منتدى أنا سوداني

مرسل: **الخميس 2011.5.5 11:15 am**

هاجر يوسف حسين كتب:شكلك كدة من وانت صغير مفتح تفتيحة الشينة ديك

البسموه زمان شافع شااااااااااااااااااااالق

هي شلاقة ساي دي شلاقة السنين

اشكرك علي كلامك الجميل وسعيد بمرورك اختي
هاجر

تسلمي

مرسل: **الخميس 2011.5.5 11:27 am**

طالب القرب كتب:هو شاكوش مسالمة والله لامن راسي مطفوق الي الان
تحياتي
اشكرك علي المرور اختي الكريمة
تسلمي

شاكوش وتكتيحة مزبووووووووووووووطة .....معليش كلو يهون عشان الحب

مرسل: **الخميس 2011.5.5 11:31 am**

بت السرف كتب:يا dreem-lady
شكلو الزول دة مأخد شاكوش جامد
خلى يحكى براحتو....

يابت السرف ياعسل ...بس روحي اتشحتفت .......ماقادرة اصبر ....حاحاول اطول بالي

مرسل: **الخميس 2011.5.5 11:36 am**

السودانى الاصيل كتب:
قصه والله باديه حلوه

ورجعتنى للايام الجميله ايام كنا طلبه

وبنشاغل البنات

ونركب الحمير

الله ايام

والحب زمان

كمممل ومتابعيين يا راقى

هلا اخوي السوداني الاصيل ....ذكرتني حاجة بسيرة الحمير
كنا بنمشي اجازات لبلدنا في الشمالية ...ومرة قدام بيت عمتي عندهم حمار صغيروني (جحش)كلنا واقفين بنركب بالدور ..جا دوري ادوني شنكل وتنترب جيت داقة وقعت على صدري بالجهة التانية وانكتمت كتمة ماحصلت

مرسل: **الخميس 2011.5.5 3:38 pm**

dreem-lady كتب:
شاكوش وتكتيحة مزبووووووووووووووطة .....معليش كلو يهون عشان الحب

اصبر يا قليب وانسي العذاب الكان ******* صابر وكم رجيت والراجي مو ندمان

كلو هان
اشكرك علي مرورك اختي العزيزة

مرسل: **الخميس 2011.5.5 3:39 pm**

dreem-lady كتب:يابت السرف ياعسل ...بس روحي اتشحتفت .......ماقادرة اصبر ....حاحاول اطول بالي

بنتظرك بلاميعاد موهدب الا كلي عشم بلاميعاد بنتظرك

اشكرك والصبر طيب
كلو بي اوانو
تسلمي علي المرور

مرسل: **الخميس 2011.5.5 3:42 pm**

dreem-lady كتب:هلا اخوي السوداني الاصيل ....ذكرتني حاجة بسيرة الحمير
كنا بنمشي اجازات لبلدنا في الشمالية ...ومرة قدام بيت عمتي عندهم حمار صغيروني (جحش)كلنا واقفين بنركب بالدور ..جا دوري ادوني شنكل وتنترب جيت داقة وقعت على صدري بالجهة التانية وانكتمت كتمة ماحصلت

ياناس منادي الشوق ياماشي قول لي
نمشيها من غير ذاد في السفرة والجية
ضميني بالاحضان بلدي الشمالية

تسلمي كتيرررررررررررررررررررررررررررراختي العزيزة
سلام

مرسل: **الخميس 2011.5.5 4:20 pm**

طالب القرب كتب:ياناس منادي الشوق ياماشي قول لي
نمشيها من غير ذاد في السفرة والجية
ضميني بالاحضان بلدي الشمالية

تسلمي كتيرررررررررررررررررررررررررررراختي العزيزة
سلام

تسلم كتيييييييييييير اخوي ودالشمالية -منطقتنا الغالية الحبيبة الحتة الزي عينيي بريدها
يلا بالله ماتتزاوغ لينا ورينا القصة

مرسل: **الخميس 2011.5.5 4:25 pm**

dreem-lady كتب:تسلم كتيييييييييييير اخوي ودالشمالية -منطقتنا الغالية الحبيبة الحتة الزي عينيي بريدها
يلا بالله ماتتزاوغ لينا ورينا القصة

اصبري والصابرات روابح لو يجي القماح

تسلمي

مرسل: **الخميس 2011.5.5 5:25 pm**

بصراحة ما حصلت جربته حاجة اسمها حب ومواعيد غرامية وحاجات زي كدا ولكن شايف انو الغلط مشترك وسوء في الاختيار وتاني انت من وين في الشمالية

مرسل: **الجمعة 2011.5.6 3:21 pm**

الحلقة الثالثة : -

عنوان الحلقة التطفل
اها بعد ما قال لي ود عمي حاوريك الطريقة قلت ليهو بلاهي الحقني بيهو سريع اها طريقتك شنو قال لي يازول انا بديك فكرة تجننك جن قلت ليهو شنو قال لي اكتب لي خطاب قلت ليهو ما في مشكلة اها البودي
الخطاب منو قال لي بس اكتبو انا ذاتي بوديهو يازول قال لي والله قلت ليهو كيف قال لي بس انت مش عايز الخطاب يصل ليها في يدها قلت ليهو ايوة قال لي بس اكتبو والباقي علي الله وعلي قلت ليهو ما في مشكلة قمت انا كتبت الخطاب وكانت العبارات محدودة علشان انا ما عندي سابقة معرفة بيها بس هي معرفت العين والعين والكتيح لكن كتبت ثلاثة عبارات قلت ليها انتي زهرة مفتحة وانتي شمعة منورة وانتي احلي بت في بلدنا برضو كمان كان عندي مجلة سيدتي كنت مثقف شوية ومتابع الجرائد والمجلات برضو اديتو ليهو وقلت ليهو اديها الخطاب والمجلة . طبعا ما قال لي الطريقة كيف بس شال المجلة والخطاب ومشي وانا بكريتو كنت خائف طبعا من الموضوع وقلت يازول بكرة في مشكلة كبيرة خالص وانا اصلا ما بظهر في الشارع زي ما كنت اول بباريها لكن كنت حريص شوية وقلت هي لو شافتني ما حتستلم الخطاب ولا المجلة المهم في نفس اليوم الاختفيت فيهو ما سلمها الخطاب جيت البيت العصر سالتو قلت ليهو اها يازول سلمت الخطاب ولا لا قال لي والله الليلة ما لقيت طريقة قلت ليهو كيف الكلام دة انت براك عايز توديهو ولا شنو قال لي ايو قلت ليهو كيف قال لي هم ثلاثة بنات اثنين قرابة المنزل بيتفرقو واحدة بتمشي براها واتنين بكونو مع بعض قال لي هم لمن يكون قريبين للبيت هي بتمشي براها حوالي 200 متر براها وانا في الحلظة دي بسلمها قال لي علشان انا عايز اراقبها اليوم ما سلمتها لكن انشاء الله بكرة بسلمها قام مشي وبكريتو قال لي يازول والله اديتها وقلت ليها دة من ولد عمي قالت ليهو امشي قول لي ولد عمك خليك في حدودك واحترم نفسك وقبل ما تقراء الورقة شرطتو وقال لي المجلة رفضت تستلمو قلت خلاص البت دي عايز تعمل لي مشكلة 22 يوم اختفيت مرة وما قابلتها وقلت تاني يازول لو لاقيتها بتعمل لي مشكلة قمت غبت من الانظار الفترة دي وبعد زمن طويل لاقاني ود خالتها اسمو ( ا )وقال لي يازول والله انا دايرك في موضوع قلت ليهو خير كان الكلام دة في مناسبة وقمت خفت طبعا وعرفت انو المووضع يازول فيهو شي من الغموض وما لاقيتو لامن براهو قام جاني في البيت يوم جاني في البيت انا قلت خلاص البت دي ما عايزة توصل الموضوع دة البر اول ما جلس في الديوان بتاعنا
قمت جبت ليهو شاي اول ما بدا الموضع قال لي يازول والله انا سمعت كدة
قال شنو في الحلقة القادمة نوريكم قال شنو
الي اللقاء استودعكم الله
في الحقلة القادمة
نلتقي

مرسل: **الجمعة 2011.5.6 5:52 pm**

بعد الزمن كتب:بصراحة ما حصلت جربته حاجة اسمها حب ومواعيد غرامية وحاجات زي كدا ولكن شايف انو الغلط مشترك وسوء في الاختيار وتاني انت من وين في الشمالية

اخي الغالي ..بعد الزمن ...ماعارفة اقول ليك بختك ولا ياحليلك ....بس مشكلة تحلو ليك التجربة بعد الزمن يعدي

مرسل: **الجمعة 2011.5.6 5:55 pm**

منتظرين ياطالب القرب

مرسل: **السبت 2011.5.7 7:49 am**

بعد الزمن كتب:بصراحة ما حصلت جربته حاجة اسمها حب ومواعيد غرامية وحاجات زي كدا ولكن شايف انو الغلط مشترك وسوء في الاختيار وتاني انت من وين في الشمالية

تسلم علي المرور اشكرك علي صراحتك يعني المهم تعرف انا من وين اوكي
من دنقلا العجوز واسعدني مرورك وتقبل فائق الاحترام

تخريمة :
انت خارج التغطية في حياتك

مرسل: **السبت 2011.5.7 7:52 am**

dreem-lady كتب:اخي الغالي ..بعد الزمن ...ماعارفة اقول ليك بختك ولا ياحليلك ....بس مشكلة تحلو ليك التجربة بعد الزمن يعدي

زمن كايس اراضيهم وصف لي درب الريد عشان اوصل ولاقيهم يامرسالت رسائل شوق انا ضهبان

دائما منورة البوست ولمن اشوفك مريتي علي البوست برتاح نفسيا لانك بتتكلمي الصراحة

وكلامك كلو صدق في صدق وانا قلت ليهو ( هو خارج التغطية ) كدي رايك شنو في راي دة

تسلمي ودائما منورة
اشكرك علي المرور

مرسل: **السبت 2011.5.7 7:55 am**

dreem-lady كتب:منتظرين ياطالب القرب

اصبررررررررررررررررررررررررررررررررررررررررررررررري
والصبر طيب
تسلمي

مرسل: **السبت 2011.5.7 8:56 am**

الحلقة الرابعة :
عنوان الحلقة الاطمئنان :-

بعد ما شربنا الشاي انا وود خالتها قالي يازول انافي المناسبة قلت ليكي عايزك وبعد كدة مالقيتك مشيت وين قلت ليهو انا وود عمي مشينا مشوار صراحة ما كنا في مشوار ولا شي لكن زقتة منو بس المهم صدق كلامي وقال لي يازول والله بت خالتي نادتني يوم الجمعة الفاتت والله من قال لي بت خالتي نادتني وقالت لي . الساعة دي ما فضل لي الا انزل تحت ( العنقريب ) من شدة ما اضايقتا قال لي ممكن اعرف الحاصل قلت ليهو يازول والله ما في مشكلة ( بيني وبين نفسي قلت لو سالني الحاصل شنو اقول ليهو شنو ) المهم يازول قلت ليهو بكل صراحة والله البت دي بس انا بشوفها في الطريق ومرة من المرات قالت لي عاين قدامك ومرة كتحتني بس انا ختيها في راسي وعجبتني سالني قال لي انت فهمك شنو من ناحيتها قلت ليهو يازول والله ما الا الخير طيب نهايتك شنو طيب والله قلت ليهو البت دي بيني وبينك وانت طالما جيتني في البيت حبابك عشرة والله انا دايرها ضحك قال لي انت لسة في الثانوي قلت ليهو شفت دة الفهم الغلط ليه ما عاجبك الفي الثانوي دة قال لي ما عشان كدة قلت ليهو كيف طيب قال لي انت لسة صغير وقدامك لسة قراية وقيامة قايمة وهي صغيرة وما مفكرة في حاجات كدة ( والله لمن تتخيلو انا بتكلم وهو برد تقول بكرة عايز اعقد .
المهم قال لي الكلام دة ما يتكرر تاني قلت ليهو كلام شنو قال لي الحكايات دي قلت ليهو الله انا بقول لي كلام انا البت دي ( بحترمها جدا ودايرة رسمي ممكن تكلمها قال لي يازول دة كلام شنو قلت ليهو والله بتكلم معاك بكل صدق طبعا نحنا في البلد لنا سمعة طيبة والحمد الله قال لي والله شوف لو انت جادي وتوعدني انك ما تلعب بيها وتكون ليها سمعة بطالة انا بساعدك ( والله الساعة دي ما فضل لي الا اطير ) قلت ليهو تساعدني كيف قال لي بس الموضوع يكون سر بينك وبينها وانا اكون متابعكم من بعيد قلت ليهو ابشر والله اتفقنا قمت دبلت ليهو كباية الشاي واتونسا مع بعض وقدر ما حلفتو يتغداء معنا رفض لو كان قعد للغداء كنت ضبحتليهو ضبيحة بي مزااااااااااااااااج شدة انا ما مبسوط طبعا اخوكم اليوم ديك ما نام بليل بقي يفكر يعمل شنو وهو لسة الوالد علي رحمة الله بديهو مصاريف المدرسة وفي بداية الطريق . خليكم في الطريق لامن حلقة بكرة نوريكم حصل شنو ( التغيير الجزري في العلاقة من الحلقة الخامسة )
انتظرونا
استودعكم الله والي ان نلتقي
سلام

مرسل: **السبت 2011.5.7 9:34 am**

يديك العافية يا طالب القرب قصة تستحق المتابعة .... وشوقتنا لكن
تحياتي ومتاااابعيين

مرسل: **السبت 2011.5.7 10:46 am**

طالب القرب كتب:

زمن كايس اراضيهم وصف لي درب الريد عشان اوصل ولاقيهم يامرسالت رسائل شوق انا ضهبان

دائما منورة البوست ولمن اشوفك مريتي علي البوست برتاح نفسيا لانك بتتكلمي الصراحة

وكلامك كلو صدق في صدق وانا قلت ليهو ( هو خارج التغطية ) كدي رايك شنو في راي دة

تسلمي ودائما منورة
اشكرك علي المرور

مصيرك ياقلب تصحو من منامك ...........بس خايفة عليك يكون الوقت يكون عدى وفات
مع تمنياتي لكم بالسعادة

مرسل: **السبت 2011.5.7 10:51 am**

في انتظار الحلقة القادمة ...مع انو احساسي بقول تغير للاجمل ..مؤقتا

منتدى أنا سوداني

انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القراء

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا

رد: انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القرا