنية السودانية وواكبت العصر الحديث

وزي ما قلت دا موضوع بحتمل عدة اراء ووجهات نظر ....


وبرجع واقول موضوع جدا رائع للحوار