حبوبة ............. هُناك على أرصفة السنينِ , يترنحُ فـِـتـيان النجيعِ .. فيرسمُ
البالون قوافى للإبتسام . ويرحلُ مع ريحِ الندى نسيجُ الجروح ...... فيختالَ الشهدُ على
أفواهِ الساهمين مذاق ... ويلكأُ ظهرَ الغائرينَ نـدْبُ الجرحِ الشفيف ...... لذا نمرحُ بين
الحاءِ وُداً وبين الغيرةِ خِصلة ...........
حبوبة ............. قد وطّنتى الحضورَ زهراً ,,, وأشبعتِ السطرَ إبداع .. فشُكراً حليماً ..
وحاتك انا ما قدر الكلام ده يا ود البلد
يادوب بتاتي .. ورا كلَمْكم بتوكأ السند
بيجيني منكم في قوافي وعندي ببقى لو النًقط
وكيف تغير الشمس من زهر بيها بيفرهد !!
شكرك يا ولد .. واصلني بالطلة ...
ولمن يجيني من الود مدد .. مدد مدد .....
بحلم بحلو الاحلام
لوكانت كلماتى تحملنى اليك تاخذنى بعيدا
ترمينى عندك بعيد عن دنيا الزمان
اسافر معها بدون متاع فقد تعبت
تعبت من احلامى
تعبت من رحلتى
تعبت من لوحتى المرسومة على جدارالصمت
تعبت من الصمت
رغم حلوة الاحلام ومرها الحلو
ما أحلاها الأحلام وما أمتع رحلة الأمنيات
علة حلاتو مع الرفيق البلوليك حين السهاد
اليباريك كل طريق البحجِّيك ساعة الرقاد
ليه زفيرك يكون شهيق وما يفارقك للممات ...
تعيشيها بحلوها ومرها وتنتهي بالعسل أحلامك يا ست البنات
[grade="00008b dc143c 008000 4b0082"]بين التجول في الخاطر والتنزه في الاحلام
مررت على ذكرى قديمه ما زالت تتارجح بين النسيان والاستسلام
وها انا قد لوثت يدي
بالوانه التي امتزجت هنا في راحتي لترسم لوحه اقترن فيها الحب والالم
[/grade]
وما النسيان إلا نوع من الاستسلام
وكل ما يجول في خاطرنا أليس هو تمنِّي وأحلام
أليس الحب هو مكمن الآلام ؟؟
ومع هذا نصلي وندعو والجميع نيام
بألا نُحرم لذته .. فهو وربي طُهر الآثام
يوم ما انت ترضى علينا
يوم ما بسمتك تهدينا
يوم الضحكة تهمس لينا
أحِس دنيتنا كيف هي حنينة
واقول ياربي ترضى علينا
تمد في عمره وما يجافينا
ومن نبع الحنان يسقينا
ولو في يوم عليه ختينا
ليَ تشفع ريدتنا وأماسينا
ونستنا أحلامنا وحكاوينا
ورب القدرة زي ما قدَر البيننا
من ألم الفراق يحمينا
ولو قدَر بِعِدنا وانشاقينا "وربي يكضب الشينة"
من حِنو يشيل يدينا وبالفُرقة ما يجازينا
وحاتك يا أحلى أيامي وسنينها
نسيانك محال وليك بالسمح غنينا
تهنا بحياتك والعافية ليك تزينها
بس لو انت ترضى علينا
ودايما بسمتك تهدينا ...
يوم ما انت ترضى علينا
يوم ما بسمتك تهدينا
يوم الضحكة تهمس لينا
أحِس دنيتنا كيف هي حنينة
واقول ياربي ترضى علينا
تمد في عمره وما يجافينا
ومن نبع الحنان يسقينا
ولو في يوم عليه ختينا
ليَ تشفع ريدتنا وأماسينا
ونستنا أحلامنا وحكاوينا
ورب القدرة زي ما قدَر البيننا
من ألم الفراق يحمينا
ولو قدَر بِعِدنا وانشاقينا "وربي يكضب الشينة"
من حِنو يشيل يدينا وبالفُرقة ما يجازينا
وحاتك يا أحلى أيامي وسنينها
نسيانك محال وليك بالسمح غنينا
تهنا بحياتك والعافية ليك تزينها
بس لو انت ترضى علينا
ودايما بسمتك تهدينا ...
رائعتنا حبوبة ،،، صح لسانك ،،، وربنا ما يحرمنا من خواطرك الجميلة ،،، وما يفرق احباب ،،،
القلب الملك كتب:رائعتنا حبوبة ،،، صح لسانك ،،، وربنا ما يحرمنا من خواطرك الجميلة ،،، وما يفرق احباب ،،،
خربانى ام بنايا قش .. فراقة الحبايب
مالا الدنيا دار الغش .. تكتر فى النصـايب
كت عايش مع محبوبتى مبسوط خاطرى طايب
جاتنى الدنيا قالبى وشيها ورتنى العجــايب
يا ملك كلمات السر عثمان دي بتوصف لي حالك ... ولم اقرأ ردودك للصبايا يحضرني قول :
كالمجنون بلاهى برايا فى الضحى والمغارب
صر زى القمارى الدايحة شايلة الشوق تغالب ...
وربي يلم شمل الحبايب .. ويرد كل غايب ...
حبوبة كتب:وقلبي الشايخ من زمان
فتَح وأداك الأمان
ما طوَل يحلم بالحنان
ونفسو يرتوي بالحنان
اهو جاك طايع يافنان
ده روحو فيك ظاهر عيان
بإشارة بس من البَنان
يفديك بالروح والبُنان
ما أصلو راجيك من زمان
كُت ليه رؤية بقيت كيان
صبحي ومسايَ انا يا إنسان
بسرح في "ياريت" و"آهٍ لوكان"
وبرضي حامدة وشاكرة للواحد الديان ...
حبوبتي :
كلامك كلام ناسا طيبين وحنان
كلام زولا من شب شاعر وفنان
عطفك في كل المنتدي مالي المكان
وكلماتك جميلة وفيها روح الانسان
طلت علينا بتحي فينا طيبةحبوباتنا الزمان
واصلي ابداعك يغطيك مولاك بي يس والرحمن.
حلّفتك بالعظيم.. سبحانه وتجلّى
أكِف كيف؟ يا عركي ات قول لي
العشق كيف يتخلّى
برِّد لي جمرُه الحي
اللي للكيان استولى
ولو شفت دلُّو علي
زايد دوام يستعلى
يوم قُت علاجو الكي
جوايَ وسمُه تجلّى
فطول ما القلب بيدُق
وما دخلت الشق
ما ظنيتني ابطّل عشق
واتمنّى من بدري يبسُم لي بي طلّة................
انا طلتو يابا سماي
وبدري البريدو معاي
حاضناهو في جواي
شايلاهو في عيناي
من ريدو لي مولاي
أداني كل مناي
حامداهُ صبحي مساي
واتمنى كل مريود
المولى ليه يجود
ويتم لو المقصود
وود العركي يا ودود ... مولاي عليه تجود .. وتتم لو المقصود ...
رزقا مالو حدود .. تكفيه شر ام قدود .. وبالعتق يكون موعود ... مولاي يا ذو الجود ...
كلامك كلام ناسا طيبين وحنان
كلام زولا من شب شاعر وفنان
عطفك في كل المنتدي مالي المكان
وكلماتك جميلة وفيها روح الانسان
طلت علينا بتحي فينا طيبة حبوباتنا الزمان
واصلي ابداعك يغطيك مولاك بي يس والرحمن.
تاري البوست الليلة شالع ضوّا
منوّر بالاسيد جنا الغضنفر جوّه
الشعر بندور نقرضو.. عِل ما عندي ليه مُروّة
دوب البقولو انا صدق مشاعر وخوة
يحفظك الودود يعلّيك يا ود يوّة
خواطر تمر بنا لتجبلنا على الكلام
وأحلام تنتابنا كأنها الإلهام
وأيامنا تغدو وتأتي بالأفراح والآلام
فتعلمنا أن نطفئ حر حزننها ببرودة خيرها والسلام
فكل حلو ومر في هذه الدنيا متلازمان
حبوبه كلماتك دايما رصينه
غير المشاعر والإحساس مالقيت ليها طريقه
ربنا يحفظك ويغطيك من كل شر ومصيبه
ويحقق ليكي الفي مرادك وتكوني دايما سعيده
خواطر تمر بنا لتجبلنا على الكلام
وأحلام تنتابنا كأنها الإلهام
وأيامنا تغدو وتأتي بالأفراح والآلام
فتعلمنا أن نطفئ حر حزننها ببرودة خيرها والسلام
فكل حلو ومر في هذه الدنيا متلازمان
حبوبه كلماتك دايما رصينه
غير المشاعر والإحساس مالقيت ليها طريقه
ربنا يحفظك ويغطيك من كل شر ومصيبه
ويحقق ليكي الفي مرادك وتكوني دايما سعيدهthumbup.gif
تحياتي- بت يوسف
في الأنا شايفاه سمسمنا يا تمر البطانة
لابساها توب انت الرصانة
وقدام كليماتك فصاحتي تقلب رطانة
شاحداه ذو الجلال الواحد المنان
في الدنيتين يديك الأمان
وويتحقق يا بنية ب إشارة من البنان
يا قلبي أقعد لي عديييل
شوف حالك القرب يميل
مالك تكوس المستحيل؟؟؟
وترجع تقول آه ياحليل
ومن تاني دمع الدم يسيل
سهر الليالي والألم الجميل
شوق السنين والحب النبيل
ما إنت عارفو درب طويل
قول لي ليه بس يا أصيل
ليشن تكوس المستحيل ؟؟
حبوبة كتب:يا قلبي أقعد لي عديييل
شوف حالك القرب يميل
مالك تكوس المستحيل؟؟؟
وترجع تقول آه ياحليل
ومن تاني دمع الدم يسيل
سهر الليالي والألم الجميل
شوق السنين والحب النبيل
ما إنت عارفو درب طويل
قول لي ليه بس يا أصيل
ليشن تكوس المستحيل ؟؟
حبوبة
كلامك كسر فيني ضلعة
واصاب قلبي الارتعاش
وقلبي يميل للجميل
وأساسق
بين القوام والوجه الصبوح
والاندهاش
وفي العيون لما تقول ليك ياريت
وياريت ياحبيب القي قبول
حبوبة
عيوني مشتاقة
تشوف عيون تعاينن لي
ويقولن لي
لو قالوا ليك اوصف جمالو ممكن تقدر تقول كل الحقيقة
الحقيقة معاك ببقي زول تاني
والمستحيل ليه مايبقي ممكن
نورتينا .. داومي طلينا ...
