مغتربين جوا وبرا؟؟؟؟؟!!!!!!!!

[المبرقعة]

جيب شطتك وتعال

[lolaaa]

صح لسانك ياعلي الحلفاوي تسلم
وبعدين يااسامة ماينفع يعني تاخد الكل بكم واحد انت عرفتهم لان لكل واحد شخصيتة مش ده التفكير السليم يادكتور
وبعدين ماانت الان لقيت فرصة الاغتراب واغتربت وما اعتقد انك لمن تخلف حترجع اولادك السودان (عشان ماعايزم يتربو على البرجر ويقروا تحت المكيفات مع انو ماكل المغتربين مرتاحين)

[Ali al7alfawi]

والله غيتو قشرت أنا معاكم يا لولاااا وما قصرتي إنت ودلوعة وبعدين الدكتور أسامة
إعتزر وقال لي إنو كان غلطان وإنو صاحبو قال ليو أكتب كده مع العلم إنو هو حسع مغترب
وأولادو مغتربين كمان . طبعا الكلام ده قال لي في التلفون
والله يا دوك حقك راح بقى فيها سلبطة عديل كده

[Ali al7alfawi]

تصحيح
........الكلام ده قالو لي في التلفون
وليس
.........الكلام ده قال لي في التلفون
ولكن زي ما بتعرفوا إنو أخوكم هو علي الحلفاوي لذلك
العربي شوية كده صعب معانا

[osama77]

شكراً أخوي الحلفاوي على تصحيح الأخطاء ( ما قصرت تب )
لكن إعتزاري الفي التلفون تقوم تكشفوا للجميع كدا ؟؟
إحتمال أغير رأي وأصر على كلامي

عموماً انا في البداية قلت ليكم ما تزعلوا مني هي مجرد رأي قابل للخطأ والصواب
وشكراً للذين عقبوا على رأي والذين مروا عليه
وأسفي الشديد وإعتزاري لكل شخص زعل من رأيي برده والذين فضلوا عدم الرد



أخوكم المتكوي بنار الغربة
أسامة

[Ali al7alfawi]

أنا عارفك محروووووووق وممغوووووووووص من البعض
ونحن برضو في السودان عندنا البيمقصو الكبده
ختاما
الإعتزار مقبول وعليك الله ما ترجع عنو

عذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذاب

[hdma]

موضووعك رائع جدا ياقمر ..
فعلا ليه بيعاملونا كذا؟؟
انا السنة دي ممتحنة وماعارفة لحدي اسع حيسوو فينا شنو؟؟
ليه الحقد ده كلو .. كفاية القروووش البيشيلوها مننا ..
وكفاية لما نمشي هناك بيعاملونا كاننا ماسودانيين ..
انا مستغرربة من حركاتهم دي كلها .. مافي دولة بتعمل في مواطنيها كذا .. الا نحنا ..
حاجة غرييبة ياخي ..
والله انا لو علي .. تاني ماامشي هناك زاتو .. احس الناس بيعاينو فينا كأننا حاجة غلط..
وكاننا مافاهمين اي حااجة في الدنيا دي..
الله يساامحهم بس....