منتدى أنا سوداني

ود الهادى كتب:

حبوبة ............. هُناك على أرصفة السنينِ , يترنحُ فـِـتـيان النجيعِ .. فيرسمُ
البالون قوافى للإبتسام . ويرحلُ مع ريحِ الندى نسيجُ الجروح ...... فيختالَ الشهدُ على
أفواهِ الساهمين مذاق ... ويلكأُ ظهرَ الغائرينَ نـدْبُ الجرحِ الشفيف ...... لذا نمرحُ بين
الحاءِ وُداً وبين الغيرةِ خِصلة ...........
حبوبة ............. قد وطّنتى الحضورَ زهراً ,,, وأشبعتِ السطرَ إبداع .. فشُكراً حليماً ..

بحلم كتب:

بحلم بحلو الاحلام
لوكانت كلماتى تحملنى اليك تاخذنى بعيدا
ترمينى عندك بعيد عن دنيا الزمان
اسافر معها بدون متاع فقد تعبت
تعبت من احلامى
تعبت من رحلتى
تعبت من لوحتى المرسومة على جدارالصمت
تعبت من الصمت
رغم حلوة الاحلام ومرها الحلو

ما أحلاها الأحلام وما أمتع رحلة الأمنيات
علة حلاتو مع الرفيق البلوليك حين السهاد
اليباريك كل طريق البحجِّيك ساعة الرقاد
ليه زفيرك يكون شهيق وما يفارقك للممات ...

تعيشيها بحلوها ومرها وتنتهي بالعسل أحلامك يا ست البنات

bet-handasa كتب:

[grade="00008b dc143c 008000 4b0082"]بين التجول في الخاطر والتنزه في الاحلام
مررت على ذكرى قديمه ما زالت تتارجح بين النسيان والاستسلام
وها انا قد لوثت يدي
بالوانه التي امتزجت هنا في راحتي لترسم لوحه اقترن فيها الحب والالم
[/grade]

حبوبة كتب:رضاك

يوم ما انت ترضى علينا
يوم ما بسمتك تهدينا
يوم الضحكة تهمس لينا
أحِس دنيتنا كيف هي حنينة
واقول ياربي ترضى علينا
تمد في عمره وما يجافينا
ومن نبع الحنان يسقينا
ولو في يوم عليه ختينا
ليَ تشفع ريدتنا وأماسينا
ونستنا أحلامنا وحكاوينا
ورب القدرة زي ما قدَر البيننا
من ألم الفراق يحمينا
ولو قدَر بِعِدنا وانشاقينا "وربي يكضب الشينة"
من حِنو يشيل يدينا وبالفُرقة ما يجازينا
وحاتك يا أحلى أيامي وسنينها
نسيانك محال وليك بالسمح غنينا
تهنا بحياتك والعافية ليك تزينها
بس لو انت ترضى علينا
ودايما بسمتك تهدينا ...

القلب الملك كتب:رائعتنا حبوبة ،،، صح لسانك ،،، وربنا ما يحرمنا من خواطرك الجميلة ،،، وما يفرق احباب ،،،

خربانى ام بنايا قش .. فراقة الحبايب
مالا الدنيا دار الغش .. تكتر فى النصـايب
كت عايش مع محبوبتى مبسوط خاطرى طايب
جاتنى الدنيا قالبى وشيها ورتنى العجــايب

يا ملك كلمات السر عثمان دي بتوصف لي حالك ... ولم اقرأ ردودك للصبايا يحضرني قول :
كالمجنون بلاهى برايا فى الضحى والمغارب
صر زى القمارى الدايحة شايلة الشوق تغالب ...
وربي يلم شمل الحبايب .. ويرد كل غايب ...

مرورك المهيب .. خلى الخاطر يطيب .. أبقى داوم ... لا تغيب

حبوبة كتب:محتارة ليه

محتارة ليه انا في هواك
ما بالسنين انا في رجاك
انا في انتظارك منكسر
إلين شع نورك يابدر ....

حبوبة كتب:وقلبي الشايخ من زمان
فتَح وأداك الأمان
ما طوَل يحلم بالحنان
ونفسو يرتوي بالحنان
اهو جاك طايع يافنان
ده روحو فيك ظاهر عيان
بإشارة بس من البَنان
يفديك بالروح والبُنان
ما أصلو راجيك من زمان
كُت ليه رؤية بقيت كيان
صبحي ومسايَ انا يا إنسان
بسرح في "ياريت" و"آهٍ لوكان"
وبرضي حامدة وشاكرة للواحد الديان ...

عمار العركي كتب:كفاك حبوبة كفاك
كفاك تعلقا بمحراب العشق كفاك
فعشقك بدرا...
[/align]

عمار العركي كتب: وهل تطال السماء يداك...؟؟

[/align]

الأسيد كتب:

حبوبتي :

كلامك كلام ناسا طيبين وحنان
كلام زولا من شب شاعر وفنان
عطفك في كل المنتدي مالي المكان
وكلماتك جميلة وفيها روح الانسان
طلت علينا بتحي فينا طيبة حبوباتنا الزمان
واصلي ابداعك يغطيك مولاك بي يس والرحمن.

سمسم يوسف كتب:

خواطر تمر بنا لتجبلنا على الكلام
وأحلام تنتابنا كأنها الإلهام
وأيامنا تغدو وتأتي بالأفراح والآلام
فتعلمنا أن نطفئ حر حزننها ببرودة خيرها والسلام
فكل حلو ومر في هذه الدنيا متلازمان

حبوبه كلماتك دايما رصينه
غير المشاعر والإحساس مالقيت ليها طريقه
ربنا يحفظك ويغطيك من كل شر ومصيبه
ويحقق ليكي الفي مرادك وتكوني دايما سعيدهthumbup.gif

تحياتي- بت يوسف

في الأنا شايفاه سمسمنا يا تمر البطانة
لابساها توب انت الرصانة
وقدام كليماتك فصاحتي تقلب رطانة

شاحداه ذو الجلال الواحد المنان
في الدنيتين يديك الأمان
وويتحقق يا بنية ب إشارة من البنان


نورتينا .. داومي طلينا ...

حبوبة كتب:يا قلبي أقعد لي عديييل
شوف حالك القرب يميل
مالك تكوس المستحيل؟؟؟
وترجع تقول آه ياحليل
ومن تاني دمع الدم يسيل
سهر الليالي والألم الجميل
شوق السنين والحب النبيل
ما إنت عارفو درب طويل
قول لي ليه بس يا أصيل
ليشن تكوس المستحيل ؟؟

علي أبوسن كتب:حبوبة
كلامك كسر فيني ضلعة
واصاب قلبي الارتعاش

وقلبي يميل للجميل
وأساسق
بين القوام والوجه الصبوح
والاندهاش
وفي العيون لما تقول ليك ياريت
وياريت ياحبيب القي قبول

اب سن تسلم ... مرورك عطر الصفحة بعبق الحب الذي أحبه فلا تحرمنا ...

و
ربي لا يحرمك منها الرعشة
ويابا أسمع مني هادي الهمسة
"العيون لما تقول ياريت" انت ليها سبب الدهشة

اب سن معقولة بس !! مجرد قبول ؟؟
تواضع والا بتستهبل ؟ والا بي قدرك جهول !!!