ل يمكن ان تحب شخص ما شفته بحياتك.......موضوع للنقاش!

[ملكة القلوب]

انا لا اوايد ان الانسان يحب ليه انسان بس بمجرد ما يسمع صوتو ولا بالشات لا انا بعتقد عشان احب لي زول وبقصد بي هنا الحب الى ينتج عنه زواج انو لازم اشوف طريقة فهمو واسلوبو في الكلام واشوف شكلو لانو احتمال شكلو سمح ويدل على انو انسان فاهم ويطلع زي ما بقولوا اهلنا (سماحت جبل الطين ) ( ومن برا هالله هالله ومن جوه يعلم الله)
يعني زي ما بقولو لازم شكلو يكون مقبول زي ما بقولو سمحه الاصطباحا ولازم اتكلم معاهو لانو في ناس اخلاقهم بتظهر من اسلوب كلامهم بس ما كل الناس البعض منهم
فعشان كدا لازم الصوت والصورة
الحب البكون زي الانتا قاصدو دا بكون زي حبنا لاخوانا في المنتدى لشخصيتم الجميله ولطريقة طرحهم ولخفت ظلهم

[الضراع]

السوداني الاصيل صبقتني علي الرد والله الكلام الكنت عايز اقولو لقيتك قلتو
لك التحيه
اها اجيك انا ياعصافير الخريف ياحبيبنا
والله ممكن ونص وتلاته ارباع
وحصل ونجح وحصل ومانجح
وحصل والبعض اخد ليهو شاااااااكووووووووش في صمة خشمو
صدقوني ياجماعة الخير الحب الصادق البكون جادي من الطرفين
لايمكن ابدا تفرزو هل هم بدو العلاقه في النت او في الحياة العاديه
انا ياعصافير الخريف كان طولت في الموضوع دا اكتر من كدا
بكون بفتو ليك هسي دي ولحدي مااوصلك لزوووووووووولي عديل
لكن اخير اكتفي بالكلام القلتو وخلاص
تحياتي بلاحدود

[عصافير الخريف]

بحصل وحصل وانتهى


وكمان اشد من الحب الطبيعى thumbup.gif

وكان ما اخاف الكضب المنتدى دا نصو حبايب

ازيدك من الشعر بيت
وفى ناس ختبوا اديييل كدا :d



دى منو يا عصافير وما بكلم

يديك العافية اخي وحبيبي السوداني الاصيل ههههههههههههههه
انا ماعرف ديل منو انت عارف خليك علي الخاص والله كلامك ده فيه اتهام علي زول

[عصافير الخريف]

تحياتي الي كل الشباب اولاد وبنات علي الردود
يختلف الري ولكن يفضل االسؤال هل ينجح الحب والزواج علي النت او الفيس بوك؟
سؤال جري وفي نفس الوقت هام جدا
هل تكون شريكت حياتي من جهاز صغير وهو عباره عن احرف وكلمات تكتاب علي علي اليد ؟
واين القلب من هذا الحب؟

ملحوظة
انا اخترت العنوان عشان الناس تشارك وتشوف اهي الحاصل في الخبر العاجل

[الدويحي 2]

أطياف الخريف :
موضوعك جميل وحيوي ..أتمنى أن يجد المداخلة من جميع الاعضاء ..
أنا من خلال ها المنتدى أعجبت بكثير من الشخصيات لأسباب مختلفة مع العلم بأنني لم ألتقي سوى عضوين هما الضراع ومحمد النعيم ..
رجعت للإعتذار لكي لأن ردي الأول وجهته لعصافير الخريف حيث كان ظني بأنه هو صاحب البوست
ولم أتأسف على مخاطبته لأنه إنسان رائع روعة الخريف في بلادي ولكن كان الأولى أن نحتفظ بحقوقك الأدبية ...
شكراً كتير على الموضوع .. ولك العتبى وخالص الود.