يوميات بايرة حسودة

[مسلمة وافتخر]

[color=FF0000]سلام مربع يا عسل

(اموت من غيرك ) قال

اولا الجملة دى جريمة بحد ذاتا فى (حق البشرية ) قصدى البنات

واذا فات اكسر وراه قلة وفيها (موية ترعة كمان)


عندى ليكم نصيحة يا بنات امى

قالوا الببارى الجداد بمشى الكوشة :040[/color]

:

[الفرح المهاجر]

[align=center]هوووووووووووووى يابت امى انتى جيتى من وين
كدى ادينى اخر شمار محبة غرزة بس بينى وبينك
كلام وايا صح بورة امريكة ولا عروسة خرطومية[/align][/size]

[نورة]

والله مالقصد انا زاتي بقرا علم نفس وشغاله في مستشفي تلاتة ارباع البجو من ناس انا اكان خلاني بموت وياريتم لو بموتو وبتبقي حالتم صعبة خلاص ماتزعلي انحنا زاتنا كبرنا علي الحاجات دي نصيحة للبنيات الصغار(الوفاء لايوجد الا لدي الكلاب والنساء الغبيات)

[آيات التفاؤل]

مووووضيعك رهيب وخطير

وفيه عبر وحكم بس بطريقه ابداعيه

[سمارا]

حصل اتخيلت حياة فتاة بايرة تكون كيف. بصراحة حبيت اعكس ليكم يوميات وافكار وتعليقات بنت بايرة حسودة الي هي انا (محبه الحبة)(محبه غرزة)او (ام المغارز) .
.يومي بكون كالاتي :بصحي الساعة 5:00 صباحا اصلي الصبح حاضر اقراء شوية قران واختمها بدعائي المعتاد(يااااااااااااا رب يجيني عريس طاير وفاكي الزراير ) بعدها افتح اذاعة هنا ام درمان مع كباية شاي لبن مقنن بحب اسمع اغاني الحقيبة وخاصة المتعلقة بالشواكيش .بعد كباية الشاي بجهز عشان امشي الشغل بلبس اي شيء يخطر في بالك يعني شترة لابعد الحدود الموضة لا تعني لي شيء .قدوتي في اللبس( اخوات نسيبة ) اما بالنسبة للمكياج اهم شيء الحاجب العريض و الكحل العجب لمن يسيل من العين بيبقى ابداع في البتاع . اهوي ركوب المواصلات واحب اقعد في كرسي عزيزي المشاهد عشان. .... ؟؟؟؟. جسمي مليان مع قليل من الفجوات. طباخة ماهرة وخدومة . صديقاتي عددهم محدود .عندي راي في اي زول يعني شنافة وخاصة ناس حبيبي والمخطوبات والمعرسات (عدوي اللدود الحنكوشات ) المنظر البجيب لي المرارة منظر اثنين خالطين . بكرة عبارة (اها حنفرح بيكي متين- مافي حاجة كدة ولا كدة جاية في الطريق- يلا اتلحلحي وجيبي لينا عريس) عليكم لله القى لي عريس وين في الطين دة
ومقتنعة تماما ببيت الشعر الي بقول(ايتها البايرة طريقك مسدود مسدود مسدود يا بت امي) ارفض تماما المثل القائل (ضل راجل ولا ضل حيطة)دة كلام فارغ.
دي نبذة بسيطة عن حياتي وحاوافيكم بالباقي في العدد القادم.بس اليوم عايزة اتناقش معاكم في عبارة بسمعها كتير من قبل البنات ( انا ماقدرش اعيش من غيره, لو سابنى هاموت) ما تموتي ولا تفطسي عليكم للة دي حالة والمشكلة انها بتقولها ليهوا السجمان دي والعجب كان معاها حبت دموع الولد يمبصط ما يصدق ويبداء يتغلى وينفش ريشوا ويفتكر انوا عنتر زمانوا وكلوا منك يا الشوم
تحذير: اوعك تسمعيهو العبارة دي
الولد بحب البنت التقيلة خليهوا هو يكون خفيف ما غردك لكن انتي اوعك.
شاركوني في ارائكم اكيد حاسعد بيها

[kaydoo]

العبرة لمن اعتبر اعملي حسابك

[معتبر]

لا تقتضوا من رحمة الله ،،،،، كل فولة وليها كيال