اللقطاء

[نهر المحبه]

مشكور اخي الاسير على الموضوع وبشكر جميع الاعضاء على المداخلات الجميله دي
في البدايه بصراحه انا بتاسف على الحاله الوصلنا ليها مابنقول الكل بس البعض اصبح في تردي اخلاقي كبير اتفاجات انا شخصيا بيه لمن مشيت السودان وطبعا الجرايد مابتقصر وهي بتنشر المواضيع دي كميه من البيوت المشبوهه يوميا وجرائم اغتصاب تكاد تكون بمعدل اسبوعي
انحل الحبل الاسري الكان زمان رابط جميع افراد الاسره ببعضهم اصبح مافي لغة تواصل بين الاجيال كبيره وما صح اننا نكب الحق كله على الحاله الاقتصاديه والوازع الديني مع انهم عندهم دور
بس برضو في الحاجات الدخلت البلد والتكنولوجيا والمواقع الاباحيه التي اصبحت موجوده بشكل رهيب اتفاجا لمن اقرا لنه تم القبض على اصحاب محال الكمبيوترات وهم بيجمعة شباب ويفرجوهم عللا الحاجات دي
وين الرقابه والشرطه مش في قانون
طبيعي انهم حيثارو وبالتالي تحصل الكارثه وبعدين العطاله الشديده طبعا الشباب بيكونو قاعدين مع بعض كيمان كيمان مامعروف البيحصل في التجمع ده شنو
واحيانا في ناس بيكونو بيعانو من مشاكل نفسيه تخليهم يرتكبو الجرائم دي
من ده كله ينتج طفل بريء لاذنب له في اغلب الاحيان يكون غير مرحب بيه في المجتمع والمجتمع بينظر ليه نظره غريبه واحتمال النظره دي تخليه انسان منطوي وقد يؤدي ذلك الى الاتحلال الاخلاقي ويقوم بنفس الشاكله
اسفه على الاطاله بس الموضوع بيستحق