يا اولاد عايزه اسألللل ......

[ملاك الورد]

ود العاصمه ثانكسو على المرور اللطيف

و انت برضو بتقول انه الكحل بحدد العيون تمام
طيب يعني ممكن من بعيد تعرف انه البت متكحله و لا لأ


توقيعك بوجع في القلب شديد
آآآآآآآآآآآآآآآآآآيييييي

[ملاك الورد]

الكحول ده ياشباب للزينة والعلاج
(بنظف العين )
الرسول صلي الله عليه وسلم كان بتكحل

كلامك صاح
الحلو في الكحل انه سنه
مشكور على مرورك المفيد

[ملاك الورد]

المكياج من غير كحل ما بيطلع حلو

الكحل براه مكياج 100%
ثانكسو على المرور

[احساس الكون]

ما عندى اى شعور والله مع انى بحب العيون للدرجة الجنون

ملاك الورد رائـــــــــــــــــــــــــــــع

[ملاك الورد]

احسان الكون كده انت فسرت و فيت و كفيت

ثانكسووووووووو على المرور و المشاركه

[هنـــو]

يا ملاك الورد مساء العيون السود

الكحل يعني ان الفتاة مهتمة بجمالها و تالقها و حتي نظافتها في معظم الوقت
في يعطي للرجل احساس الرقي و الانوثة و الجمال الكلي للعيون و لا ننسي
ان العربيات هن اللتي يتميزن بالكحل عن باقي فتيات العالم

[ملاك الورد]

يا ملاك الورد مساء العيون السود

الكحل يعني ان الفتاة مهتمة بجمالها و تالقها و حتي نظافتها في معظم الوقت
في يعطي للرجل احساس الرقي و الانوثة و الجمال الكلي للعيون و لا ننسي
ان العربيات هن اللتي يتميزن بالكحل عن باقي فتيات العالم

كلامك حلو و الله
صحيح ما بتلقى غير العربيات بتكحلوا
حتى لو الاوروبيين اتكحلوا انا ما بشوفه حلو مع العيون الزرق و الخضر
ثانكسو على المشاركه

[رءوف]

كلامك حلو و الله
صحيح ما بتلقى غير العربيات بتكحلوا
حتى لو الاوروبيين اتكحلوا انا ما بشوفه حلو مع العيون الزرق و الخضر
ثانكسو على المشاركه

العربيات:D

[ملاك الورد]

العربيات:d

ههههههه
في قصة الركشه بهناك بتشوف اتنين مساطيل شاكلوا سيد الركشه في حتة عرب دي و الله يموتوا من الضحك ....... شوف و اطلع بدون ما يحس زول

[حبيب الناس]

العيون الفيك بوصفن
العيون السود كاحلات
في دلالن متثابتات
يتركنك ما ساءلات
ينظرن لك متجاهلات
يا حلاتن هن اساس الريد والفنون

[حبيب الناس]

الكحل كما ورد في السنة أنه لا غبار عليه وهو جائز للرجال والنساء وهو مفيد جدا للعين . ولكن نحنا في مجتمعنا السوداني الكحل للبنات بعرف العادات والتقاليد هو نوع من الزينة التي لا ينبغي ان تظهر إلا عند النساء المتزوجات . وإذغا وضع من غير متزوجة فقد يعيبها . ولكن مع انشغال الناس بتفاصيل الحياة وزخب العش لم يعد احد يدقق على ذلك الأمر . ولكن يجب علينا ان نحترم عاداتنا وتقاليدنا . وهو ليس بالمحرم او المكروه ان نحترم تقاليدنا التي تربينا عليها . وطالما انه لا يوجد مرض او سبب جوهري يستدعي وضع الكحل على العين لغير المتزوجات فلا ضرار أن أن نتركه ليك لا ندع باب لضعاف النفوس لفتح باب قد يجرح رقثة البنت وعذريتها .
مع أني لا أمانع إطلاقا من استخدام الكحل للبنات أو نقش الحناء كما يراها الغير انها لا تتناسب مع غير المتزوجات ولكل منا وجهة نظره الخاصة ولكن علينا احترام عاداتنا وتقاليدنا .

[مهند الطاهر على حيدوب]

الكحل زينة العيون والعيون منبع الاسرار تغنو فيها كتار والله سؤالك مستفزعشان كده اقرى الشعر
عيون المها بين الرصافة والجسر جلبن الهوى من حيث ادرى ولاادرى
عيناك عيناها وجيدك جيدها لكن عظم الساق منك دقيق
العيون النوركن بجهرا غير جمالكن مين السهرها
اسى شفتى ليك عيون خضر دى كديسة والا عيون زرق دى طيرة اى لون غير السواد مامنسجم انا يبدو لى انت ماغبية لكن بتجرى الناس يتكلمو عن جمال العيون تحياتى الشعر كتييييييير فى سواد العين

[سالم حامد سالم]

بشوف فى العيون دى كنوز محبة

[أبو أحمد]

الولد ما بحس بأى حاجة .. أها رايك شنو؟
إنت حاسة بشنو؟

[mis.silent]

انا ما بتفرق معاي مع اني بحب اعاين لعيون الناس
لانها يتحكي عنهم كل حاجة
يا ملاك سمعتي بلغة العيون
وبعدين منو القال انه اي عيون غير العيون السوداء ما حلوة
تقبلي مروري مع انه البوست للاولاد

[ملاك الورد]

العيون الكاحلات بيكون شكل العيون فى البت محدد وجميل

والبت المامكحلة وخصوصاً لمن تكون متعودة على الكحل بتكون زى القاعدة تبكى او عيونة بكونو ظاهرين انهم صغااااار

بعدين الجمال كلو فى العيون ومظهر جميل بس المكياج زآتو فى حد زاتو ماجميل للبنات المامتزوجات وماصحى

والبت لمن تكتر الكل او اى مكياج بتكون قبحة

وفى النهاية جمالكن فى ارواحكن اخواتى الفوضليات


والعيون السود كاحلات ****فى دلالً متسابتات

يجرحنك ما سائلات **** يتركنك متهاملات

من روائع الغناء السودآنى

او لا بعتذر عن الرد المتأخر جدا جدا جدا
لكل المروا و ما رديت عليهم بسبب الظروف و الغاياب الطويل
انتوا نورتوا الصفحه و زيدتوها قيمه و قدر كبير

كلامك ود لاعاصمه ميه الميه خصوصا حكاية البت المتعوده على الكحل
بس ما موافقه في حكاية الجمال كله في العيون
ما اعتقد ..... العيون مهمه عشان هي الجزء الوحيد المتحرك بحريه في الوجه "غير اللسان"
و ملون و براق بس الجمال ما بتوقف عليه
و لا شنو .......
مشكور على المرور

[ملاك الورد]

الكحل كما ورد في السنة أنه لا غبار عليه وهو جائز للرجال والنساء وهو مفيد جدا للعين . ولكن نحنا في مجتمعنا السوداني الكحل للبنات بعرف العادات والتقاليد هو نوع من الزينة التي لا ينبغي ان تظهر إلا عند النساء المتزوجات . وإذغا وضع من غير متزوجة فقد يعيبها . ولكن مع انشغال الناس بتفاصيل الحياة وزخب العش لم يعد احد يدقق على ذلك الأمر . ولكن يجب علينا ان نحترم عاداتنا وتقاليدنا . وهو ليس بالمحرم او المكروه ان نحترم تقاليدنا التي تربينا عليها . وطالما انه لا يوجد مرض او سبب جوهري يستدعي وضع الكحل على العين لغير المتزوجات فلا ضرار أن أن نتركه ليك لا ندع باب لضعاف النفوس لفتح باب قد يجرح رقثة البنت وعذريتها .
مع أني لا أمانع إطلاقا من استخدام الكحل للبنات أو نقش الحناء كما يراها الغير انها لا تتناسب مع غير المتزوجات ولكل منا وجهة نظره الخاصة ولكن علينا احترام عاداتنا وتقاليدنا .

طبعا دايما مرورك غني بكل الابعاد
مشكور على الابيات و على شرح وجهة نظرك
كلامك اتفق مع مجموعه من الاعضاء اللي بشوفوا انه الكحل ما ليهو داعي لغير المتزوجه
سالت الوالده سؤال قريب من سؤالي في هذا البوست , عادي البت تتكحّل و لا ماعادي
قالت لي " الحريرات ما بتجمّلن" .......
صراحه دي حقيقه .......

مشكور جدا جدا على الاضافه و المرو

[أبو صديق]

بتنا العزيزة ملاك الورد
بوست راااائع وسؤال في الصميم وأعتقد أنّك لقيتي وجهات نظر مختلفة
ومع ذلك بقول ليكي لسه هذا قيض من فيض.
العيون وما أدراك ما العيون ذلك العالم الذي نسبح في ملكوته ونستشف منه حقائق غايبة
عن إدراكنا بفضحها صاحبها مباشرة و...و...و...
أما بالنسبة للكحل وبيت القصيد عن سؤالك فإنه يعطي العيون محيطا أكبر من حجمها ( وده المطلوب)
ويزيدها بريقا ولمعانا وتوهجا (وده البجننا ) وخصوصا مع إسترخاء الرموش عليها وتصنّع الخجل والإستحاء واللفتات المفاجئة وطريقة التعبير عن الفرح وتخيلي واحدة مندهشة شكلها حا إكون كيف ؟؟؟؟
وأختم بقول الشاعر
إن العيون التي في طرفها حورٌ قتلنني ثمّ لم يُحيينا موتانا
وتسلمي علي الموضوع الجـــــــــــامد..

[ملاك الورد]

[quote="مهند الطاهر على حيدوب"]الكحل زينة العيون والعيون منبع الاسرار تغنو فيها كتار والله سؤالك مستفزعشان كده اقرى الشعر
عيون المها بين الرصافة والجسر جلبن الهوى من حيث ادرى ولاادرى
عيناك عيناها وجيدك جيدها لكن عظم الساق منك دقيق
العيون النوركن بجهرا غير جمالكن مين السهرها
اسى شفتى ليك عيون خضر دى كديسة والا عيون زرق دى طيرة اى لون غير السواد مامنسجم انا يبدو لى انت ماغبية لكن بتجرى الناس يتكلمو عن جمال العيون تحياتى الشعر كتييييييير فى سواد العين[/quote]

هههههههه
صراحه انت اللي ردك مستفز شديد بس انا و الله ما زعلت ...... بشكرك على جراتك و كلامك المباشر و القوي ..... اما الشعر الكتبته فهو وصف كالسحر منتهى الروعه و الابداع
سؤالي نوعا ما كان فيه استفزاز عشان القى الاجوبه الغايبه عني و انت فهمتني .... :)
كلامك صحيح مافي زي العيون السود ........ و بشكرك جدا على المرور و الاضافه تشكراتي

[ملاك الورد]

بشوف فى العيون دى كنوز محبة

و كلام جميل
تشكراتي على مرورك الكريم

الولد ما بحس بأى حاجة .. أها رايك شنو؟
إنت حاسة بشنو؟

حاسه بإحساس جديد
و مشكور على المرور