شاب سوداني اسمه خالد

[Abid Ageed]

الاخوة المتداخلون سلام
انا بتفق مع حبيب حوتة انو بالطريقة دي ما بساهم في نشر الاغنية السودانية ولا الثقافة السودانية لانوالثقافة ؛ السلوك جزء اساسي فيها وكونه انو سوداني ده ما كفاية لازم يعكس طريقة الاغنية السودانية المعروفة وما ممكن نتنازل عن جزء اصيل مننا عشان خاطر عيون العرب وارضاء ازواقهم علي حساب الاغنية السودانية وبعدين الاغنية السودانية تتطور كيف يعني . ما هي اساسا بتحمل كل معاني الاغنية ما عدا الخلاعة في الفيديو كليب البقلل من معانيها .
انا حصل لي موقف في القاهرة مع شاب مصري كنا ساكنين مجموعة مع بعض وبعدين هو تحديدا فيهو الحس الفني وما بعرف عن الاغنية السودانية حاجة فبالصدفة لقي اغنية غدار دموعك في جريدة سودانية فقام سألني انت دي اغنية ؟ جاوبته بنعم وسأل عن الفنان وريتو ( مصطفي سيداحمد ) وكمان قلت ليهو هو الشاعر والملحن بتاع الاغنية دي .
وقام طوالي باللهجة المصرية طبعا وبدون خجل وطبعا بكلمات فارغة ونابية وزولكم فتح ...

............م عبحليم
............م امي كلثوم
............م فريد لطرش
علي عمرو دياب علي علي علي علي علي ............ما خلا فنان جا في بالو إلاّ واداهو سوط . ومن اليوم داك بقي لو ما دندنا ليهو بغدار دموعك ما بنوم والله العظيم ثلاثة يا جماعة وبدون مبالغة مع الاغنية لازم يخد ليهو ( سفة ) صعود عدييييييييييييييييييييييييييييييييل كدة
لكم ودي

[هدندوية مية المية]

يا جماعة هو مشترك في البرنامج ده عشان يظهر موهبته
ملزوم يغني الاغاني اللبدوها ليهو مشرفين الفريق
اذا الناس شافوا موهبة سودانية حيعرفه انو السودانينن عندهم
مواهب كتيرة وحلوة 00 تانيا هو ما بيقدر يغصب الناس على ان يسمع حاجة هم
اصلا ما سمعوها قبل كده 00 المهم يوري الناس انو في مواهب
في بلدنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وفي النهاية ده راييي ولا حنختلف كلو شخص على حسب وجهة نظره

[Abid Ageed]

يا جماعة هو مشترك في البرنامج ده عشان يظهر موهبته
ملزوم يغني الاغاني اللبدوها ليهو مشرفين الفريق
اذا الناس شافوا موهبة سودانية حيعرفه انو السودانينن عندهم
مواهب كتيرة وحلوة 00 تانيا هو ما بيقدر يغصب الناس على ان يسمع حاجة هم
اصلا ما سمعوها قبل كده 00 المهم يوري الناس انو في مواهب
في بلدنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وفي النهاية ده راييي ولا حنختلف كلو شخص على حسب وجهة نظره

الاخت هدندوية شكرا للتوضيح .
في الحقيقة كنت مفتكر مسابقة زي المسابقات العادية البنشوفا . لكن ما دام مجبور خادم الفكي علي الصلاة بحييه ...... لكم سلامي

[العسوله]

انا شايفة انو حينشر الصوت السوداني الجميل وليس الغناء السوداني
ودمتم سالمين

[كيمو]

يا خ عليك الله دقيقه الهيلمانه ما في ليها داعي
بشلعوه ليكم هسي الفرحانين بيهو ده

[saare]

صوتو لخالد

[بت أبوظبي]

ما تخلوه يغني ..
أخير من فرفور .. والباقيين !
لا طعم لا لون لا ريحه

[سودانية نار]

تعرض خال الاسبوع الفات لخطر
الخروج من البرنامج
تكهن الكثير من العرب خاصة اخوانا الحلوين المصرين بخروجه
نسبة لعدم ثقتهم في ان الشعب السوداني قادر علي بذل ماله في التصويت
رجع خالد البرنامج بنسبة 82% مقابل خصمه التونسي
اكرر 82%
نسبة هزت الجميع
وكانت مفاجاءة للجميع

[ودالدرديري]

سودانية نار
احييك على طرح الموضوع الحيوي دا
أولاً ماحأصوت لأنو الناس دي كلها في وادي وخالد في وادي تاني
بالنسبة لإنتشار الأغنية السودانية فمن المؤكد إنها مامنتظرة خالد عشان ينشرها خارجياً
لأنو أساساً الغناء السوداني معروف خارجياً بس مشكلتو إنو غير مستساغ للأذن العربية
والسبب واضح جداً لأنو السلم الخماسي هو الوحيد في العالم الذي لاتستوعبه أو لاتستسيغه سوى الأذن المخلوقة ليهو.
ومن ناحية تانية وأغرب شيء إنو المستمع ذو الأذن خماسية السلالم يستطيع إستيعاب وإستساغة السلم السباعي (وهوالسلم العربي أو الشرقي) بل والغناء به كما فعل عبدالقادرسالم وغيره من الأساتذة ودي حقائق وثوابت موسيقية يمكن الكثيرين ماعارفينها.
ولكن أصحاب السلالم السباعية لايستطيعون الغناء بالخماسي حتى ولو إجتهدوا فنجد الأغنية قد تشوهت أو أصابها نشاذ في حرف أو حروف موسيقية معينة.
أما بالنسبة للشاب خالد السوداني فهو يمتلك صوت جميل وآداء رائع وإحساس وتطريب عاليان لكنه يفتقر الى التعود على السلم الخماسي وهذا هو السبب الرئيسي لعدم غنائه لأغنية سودانية ولو شاء لفعل فليس من شروط البرنامج تحديد الأغاني عدا أغنيات التقييم الأولي الذي على أساسه يتم تقييم الصوت.
إذن على الأخ خالد فقط إثبات جدارته في الغناء وقد فعلها وله منا ألف تحية.

تخريمة صغيرونه: (وهذه ليست دعاية ولكنها حقيقة)
إذا أردنا أن نقدم فناناً شاباً يمتلك صوتا يتدرج مابين السلالم الموسيقية وكانه إنسياب الحرير على كف عروس فهو بلامنازع الصديق والأخ العزيز الفنان معتز الصباحي الذي - وأكاد أجزم على هذا - يستطيع تشريف الأغنية السودانية أينما غناها سوا للعرب أو حتى في ألمانيا وأن يؤدي أي أغنية عربية أو غربية وكأنه صاحبها. لكن أين الجهة التي تبعث الفنانين الى الخارج بإسم السودان؟؟؟
وبالذات في المهرجانات الشبابية التي يبتعثون لها عجائز الغناء السوداني والله المستعان.

آسف للإطالة ولكن هكذا جاءت..


وليييييييييي قدام






و..............الباقي على الله

[wadkarma]

سودانية نار تسلم علي الخبر
والله فرحت في البداية لكن في الاخر حزنت اكتر والله
كيف يكون سوداني واللجنة تخيرو اغنية من بلاده يختار اغنية مصرية
كدا لا حينفعنا ولا شئ
حشوف البرنامج للنهاية واجيك راجع تقبلي مروري المتواضع
wadkarma

[سودانية نار]

بالامس في برنامج صباح الخير في قناة العربية الاخبارية
نزل روبرتاج كامل عن الشاب السوداني خالد
اشتمل لقاء مع اسرته وزملائه في جامعة التقانة
وتحدث عن نسبة التصويت الغير متوقعة الي رجع بها الي البرنامج مرة اخري 82% باعتبارها اعلي نسبة حتي الان
رغم وجود منافسين من السعودية الكويت الامارات لبنان المغرب العربي .... الخ
تحدث الروبرتاج عن كونه اول شاب سوداني يشترك في مثل هذه المسابقات
كما تحدث عن الفن السوداني
واستطلع راي احد الملحنين العرب الذي تحدث عن الكابلي ووردي وغيرهم
وعن الاغنية السودانية وجمالها
وعن ضرورة انتشارها
الخبر كان جميل للغاية
وعكس وجه اخر
لم يراه العرب عنا

[العسوله]

يسلموووو يا نار
ان شاء الله كدا نشرف العالم العربي بغنانا وبوطنيتنا
لكي التحية يا غاليه

[عاشقة محمود عبد العزيز]

خـبر جميل ....
والحمد لله بدأت الناس تعرف وتنتبه لفننا السوداني
الراقــى...و خالد شاب يستحق كل النجاح الحققـه وأنا
شخصيا صوته ليه لأنه فعلا بيمثل السودان تمثيل ممتاز
وربنــا يوفقــه..
تســـلمي نار ..
وخساره ما شفته الروبورتاج

[moony]

اي خسارة انا ما شفتوا برضوا
لكن والله خالد ماشي كويس
نتمنى ليه التوفيق

[ود ابو شام]

سودانية نار
انا مع حبيب حوتة
الاغنية السودانية معروفة بكلامتها الجميلة

[ابو الفيض]

اخوانى ....تحياتى لكم واقبلوا تحيات قادم جديد .
بالنسبة لموضوع الغناء السودانى لا ادرى لماذا الاصرار على ان يتذوقه العرب ويطربوا ؟ لو كانوا عندهم رغبة فيه لطربوا له خلال هذه السنين الطويلة التى قدم فيها الفن السودانى روائع يندر ان يجود بمثلها وفى الوقت الذى كان فيه هؤلاء الاعاريب فى عزلتهم البدوية عن العالم فما بالكم بعد ان هبطت عليهم ثروات النفط وامتلكوا العقارات فى مختلف ارجاء العالم ، فالعرب ليسوا هم المجال الوحيد الذى نرتبط به كما انهم ليسوا وحدهم مقياسا للانتشار والذيوع . الشىء الثانى الخطير هو تقديم الفنانين بمقاييس غير جمال الصوت وطريقة وكل مايتعلق بالاغنية نفسها ، اعنى حين يتعلق الامر بالشكل ، حين نفرح بتقديم ولد حلو جميل بمقاييس الذوق العربى ، يجب الا ننجر خلف هذه الثقافة ، اولا لأنها مقاييس غير متحضرة وثانيا لأننا لا يمكن ان ننافسهم فى هذا المجال اذا سلمنا لهم انها فعلا مقاييس صادقة للتنافس نحن لنا سياقنا الثقافى المختلف الذى يتضمن مقاييسه الخاصة للذوق والجمال .
مع تحياتى ................

[بنت الكلاكلة]

خالد حسن الشاب السوداني المتخصص في هندسة الكمبيوتر، يهوى الغناء ويعشق الموسيقى الرومانسية والطربيّة. يبلغ الـ 20 من عمره ويستمتع بسماع المطربين عبد الحليم حافظ ، وردة الجزائرية والفنان اللبنانيّ فضل شاكر.

هذا الشاب السوداني العظيم مشترك في برنامج البوم


صوتوا ليهو لانوا يستحق و لانوا سوداني


الصوت الاول من عندي لي خالد

[الزمان زمانك]

شكرا بت الكلكلة علي الاهتمام بالشاب خالد صاحب الدم الخفيف الذي يمثل السودان وكفاية انو اليوم
غني للسودان ورفع اسم السودان ,,,,, وماتنسي رزان معجبة بيو خالصصصصصصصصص
تقبلي مروري

[Suhaib]

وين دا ،،،،،،،؟؟

[ودالدرديري]

اخوانى ....تحياتى لكم واقبلوا تحيات قادم جديد .
بالنسبة لموضوع الغناء السودانى لا ادرى لماذا الاصرار على ان يتذوقه العرب ويطربوا ؟ لو كانوا عندهم رغبة فيه لطربوا له خلال هذه السنين الطويلة التى قدم فيها الفن السودانى روائع يندر ان يجود بمثلها وفى الوقت الذى كان فيه هؤلاء الاعاريب فى عزلتهم البدوية عن العالم فما بالكم بعد ان هبطت عليهم ثروات النفط وامتلكوا العقارات فى مختلف ارجاء العالم ، فالعرب ليسوا هم المجال الوحيد الذى نرتبط به كما انهم ليسوا وحدهم مقياسا للانتشار والذيوع . الشىء الثانى الخطير هو تقديم الفنانين بمقاييس غير جمال الصوت وطريقة وكل مايتعلق بالاغنية نفسها ، اعنى حين يتعلق الامر بالشكل ، حين نفرح بتقديم ولد حلو جميل بمقاييس الذوق العربى ، يجب الا ننجر خلف هذه الثقافة ، اولا لأنها مقاييس غير متحضرة وثانيا لأننا لا يمكن ان ننافسهم فى هذا المجال اذا سلمنا لهم انها فعلا مقاييس صادقة للتنافس نحن لنا سياقنا الثقافى المختلف الذى يتضمن مقاييسه الخاصة للذوق والجمال .
مع تحياتى ................